සුරකිමු මහඔය • මහ ඔය සුරැකීමේ ජාතික යුතුකම

📌 මධ්‍යම පළාතේ නාවලපිටියෙන් පැන නැග , සබරගමුවේ මාවනැල්ලෙන් කෑගල්ලෙන් රඹුක්කනින් පෝෂණය වී , වයඹ පොල්ගහවෙල අලව්ව , බස්නාහිර හා වයඹ පළාත් සීමාවෙන් අඹේපුස්ස , ගිරිඋල්ල හරහා ලතාවට ගලා විත් , මීගමුව කොච්චිකඩෙන් සාගරයට ගලා බසිනා මහ ඔයේ උප්පත්ති ජීවන කතාව මෙලෙසින් දිග හරිමු ...

කියුබික් මීටර් මිලියන 3644ක වාර්ෂික වර්ෂා ජල පෝෂණයක් ලබන , නාවලපිටිය අරනායක අසුපිණි ඇල්ලෙන් සුදු සේලයක් සේ ගලා හැලී අරනායක , ද

ිප්පිටිය , උස්සාපිටිය , මාවනැල්ල ඓතිහාසික ගඩොල් පාලම හරහා විත් බෝ ඇල්ල වී මනමාලියකගේ වේලයක් සේ ඇදී ගොස් .
ඉහළ කෝට්ටේ ඇලි හතෙන් හා මීයන් ඇල්ලෙන් ගලන දොළ පහරින්ද පෝෂණය වී ,

සුන්දර කිරිවන්දෙණිය කොටගම ගම් හරහා ගලා විත් හිරිවඩුන්නේදී කෑගල්ලේ කරඬුපන හරහා ගලන කුඩා ඔයෙන්ද පෝෂණය වී , රඹුක්කන මාවතගම මාර්ගයේ සුන්දර පරපේ ගම හරහා අඬන ඇල්ල වී ගලා එන රඹුක්කන් ඔයද රඹුක්කන තුන් තොට ගං සන්ධියේදී මහ ඔයට එක්වී වැඩිම ජල පෝෂණය ලබා දී ,

මහ ඔය නිම්නය තෙත් කරමින් , හරිත පැහැ ගන්වමින් , ජල පවිත්‍රාගාර හරහා මිලියනයකට වැඩි ජනතාවකගේ පැන් පවස හා ගිණිය නොහැකි තරමක් වන සතුන්ගේ සාගිනි නිවමින් , සනීපාරක්ෂාවද සපයමින් ,
මාවනැල්ල අරනායකදී ජල විදුලියද නිපයමින් ,
මාවනැල්ල , කෑගල්ල රඹුක්කන පින්නවල හා මීගමුවේ සංචාරක කර්මාන්තයද ,
ගලන මග දිගට විවිධ ව්‍යාපාර , කර්මාන්තයන් හා ජන ජීවිත නගා සිටුවමින්
පළාත් 4ක් දිස්ත්‍රික්ක 5ක් හරහා කිලෝ මීටර 134ක් ගලා ගොස් තමා රැගෙන එන ජලයෙන් හැකි උපරිම මෙහෙයක් සලසා , දළ වශයෙන් සමස්ථ ජල පරිමාවෙන් 34% ක් පමණක් මහ සාගරයට එක් කරයි !