12/06/2024
ළමා ශ්රමිකත්වයට එරෙහි ජාත්යන්තර දිනය ජූනි මස 12 වන අද දිනට යෙදී තිබේ. ශ්රමිකයන් ලෙස ළමුන් යොදා ගැනීම ඔවුන්ව ශාරීරිකව සහ මානසිකව පිීඩාවට ලක්වීමට හේතුවේ.
අවුරුදු 16ට අඩු සෑම දරුවෙක්ම අනිවාර්ය අධ්යාපනය සඳහා යොමුකළයුතුය. අවුරුදු 16 - 18 ත් අතර ළමුන්ගේ ජීවිතයට, සෞඛ්යයට, අධ්යාපනයට සහ සදාචාර වර්ධනයට අනතුරුදායක වන රැකියාවල ළමුන් යෙදවිය නොහැක. එසේම මෙහෙකාර සේවය, අනාරක්ෂිත හෝ රාත්රී මුරසේවාවන් වල ළමුන් යෙදවීම දඬුවම්ව ලැබියහැකි වරදකි. ළමුන් සිඟමනේ යොදවාගැනීමේදී එලෙස යොදවන දෙමාපියන්ට සහ තැරැව්කරුවන්ට විරුද්ධව දණ්ඩ නීති සංග්රහයේ288 වන වගන්තිය අනුව බන්ධනාගාර ගත කිරීමකින් සහ දඩයකින් දඬුවම් කළහැක.
වීදි වෙළඳාම සඳහා යොදා ගැනීම, සර්කස් ඇතුළු විනෝද ක්රීඩා සිදු කොට මුදල් ඉපයීම, ළමුන් ළවා මත්ද්රව්ය හා මත්පැන් විකිණිම, ළමයින් ගණිකා වෘත්තියේ යෙදවීම, සයිබර් තාක්ෂණය ඔස්සේ ළමයින් වාණිජ කටයුතු සඳහා යොදාගැනීමද අපරාධ නීතිය යටතේ වැරදි ලෙස සලකනු ලැබේ.
මෙවන් කුමන හෝ වෘත්තියක් සඳහා ළමුන් යොදවා ගැනීම පිළිබඳ තොරතුරු ඔබ දන්නේ නම් 1929 යන ශ්රී ලංකා ළමා උපකාරක දුරකතන සේවය ඔස්සේ ජාතික ළමා ආරක්ෂක අධිකාරිය වෙත දැනුම් දෙන්න.
