CEA Nuwara Eliya District Office

29/06/2025

නුවරඑළිය දිස්ත්‍රිකයේ හඟුරන්කෙත අධ්‍යාපන කළාපයේ පසල් වල පරිසර නියමු සහ ළමාසමජ වැඩසටහනේ කාර්යභාර ගුරුවරුන් පුහුණු කිරීමේ වැඩසටහනක් 2025.06.23 වන දින පවත්වන ලදී.

මේ සඳහා මධ්‍යම පරිසර අධිකාරියේ පරිසර නිළධාරි ඉඳුනිකා මහත්මිය ඇතුළු නිළධාරීන් , හඟුරන්කෙත අධ්‍යාපන කළාපයේ කළාප අධ්‍යකෂක තූමා , සහකාර කලාප අධ්‍යකෂක තූමා , හඟුරන්කෙත අධ්‍යාපන කළාපයේ කොට්ඨාශ කොමසාරිස් වරුන් සහ පාසල් වල පරිසර නියමු සහ ළමාසමජ වැඩසටහනේ කාර්යභාර ගුරුවරුන් සහභාගී විය.

මෙහි ප්‍රධාන ආරාධිත දේශකයා ලෙස , පරිසර අධ්‍යාපන සහ දැනුවත් කිරීමේ අංශයේ මධ්‍යම පළාත් කාර්‍යාලයේ හිටපු සහකාර අධ්‍යක්ෂක වීරකෝන් මහතා සහභාගි විය.
#

28/06/2025

නුවරඑළිය දිස්ත්‍රිකයේ හැටන් අධ්‍යාපන කළාපයේ සිංහල මාධ්‍යයේ පාසල් වල පරිසර නියමු සහ ළමාසමජ වැඩසටහනේ කාර්යභාර ගුරුවරුන් පුහුණු කිරීමේ වැඩසටහනක් 2025.06.16 වන දින හැටන් ශ්‍රී පාද ප්‍රාථමික විද්‍යාලයේදී පවත්වන ලදී.

මේ සඳහා මධ්‍යම පරිසර අධිකාරියේ ජේෂ්ඨ පරිසර නිළධාරී ප්‍රසන්න වටගොඩ මහතා ඇතුළු නිළධාරීන් සහ හැටන් අධ්‍යාපන කළාපයේ කළාප කොමසාරිස් වරුන්, කොට්ඨාශ කොමසාරිස් වරුන් සහ සිංහල මාධ්‍යයේ පාසල් වල පරිසර නියමු සහ ළමාසමජ වැඩසටහනේ කාර්යභාර ගුරුවරුන් සහභාගී විය.

#

17/03/2025

"Clean Sri Lanka" වැඩසටහන යටතේ පාරිසරික නීති සහ රෙගුලාසි පිළිබදව නුවරඑළිය දිස්ත්‍රික් පරිසර පොළිස් නිළධාරීන් දැනුවත් කිරීමෙ වැඩසටහනක් නුවරඑළිය දිස්ත්‍රික් කාර්‍යාලයේ සහකාර අධ්‍යක්ෂ තුමා ඇතුළු නිළධාරීන්, මධ්‍යම පළාත් කාර්‍යාලයේ නීති නිළධාරී තුමිය සහ මධ්‍යම පරිසර අධිකාරියේ ප්‍රධාන කාර්‍යාලයේ නිළදාරීන්ගේ සහභාගීත්වයෙන් 2025.03.10 වන දින නුවරඑළිය දිස්ත්‍රික් ලේකම් කාර්‍යාලයේ ශ්‍රවනාගාරයේදී පවත්වන ලදී. මේ සඳහා නුවරඑළිය දිස්ත්‍රික් පරිසර පොළිස් ඒකකයේ නිළධාරීන් 60ක් පමණ සහභාගී විය.

එහිදී නීතීඥ, ආචාර්ය ජගත් ගුනවර්ධන මහතා විසින් පරිසරයේ ආරකෂාව සඳහා නීතියේ දායකත්වය පිළිබදව දේශනයක් ද, මධ්‍යම පරිසර අධිකාරියේ මධ්‍යම පළාත් කාර්‍යාලයේ නීති ඒකකයේ සහකාර අධ්‍යකෂක ලක්ෂ්මිණී මිහිදුකුලසූරිය මහත්මිය විසින් පොලිතීන් / ප්ලාස්ටික් තහනමට අදාල නව නීති රෙගුලාසි පිළිබඳ දේශනයක් ද , ශ්‍රී ලංකා පොලීසියේ පරිසර ආරක්ෂක කොට්ඨාශයේ පොලිස් පරීක්ෂක යාපා බණ්ඩාර මහතා විසින් පරිසර පොලිස් ඒකකයේ කාර්‍යභාර්‍ය සහ පාරිසරික නීති ක්‍රියාත්මක කිරීම සඳහා ශ්‍රී ලංකා පොලීසියේ දායකත්වය පිළිබඳව දේශනයක් ද, නුවරඑළිය දිස්ත්‍රික්කයේ පාරිසරික ගැටළු සම්බන්ධයෙන් ලැබෙන මහජන පැමිණිලි සහ ඒවා කළමනාකරණය පිලිබද දේශනයක් නුවරඑළිය දිස්ත්‍රික් කාර්‍යාලයේ සහකාර අධ්‍යක්ෂ එල්.ජී.එන්. ධර්මසිරි මහතා විසින් සිදු කරන ලදී.

17/03/2025

ශ්‍රී පාද වන්දනා සමයේ ශ්‍රී පාදය අවට පරිසරයට අවිධිමත්ව කසල බැහැර කිරීම අවම කර ගැනීමේ අරමුණින් ක්‍රමවත්ව කසල බැහැර කිරීම සම්බන්ධව හැටන් නල්ලතන්නිය මාර්ගය ඔස්සේ ශ්‍රී පාද වන්දනාවේ යෙදෙන බැතිමතුන් බැනර් මඟින් දැනුවත් කිරීමේ වැඩසටහනක් පසුගිය දා මධ්‍යම පරිසර අධිකාරියේ නුවරඑළිය දිස්ත්‍රික් කාර්‍යාලයේ නිළධාරීන් විසින් සිදු කරන ලදී.

17/03/2025

"අනාගතය උදෙසා තෙත් බිම් සුරකිමු" තේමාව යටතේ 2025 වර්ෂයේ නුවරඑළිය දිස්ත්‍රික් ලෝක තෙත් බිම් දින වැඩසටහන 2025.02.18 වන දිනනුවරඑළිය දිස්ත්‍රික් කාර්‍යාලයේ නිළධාරීන්ගේ ප්‍රධානත්වයෙන් කන්දෙඇල ජාතික වන උද්‍යානය සහ කන්දෙඇල ජලාශය අසලදී පවත්වන ලදී. මේ සඳහා නුවරඑළිය දිස්ත්‍රිකයේ වන සං‍රක්ෂණ දෙපාර්තමේන්තුවේ පරිසර නිළධාරී ඇතුළු නිළධාරීන් , නුවරඑළිය ප්‍රදේශීය සභාවේ නිළධාරීන් , නුවරඑළිය ප්‍රාදේශීය ලේකම් කාර්‍යාලයේ නිළධාරීන් සහ නු/ශ්‍රී සේනනන්ද මහා විද්‍යාලයේ පරිසර නියමුවන් සහභාගී විය.

එහිදී තෙත්බිම් පිළිබඳව පරිසර නියමුවන් දැනුවත් කිරීමත් කන්දෙඇල ජලාශය අවට සංචාරකයන් විසින් දමා ගොස් තිබූ ප්ලාස්ටික් පොලිතීන් ආදී අපද්‍රව්‍ය එකතු කර ඉවත් කිරීමත් සිදුකරන ලදී

17/03/2025

ජනාධිපති පරිසර සම්මාන - 2025 සඳහා එළඹෙන අප්‍රේල් 30 වනදා දක්වා අයදුම්පත් බාර ගැනේ.

10/02/2025

ශ්‍රී පාදස්ථානයේ ප්‍රධාන පිවිසුම් මාර්ගයක් වන හැටන් නල්ලතන්නිය මාර්ගයේ , නල්ලතන්නිය සිට ශ්‍රී පාදාස්ථානය වෙත ගමන් ගන්නා මාර්ගය අවට ඇති වෙළඳසැල් වල පොලිතීන් වැටලීමේ වැඩසටහනක් 2025. 01. 31 වන දින මධ්‍යම පරිසර අධිකාරියේ නුවරඑළිය දිස්ත්‍රික් කාර්‍යාලය මගින් පවත්වන ලදී.

මේ සඳහා මධ්‍යම පරිසර අධිකාරියේ නුවරඑළිය දිස්ත්‍රික් කාර්‍යාලයේ සහකාර අධ්‍යකෂ තුමා ඇතුළු නිළධාරීන් සහ නල්ලතන්නිය පොළිස්ථානයේ නිළධාරීන් පිරිසක් සහභාගී විය. එහිදී තහනම් කරන ලද පොලිතීන් ඇතුළු ප්ලාස්ටික් ද්‍රව්‍ය විකිනීමට තිබූ වෙළඳසැල් කිහිපයකට නීතිමය පියවර ගන්නා ලද අතර මෙම පොලිතීන් සඳහා ආදේශක භාවිතා කරන ලෙස වෙළඳසැල් හිමියන් දැනුවත් කරන ලදී.

#

10/02/2025

09/02/2025

මධ්‍යම පරිසර අධිකාරියේ නුවරඑළිය දිස්ත්‍රික් කාර්‍යාලයේ නිළධාරීන් සහ ප්‍රධාන කාර්යාලය එක්ව ශ්‍රී පාද අපද්‍රව්‍ය කළමණාකරන ව්‍යාපෘතියේ ක්ෂේත්‍ර පරික්ෂණයක් 2025.01.07 දින ශ්‍රී පාදස්ථානයේදී සිදු කරන ලදී. එහිදී වෙළෙඳ සැල් වල තහනම් කරන ලද පොලිතින්, ප්ලාස්ටික් වර්ග පරීක්ෂා කිරීම හා ඒ සම්බන්ධ නීති පිළිබඳව වෙළෙඳසැල් හිමියන් දැනුවත් කිරීමද සිදු කරන ලදී.

09/02/2025

නුවරඑළිය දිස්ත්‍රික්කයේ කොත්මලේ අධ්‍යාපන කොට්ඨාශයේ මප/ කොත්/ හැදුනුවැව මහා විද්‍යාලයේ පරිසර නියමුවන් රජත සහ හරිත පදක්කම් පැලඳවීමේ උත්සවය පසුගියදා හැදුනුවැව මහා විද්‍යාලයේදී පවත්වන ලදී.

# # # # # #

28/01/2025

24/09/2024

නුවරඑළිය දිස්ත්‍රික්කයේ 2024-2026 වසර සඳහා පරිසර නියමු දිස්ත්‍රික් උපදේශක , පරිසර නියමු කළාප කොමසාරිස් වරුන් සහ පරිසර නියමු කොට්ඨාශ කොමසාරිස් වරුන් සඳහා පත්වීම් ලිපි ප්‍රධානය සහ දැනුවත් කිරීමේ වැඩසටහන මධ්‍යම පරිසර අධිකාරියේ , නුවරඑළිය දිස්ත්‍රික් කාර්යාලයේ සහකාර අධ්‍යක්ෂක තුමා ඇතුලු කාර්‍යනණ්ඩලය සහ නුවරඑළිය දිස්ත්‍රික් කලාප අධ්‍යාපන අධ්‍යක්ෂක තුමියගේ සහභාගීත්වයෙන් පසුගිය දා පවත්වන ලදී.

එහිදී නුවරඑළිය දිස්ත්‍රික්කයේ පරිසර නියමු දිස්ත්‍රික් උපදේශක , පරිසර නියමු කළාප කොමසාරිස් වරුන් සහ පරිසර නියමු කොට්ඨාශ කොමසාරිස් වරුන් ඇතුළු නිළධාරීන් 23න් දෙනෙකු පත්වීම් ලබාගන්නා ලදී.

#