18/05/2026
ආබාධ සහිත පුද්ගලයින් රැකියා ගත කිරීමේ වැඩසටහන සමාජ සේවා දෙපාර්තමේන්තුව සහ මිනිස් බල රැකි රක්ෂා දෙපාර්තමේන්තුව එක්ව ජපන් ජයිකා ආයතනය සමඟ සහයෝගීතාවයෙන් සිදුකරන ලද්දකි.
මේ යටතේ දිවයින පුරා ආබාධ සහිත, නමුත් රටේ සංවර්ධනයට දායක විය හැකි පුද්ගලයින් සමාජයේ ප්රධාන ධාරාවට එකතු කොට ඔවුන්ගේ දායකත්වය රටේ සංවර්ධනයට යොදා ගැනීම එසේම පෞද්ගලිකව ඔවුන්ගේ ජීවන තත්ත්වය උසස් මට්ටමකට ගෙන ඒම, සමාජ අන්තර් කරණය මෙම වැඩසටහනේ මුඛ්ය පරමාර්ථ වේ. සමාන අවස්ථා ,සමාන ප්රවේශය තුලින් ආබාධ සහිත ප්රජාව සමාජයට අන්තර්කරණය කිරීම තුළ න් සැලකිය යුතු ප්රතිශතයක් වූ ආබාධ සහිත ප්රජාව තවදුරටත් සමාජයේ යැපෙන්නන් බවට පත් නොකිරීම මෙතුළින් සිදුවේ.
මෙම වැඩසටහන ක්රියාත්මක වීමේදී සමාජ සේවා දෙපාර්තමේන්තුව ඇතුළු පාර්ශව කරුවන් විවිධ මානයන් ඔස්සේ තම ඉලක්ක හඹා ගිය අතර එහි සාර්ථකත්වයක් පෙන්නුම් කළ අවස්ථාවකි මේ.
රැකියා ගත වූවන්, රැකියා සපයන ලද ආයතන ප්රධානීන්, රැකියා ගත කිරීම සඳහා මැදිහත් වූ නිලධාරීන් ඇගයීම ගාල්ල මාතර හම්බන්තොට රත්නපුර මොනරාගල යන දිස්ත්රික්කයන් සම්බන්ධ කර ගනිමින් පසුගියදා උත්සවාකාරයෙන් මාතර දී සිදු කරන ලදී.
