30/01/2025
........The "Dark Arches" - අඳුරු ආරුක්කු පාලම........
(ත්රිත්ව ආරුක්කු පාලම | Triple Arches Bridge)
සටහන - Ariyapperuma 🇱🇰🤍
"මෙම ආරුක්කු පාලම 1867 දී මහනුවර දක්වා දුම්රිය මාර්ගය ඉදිකිරීමේදී, ඉංජිනේරු William Frederick Faviell අධීක්ෂණය යටතේ ඉදිකළ අතර, එය ඉතාම ප්රභල ඉංජිනේරු කාර්යයක් ලෙස සැලකුණු ලදී, අතීතයේදි. මහනුවර දුම්රිය මාර්ගය ඉදිකිරීම් චායාරූපය ගැනුන W.L.H. Skeen and Co ගත් චායාරූප තුල මෙම ආරුක්කු පාලට Dark Arches ලෙස සටහන් තබා ඇත, මෙයට අමතරව John C.M.G FERGUSON රචිත Ceylon in 1893 පොතෙහිද ලෙස මම පාලම Dark Arches ලෙස නම්කොට ඇත. (චායාරූප 1, 2, 3, 4)
මෙම පාලමේ විශේෂත්වය වන්නේ, එය ඉදිකිරීමේ අරමුණ වූයේ දිය පහරක් හරහා හේ කදු දෙකක් සම්බන්ධ කිරීමක් නොව, කුඩා පර්වත මුහුණක් පසුකර යෑමටයි. Dark Arches ආරුක්කු පාලම පිහිටා ඇත්තේ අස්ථාවර කඳු මුහුණක වන අතර, පර්වත මුහුණ පුපුරවා මාර්ගය ඉදිකළහොත්, අනාගතයේදී විශාල බාධක මතු විය හැකි බැවින්, පාලමක් ඉදිකර මෙම කුඩා පර්වත මුහුණේ අබියෝග මඟහැරීමට කටයුතු කරන ලදී.
මෙම කඳු මුහුණේ මාර්ගය ආරම්භයේ සිටම, දුම්රිය සේවාවට විවිධ කරදර සහ අභියෝග එක් කර ඇති බව සටහන් වේ. 1897 දී පර්වත මුහුණේ පැරණි Lions Mouth පිහිටි ස්ථානය පුපුරවා හරින ලද්දේ, එම කොටස මාර්ගයට අනතුරුදායක ලෙස ලිස්සා යෑමේ (Rock Slip) ගැටලුව නිසාය. 1899දී ප්රකාශිත Ceylon Views (W.L.H. Skeen and Co., Joseph Lawton) පොතෙහි පැරණි පුපුරුවා හරින ඡායාරුප පලකල ඇත. Dark Arches ආරුක්කු පාලම පැරණි Lions Mouth සිට මීටර 150 පමන කඩුගන්නව දෙසට ඉහලින් පිහිටා ඇත. (චායාරූප 5, 6)
Dark Arches ආරුක්කු පාලම පැරණි වික්ටෝරියානු ගෘහනිර්මාණ ශිල්පය අනුව නිර්මාණය කර ඇති අතර, එහි පළල අඩි 12-15 (*estimated) අතර වන අතර මැද ආරුක්කුවේ උස අඩි 30* (estimated) ක් පමණ වේ. පාලමේ දෙපස කුඩා පැති බැම්මක් පිහිටා ඇති අතර, පාලම මතට එකතුවන වතුර නිවැරදිව පාලමින් ඉවතට ගලායෑම සඳහා water drainage system සවි කර ඇත. පාලම ඉදිකිරීම සඳහා කලු ගල් කුට්ටි සහ Portland cement යොදාගෙන නිම කරන ලදී. තවත් විශේෂත්වයක් වන්නේ, පාලම ඉදිකළ දා සිට අවසාන දුම්රිය ගමන් කළ දක්වා එයට කිසිදු ප්රධාන අලුත්වැඩියාවක් සිදුකර නොමැති අතර, පාලම තවමත් නිරුපද්රිත තත්ත්වයේ පවති. (චායාරූප 7, 8, 9, 10, 11, 12, 13, 14, 15)
මෙම පාලමේ තවත් විශේෂත්වයක් වන්නේ, පාලමට අඩි 5 ක පමණ පහළට, දුම්රිය මාර්ගය මත තවත් කුඩා යකඩ පාලමක් පිහිටා තිබීමයි. කෙසේවෙතත්, එම යකඩ පාලම මාර්ගය ගමන් කරන විට නොපෙනෙයි (චායාරූප 16, 17)
ආරුක්කු පාලම මතින් අවසාන වරට දුම්රියක් ගමන් කළ නිශ්චිත දිනය සොයා ගැනීමට නොහැකිව ඇත. එහෙත්, G.F. Perera ගේ The Ceylon Railway (1925) නම් පොතේ සඳහන් වන්නේ, කඩුගන්නාව දුම්රිය මාර්ගය අවසාන වරට divert එකක් සිදු කළ බවයි. මෙම කටයුත්ත 1905 නොවැම්බර් සිට 1906 ජුනි මාසය දක්වා ක්රියාත්මක වී ඇති බවට සඳහන්ය.
නමුත්, මෙම ඉදිකිරීම් සඳහා දුම්රිය මාර්ගය සම්පූර්ණයෙන් වසා දැමූ බවට කිසිදු සටහන්ක් සඳහන් නොවේ.
තොරතුරු විග්රහයෙන් අවබෝධ කරගත හැකිවන්නේ, මෙම කාලය තුළ දුම්රිය දෙපාර්තමේන්තුව මගින් අඩි 622ක් දිගැති 9 දුම්රිය බිංගය ඉදිකිරීමට යොදාගෙන ඇති බවයි.
ආරුක්කු පාලම භාවිතයෙන් ඉවත් කිරීමට හේතුව සෙවීමට, මා මිතුරු ජනිත් සමග පාලමේ පාදම් කොටස නිරීක්ෂණය කළද, එම කොටසට කිසිදු අනතුරකට බාජන වී තිබූ බවට සලකුණු නොමැත. එහෙත්, මම ඉහත සඳහන් කළ ආරුක්කු පාලම අසල පිහිටි කුඩා පාලම සම්බන්ධ වූ පර්වත පාදම් කොටස දැවැන්ත අලුත්වැඩියාවකට ලක් වූ බව සොයාගත හැකි විය.
අඩි 100 ක පමණ reinforced concrete wall ඉදිකර ඇති අතර, මෙම බිත්ති පාලම පිහිටි ගල් පර්වත කොටස slip වීම වැලැක්වීමට ඉදිකර ඇතැයි දැක සැනින් තේරුම්ගත හැකි විය..
පාලම පාදම් වෙත පහල බැසීම සදහා පැරනි පඩිපෙලක්ද ඉදිකර තිබුන බවට අසල පර්වතයට ඇතුලත් කරතිබෙන පැරනි රේල් කොටස්වලින් නිරීක්ෂණය කල හැක. (චායාරූප 18)
මෙම නිරීක්ෂණය අනුව, ආරුක්කු පාලම භාවිතයෙන් ඉවත් කිරීමට ඇති ප්රධාන හේතුව සෘජුවම ආරුක්කු පාලමට නොව, ඒ අවට පර්වත කොටසේ ආරක්ෂාව හා ස්ථාවරත්වය සම්බන්ධව ඇති තත්ත්වයක් විය හැකි බව සනාථ කළ හැක.
Dark Arches ආරුක්කු පාලමගේ වටිනාකම සංචාරක වැදගත්කමට වඩා, එහි අගනා වික්ටෝරියානු ගෘහනිර්මාණ ශිල්පයේම වසන්තයෙහි සන්සුන් වේදිකාවකි. 1867දී ඉදිවූ මෙම පාලම, අද වන විට කිසිදු ස්වභාවික ආපදාවකට ලක් නොවී, ශක්තිමත් ලෙස අනාගතයට ඉතිරිව තිබීම, ඒ යුගයේ ඉංජිනේරු තාක්ෂණයේ ප්රගතිශීලීත්වය සහ ගුණාත්මක බව පෙන්වයි. එමගින්, මෙම පාලම තාක්ෂණික වටිනාකම හා ඉතිහාසය එකට සන්සුන්ව රඳවා සිටින සන්සුන් මතක සන්සුන්කමක් ලෙස පිළිගත හැක.
සටහන - Ariyapperuma 🇱🇰🤍
📌ත්රිත්ව ආරුක්කු පාලම | Triple Arches Bridge
සැ.යු - මෙම සවිස්තරාත්මක වාර්තාවේ සම්පූර්ණ කර්තෘ අයිතිය Ariyapperuma මහතා සතුවන අතර හුදෙක් මෙම විචාරය අන් අය අතරට යැවීමට මෙම ලිපිය මෙම පිටුවෙහි පළකරන ලදි 🤍📌🇱🇰
