https://www.facebook.com/101229258226182/

Piyavi පියවි, 8/29, Grestorn Park, Polgasowita (2026)

30/05/2026

"පියවි "හා එක්වන සැමට
සුභ වෙසක් දිනයක් වේවායි පතමි.

"සිත් යහපතෙහි යොදවන්න"
____________________________________________

28/05/2026

දැරියක ගේ විලාපය..

අනේ මගෙ අම්මේ
නොදැන දැයි මා දුන්නේ
බුදු සුවද නම් නැත්තේ
කිමදැයි මට නොතේරේ

රළු ගොරසු දෑතට
මා සිරකාරියක වූවා
බුදු පහණ නිවුනා
කසාවත බිමට වැටුනා

බුදු වදන් නෑසෙයි
බුදු ගුණය නොදැනේ
ඇයි අම්මෙ නොකීවේ
රුවටිලා නොවෙයි නේ

මා තාම දැරිවියකි
දුක නැද්ද හිමියනේ
සසර පහදා දෙන්නේ
මෙලෙසැදැයි පවසන්න

සම් බුදු හිමියනේ
වරද මා අත නැත්තේ
සිල්පදය වැරදුනේ
කසාවතටයි සමිදුනේ

අනුරපුර භූමියේ
රත් පැහැ තැවරුනේ
දැරියන් ගේ කරුමයද
පවසන්න බුදු හිමියනේ
_____________________________________________
නිමල් එදිරිසිංහ

27/05/2026

පාසලේ සිසු දැරියගේ දිව බේරා ගැනීමට
සයුරය බිලිවූ විදුහල්පති තුමන්..?
____________________________________________

පසුගිය දා අප ඇසූ තවත් සංවේදී ප්‍රවෘත්තියක්
මේ.
බඩල්කුඹුර ප්‍රදේශයේ පාසලක සිසුන් ගේ
අධ්‍යාපන චාරිකාවේදී කිරින්ද වෙරළ තීරයේ
දියවැලකට අසුව සයුරට ගසා ගෙන ගිය
දියණියක් බේරා ගැනීමට සයුර සමග පොර
බැදු පාසලේ විදුහල්පති වරයා ගේ ජීවිතය
අහිමි වීම ඒ සංවේදී පුවතයි.

සිත් කම්පාවට පත් කළ මේ සිදුවීමෙන් ප්‍රධාන
කාරණා දෙකක් අප ඉදිරියේ මතු කරයි.

1. දරුවන් ගේ ජීවිත විකෘති ආශාවන් වෙනු
වෙන් වනසන කාමුඛ හා බලවත් පැවැදි
හා ගිහි
සමාජයක් පවතින පරිසරයක තම දිවි
නොතකා පාසැල් දැරිවිය ගේ ජීවිතය බේරා
ගැනීමට තව ජීවිතය ගැන නොතකා කළ
වික්‍රමයෙන් මනුස්ස සමාජයට පෙන්වාදෙන
මහගු ආදර්ශය හා
සැබෑ නායකයෙකු තුල පැවැතිය යුතු
විශිෂ්ඨ ම ගුණාංගයක් මේ උදාර මිනිසා
පෙන්වා දුන්නා.

2. මේ ශෝචනීය සිදුවීම තුල පෙන්වන
අනවබෝධය,නොසැලකිල්ල හා අසංවිධා
නාත්මක බව දෙවන කාරණාවයි.

අධ්‍යාපන චාරිකාවලදී පමණක් නොව
විනෝද චාරිකාවදී දියට බිලිවූ පළමු ජීවිතය
මෙතුමා නොවෙයි.පවුල් පිටින් දිය නෑමට
ගොස් දිවි නසාගත් අවස්ථා ඕනෑතරම්
අසා ඇත.දැක ඇත.
විශේෂයෙන්ම අධ්‍යපන චාරිකාවලදී මීට
වඩා සැලසුම් සමගතව හා අවධානම්
පිලිබදව පූර්ව අවබෝධයකින් යුතුව ,
සංචාරය කරණ කලාපයේ පවතින
පාරිසරික තත්ත්වයන් ගැන විමර්ශන ශීලී
ව කටයුතු කලානම් මෙවැනි අවාසනාවන්
ත සිදුවීම් වලක්වා ගත හැකිවනු ඇත.

මේවා කරුමයට ලගු කිරීම සාධාරණ
නොවේ.ශෝකය පලකිරීමෙන් පමනක්
පලක් නොවේ අද දවසේද අපරීක්ෂාකාරී
බව හා තැන නොතැන ගැන අවබෝධයක්
නැති කමින් මෙවන් විපත් ඇතිවිය හැකිය.
දැන උගත්කම හා බලවත්කම හා තනතුර
අදාල නොවෙයි.

විශේෂයෙන්ම ගංගාවකට,වැවකට හෝ
මුහුදට බැසීමේදී එම ස්ථානයේ ඇති
අවධානම් බාව ගැන පූර්ව අවබෝධයක්
තිබිය යුතුමය.හදිසියක් සිදු උවහොත්
ආරක්ෂක උපකරණ සහිතව පූර්ව
සූදානමක් සහිතව දියට බැසිය යුතුය.

ඒ කිසිවක් නොසිතා නොබලා නුසුදුසු තැනක
ආරක්ෂිත ක්‍රම නොමැතිව දියට බැසීම සිය
දිවි නසා ගැනීමක් වැනිය.

බඩල්කුඹුර ප්‍රදේශයේ පාසලක මේ උතුම්
මානුෂීය හැගීම්වලින් පොහොසත් වූ විදුහල්
පති තුමා ගේ අභාවය ගැනද අප අවධානය
යොමු කලයුත්තේ එලෙසය.

එතුමාට නිවන් සුව පතමි.
_______________________________________________
නිමල් එදිරිසිංහ

24/05/2026

කසාවතට මුවාවී දරුවන් ගේ ජීවිත බිලිගන්නා
සමාජයක මෙහෙමත් ගුරු දෙවියෙකු සිටීම..
_____________________________________________

සාසනයටම අගෞරව කරමින් අහිංසක මල්
කෑකුළු තලා ලිංගික ආස්වාදය විදින
කසාවත් පොරවාගත් වේශධාරීන් ගේ සංග බලය හමුවේ නිර්දෝෂී ශුදධ වන්තයන් ලෙස
පෙනී සිටින කාලයක
පරිසමාප්ත අර්ථයෙන්ම පරමාදර්ශී
මිනිසෙකු ගැන අසන්නට ලැබීම සතුටකි.

මහියංගනය බඹරපාත මහ විදුහලේ සේවය
කළ කේ.ඒ.ඩී.කුමාරසිංහ නම් වූ උදාර
ගුරුපියෙකු ගැනයි මේ පුවත වාර්තා වෙන්නේ.

එම පාසලේ ඉගෙනුම ලැබූ ගයාන් දිල්ශාන්
සිසුවා දරුණු වකුගාඩු රෝගයෙකින් පෙළුන
අතර එය සුව පත් කිරීමට නම් එක් වකුගඩුව
ක් බද්ධ කළයුතු බවට වෛද්‍යවරයා උපදෙස්
දී තිබිණ.
ඉතා අසරණ පවුලක දරුවෙකු වූ ගයාන් ගේ
දෙපියන්ට එම සත්කම කිරීමට තරම් ශක්තියක් නොතිබූ මොහොතක
කුමාරසිංහ ගුරුතුමා මේ අසරණ දරුවා වෙනු
වෙන් තමා ගේ වකගඩුවක් පරිත්‍යග කිරීමට
ඉදිපත් වුණි.

" කුමාර සර්" නමින් පාසලේ දරුවන්ගේ නොම
ද ආදරය දිනා ගත් 42 හැවිරිදි කුමාරසිංහ
ගුරුතුමා ගේ වකුගඩුව, ගයාන් දිල්ශාන්
දරුවාගේ වකුගඩුවට ගැලපීම දරුවාගේ
භාග්‍යක් විය.
සත්කම සාර්ථක වී දරුවාගේ ජීවිතය මරණ
යෙන් ගලවා ගැනීමට කුමාර සර්ට හැකි වුවත්
පසුව ඔහුගේ ශරීරයේ ඇති වූ සංකූලතාවක්
නිසා මේ පරමාදර්ශී උදාර ගුරුතුමන් ජීවිත
යෙන් සමුගත්තා.

සසර මග කෙටි කරගෙන නිවන් මග ලබන
නියාවෙන් මහන දම්පුරණ, බලය හා ධනයෙන්
බලවත් වූ භික්ෂුව ළගට සරණ සොයා යන බාල දැරියන් ගේ ලිංගික පහස ලබන ඉතා පහත් ගති ඇති සවුරු ධාරීන් වැජපෙන යුගයක

" මහියංගනය බඹරපාත විදුහලේ
කේ.ඒ.ඩී. කුමාරසිංහ ගුරුපියාණෝ අති
ශ්‍රේෂ්ඨ උතුමෙකි.
එතුමාට නිර්වාණ සුවය පතමි.
________________________________________________
නිමල් එදිරිසිංහ

20/05/2026

සාරධර්ම හා සමාජ වටිනකම් හදන
ආයතන බිදවැටීම වත්මන් සමාජ පරිහානයට
හේතුවක්..?

සෑම පුද්ගලයෙකු තුලම යහපත් පෞර්ෂ සංවර්ධනයක් ගොඩනැගෙන්නේ උපතින්ම
නොවෙයි.

උපන්දා සිට හැදෙන වැඩෙන සමාජයේ ආකෘති
ය හා එහි චලනයන්ගේ ස්වභාවය මතයි.
අධ්‍යාපනය, ආගමික ඉගැන්වීම්,හා සමාජ
සංවිධාන රටක යහපත් සමාජයක් නිර්මාණය
වීමට බලපාන බලවත්ම ආයතන ලෙස
හැදින්විය හැකි.

මේ වන විට මේ සියළු ආයතන ජනතා අප්‍රසාදයට හා විවේචනයට අසුවෙයි.
දිගුකාලීනව මෙරට අධ්‍යාපන ක්‍රමයේ අවශ්‍ය
ප්‍රතිසංස්කරණයන් සිදු නොවීම නිසා විභාග
සමත් වීමේ තරගය හැර ළමා පරපුර තුල
යහපත් ආකල්පයන් හා රටක දියණුවට
ඉවහල් වන කුසලතා වර්ධනය නොවීම තුලින්
දරාගැනීමේ ශක්තීන් ඇති,මානව ගුණධර්ම
වල ගරුකරණ,නීතිට හිස නමන, සහකම්පන
යක් ඇති පරම්පරාවක් බිහිනොවීම අද අප
සමාජය ඉදිරියේ මතුවී එන ප්‍රබලම අභියෝග
යකි.

ඒවගේම මෙරට සංස්කෘතියේ කොදු නාරටිය
වන භික්ෂු ශාසනය තුල පැනනැගෙමින් පවති
දූෂිත චෝදනා,අපරාධ චෝදනා හා ආදර්ශමත්
නොවන ක්‍රියාවන් අපේ සමාජ බැදවැටීම්වලට
සෘජුවම බලපායි.
ප්‍රමුඛ වශයෙන්ම ගමේ පංසල ආදර්ශමත්
නොවීම තුලින් යහපත් සමාජයක් බිහිකිරීමට
තිබෙන ප්‍රබල පවුර බිදවැටෙයි.
පැවැදි වීම ධනායෝපන මාර්ගයක් බවට
සමාජයතුල විවේචනයට ලක්වෙයි.
මේ නිසා ඒ ආයතනවලින් මිනිසුන් ඈත් වෙයි.

මේවායේ අවසාන පලය වන්නේ මිනිස්කමට
ආදරය නොකරණ ගරුනොකර නොහික්මුණ
සමාජයක් බිහිවීමයි.
_______________________________________________
නිමල් එදිරිසිංහ

13/05/2026

නිල්වලා නදී
නුඹට අපි ආදරෙයි...

වැසි අදික කාලයට
නුඹ සැර පරුෂ වූවත්
අපට නුඹ කිසිදාක
හැරයන් බෑමයි..

මහ පොලොව තුරු සෙවන
සරු කරන් පරිසරය
අපේ රුධිරය වගෙයි
ගලන්නේ සයුර වෙත

නොතේරුනු මිනිස්සු
නුඹෙ යන මග ඇහිරුවේ
උන්ගේ වාසියට
මඩිය තර කරගන්න

හෝටලේ ගේ දොරේ
අප ද්‍රව්‍ය කැලි කසල
දාන්නේ නුඹ වතට
තිරිසන් ගති ඇති උන්මය

යන මග ඇහුරලා
නුදුටු සේ සිටි උන්ට
යන එන මං නැතිරමට
කරයි නුඹ විපත් සැරටම

නුඹ යන ගමන් මග
පාඩුවේ යන්නට
ඇසිරූ තැන් තවත් ඇතිනම්
හදව් එක්වෙලා ඔක්කොම
_______________________________________________
නිමල් එදිරිසිංහ

10/05/2026

මැයි 9 අම්මා වරුන්ගේ දිනය.

මේ වෙනු වෙන් ගාලු මුව දොර අම්මා වරු
ගැන ලියවුණු ගීත ගැයුනා.
කුණු වූ සමාජයක මිනිසුන් ගේ ආකල්ප හා හා මානුෂීය හැගීම් ගීතයකින් වෙනස් කිරීම හිතන තරම් පහසු නෑ.

මේ පිංතුරය මා උපුටා ගත්තේ ඇබිලිපිටිය
ප්‍රදේශයේ බස් රථයක දරුවෙකු වඩා ගෙන
හිට ගෙන යන අම්මා කෙනෙකු හා අසුන්වල
වාඩි වී යන ළමුන් පිරිසක් පෙන්වන මුහුණු
පොතේ පළවූ ලිපියකින්.මෙය AI චායා රුවක්
වුවත් ලිපියේ ලියා තිබුණේ සත්‍ය සිදුවීමක්
ලෙසයි.
ගුණධර්ම සාර්ධර්ම හා සංවේදී හැගීම් ළමා
පරපුරේ පමණක් නොව සමස්ත සමාජය තුල
ම වියකී ගොස් ඇති තරමේ ප්‍රමානය කොතරම් දැයි පෙන්වන හොදම සිදුවීම් කිහිපයක්ම ඔබ පසුගිය දිනවල ජනමාධ්‍යතුලින් දකින්නට
ඇති.අසන්න ඇති,උදාහරණයක් ලෙස

* දියණිය පදිංචිව සිටි නිවසේ ඉඩමේ කොස්
ගොඩියක් කැඩීමට පැමිණි සිය පියාට
එයට විරුද්ධ වීම නිසා කෝපයට පත් පියා
දියණියට එල්ල කළ පොලු පහරක් නිසා
ඇය ජීවිතක්ෂයට පත්වීමේ සිද්ධිය.

* අනුරාධපුර අඨමස්ථානාධිපති හිමි නම
බාල වයස්කාර දියණියක් අපයෝජනය
කිරීම හා දියණියගේ මව විසින් දරුවා
මුදලට විකිණීම.
* භික්ෂූන් 22 දෙදෙනෙකු විදේශයක සිට මත්
ද්‍රව්‍ය ගෙන ඒම.

මේ ප්‍රසිද්ධියට පත් ඉතා සමීප කාලයක් තුළ
ඇති වූ අපේ සමාජ සංස්කෘතියේ පරිහානිය
කෙතරම් දැන් පෙන් විය හැකි සිදුවීමි තුනක්.
හෙළි නොවූ මෙවැනි සිදුවීම් ඔබ මෙය කියවන මොහොතේත් විවිධ තැන්වල සිදුවෙමින් පැවැතිය හැකී.

කාලාන්තරයක් පරාවට අප රටේ පැවැති
දේශපාලන ක්‍රමයේ අවිධිමත් භාවය හා බලය
සදහා යොදා ගත් දූෂිත උපක්‍රමයන් හමුවේ
පාලකයන්ට මෙවැනි සිදුවීම ආශීර්වාදයක්
වූවා හැර, එවා නිවැරදි කොට දියුණු සංස්කෘතියක් ,සභ්‍යත්වයක් ගොඩනැගීමට උවමනාවක් නොවීය.

වර්තමාන ආණ්ඩුව බලයට පත් කිරීමට
පූරවැසියන් පෙළ ගැසීමට බලපෑ ප්‍රබල කාරණාවක් බවට පත්වූ එක් හේතුවක් ලෙස මේ සමාජ බිද වැටීමද පදනම් වූවා.

එහෙත් නව ආණ්ඩුව බිහිවී වසර එකහමාරක්
ගතවන මොහොත වන තෙක් පුරවැසි සමාජය
යහපත් දිසාවකට හැරවීමට අවශ්‍ය නිසි
ක්‍රියාමාර්ග මහ පොලවේ ක්‍රියාත්මක කිරීමට
අපොහොසත් වීම ගැන අපට ඇත්තේ කනස්සල්ලකි.

චීන විප්ලවය මීට හොද නිදසුනක්.සමාජ ක්‍රමය නිවැරදි නොකට රටක් ඉහළට එසවිය
නොහැකි බව අවබෝධ කරගත් මා ඕ සේතුං
ක්‍රියාත්මක කළ සංස්කෘතික විප්ලවය මීට
හොදම නිදසුනකි.
අප තවමත් එහෙම දෙයක් ගැන සිතාවත් නැත.කතාවන් හා යෝජනවාන් පමනයි.ක්‍රියා
වන් නැත.
රටක සමාජ පෙරළියක් සදහා අධ්‍යාපනයේ
ඇති කරණ ප්‍රතිසංස්කරණයන් ඉතා වැදගත්.
තවමත් මෙතෙක් රටේ ක්‍රියාත්මක වූ ටියුෂන්
මත යැපෙන යල් පැන ගිය පොතේ ගුරු
අධ්‍යාපන ක්‍රමයම ඉදිරියට ඇද ගෙන යයි.
පවතින අධ්‍යාපන ක්‍රමය තව දුරටත් නඩත්තු
නොකොට රටට දැනෙන සුළු මහා ප්‍රතිසංස්කර
යකට කඩිනමින් යා යුතුබව තේරුම් ගත යුතුයි.එය පමාවන තරමට ආණ්ඩුව කෙරෙහි
පවතින ජනතා විශ්වාසයට ගිලිහී යා හැකී.

සමායේ ඇතිවන චලනයන් යහපත්ද අයහපත්
ද යන වග මිනිසුන් ගේ ඇගට දැනෙන දෙයක්.
ඇගට නොදැනෙන දේවල් පල රහිතයි.

දරුවන්තුල ප්‍රායෝගිකව ආකල්ප හා කුසලතා
සංවර්ධනය වන විප්ලවකාරී පරිවර්තනයක්
කඩිනමින් සිදුවේ යයි බොහෝ අය අපේක්ෂා
කලත් එය සිහිනයක් බවට පත්වී දැයි සිතේ.

ආර්ථිකය ස්ථාවර කිරීමට කවර උපාය මාර්ග
අනුගමනය කළත් රටේ සංස්කෘතික හොදා
පාළුව නතරට කිරීමට සැලසුම් සහගත
හා ප්‍රායෝගිකව ඇසට පෙනෙන ඇගට දැනෙන
ප්‍රතිපත්ති ක්‍රියාවට නැගිය නොහැකිනම් දියුණු
රටක්වීම සිහිනයක් පමණයි.
_______________________________________________

08/05/2026

අධ්‍යාත්මික ජීවිතය කියන්නේ රැවටීමක්ද?
_____________________________________________

බොහෝ දෙනෙකු අධ්‍යාත්මික ජීවිත කියල
පෙන්වන්නේ සමාජයට දෘශ්‍යමාන වන ලෙස
හැසිරෙන භාහිර ක්‍රියාවලියක් පමනයි.
ඒකට හොදම උදාහරණය ආගමික ඇදහිලි
හා පුද පුජාවට කැපවී කරණ ප්‍රදර්ශනය.

ජීවිතයක් සතුටින් හා සාර්ථකව ගෙවා දැමීමට
වඩාත් වැදගත් වන්නේ ආර්ථික ජීවිතයයි.එය
අසාර්ථක නම් පුද්ගල ජීවිතය හා පවුල් ජීවිත
දුක් ගැහැට වලින් පිරිණු දෙයක් බවට පත්වීම
අනිවාර්යයි.
ඕනම කෙනෙකුගේ ආර්ථික ජීවිතය සාර්ථක
කරගන්න නම් අවශ්‍යම දේ වන්නේ තමන්
සතු කායික හා මානසික ශක්තිය ජීවිතය
සාර්ථක කරගැනීම සදහා යොදවා ගැනීමයි.
එපමනින්ම පුද්ගල ජීවිතයක් ආර්ථිකමය
වශයෙන් සාර්ථක නොවෙන්න පුළුවන්.
උදාහරණයක් ලෙස වංචාවෙන් දූශන ක්‍රියා
මගින් හෝ වෙනත් සමාජ විරෝධී ක්‍රියා මගින
ධනවතුන් වීම.
මතු පිටින් එවැනි අය ධනවතුන් වුවද සැබෑ
ලෙස එවුන්ගේ හදවත් ගිනිකබලක් වගේ
තැවී තැවී ලතවෙනව.ඇග ඇතුලේ සතුටක්
නෑ.හැම මොහොතක ජීවත් වෙන්නේ බියෙන්
සැකෙන්.
යහපත් ආර්ථික ජීවිතයක් ගතකරණ මිනිසුන්
මරණ දක්වා හිත සතුටින් ඉන්නේ.එතන
තමයි සැබෑ අධ්‍යත්මික දියුණුව දකින්න
ලැබෙන්නේ.
බොහො අය හිතන්නේ අධ්‍යාත්මික දියුණුව
භාහිර ක්‍රියාකාරකමක් විදියට.බෝධි වන්දනා
දඹදිව වන්දනා, පුද පූජා යන මේවා අප සිත්
භාහිරින් සතුට ගෙනාවට එය සදාතනික
සතුටක් වන්නේ සැබෑ ලෙස අපේ සිත ප්‍රයෝගි
කවම සතුටින් තැබිය හැකිනම් විතරයි.
අධ්‍යාත්මික සතුට කියන්නේ හැදහීමක් හෝ
වන්දනාවක් නොව පොදු සමාජය දෙස හා
අන් ජීවිත දෙස යහපත් සිතින් බැලීමට හැකි
මානසික සංයමයයි.
මේ වකවානුවේ පැවැදි පාර්ශවය දැඩි අපහාස
යට ලක්වී තිබෙන්නෙත් අධ්‍යාත්මික ජීවිතයක
ට ඇතුලත් වූ අය ළග ප්‍රායෝගික ජීවිතයේ
ආධ්‍යාත්මික ගුණය නොපිහිටීමයි.

වර්තමානය වන විට ආර්ථික ජීවිතය සතුටින්
ගත කිරීමට යහපත් හැගීම් වලින් හා ක්‍රියාකාරකම් වලින් යුතු අධ්‍යාත්මික ජීවිතයක්
වෙනුවට,භාහිර සමාජයට අධ්‍යාත්මික ජීවිත
යක් මවාපාමින් පොදු සමාජ ජීවිත නොතකා අධි තණ්හාවෙන් යුතුව අසීමිත ලෙස ධනය රැස්කරමින් ආර්ථික ජීවිත සැපවත් කර
ගැනීමට ක්‍රියාකිරීමයි. මේ තත්ත්වය වත්මන් සමාජය මුහුණ දෙන ලොකු අභියෝගයකි.

සරලව කිවහොත් ඔබේ හිත යහපත් නොවී
කරණ සෑම ක්‍රියාවක්ම අධ්‍යාත්මික අතින්
ඔබ පිරිහිණු පුද්ගලයෙකු බවට පත්කරයි.
_______________________________________________
නිමල් එදිරිසිංහ

06/05/2026

ජීවිතයක අමතක කළ
නෙහැකි නොසිදෙන
දිය බුබුලක් සේ සතුට ගලා එන
අතීත මතකයන් අතර
සතුටු විය හැකිනම්
එය සිතට දැනෙන්නේ
සිසිල් පවනක් සේ...

එදා මේ සිගිත්තෝ දැන්..

05/05/2026

ජීවිතයට කෝටියක්
කෝටියක් දිනූ අභිෂයිණී අපේ නූතන ශිෂ්‍ය පරම්පරාවට කියාදුන් පාඩම හරි අපූරුයි..

අපේ අධ්‍යාපන ක්‍රමය ගැන අපේ පාසැල්
ක්‍රමය ගැන ඇයගේ දෘෂ්ඨිපතය අපූරුයි.

වැඩසටහන මෙහෙවූ ප්‍රවීන මාධ්‍යවේදී
චන්දන සූරියබණ්ඩාර අවසානයේ අභිෂයිනී
ඉදිරියේ කළ ප්‍රකාශය අප සියළු දෙනා මොහො
තකට නිහඩ කළා.
" මම අද අභිෂයිනී ඉදරියේ කුහුඹියෙකු තරම්
පුංචි වුණා"
ඒ ප්‍රකාශනයට අභිෂයිනි ගේ නෙත් කදුළුන්
නැහැ වුණා පමනක් නොව දරුවන් ඉදිරියේ
ඔවුන්ගේ අදහස් වලට ගරු නොකරණ පණ්ඩි
තයන්ට හොද පාඩමක් කියා දුන්නා.

අවසන් ප්‍රශ්නයට පිළිතුරු දීමට පෙර
අභිෂයනී ගේ ප්‍රකාශය කෙතරම් අපූරුද?

" ගංගාවක් එකම තැනකින් දෙපාරක් ගලා
යන්නේ නෑ.එම අවස්ථාව නැවත හමුවන්නේ
නැහැ.මම මේ ප්‍රශ්නය නිවැරදි උත්තරය
දෙනවා"
ලද අවස්ථාවෙන් ප්‍රයෝජන ගන්න.එය මගහැර ගියොත් නැව ඒ අවස්ථාව නොලැබෙයි.ඇය කියාදුන් අභ්‍යාසය එයයි.

මේ කියමන දැයේ දරුවන්ගේ හිත් උද්දාමයට
පත් කළ දිරිය විරිය හා ආත්ම විශ්වාසය
ජනිත කළ උත්කෘෂ්ඨ වදන් පෙලක්..

ඇය අපේ දරුවන්ට පාඩමක්...

________________________________________________

Piyavi පියවි

30/05/2026

28/05/2026

27/05/2026

24/05/2026

20/05/2026

13/05/2026

10/05/2026

08/05/2026

06/05/2026

05/05/2026

Address

Telephone

Website

Alerts

Contact The Organization

Shortcuts

Share

Category