08/09/2025
Riverston යමුද..?? Riverston ගිහින් බලන්නම ඕන තැන් කිහිපයක් 😍🌿🍃🥰🍃🤟
සුන්දර නක්ල්ස් වනපෙතේ Riverston හැමෝම දන්න ලස්සන තැනක්.. ගොඩක් අය ගිහින් ඇති... ඒත් ගොඩක් අය බලලා එන්නේ තැන් කිහිපයයි. බලන්න ලස්සන තැන් ගොඩක් තියනවා.. මාර්ග කිහිපයකින් මෙහෙට යන්න පුලුවන්.
1. මාතලේ, රත්තොට, Riverston
2. දඹුල්ල, බකමූණ, කලුගග, හත්තොටඅමුණ ඉලුක්කුඹුර, Riverston
3. නාඋල, මොරගහකන්ද, ඇලහැර අතරගල්ලෑවා, කලුගග, හත්තොට අමුණ, ඉලුක්කුඹුර, Riverston
4. මහියංගන, හෙට්ටිපොල, ලග්ගල, ඉලුක්කුඹුර, Riverston
ඉහති කී පලමු (1) මාර්ගය ඔස්සේ පැමිනෙන ඔබට පහත ස්ථාන පිලිවෙලින් නැරඹීය හැක.. 2,3,4 මාර්ග භාවිතා කිරිමෙදි මෙම ස්ථාන ආපසු පිලිවෙලට හමුවේ.
1. ඹබරකිරි ඇල්ල
මාතලේ Riverston මාර්ගයේ රත්තොට පසු කර ටික දුරක් යන විට හමුවේ.. මාර්ගයට අසාන්නයේම දකුණු පසින් ඇත.
2. Telecommunication Towers & සුළං කපොල්ල
බඹරකිරි ඇල්ලේන් පසු ප්රධාන මාර්ගයට වම් පසින් ඇති මාර්ගය ඔස්සේ 2,3km ගමන් කල විටි Towers පාමුලට පැමිනිය හැක.. අධික වැසි හා සුළං සහිත දිනකදි සමාන්යය පුද්ගලයකු ගසාගෙන යන තරමේ ප්රබල සුළගක් මෙහි ඇත (අත්දැකිමෙන් කියුවෙ)
3. Mini Words End & පිටවල පතන
සුළං කපොල්ල නරඹා පහලට එන ඔබට ප්රධාන මාර්ගයෙන් වම්පස කුඩ ලෝකාන්තයට යන මාර්ගය හමුවේ. හොද කාලගුනයන් පවතින දවසක වටපිටාව පැහැදිලි දැකගත හැක. මොරගහකන්ද, කලුගග ජලාශද කුඩා ලෝකාන්තයට දැකගත හැක. තවද පිටවල පතනට දුම්බර දැවැන්තයින් බොහොමයක් පැහැදිලි කාලගුණයක් සහිත දැකගත හැක. මානිගල, තුන්හිස්ගල හදුනාගැනිම ඒ අතරින් පහසුවේ. ලංකාවට ආවෙණික සත්ව වර්ග කිහිපයක්ම දැකගත හැක.
4. දුම්බර ඇල්ල, දුවිලි ඇලි දාමය
****රඹුක්ඔලුව හරහා---
පුධාන මාර්ගයෙන් දකුණු පසින් හැරි 15km පමණ ගමන් කිරිමට ඇත. ගමේ සිට පා ගමනින් යාහැක. කෙටිම මාර්ගය වුවත් වන අලි ගැවසීම නිසා දැනට භාවිතා නොකරයි. කලුගග ජලාශ නිසා දැනට මේ ගමේ සියලුදෙනා වෙනත් ප්රදේශයක පදිංචි කර ඇත..
****ඇටන්වල හරහා----
කුඩා ලෝකාන්තය නරඹා 3km පහලට යාමේදි පුධාන මාර්ගයෙන් දකුණු පසින්හැරි ඇටන් වලට යා යුතුය. දැනට බොහොදෙනා ගමන් කරන මාර්ගයකි. 20km පමණවේ.. රඹුක්ඔලුව හරහා දුවිලි ඇල්ලට යන මාර්ගයටම මෙය අතරමගදි එක්වේ. අපහසු සුන්දර ගමනකි.
5. රත්නින්ද ඇල්ල, වැද්දාපිණි ඇල්ල
ඇටන්වලට ගමට ඇතුලුවිමේදි පාලමත් සමග වැද්දාපිණි ඇල්ල හමුවන අතර රත්කින්ද ඇල්ලට ඇටන්වල ගමේ සිට ප්රධාන මාර්ගයේ සිට මද දුරක් ඇතුලට ගමන් කල යුතුය.
6. මානිගල
ඇටන්වල ගමේ එක් කෙලවරකින් මෙම කදු තරණය ආරම්භ කල හැක.. දුවිලි ඇලි දාමය නැරඹිමටද මෙම මාර්ගය ඔස්සේ ගොස් මගින් හැරිය යුතුය. පහසු තරණයකි.. රක්ෂිත භුමියක් බැවින් කදුවුරු බැදිය නොහැක. අධික සුළං සහිතය. Bike, 4×4 රථ මගින් කදු නැගිම පටන් ගන්නා තැනටම ගමන් කල හැක.
7. රෙඩ්බානා ගම, පිටවල පතන දිය ඇලි
ප්රධාන මාර්ගයේ දිගේ පහලට යාමේදි මාර්ගයට වම් පසින් ඇති පටු පාරක් ඔස්සේ ගමන් කල යුතුය. අත්හැර දැමු ගමක් වුවත් නැවති රාත්රියක් ගත කිරිමට ස්ථාන ඇත. මෙම ස්ථානයට ඉහලින් පිටවලපතන කුඩා ලෝකාන්තය දිස්වේ. රෙඩ් බානා ගමේ සිට පිටවලපතන දිය ඇලි නැරඹිමට කිලෝමීටර් කිහිපයක් පයින් කැලය තුලට යුතුය.
8. සේර ඇල්ල
වාහන වලට ගමන් කලහැකි මාර්ගයකි. 15km පමණ ප්රධාන මාර්ගයේන් වමට හැරි යා යුතුය. සුන්දර පුවක්පිටිය ගමහරහා යා යුතුය. Riverston යන කෙනෙකුට සේර ඇල්ලට යාම අමතක කරන්නේ නැත. සේර ඇල්ලට ප්රථම අප යන මාර්ගයේ පාලමක් සමග වම්බටුහේන ඇල්ලද ගමේ ඇතුලට වන්නට බඹරුන් ගහන ඇල්ලද පිහිටා ඇත.
7. තෙල්ගමු ඔය
ඉලුක්කුඹුර පසු කර පහලට යාමේදි අතරමගදි හමුවේ. දිය නැමට සුදුසු හා නොසුදුසු ස්ථාන ඇත. ගම්වසියෙකුගෙන් තොරතුරු ගෙන දිය නෑම සුදුසුය.. පුද්ගලයන් දිය ගිලි මියගිය ස්ථාන සහිතය.
8.කලුගග ජලාශය
මෑතකදි කලුගග හරස්කර ඉදිවු කලුගග ජලාශය හමුවෙි.. ජලාශය කෙලවරකින් මාර්ගය වැටි ඇත.
9.මොරගහකන්ද ජලාශය
කලුගග ජලාශය පසුකර 10km පමණ පැමිනිමේදි දඹුල්ල මහියංගන මාර්ගය හමුවේ එයින් දඹුල්ල දෙසට (වමට) හරවනවාත් සමගම ප්රධාන මාර්ගයෙන් වම්පසට වන්නට මොරගහකන්ද ජලාශය යන පාර හමුවේ.. සොයාගැනිම පහුසුය..
10. වස්ගමුව ජාතික වනෝද්යානය
ප්රධාන මාර්ගයෙන් දකුනට හැරි මහියංගන දෙසට යාමෙදි හෙට්ටිපොළ, හදුන්ගමුව හරහා වස්ගමුව වනොද්යානයට යා හැක. මෑතකදි කලුගග ගම්මානය හරහාද වස්ගමුව වනොද්යානයට ඇතුලුවිමට මාර්ගයක් ඉදිකර ඇත.
11. ඇලහැර අමුණ
ඇලහැර ඇල හා අඹන්ගග වෙන්වන ස්ථානයයි. මොරගහකන්ද ජලාශය නැරඹීමෙන් පසුව ඇලහැර දෙසට යාමේදි මාර්ගයට දකුණු පසින් හමුවේ.. පෞරාණික වටිනාකමක් ඇත.
හරියට Time Manage කරගත්තොත් දුම්බර ඇල්ල, දුවිලි ඇල්ලට, වස්ගමුව,මානිගල, පිටවල පතන දිය ඇලි වලට අමතරව අනිත් තැන් එක දවසින් වාහනයකින් ගොස් නැරඹීය හැක. තවත් නම් නොකියුනු සුන්දර ස්ථාන ගණනාවක් මේ අවට ඇත.
Post එක හොද නම් Share කරන්න අමතක කරන්නත් එපා..👊😍
📝 W a n n a G o
📸 Credit to Respective Owner
#රිවස්ටන්
