23/11/2023
සංචාරක කර්මාන්තය දියුණු කිරීමට නම් කුමක් කරම්ද?
ලංකාව සංචාරක පාරාදීසයකි.එය අවිවාදාත්මකය.මෙරට සංචාරක කර්මාන්තය පවත්වා ගැනීමට හා දියුණු කිරීමට විශේෂ අවධානයක් දිය යුතුව ඇත.මන්දයත් 2018 දී ඩොලර් බිලියන හතරක් (4)පමණ ජාතික ආදායමට සංචාරක කර්මාන්තයෙන් ලබා දී ඇත.මෙය ප්රවර්ධනය කිරීම දෙස බලන කල අප විසින් සංචාරකයන්ගේ අවශ්යතා හා උවමනාවන් පමණක් හදුනා ගෙන කටයුතු කිරීම ප්රමාණවත් නැත.
Relax වෙන්න Adventure experience එකක් ගන්න,සංස්කෘතිකමය දෑ ගවේෂණය කරන්න,සමාජානුයෝජනය වන්නට උත්තේජනයක් සංචාරකයන් සංචාරය කිරීමෙන් බලාපොරොත්තු වේ.
2018 දී 2333,796 සංචාරකයන් මෙරටට පැමිණ තිබෙන අතර එමගින් රුපියල් මිලියන 712,027 උපයා ඇති අතර එය එවකට ඇමරිකානු ඩොලර් මිලියන 4380.6 කි.ජාතික ආදායමට එමගින් 4.9% ප්රතිශතයක් දායක වී ඇති අතර බොහෝමයක් සංචාරකයන් ඉන්දියාව,චීනය,එකසත් රාජධානිය,ජර්මනිය හා ඔස්ට්රියාවෙන් වාර්ථා වේ.2020 දී තත්වය මීට වඩා වෙනස් විය.කොවිඩ් ව්යසනය සමග 507,704 දක්වා සංචාරකයන්ගේ පැමිණීම අඩු වූ අතර රුපියල් මිලියන 126,608.1 එනම් ඩොලර් මිලියන 682.5 දක්වා ආදායම පහල වැටී 4.9% සිට ජාතික ආදායමට ලැබුනා වූ ආදායම 0.8% දක්වා පහල වැටිණි.එවර රුසියාව ,ඉන්දියාව,ජර්මනිය,චීනය හා එක්සත් රාජධානිය යන රට වලින් සංචාරකයන් වාර්ථා විය.
සංචාරකයන්ගේ පැමිණීම ප්රවර්ධනය කිරීමට නම් ඔවුන්ගේ අවශ්යතා හදුනා ගත යුතුව ඇත.යමෙකු සංචාරයක් කරන විට සංස්කෘතික කාරණා වලට අවධානය ලබා දේ. තවද ඔහුගේ පවුලේ අදහස් හා ඔහුගේ ආශ්රිතයන්ගේ අදහස් විමසා බලන්නේය.සමාජීය හා ආර්ථිකමය සාධක බලපායි.ඉහත කරුණු වලට අමතරව පුද්ගකිකවම ඔවුන්ගේ අදහස් හා ආකල්ප බලපාන බැවින් ඒවා හදුනා ගත යුතුය.මනෝමය කාරණාද බලපායි.උදාහරණයක් ලෙස ගතහොත් ඇතැම් පිරිස් උස් ස්ථාන වලට බියය,ජල ක්රීඩා වලට බියය.එසේම ඔවුන් හටද නියැලිය හැකි ලෙස ක්රියාකාරකම් ප්රවර්ධනය කල යුතුය.කොටින්ම ඔවුන්ගේ විශේෂ අවශ්යතා හා දුර්වලතා දෙස අවධානය ලබා දීම සුදුසුය.තවද ඔවුන් ඉගෙන ගත් දේවල්ද බලපායි.1991 දී Gilburt නම් විශ්ලේෂකයාගේ විශ්ලේෂණයට අදාල ඉහත කරුණු දෙස බැලීමේදී අපට වැටහෙන විශේෂ කාරණාවක් ලෙස ඉස්මතු වන්නේ සාමාජීය කාරණා බව මා හට වැටහේ.මෙරට ප්රතිරූපය දෙස දෙස බලා අප රටට පැමිණෙන සංචාරකයන්ගේ තීන්දු තීරණ රටේ ප්රතිරූපය හා ජාත්යන්තර මතය මත තීරණ ගෙන මෙය සංචාරයට යෝග්ය වන්නේද නැද්ද යන්න සලකා බලනු ලබයි.එය කවුරුත් දන්නා රහසකි.ඇතැම් රටවල් ශ්රී ලංකාවට සංචාරක තහනම් දමා තිබිණි.දේශපාලනික අස්ථාවරත්වය එයට බලපාන්නට වූ බව සැවොම දන්නා කරුණකි.
ශ්රී ලංකාව තුල ඇතැම් ත්රීවීල් රථ පදවන්නන් හා වෙළදුන් නිසා රටේ ප්රතිරූපය තර්ජනයට ලක් වී ඇත.ඇතැම් සංචාරකයන් "NO TUK TUK" යනුවෙන් බෝඩ් පිටේ එල්ලා ගෙන යනු ලබන්නේ ඔවුන්ට සංචාරකයන් සල්ලි ගස් ලෙස පෙනෙන නිසා විය හැකිය.තවද ඇතැම් බ්ලොග් අඩවි කරණ සංචාරකයන්ට වෙළදුන්ගෙන් හා මිනිසුන්ගෙන් වු හිරිහැර මෙන්ම අකටයුතු අස්ලීල වචන ඔබද මමද ඇස් පනා පිටම දැක ඇත්තෙමු.මෙම තත්වය තුල නිසි නියාමනයක් මගින් ආකල්පමය හා චර්යාමය වෙනසක් රටේ පුරවැසියන් තුල ඇති කරමින් සුබවාදී ප්රතිරූපයක් ජනිත නොකලහොත් එය රටේ සංචාරක කර්මාන්තයට මරු පහරකි.වේදනා විදිමින් සිටින කර්මාන්තය වේදනා දීම මරා දැමීමකී.
ශ්රී ලංකාව තුල සංස්කෘතික වශයෙන් ලොවම දන්නා උත්සවයක් ලෙස අති උතුම් දළදා පෙරහැර හදුන්වා දිය හැක.උඩරට නර්ථනයන් හා බැදුනු කලාත්මක නිර්මාණ විදේශිකයෝ මහත් උනන්දුවෙන් නරඹති.
නිල් මැණික්,සෙලෝන් ටී,කුරුදු ආදී සම්පත් අපේ රට ලොව ඉදිරියේ අංක එක දරන ස්ථානයේ ඔසවා තබා ඇත.එමගින් මෙම කර්මාන්තය දියුණු කොට පරිවාර කර්මාන්ත දියුණු කරමින් විදෙස් වානිජ වෙළදපල අතර අන්යෝන්ය බැදීමක් ඇති කොට දියුණු කළ හැකි බව අප සැමටම වැටහෙන කරුණකි.
ශ්රී ලංකාවට පැමිණෙන්නන් උදෙසා බ්ලොග්ස් නිර්මාණය කරණ අයවලුන් හා විදෙස් රටවල ඉන්ෆ්ලුවෙන්සර්ස් චරිත ගෙනැවිත් වියදම් කරමින් වැඩසටහන් කිරීමට පමණක් සීමා නොවී වෙළදුන් හා සේවා සපයන අය හා පුරවැසියන් අතර ආකල්පමය දියුණුවක් ඇති නොකලහොත් අපගේ නිශ්පාදන මිලදී ගැනීමට "NO TUK TUK PLS" පුවරු ප්රදර්ශනය කරමින් යන සංචාරකයන්ද අපට දකින්නට නොලැබේවී.
අද ඩොලර් බිලියන දෙකක(2) IMF ණය මහමෙරක් වූ අපට 2018 දී සංචාරක කර්මාන්තයෙන් පමණක් ඩොලර් බිලියන 4.9 ලැබුනු බව මතක් කිරීමට කැමැත්තෙමි.
Saranga Siyambalape Saranga Siyabalape සාරංග සියඹලාපේ
2023.05.30
