National Secretariat for Elders

15/09/2026

මාධ්‍ය පුහුණු දැණුවත් කිරීමේ වැඩමුළුව හා නිලධාරින් සඳහා lap top පරිඝනක පිරිනැමීම 2026.09.15 ( NSE MEDIA TEAM )
******************************************

ජාතික වැඩිහිටි මහලේකම් කාර්යාලයේ සේවයේ නියුතු නිලධාරීන්, ගන්නා වැටුපට සේවයක් මෙන්ම පිංකමක් කරගන්නා එකම රාජ්‍ය සේවයේ නියුතු නිලධාරීන් පිරිසක් බව​, ග්‍රාමීය සංවර්ධන සමාජ ආරක්ෂණ සහ ප්‍රජා සවිබලගැන්වීම් ගරු අමාත්‍ය ආචාර්ය උපාලි පන්නිලගේ මැතිතුමන්ගේ මාධ්‍ය සම්බන්ධිකරණ ලේකම් නිශාන්ත ප්‍රේමරත්න මහතා සඳහන් කළේය.

​ඔහු මේ බව සඳහන් කළේ " බත්තරමුල්ල, අපේ ගම " පරිශ්‍රයේ පැවැති වැඩිහිටි හිමිකම් ප්‍රවර්ධන නිලධාරීන් සඳහා වන " මාධ්‍ය පිළිබද දැනුවත් කිරීමේ වැඩමුළුවට " ගරු අමාත්‍යතුමා නියෝජනය කරමින් එක්වෙමින්ය. ජාතික වැඩිහිටි මහලේකම් කාර්යාලයේ අධ්‍යක්ෂතුමන් ඇතුළු නිලධාරීන්ද මෙම අවස්ථාවට එක්ව සිටියහ.

​මෙහිදී අදහස් දැක්වූ ජාතික වැඩිහිටි මහලේකම් කාර්යාලයේ අධ්‍යක්ෂකතුමන් සඳහන් කළේ " ලස්සන ජීවිතයක් - පෝහොසත් රටක් " ජාතික ප්‍රතිපත්තිය ඉදිරියට ගෙන යාම සඳහා නිලධාරීන් සුපිළිපන්නව කටයුතු කළ යුතු බවත් කාර්යක්ෂම රාජ්‍ය සේවයක් වෙනුවෙන් නිලධාරීන්ට අවශ්‍ය භෞතික සම්පත් ද රජය මඟින් ලබා දෙන බවයි.

09/09/2026

ඔක්තෝම්බර් සිට වැඩිහිටි දීමනා බැංකු ගිණුම්වලට පමණයි

සැප්තැම්බර් 30ට පෙර තොරතුරු පද්ධතිය යාවත්කාලීන කිරීමට විශේෂ කමිටුවක්
******************************************

​ඔක්තෝම්බර් මාසයේ සිට සියලුම වැඩිහිටි දීමනා ගෙවීම් බැංකු ගිණුම් හරහා පමණක් සිදු කිරීමට පියවර ගෙන ඇති බව ග්‍රාමීය සංවර්ධන සහ ප්‍රජා සවිබලගැන්වීම් අමාත්‍යාංශයේ අතිරේක ලේකම් එච්.ටී.ආර්. නාලිකා පියසේන මහත්මිය ප්‍රකාශ කළාය.
​ඇය මේ බව සඳහන් කළේ අමාත්‍යාංශ ශ්‍රවණාගාරයේදී පැවැති වැඩිහිටි හිමිකම් ප්‍රවර්ධන නිලධාරීන්ගේ ප්‍රගති සමාලෝචන රැස්වීම අමතමිනි. ජාතික වැඩිහිටි මහලේකම් කාර්යාලයේ අධ්‍යක්ෂවරයා ඇතුළු නිලධාරීන් සහ සුභසාධන ප්‍රතිලාභ මණ්ඩලයේ නිලධාරීහු ද මෙම අවස්ථාවට එක්ව සිටියහ.

​මෙහිදී වැඩිදුරටත් අදහස් දැක්වූ අතිරේක ලේකම්වරිය පහත කරුණු ද අනාවරණය කළාය.
​තොරතුරු පද්ධතිය යාවත්කාලීන කිරීම: සුභසාධන ප්‍රතිලාභ දත්ත පද්ධතියට තොරතුරු ඇතුළත් කිරීමේ ප්‍රගතිය දැනට මන්දගාමී මට්ටමක පැවතීම හේතුවෙන්, එම කටයුතු කඩිනම් කිරීමට විශේෂ කමිටුවක් පත් කර තිබේ. එම කමිටුව හරහා සැප්තැම්බර් 30 වන දිනට පෙර තොරතුරු ඇතුළත් කිරීමේ කටයුතු සම්පූර්ණයෙන් අවසන් කිරීමටත් .
​ජාත්‍යන්තර වැඩිහිටි දින සැමරුම: ඔක්තෝබර් 01 වන දිනට යෙදෙන ජාත්‍යන්තර වැඩිහිටි දිනය නිමිත්තෙන් පැවැත්වෙන ප්‍රධාන සැමරුම් උත්සවය පන්නල, Netherlands Welcome Village වැඩිහිටි ගම්මානය මුල් කරගනිමින් සංවිධානය කිරීමට කටයුතු යොදා ඇති බවද සඳහන් කලාය

05/09/2026

ජාත්‍යන්තර වැඩිහිටි දින සැමරුම් උළෙල - 2026
**************************
ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැන්වීම් අමාත්‍යංශ ගරු නියෝජ්‍ය අමාත්‍ය, දිගාමඩුල්ල දිස්ත්‍රික් සංවර්ධන කමිටු සභාපති, වසන්ත පියතිස්ස මැතිතුමන්ගේ ප්‍රධානත්වයෙන් සහ,කුරුණෑගල දිස්ත්‍රික් ගරු පාර්ලිමේන්තු මන්ත්‍රී ආචාර්ය ජගත් ගුණවර්ධන මහතාගේ ප්‍රධානත්වයෙන් කුරුණෑගල, පන්නල NEDARLANTHA WELL COME VILLEGE වැඩිහිටි ගම්මානය ක්‍රේන්ද්‍ර කරගනිමින් පවත්වන්නට යෙදෙන වැඩසටහන වෙනුවෙන් විශේෂ දැනුවත් කිරීමේ වැඩ සටහනක් 2026.08.03 වන දින පැවැත්වීය.

මෙම අවස්ථාවට ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැන්වීම් අමාත්‍යංශ අතිරේක ලේකම්තුමිය, ජාතික වැඩිහිටි මහලේකම් කාර්යාලයේ අධ්‍යක්ෂකතුමන්, ප්‍රාදේශීය සභා මන්ත්‍රීවරු, ප්‍රාදේශීය ලේකම්තුමන් ඇතුළු රාජ්‍ය ආයතන නිලධාරීන් එක්ව සිටියහ.

03/09/2026

ජාතියේ උන්නතිය වෙනුවෙන් අසීමිත කැපවීම් කළ, ජේෂ්ඨ පුරවැසියන් වෙනුවෙන් සිඳු කරන අසීමිත සේවාව වෙනුවෙන් ජාතික වැඩිහිටි මහලේකම් කාර්යාලයේ අධ්‍යක්ෂකතුමන්ට වයඹින් උපහාර...

02/09/2026

ආරච්චිලා මැණිකෙලත් පිරිවරන්,
කඳ මලුත් බැඳ අරන්,
අපේකමත් හඳවතින් අරන්,
සංස්කෘතියටත් මුල් තැන දෙමින්,
ඇතුගල් පුරවරයේ මතකයනුත් අරන්,
පා තබයි වැඩිහිටියන්ගේ මහ ගෙදරටත්
අද ඉතින් ...

02/09/2026