Eheliyagoda Pradeshiya Sabha

01/06/2026

🌿 ජාතික පරිසර සතිය - 2026 🌿 "දලුලන්න ඉඩදෙන්න" 🌿

♻️ජගත් පරිසර දිනය මූලික "Urgent Climate Action"- කඩිනම් දේශගුණික ක්‍රියාකාරීත්වය - යන ගෝලීය තේමාවට සමගාමීව, "තිරසර ජෛව ගෝලයක් - සදාහරිත ජීවිතයක්" යන දැක්ම පෙරදැරිව මැයි 30 වන දින සිට ජූනි 05 දින දක්වා සතියක කාල සීමාව "ජාතික පරිසර සතිය" ලෙස ප්‍රකාශයට පත් කර ඇත.♻️

ඇහැලියගොඩ ප්‍රාදේශීය සභාව විසින් ජාතික පරිසර සතිය 2026 යටතේ ඇහැලියගොඩ ප්‍රාදේශීය සභා බල ප්‍රදේශය තුළ ජගත් පරිසර දින සැමරුම් වැඩසටහන් රාශියක් සංවිධානය කර ඇති අතර 2026.06.01 එනම් අද දින
📌"ඇහැලියගොඩ නගරයේ වෙළඳ ප්‍රජාව හා මහජනතාව දැනුවත් කිරීමේ හා අත් පත්‍රිකා බෙදාදීමේ" විශේෂ වැඩසටහනක් ක්‍රියාත්මක කරන ලදී.

ඇහැලියගොඩ ප්‍රාදේශීය සභාවේ සභාපති බන්දුලසේන දුණුවිල මැතිතුමන්ගේ, උපසභාපති මහේෂ් රන්තනායක මැතිතුමන්ගේ, ඇහැලියගොඩ ප්‍රාදේශීය සභාවේ සභික මණ්ඩලයේ හා ඇහැලියගොඩ ප්‍රාදේශීය සභාවේ ලේකම් ආර්.ඩී. නලින් පුෂ්පකුමාර මහතාගේ උපදේශකත්වයෙන් හා මූලිකත්වයෙන් මෙම වැඩසටහ‍නෙහි සියලු සංවිධාන කටයුතු සිදුවිය.

01/06/2026

2026 මැයි 31 - ජාතික පරිසර සතිය 🌿🌍

"පරිසර පවිත්‍රතාවය පිළිබඳ දැනුම සහ ආකල්ප ප්‍රවර්ධනය" වෙනුවෙන් වෙන්වුණු ජාතික පරිසර සතියේ මේ විශේෂ දිනයේදී, සුන්දර හා පිරිසිදු ශ්‍රී ලංකාවක් වෙනුවෙන් අපේ වගකීම ඉටු කරමු.

31/05/2026

ආකල්ප ප්‍රවර්ධනය තුළින් පරිසර සංරක්ෂණය! 🌍🤝

ජාතික පරිසර සතිය නිමිත්තෙන්, සොබාදහම සුරැකීමේ වගකීම අපේ ජීවන රටාවේ කොටසක් කරගනිමු. පරිසරයට ආදරය කරන යහපත් ආකල්ප දරුවන් තුළත්, සමාජය තුළත් වර්ධනය කරමු. පිරිසිදු, හරිත ශ්‍රී ලංකාවක් වෙනුවෙන් එකතු වෙමු!

31/05/2026

🌿“2026 ජගත් පරිසර දිනය”🌿
“දලුලන්න ඉඩදෙන්න”
පරිසර සතිය (මැයි 30 සිට ජුනි 05 දක්වා)

“2026 ජගත් පරිසර දිනය”
“දලුලන්න ඉඩදෙන්න”
පරිසර සතිය (මැයි 30 සිට ජුනි 05 දක්වා)

#දලුලන්නඉඩදෙන්න

30/05/2026

🪷 සිත් සතන් සනහාලන 🪷
🪔 පින්බර වෙසක් මංගල්‍යයක් වේවා! 🪔

~ ˝සබ්බේ සත්තා භවන්තු සුඛිසත්තා˝ ~
සියලු දුක් නිවේවා! සුව සැපත ලැබේවා!
සියලු සත්ත්වයෝ සුවපත් වේවා! 🙏

29/05/2026

🔅රාජ්‍ය වෙසක් සතිය - 2026🔅
ශ්‍රී බුද්ධ වර්ෂ 2570 ක් වූ 2026 වර්ෂයේ මැයි මස 27 සිට ජූනි මස 02 දින දක්වා වෙසක් සතිය වශයෙන් ප්‍රකාශයට පත්කර ඇත.

විශේෂ දැනුම්දීම! 📢
📌රාජ්‍ය පරිපාලන, පළාත් සභා සහ පළාත් පාලන අමාත්‍යංශයේ ලේකම්ගේ නියෝග අනුව, මැයි මස 30, 31 සහ ජූනි 01 යන දිනයන්හි දී දිවයින පුරා ඇති

🔗මස් පිණිස සතුන් ඝාතනය කරන ස්ථාන හා මස් මාංශ අලෙවිසැල් වසා තැබිය යුතුය.

🔗සුපිරි වෙළඳසැල් වල මස් මාංශ අලෙවිය නැවැත්විය යුතුය.

🔗රේස් බුකි, කැසිනෝ ශාලා හා සමාජ ශාලා වසා තැබිය යුතුය.

28/05/2026

වර්ෂා කාලයත් සමග දිවයින පුරා බොහෝ ප්‍රදේශවලින් ˝මෙනින්ජයිටීස්˝ (මොළේ උණ) රෝගය🧠, ˝ඩෙංගු රෝගය˝🦟, ˝ක්ෂය රෝගය˝🗣️ වැළඳි රෝගීන් බොහෝ ප්‍රමාණයක් වාර්තා වී ඇති අතර එම රෝග සීඝ්‍ර ලෙස පැතිර යාමේ දැඩි අවධානමක් පවතින බව සෞඛ්‍ය අංශ මගින් පෙන්වා දී ඇත.

එම හේතුවෙන් එළඹෙන වෙසක් සමය තුළ ජනතාව බහුලව රැස්වෙන වෙසක් දන්සල්, වෙසක් උත්සව පැවැත්වීමේ දී සෞඛ්‍ය උපදෙස් හා නියමයන්ට අනුකූලව, සෞඛ්‍යාරක්ෂිත ක්‍රමවේද භාවිතා කරමින් 🚫පුද්ගල සෞඛ්‍ය මෙන්ම ♻️පරිසර පවිත්‍රතාවය ද නිසි පරිදි පවත්වාගැනීමට කටයුතු කරන්න.

🔗දන්සල් සංවිධායකයින් විසින් සිසිල් බීම දන්සල් පැවැත්වීම වෙනුවට තම දන්සල් තුළ තේ, කෝපි, රණවරා, බෙලිමල් වැනි ජලය උණුකර සකසන පාන වර්ග ලබාදීමට කටයුතු කරන්න.

🔗දන්සල් පැවැත්වීමේ දී හා දන්සල් සඳහා සහභාගීවීමේ දී සෑම පුද්ගලයෙකු විසින් ම මුඛ ආවරණයක් පළඳින්න.

🔗දන්සල් තුළ ආහාර සකස් කිරීමේ දී, ආහාර බෙදාහැරීමේ දී හා ආහාර ගැනීමේ දී හොඳින් දෑත් සෝදන්න.

🔗පිරිසිදු පානීය ජලය භාවිතා කරන්න.

🔗දන්සල් තුළ පොදුවේ භාවිතා වන වීදුරු, කෝප්ප, පිඟන් භාවිතයට පෙර හොඳින් පිරිසිදු කරන්න.

🔗දන්සැල් පැවැත්වීමේ දී පොලිතීන්, ප්ලාස්ටික් භාවිතය අවම කරමු. එක් වරක් පමණක් භාවිතා කළ හැකි ප්ලාස්ටික් කප්, ලන්ච්ෂීට් වෙනුවට පරිසර හිතකාමී පොල් කටු, කැන්ද කොළ, කෙසෙල් කොළ, නෙළුම් කොළ වැනි ස්වාභාවික අමුද්‍රව්‍ය භාවිතා කරන්න.

🔗දන්සල් හා උත්සව තුළින් බැහැර කරන අපද්‍රව්‍ය, නිසි පරිදි බැහැර කරන්න.

🔗දන්සල් හා උත්සව පැවැත්වෙන ස්ථාන තුළ අවට පරිසරයේ ඩෙංගු මදුරුවන් බෝවන ස්ථාන පවතීයි ද යන්න සොයාබලන්න. සෑම විටම අවට පරිසරය පිරිසිදු ව තබාගන්න.

🔸වෙසක් සමය තුළ පුද්ගල සෞඛ්‍ය හා පරිසර පවිත්‍රතාවය පවත්වාගනිමු!🔸
🔸වෙසක් උත්සවය අර්ථාන්විතව සමරමු!🔸

28/05/2026

ලෝකවාසී දයාබර සියලු ඉස්ලාමීය ජනතාවට
🌙 සුබ හජ්ජි උත්සවයක් වේවා! 🌙

27/05/2026

එළඹෙන වෙසක් උත්සව සමයේදී සිදුකරන වෙසක් සැරසිලි සඳහා,
🚫 ප්ලාස්ටික් හා පොලිතීන් භාවිතය අවම කරමු 🚫
♻️ පරිසර හිතකාමී ස්වාභාවික අමුද්‍රව්‍ය භාවිතා කරමු ♻️

✅බම්බු, ශාක ද්‍රව්‍ය, කඩදාසි, රෙදි වැනි ස්වාභාවික ද්‍රව්‍ය හා දිරන ද්‍රව්‍ය භාවිතයෙන් වෙසක් කූඩු හා වෙසක් සැරසිලි නිර්මාණය කරමින් සිදුවිය හැකි පරිසර දූෂණය අවම කර, පරිසරය ආරක්ෂා කර ගැනීමට ඔබත් දායක වන්න.

🌿“හරිත වෙසක්” සංකල්පය යටතේ, පරිසරයට හානියක් නොවන අලංකාරවත් වෙසක් උත්සවයක් සමරමු.🌿

27/05/2026

පළාත් සභා ප්‍රතිපාදන යටතේ, ඇහැලියගොඩ ප්‍රාදේශීය සභා බල ප්‍රදේශයට අයත් ඉද්දමල්ගොඩ මිටිපොළ පළාත් මාර්ගයේ කිරිකඳුල වත්ත පැති බැම්ම හා බෝක්කුව සංවර්ධනය කිරීමේ කටයුතු පසුගිය දිනෙක ආරම්භ විය.

ඇහැලියගොඩ ප්‍රාදේශීය සභාවේ ඉද්දමල්ගොඩ කොට්ඨාස මන්ත්‍රී සෙනරත් කස්තුරිආරච්චි මැතිතුමන්ගේ යෝජනාවක් හා මූලික මැදිහත්වීම මත ඇරඹි මෙම ව්‍යාපෘතියේ සංවර්ධන කටයුතු ආරම්භක අවස්ථාව සඳහා ඇහැලියගොඩ ප්‍රාදේශීය සභාවේ සභාපති බන්දුලසේන දුණුවිල මැතිතුමන් හා ඇහැලියගොඩ ප්‍රාදේශීය සභාවේ මන්ත්‍රී ඩිල්ෂාන් කාවින්ද මැතිතුමන් විසින් සම්බන්ධ විය.