05/04/2026
පැෆ්රල් ආයතනය වෙත "මැතිවරණ ප්රතිසංස්කරණය" පිළිබඳව ධරණී ලංකා ජාතික ව්යාපාරය (Darani Lanka National Movement) වෙනුවෙන් අදහස් හා යෝජනා ලබා දීමේදී මා විසින් නව දේශපාලන පක්ෂ ලියාපදිංචිය සම්බන්දයෙන් පහත අදහස් දක්වන ලදී.
දේශපාලන පක්ෂයක් ලෙස යම් ව්යාපාරයක් ලියාපදිංවි කිරීම අදියර වශයෙන් කලයුතු බව. එනම් ක්රියාත්මකවීම පටන් ගත් මූලික අවස්ථාවේම ඒ සඳහා මැතිවරණ කමිෂන් සභාවෙන් නම වෙන්කර ගැනීමට අවස්ථාවක් ලබාදීම, ඒ නමින් බැංකු ගිණුමක් ආරම්භ කිරීමට හා බදු ගොනුවක් (Tax Identification Number) විවෘත කිරීමට අවස්ථාව ලබා දීම කලයුතු බවයි. දේශපාලන ව්යපාරයේ නිළධාරීන් නමින් බැංකු ගිණුම් පවත්වාගෙන යාමට මැතිවරණ කොමිසම මගින් උපදෙස් දීම මගින් එම නව පක්ෂයේ නිළධාරීන් මෙන්ම පක්ෂ ආධාරකරුවන්ද අපහසුතාවයට පත්වේ. එමෙන්ම එය අක්රමිකතාවලටත් මග පාදනු ලබයි. අධියර ලෙස ප්රගති සමාලෝචනයක් සමඟ ඉදිරියට යාමේදී එහි විනිවිදභාවයක්ද පවතී.
එමෙන්ම මෙසේ අදියර ලෙස ඉදිරියට යාමේදී යම් මොහොතක යම් නව දේශපාලන ව්යාපාරයකට සාධනීය ජනමතයක් පවතීයයි පෙනී යන්නේ නම් ඒ සඳහා නියමිත කාලයට පෙර ලියාපදිංචි ලබා දීමට අභිමතානුසාරී බලයක් මැතිවරණ කමිෂන් සභාවට තිබිය යුතු බවයි. එහි පදනම වනුයේ පවත්වනු ලබන මැතිවරණය මගින් ඒ මෙහොතේ රටේ පවතින සැබෑ මහජන මතය නියෝජනය විය යුතුය යන්නයි.
