30/01/2020
මංගල සමරවීර,..
ප්රාදේශීය දේශපාලනයේ සිට ජාතික දේශපාලනය ඔස්සේ ජාත්යන්තර දේශපාලනය දක්වාම නව මානයක ගමනක් සටහන්කල නායකයෙකි. ලෝක දේශපාලනයේදී ඔහු අසල්වැසි ඉන්දියාව හා කුඩා මාලදිවයිනේ සිට බ්රිතාන්ය හා එක්සත් ජනපදය දක්වාම ශ්රී ලාංකීය අභිමානය පතුරන්නට සමත්විය. ඔහු ලෝකයේ ඉදිරිපෙල අසුනක් දක්වා ලංකාව රැගෙන ආවේය.
ජාතික දේශපාලනයේ දී ඔහු කේන්ද්රීය සලකුණකි. වරෙක ඔහුගේ ක්රියාකාරීත්වයටත් වඩා නිහඬ බව ප්රතිවාදීන් සලිතකරනු ලබයි. අවිද්යාව, බොරුව හා රැවටීමත්, එකක් කියා තවත් දෙයක් කිරීමත් ‘වටිනාම’ දේශපාලන දර්ශනය බව මෑත වසර ගණනාවක් තුල ලංකාවේ තහවුරුවී තිබෙන මේ යුගයේ අතිශය අවදානම් හා දුශ්කර පැයේදීත් නොභියව තම මතය කියන්නට පිට කොන්දක් ඇති නායකයා ඔහුය. කෙටියෙන් කියතොත් එකක් කියා තවත් එකක් කරනා මජර දේශපාලන චරිතයෙන් නම් ඔහු බොහෝ ඈතය. ඔහුට එදිරිව ඇත්තේ දේශපාලන විවේඡන හා ප්රහාරයන්ය. එය ඔහුට මෙන්ම මාතර අපිට ද පුදුමයක් නොවේ. එසේ වන්නේ වසර 30ක සිය දේශපාලනය පුරාවට ඔහුගේ දෑත් වංචාවෙන් හා දූෂණයෙන් කිලිටි වී නැති නිසාවෙනි.
මාතර අලූත් යුගයකට රැගෙන ආවේ ඔහුය. මාතර වෙරළ තීරයේ සිට දෙනියායේ සීතල කඳුයායවල් දක්වාම ඔහු සංවර්ධනයේ දොරගුලූ විවර කලේය. අඩපණ කර, ස්වාභාවික මරණයක් අතකර දී ඇති ‘මහා මාතර සැලසුම් ක්රියාත්මක විනි නම් දකුණම පමණක් නොව ඌව පලාතද සමග අපේ අලූත් පරපුර සුන්දර අත්දැකීමක් ලබනු ඇත. ඔහු මාතර දස දහස් ගණනක් යෞවනයන්ගේ ද, සිය දහස් ගණනක් දෙමාපියන්ගේ ද ජීවිතය ගොඩ නැගූ නායකයාය. කෙටියෙන් කියතොත්, ලක්ෂ සංඛ්යාත මාතර මිනිසුන්ගේ පරම්පරා ගණනක අනාගතය ගොඩ නැගුවේ මංගල සමරවීරය. මෙම ෆේස්බුක් පිටුවේ සටහනක් තබා ඇති මිතුරෙකු කියා ඇති පරිදි ‘මංගල නොවන්නට මාතර තවමත් 19වන සියවසේය’.
ඒඅතරේ මංගලගේ මෙවර සටන අතිශය වැදගත්වනු ඇත. ඒ මෙවර අරගලය සාම්ප්රදායික දේශපාලන සටනක් නොවන නිසාවෙනි. ඔහුට මුහුණ දීමට සිදුවන්නේ බොරුව හා අවිද්යාවෙන් පිරුණ සමාජයකටය. රැවටීම ඉහවහාගොස් ඇත. සියල්ලට වඩා ස්වකැමැත්තෙන් රැවටෙන මිනිසුන් බහුලවී ඇත. මුලූ මාතරක් අවදිකල, ගොඩනැගූ ඔහුට එදිරිව අපහාස හා උපහාස කරන්නෝ ද සිටිති. සිය මුලූ දේශපාලන ජීවිත කාලය පුරාවටම තම පවුල් හා හිත මිතුරන් පමණක් පෝෂණය කල, එහෙත් මාතරට කිසිවක් නොකල පුහු දේශපාලන නායකයින් හා ඔවුන්ගේ ගෝලයින් ඒ අතර ප්රමුඛය. මංගලට ‘පලමු ගල ගසන්නට’ නම් සුදුස්සෙකු මාතරින් සොයා ගන්නට නැත. නමුත් තක්කඩියන්ට මොන ආචාර ධර්මදැයි කියවෙනා යුගයක එය පුදුමයක් නම් නොවේ.
අයුක්තියට එරෙහි සටනටත් වඩා අසත්යයට හා රැවටීමට එරෙහි සටන දුෂ්කරය. ඒ තමන් රැවටී ඇතිබව තේරුම් නොගන්නා මිනිසුන් නිසාවෙනි. නමුත් අද මංගල සිය අරගල මාර්ගය ඒ ඔස්සේ යන්නට තෝරාගෙන ඇත.
ඒ අනුව දෙසැම්බර් 10වන දින නව කාර්යාලය විවෘත කරමින් කෙටි කලකට මංගල සමරවීර විදේශගතවිය. එතැන්සිට සංවිධානය කල ඔහුගේ මූලක සංවිධාන මෙහෙයුම් සවිමත් කරමින් මංගල සමරවීර මහතා ජනවාරි 25වන දින ඉදිරි සටනේ ඔහුගේ සම්ප්රාප්තිය සනිටුහන් කලේය.
මිතවරුනි, අපි ඔබට විවෘතව ඇරයුම් කරසිටිමු. එන්න... ‘ඉදිරියට උදාවනුයේ මංගල කාලයයි’ .
