15/07/2026
පෘතුගීසි කපිතාන්වරයෙක් හැදූ, පොල් ගස් 8,000ක මැද පිහිටි ගාල්ලේ "අටදහසේ වලව්ව"
ගාලු කොටුවෙන් පිටත අපට හමුවන, යටත් විජිත ඉතිහාසයේ අතිශය වැදගත් සහ අද්භූත කතාවක් හැංගිලා තියෙන තැනක් තමයි අහංගම, කතලුව දුම්රිය ස්ථානය අසල පිහිටි "කතලුව මහා වලව්ව". බොහෝ දෙනෙක් මෙය හඳුන්වන්නේ "ඔලන්ද බංගලාව" (Dutch House) කියලා
නමුත් ඔබ දන්නවාද මේ වලව්වේ ආරම්භය පෘතුගීසි යුගය දක්වා ඈතට දිවයන බව
අටදහසේ වලව්වේ අතීත කතාව
ලංකාවේ දකුණු මුහුදු තීරයේ සුන්දරත්වයට වශී වුණු පෘතුගීසි රාජකීය නාවික හමුදාවේ කපිතාන්වරයෙක් වූ ඕවන් ප්රනාන්දු (Owen Ferdinandez) ලංකාවේ ස්ථිරවම පදිංචි වෙන්න තීරණය කළා. ඔහු කතලුව ප්රදේශයෙන් අක්කර 125ක සාරවත් ඉඩමක් මිලදී ගෙන, එහි පොල් පැළ 8,000ක් වගා කරලා මේ මහා මන්දිරය ඉදි කළා. පොල් ගස් 8,000ක් මැද පිහිටි නිසා එකල මෙයට "අටදහසේ වලව්ව" (හෝ අටදාහේ වත්ත) කියලා ජනප්රිය වුණා
සිංහල අනන්යතාවයක් ගත් පෘතුගීසි ලේ:
පසුව මේ කපිතාන්වරයා දේශීය සංස්කෘතියට ඇති ලැදියාව නිසා, කොරතොට නායක හිමියන් හමුවී තම නම සිංහල නමකට වෙනස් කර ගත්තා. ඒ අනුව බිහිවූ පරම්පරාව තමයි දකුණේ ප්රසිද්ධ "ඔබේසේකර" පරම්පරාව
නඩු අසපු උසාවියක්:
ලන්දේසි සහ බ්රිතාන්ය යුගයන් පසු කරමින් එද්දී, මේ වලව්ව ගාල්ල තල්පේ පත්තුවේ නඩු විභාග කරන ප්රධාන උසාවියක් (Court House) විදියටත් කාලයක් භාවිත කර තිබෙනවා. අදටත් එහි පැරණි සිර මැදිරි, ලේඛනාගාර සහ ඓතිහාසික ගෘහ නිර්මාණ ශිල්පය දැකගත පුලුවන්
2004 වසරේ සුනාමි ව්යසනයෙන් පවා බේරුණු මේ ඓතිහාසික මන්දිරය, පුරාවිද්යා දෙපාර්තමේන්තුව මඟින් ආරක්ෂිත ස්මාරකයක් ලෙස ප්රකාශයට පත් කර තිබෙනවා. අද වන විට මෙය අලංකාර සංචාරක නිකේතනයක් (Luxury Boutique Hotel) ලෙස ප්රතිසංස්කරණය කර ඇතත්, එහි පැරණි පෞරාණික පෙනුම එලෙසම රැකගෙන තිබෙනවා.
මෙම ස්ථානය දැනට "Kathaluwa Grand Manor" හෝ "Kathaluwa Mahawalawwa" නමින් සුඛෝපභෝගී හෝටලයක් ලෙස පවත්වාගෙන යනවා
ගාලු උරුමයේ මෙවැනි සැඟවුණු තැන් ගැන තවත් තොරතුරු දැනගන්න අපේ පිටුව සමඟ දිගටම එකතු වී සිටින්න
📍 පිහිටීම: ගාල්ල, අහංගම බටහිර, කතලුව දුම්රිය ස්ථානය අසල.
