23/09/2022
ආවඩා ආයුබෝවේවා!
ඉතිං ආදරණිය රත්තරං යාළුවනේ මේ කියන්න යන්නේ තවත් එක් සත්කාර කතාවක ආරම්භය සහ අවසානය ගැනයි,
ඕන්න නමෝවිත්තියන් අපි මෙවර " කතා අරණේ මනුස්සකම " වැඩසටහන අපි සූදානම් කරේ දුම්බර කදුවැටියේ තවත් එක් සුන්දර ගම්මානයක් වෙන මහනුවරට නෑකම් කියන මිනිපේ ප්රා ලේ කොට්ඨාසයේ " ගලමුදුන " ගම්මානයේ,
ලංකාවේ මිනිස්සුන්ගේ ජීවිතය හරි කටුකයි කියලා ඉපදුන දා ඉදලා අම්මා අප්පච්චි වින්ද දුක් වලින් දැක්කා. ඒත් ගලමුදුන ගමේ මනුස්සයන්නේ ජීවිතය ඊටත් වඩා කටුකයි කියලා දැනගත්තේ මෙම වැඩසටහන අතරතුරයි, දුන්ගොල්ල ගම්මානයේ ඉදලා ට්රක්ටර් එකකු නැගුන අපි සේරම වියලි ආහාර සහ පාසලට අවශ්ය පොත් පත් රැගෙන ගලමුදුනට ගියේ ඒ ආදරණිය අව්යාජ මිනිස්සුන්ගේ මූනු වලට බලාපොරොත්තුවේ හිනාවත් අරගෙන,
වන දුර්ඝ ගිරි දුර්ඝ මැදින් ගමන් ගත් ඉතාම අසීරු ගමනකින් අනතුරුව පැය එකහමාරකින් අපි ගල මුදුන ගමට ආවේ දරා ගන්න බැරි මහන්සියක් එක්කයි, අපි කලින්ම දැනුවත් කරලා තිබුන සිනා ගලමුදුන ගමේ ඉන්න පවුල් 36 ම ඒ වෙන විට පහල ගෙදරට ඇවිත් හිටියා,ඒ මිනිස්සුන්ගේ හිනාව ඇත්තටම හරිම අව්යාජයි, ඒ අව්යජ හිනාව අස්සේ තිබුනේ කියා ගන්න බැරි දුක්කිත කතාවක්
" මහත්තයෝ, අපි මේ දුක විදලා විදලා සැපක් ලබන්න නම් වල පල්ලට යන්නම ඕනි "
ඒක තමයි ඒ ආච්චි කෙනෙක් අපට කිව්ව කතාව, ඉතිං ලංකාවෙන් පිට ඉන්න ආදරණිය පිනට ලැදි යාළුවන්ගේ උපකාරායන් සහ ලංකාවේ ඉන්න ආදරණියම හදවත් උණුවෙන අපේම උන්ගෙ උදව්වෙන් අපි ඉතාම වටින වයලි ආහාර මල්ලක් පවුල් 36 ටම ලබා දීමට කටයුතු කලේ කාගෙත් හිත් වලට එක සතියක් පහළට නොයා ඉන්න පුළුවන් කියන සැනසීම ලබා දෙමින්,
මේ සදහා අපට අපට විදේශගත අයියලා අක්කලා නැන්දලා මාමාලා නංගිලා මල්ලිලා ගොඩාක් උදව් කරා එක නමින් නම කියන්න ගියොත් එක නමක් හරි මගහැරෙයි කියලා බයයි.ඒක නිසා ඒ හැමෝටම හදවතින්ම ස්තූතියි සහ ආදරෙයි,
ඊට අමතරව උදව් කරපු ලාංකිය ආදරණිය මිතුරනි ආදරෙයි පැලෙන්න,
ඊට අමතරව මාහට මෙම සත්තාරය මේ තරම් සාර්ථකව කර ගන්න උපකාර කල මගේ ආදරණිය පෙම්වතිය අැතුළු ඔණිම දේකට ඉන්න, මනෝ අයියා, රණයා , රජින්, පවිදු සහ අක්කා, ඔෂාන් අයියා ආදරණිය කුක් අචල මලයා , අසංක මල්ලා, අක්සර මල්ලා, ටෙරා, පැස් ,ස්තූතියි හැමෝටම,
අනේ යන්න වාහනයක් නැතුව ඉද්දි. වාහනේ ලබා දුන්න කලණ මගේ ආදරණියම මිතුරා සහ ඔහුගේ මස්සිනාට හදවතින්ම ස්තූතියි ,
දෙවැනි දවසේ උදාව වුනේ දරුවන් 19 දෙනෙකුගෙන් සපිරුන පුංචි ගල මුදුන පාසලට පොත් පත් ටිකක් ලබා දීම සහ අපට හැකි ලෙසට කෑම වේලක් ලබා දීම ඒක ගැන නම් කියන්න ගොඩාක් දේවල් ඔණි ඒ තරම්ම සංවේදියි කවදාවත් නොකාපු කෑමක් ඒ දරුවන් කෑවේ හරිම ආසාවෙන්, ඒකට නම් හැමෝටම පිං අචලයා ස්තූතියි රසට ඉව්වාට,
හැමදේම අහවර කරලා පහලට ආය බහිද්දි එක මාමා කෙනෙක් මගෙන් පුංචි ඉල්ලිමක් කරා
" මහත්තයා මගේ පුතා හොදට විබාගේ පාස් වෙලා දැන් අයිටී වලින් ඉගෙන ගන්නවා, හසලක ඉස්කෝලේ ඉතිං කොල්ලාට ලැප්ටොප් එකක් අරගන්න ඔණි. මං ගීන් බලව්වා එකයි පනහයි හැත්තැවයි, පුළුවන්නම් මට පරන එකක් හරි කමක් නැ ගන්න උදව් කරන්න මහත්තයා පිං "
ඒ වචන වලට අපිව සංවේදි කරන්න වැඩි වෙලාවක් ගියෙි නැ ඉතිං පුළුවන් කවුරු හරි ඉන්නවනෙම් උදව් කරන්න. ඒ දරුවාට ලැප් එකක් අරන් දෙන්න, ඒක ලොකුම ලොකු පිනක් වෙයි!
ඉතිං අාායත් කියන්නේ උදව් කරපු හැමෝටම පිං!
#කතා_අරණේ_මනුස්සකම
