27/10/2026
අගලවත්ත, පිඹුර ප්‍රදේශයට
නව උප තැපැල් කාර්යාලයක් !
එම ප්‍රදේශයේ පවුල් 2,600කට
වැඩි පිරිසකට වඩාත් කාර්යක්ෂම සහ
පහසු තැපැල් සේවාවක් ලබා දීමේ අරමුණින්,
අගලවත්ත - පිඹුර නව උප තැපැල් කාර්යාල
ගොඩනැගිල්ල ඉදි කිරීම සඳහා
මුල්ගල් තැබීම අද දින සිදු විය.
ඒ විෂය භාර අමාත්‍ය,
වෛද්‍ය නලින්ද ජයතිස්ස
මැතිතුමන්ගේ ප්‍රධානත්වයෙනි.
රුපියල් ලක්ෂ 66.3 ක
ප්‍රතිපාදන වැය කරමින් ඉදි කිරීමට යෝජිත
මෙම තැපැල් කාර්යාලය
මාස 03 ක් වැනි කෙටි කාලයක් තුළ
ඉදිකිරීම් අවසන් කිරීමට නියමිත ය.
මෙම අවස්ථාව සඳහා
කළුතර දිස්ත්‍රික් පාර්ලිමේන්තු මන්ත්‍රී
ධනුෂ්ක රංගනාත් මහතා,
අගලවත්ත ප්‍රදේශීය සභාවේ සභාපති
ලලිත් කුමාරරත්න මහතා,
අගලවත්ත ප්‍රදේශීය ලේකම්
සඳරේඛා නිල්මිණි වෙල්ගම මහත්මිය ඇතුළු
නිළධාරී මහත්ම මහත්මින්ද,
තැපැල්පති රුවන් සත්කුමාර මහතා,
නියෝජ්‍ය තැපැල්පති (පාලන)
චමීෂා ද සිල්වා මහත්මිය,
නියෝජ්‍ය තැපැල්පති (බස්නාහිර-දකුණ)
නිලන්ත කඳනආරච්චිමහතා,
තැපැල් අධිකාරී (ඉඩම් හා ගොඩනැගිලි)
චම්පික පෙරේරා මහතා,
සිවිල් ඉංජිනේරු (තැපැල්)
ලහිරු ගොඩගේ මහතා ඇතුළු
තැපැල් දෙපාර්තමේන්තු නිලධාරී
මහත්ම මහත්මීන්, රාජ්‍ය නිලධාරීන්,
සහ ප්‍රදේශවාසීන්ද එක්ව සිටියහ.
මාධ්‍ය අංශය,
තැපැල් මූලස්ථානය.
#𝐚𝐠𝐚𝐥𝐚𝐰𝐚𝐭𝐭𝐚
#තැපැල්
