25/04/2026
ලෝක මැලේරියා දිනය අදයි....(අප්රේල් 25 )
🦟" මැලේරියාව" කියලා කියන්නේ මදුරුවෙක්ගේ දෂ්ට කිරීමක් හරහා මනුස්සයෙක්ගෙන් තව මනුස්සයෙකුට බෝවෙන මාරාන්තික ලෙඩක්. (මදුරුවා රෝගකාරක පරපෝෂිතයාව දෂ්ට කිරීම් හරහා රෝගියෙකුගෙන් තවත් නීරෝගි මනුස්සයෙකුට ප්රවාහනය කිරීම සිදු කරයි...)
🦟 ලංකාව අපරට තුල මැලේරියාව තුරන් කල රටක් නිසා මැලේරියාව තව රටක ඉඳන් අප රට තුලට ඇතුළු වීම වැළක්වීමට අවශ්ය ක්රියාමාර්ග ගැනීම ලංකාව තුල නැවත මැලේරියාව ඇති වීම වළක්වා ගැනීමට අප විසින් කල යුතුව ඇත...
⚠️ එම නිසා මැලේරියා රෝගියෙක් හැකි ඉක්මනින් හඳුනා ගැනීම ඉතාම වැදගත්.
කිසියම් රෝගියෙක් පිටරටක සංචාරයක් කර පැමිණි දින සිට වසරක් යනතුරු කොයි මොහොතක හෝ උණ රෝගයෙන් පෙළෙන්නේ නම් එය මැලේරියාව වීමේ දැඩි අවදානමක් තියෙනවා....
🦟 ✈️ දැනට අප රට තුලින් "ආනයනික මැලේරියා " රෝගීන් පමණක් වාර්තා වන නිසා
මැලේරියාව තුරන් කල රටක් ලෙස...
1️⃣ සංචාරයට පෙර
ඔබ මැලේරියා ආසාදනය බහුලව තියෙන රටකට සංචාරය කරන්නේ නම් ඒ රටට ඇතුළු වීමට පෙර මැලේරියාව ඇතිවීම වැළැක්වීමේ ප්රතිකාර (නොමිලේ ලැබෙන) රැගෙනයාම ඉතාමත් වැදගත්.
2️⃣ සංචාරය අතරතුර
ඔබ සංචාරය කරන කාලසීමාව අතරතුර එම රටේදී මදුරුවන්ගේ දෂ්ට කිරීම් වලින් වැලකී සිටීමට අවශ්ය පියවර ගැනීම ඉතා වැදගත්.
මේ සඳහා මදුරු විකර්ශක භාවිතය ,මදුරු දැල් භාවිතය සහ ඇඟ ආවරණය වන පරිදි ඇඳුම් ඇඳීම ඉතාම වැදගත්.
ඒ වගේම සංචාරය අතරතුර ඔබට ලබා දී ඇති මැලේරියා වැළැක්වීමේ ප්රතිකාරක ඖෂධ නිසි පරිදි භාවිතා කිරීම අත්යවශ්ය වෙනවා.
3️⃣ සංචාරයෙන් පසු මැලේරියාව සදහා වසරක කාලයක් ය්න තෙක් රුධිර පරීක්ෂාවන් සිදුකර ගතයුතු වේ...
(සංචාරයෙන් පසු ඔබ නැවත ලංකාවට පැමිණි පසු ඔබට උණ රෝගයක් වැළඳුනේ නම් එය මැලේරියාවද නැද්ද යන බව ඉතා ඉක්මනින් දැන ගැනීමට ඔබේ වෛද්යවරයා හමුවී ඔබ සංචාරය කළ රට පිළිබඳ තොරතුරු සහ ඉක්මනින් රුධිර පටල පරීක්ෂණයක් මගින් මැලේරියා පරපෝෂිතයා ඔබේ රුධිරයේ ඉන්නවද නැද්ද කියන එක තහවුරු කර ගැනීමේ පරීක්ෂණයකට භාජනය වෙන්න පුලුවන්.)
💥හැකි ඉක්මනින් මැලේරියාව හඳුනා ගැනීම ඔබේ ජීවිතය පරිස්සම් කරනවා විතරක් නෙමෙයි, ඔබ විසින් රටක් පරිස්සම් කරනවා කියන එක ඉතාමත් වැදගත්...
🦟ලෝක මැලේරියා දිනයේදී අපගේ වගකීම...
"මැලේරියාව කල්තියා හඳුනා ගැනීමේ සහ වැළැක්වීමේ ජාතික වැඩසටහනට සහාය දැක්වීමයි"...
2016 වර්ශයේ මැලේරියාව ලංකාවෙන් තුරන් කර
ඇති වකවානුවක සංචාරක මැලේරියාව ආපසු ලංකාවට ඇතුලු වූ වහාම හදුනා ගෙන ප්රතිකාර කිරීම මගින් ආපසු ලංකාවේ මැලේරියා වසංගතයක් නිර්මාණය නොවීමට අපට කල හැකි එකම ක්රියාමාර්ගයයි....❣️
