Divisional Secretariat Office - Horowpothana

25/06/2026

හොරොව්පොතාන ප්‍රාදේශීය ලේකම් කොට්ඨාසයේ කාන්තා සමිති සාමාජිකාවන් සදහා ආදායම් උත්පාදන මාර්ග සදහා පෙළඹවීමේ පුහුණු වැඩසටහනක් 2026.06.18 - 2026.06.19 දෙදින ප්‍රාදේශීය ලේකම් කාර්යාලිය ශ්‍රවණාගාරයේ දි පැවැත්විය.ශ්‍රි ලංකා කාන්තා කාර්යාංශය හා ප්‍රාදේශිය ලේකම් කාර්යාලය මගින් වැඩසාහන සංවිධානය කරනු ලැබු අතර උත්පාදන මාර්ග හදුනා ගැනීම. තෝරාගැනීම , ව්‍යාපාර සැළැස්ම සැකසීම ,ගනුදෙනු සටහන් කරන ආකාරය හා කාන්තා කාර්යාංශ ණය වැඩසටහන් ඇතුළු මාතෘකා යටතේ කාන්තාවන් පුහුණු කරනු ලැබීය. ⁣මෙහි සමිපත් දායකත්වය කුඩාව්‍යාපාර සංවර්ධන නිලධාරි පි.පි.කේ.පියසේන,කුඩාව්‍යාපාර සංවර්ධන නිලධා වින්දික උපුල්විල,වනිතා සංවර්ධන නිලධාරි එච්.ආර්.කේ. මැණිකේ යන නිලධාරින් විසින් දෙනු ලැබීය.

25/06/2026

පොසොන් සතියට සමගාමීව වැලිමුවපොතානේ සීලවංශ හිමියන් විසින් හොරොව්පොතාන ප්‍රාදේශීය ලේකම් කාර්යාලයේ දී 2024.06.24 දින ධර්ම දේශනාවක් පවත්වන ලදී.
ප්‍රාදේශීය ලේකම් තුමියගේ උපදෙස් පරිදි කාර්යාල නිලධාරීන් එක්ව මෙම වැඩසටහන සංවිධානය කරන ලදී.

15/06/2026

*ප්‍රාදේශීය රැකියා පොළ - 2026
හොරොව්පොතාන *

හොරොව්පොතාන ප්‍රාදේශීය ලේකම් කාර්යාලයත් කම්කරු අමාත්‍යාංශයේ මිනිස්බල හා රැකීරක්ෂා ද‍ෙපාර්තමේන්තුවත් එක්ව වාර්ෂිකව සංවිධානය කරනු ලබන ප්‍රාදේශීය රැකියා පොළ - 2026 වැඩසටහන මෙවර ජුනි මස 12 වන දින හොරොව්පොතාන ප්‍රාදේශීය ලේකම් කාර්යාල පරිශ්‍රයේදී පැවැත්විණි.

රටේ සමස්ත මානව සම්පත සංවර්ධනය කිරීම සඳහා ශක්තිමත් වෘත්තිකයන් බිහිකිරීමේ අරමුණින් මෙම වැඩසටහන සංවිධානය කෙරේ. ඒ සඳහා ත්‍රිවිධ හමුඳාවේ බඳවා ගැනීම් අංශ, විවිධ ක්ෂේත්‍රයන්හි පෞද්ගලික අංශයේ රැකියා සපයන ආයතන හා වෘත්තීය පුහුණු හා උසස් අධ්‍යාපන ආයතන 20 ක් පමණ එක් වූ අතර රැකියා හා පුහුණු අපේක්ෂිතයන් 120කට ආසන්න ප්‍රමාණයක් තම රැකියා සිහින සාක්ෂාත් කරගැනීමට මෙන්ම වෘත්තීය පුහුණු අවස්ථාවන් අපේක්ෂාවෙන් සහභාගි විය.

ප්‍රාදේශීය ලේකම්තුමියගේ (Udeshika Kumari) නිබඳ මඟපෙන්වීම් හා උපදෙස් අනුව මානව සම්පත් සංවර්ධන නිලධාරී විසින් මෙම වැඩසටහන සංවිධානය කල අතර සහකාර ප්‍රාදේශීය ලේකම්, සහකාර සැලසුම් අධ්‍යක්ෂක, ගණකාධිකාරි, පරිපාලන ග්‍රාම නිලධාරී ,සමෘද්ධි සංවර්ධන දෙපාර්තමේන්තුවේ මූලස්ථාන කළමණාකරු, සමෘද්ධි සංවර්ධන සමිති කළමණාකරු , වසම්භාර ග්‍රාම නිලධාරීන්, ප්‍රජා සවිබල ගැනිවීමේ නිලධාරීන්, ක්ෂේත්‍ර නිලධාරීන්, සමෘද්ධි සංවර්ධන නිලධාරීන් ඇතුළු සියලු ම නිලධාරීන් මෙම වැඩසටහන සාර්ථක කර ගැනීම සඳහා දායකත්වය දක්වන ලදී

10/06/2026

හොරොව්පොතාන ප්‍රාදේශීය ලේකම් කොට්ඨාශයේ අංක 151 - දියතිත්තවැව ග්‍රාම නිලධාරී වසමෙහි පදිංචි එස්.කාසිම්බාවා මහතා හට ජනාධිපති අරමුදල මඟින් අනුමත කරමින් නිකුත් කරන ලද රු.300,000.00 ක වෛද්‍යාධාර මුදල ප්‍රාදේශීය ලේකම් උදේශිකා කේ.රාජපක්ෂ (Udeshika Kumari) මැතිණිය අතින් 2026.06.08 වන දින පිරිනමන ලදී.

ජනාධිපති අරමුදල මගින් සපයන ආධාර උපකාර සේවා ලබා ගැනීමට දැන් ඔබට හොරොව්පොතාන ප්‍රාදේශීය ලේකම් කාර්යාල මගින් පහසුකම් සලසා ඇත.

ජනාධිපති අරමුදල සදහා අයදුමි කිරීමට අදාළ අයදුම් පත් පහත සබැඳියාවෙන් (Link) ලබා ගන්න.

👉Application Link: https://www.presidentsfund.gov.lk/downloads/applications/:

10/06/2026

ශ්‍රී ලංකාවේ ටේලර්වරුන්ගේ පාරම්පරික කුසලතා ගෝලීය වෙළදපොළට හදුන්වාදීම

ශ්‍රී ලංකා පේෂකර්ම සහ ඇගලුම් ආයතනය (SLITA), කර්මාන්ත සහ වයවසායකත්ව,සංවර්ධන අමාත්‍යාංශයේ අනුග්‍රහය යටතේ දිවයින පුරා විසිරී සිටින ටේලර් වෘත්තිකයන්හට RPL ක්‍රමවේදය ඔස්සේ NVQ 4 සහතිකපත්‍ර (ජාතික වෘත්තීය සුදුසුකම) ලබාදීම ඉහත වයාපෘතිය යටතේ ක්‍රියාවට නංවා ඇත.

👉මෙම වැඩසටහන ඇගයීම් පරීක්ෂණ ගාස්තුවලින් තොරව නොමිලයේ පවත්වන අතර පරීක්ෂණය සදහා අවශ්‍ය අමුද්‍රව්‍ය පමණක් ඉල්ලුම්කරු විසින් සපයා ගත යුතුය.

👉තව ද ඇගයීම් පරීක්ෂණය SLITA ආයතනයේ මූලිකත්වයෙන් තෘතීයික හා වෘත්තීය අධ්‍යාපන කොමිෂන් සභාව (TVEC) තුළ ලියාපදිංචි හොරොව්පොතාන කොට්ඨාසයේ ඇගයීම් මධ්‍යස්ථානයක් තුළ පැවැත්වීමට කටයුතු සංවිධානය කර ඇත.

👉උක්ත වැඩසටහන සදහා හොරොව්පොතාන කොට්ඨාසයේ සිටින කාන්තා හා පිරිම් ටේලර්වරුන්හට පහත සුදුසුකම් පවතීනම් අයදුම් කිරීමට විශේෂ අවස්ථාවක් ලැබී ඇත.
⭕ මැහුම් ක්ෂේත්‍රයේ වසර 4 කට වඩා වැඩි සේවා පළපුරුද්ද

⭕ කාන්තා ටේලර්වරුන් - සාරි හැට්ටය සහ A-line ගවුම දෙනු ලබන මිනුම් අනුව කපා මැසිය හැකිවීම.

⭕පිරිමි ටේලර්වරුන් - අත්දිග කමිසය සහ දිග කලිසම දෙනු ලබන මිනුම් වලට අනුව කපා මැසීය හැකි වීම.

ඔබත් ඉහත සුදුසුකම් වලින් පරිපූර්ණ මැහුම් ක්ෂේත්‍රයේ නියුක්ත වෘත්තිකයෙක් නම් මෙම වැඩසටහන සදහා 2026.06.30 වන දිනට පෙර අයදුම් කරන්න.

අයදුම්පත ලබා ගැනීමට හා වැඩිදුර විමසීම් සදහා RPL ලෙස සදහන් කරමින් පහත දුරකථන අංකයට Whatsapp පණිවිඩයක් යොමු කරන්න.
070 2177921

මානව සම්පත් සංවර්ධන නිලධාරී
ප්‍රාදේශීය ලේකම් කාර්යාලය - හොරොව්පොතාන

08/06/2026

🎯හොරොව්පොතාන ප්‍රාදේශීය රැකියා පොළ වැඩසටහන

මිනිස්බල සහ රැකීරක්ෂා දෙපාර්තමේන්තුවත් හොරොව්පොතාන ප්‍රාදේශීය ලේකම් කාර්යාලයත් එක්ව වාර්ෂිකව සංවිධානය කරනු ලබන,

🚫 ප්‍රාදේශීය රැකියා පොළ - 2026
*
📅 2026.06.12 වන දින
⏰ පෙ.ව. 8.30 ට
🏤 හොරොව්පොතාන ප්‍රාදේශීය ලේකම් කාර්යාලයේදී පැවැත්වේ.

එදින පැමිණෙන ඔබට, 👇

👉පෞද්ගලික අංශයේ රැකියා අවස්ථා සඳහා යොමු වීමට,
👉ත්‍රිවිධ හමුදා බඳවා ගැනීම් සඳහා මූලික දැනුවත් කිරීම්
👉රැකියා අවස්ථා සඳහා මූලික සම්මුඛ පරීක්ෂණ
👉විදේශීය රැකියා අවස්ථා දැනුවත් කිරීම්
👉වෘත්තීය පුහුණු පාඨමාලා තොරතුරු
👉ස්වයං රැකියා අවස්ථා පිළිබඳ තොරතුරු
👉ව්‍යවසායකත්ව කටයුතු සඳහා මගෙපන්වීම්

යනාදී සේවාවන් රැසක් එකම දිනක් තුළ ලබා ගත හැකිය.

රැකියා පොළ වැඩසටහන සදහා,
👉අ.පො.ස.(සා/පෙළ) හා අ.පො.ස.(උ/පෙළ) විභාගයන්ට මුහුණ දුන් සිසු සිසුවියන්
👉පාසල් හැරගිය සිසු සිසුවියන්
👉රැකියා විරහිත තරුණ තරුණියන්
👉විදෙස් රැකියා බලාපොරොත්තුවන්නන්
👉ස්වයං ව්‍යාපාරයක් ආරම්භ කිරීමට බලාපොරොත්තු වන්නන් සහභාගී විය හැකිය.

💪විවිධ ක්ෂේත්‍රයන්හි රැකියා සපයන ආයතන 20 ට වැඩි ප්‍රමාණයක් වෘත්තීය පුහුණු හා උසස් අධ්‍යාපන ආයතන එදිනට සහභාගී වීමට නියමිතයි. 😍
💪ඔබගේ සුදුසුකම් සඳහා ගැළපෙන රැකියා අවස්ථාවක්, රජයේ පිළිගත් වෘත්තීය පාඨමාලාවක්,උසස් අධ්‍යාපන අවස්ථාවක් සොයන ඔබ සඳහාම නොමිලේ සංවිධානය වන මෙම වැඩසටහනට මඟ නොහැර සම්බන්ධ වන්න. 😍

👉සහභාගී වීමට අපේක්ෂා කරන ඔබ වැඩිදුර දැනුවත් වීම් සඳහා පහත link එක ක්ලික් කර අපගේ වට්ස්සැප් සමූහයට එකතු වන්න. 🥰

https://chat.whatsapp.com/JphevR5CVCa3h2ZegeDUmw

ඔබගේ පැමිණීම තහවුරු කිරීම සඳහා JF ලෙස සදහන් කරමින් පහත දුරකථන අංකයට whatapp පණිවිඩයක් යොමු කරන්න.
0702177921

☎️ ️විමසීම් - 070 2177921(මානව සම්පත් සංවර්ධන නිලධාරී)

0714123915 (නිපුණතා සංවර්ධන නිලධාරි)

03/06/2026

"ගම් දහසක් වැඩ දහසක්"ග්‍රාමීය සංවර්ධන වැඩසටහනෙහි හොරොව්පොතාන කොට්ඨාශයේ වැඩ සටහන් ආරම්භය
===================================
ප්‍රජා ශක්ති සංවර්ධන ව්‍යාපෘතිය යටතේ ක්‍රියාත්මක "ගම් දහසක් වැඩ දහසක්" ග්‍රාමීය සංවර්ධන වැඩසටහන ජුනි මස 2 වන දින හොරොව්පොතාන ප්‍රාදේශීය ලේකම් කොට්ඨාසයේ ග්‍රාම නිලධාරි වසම් තුනක ව්‍යාපාති තුනක් ආරම්භ කරන ලදී.
මුක්කරවැව ග්‍රාම නිලධාරි වසමේ ලේවාසපිරිවැව ජනතාව වෙනුවෙන් Ro ජල ෆිල්ටරයක් ඉදිකිරීම, විලේවැව වසමේ සහ මොරකෑව වසමේ ග්‍රාමීය මාර්ග පිළිසකර කිරීම මේ යටතේ ඇතුලත් විය.
මෙම ආරම්භක වැඩ සටහන පාර්ලිමේන්තු මන්ත්‍රී මහාචාර්ය පී.ඩී.එන්.කේ පලිහේන මැතිතුමා, හොරොව්පොතන ප්‍රාදේශිය ලේකම් උදේශිකා කේ රාජපක්ෂ මහත්මියගේ, හොරොව්පොතාන ප්‍රාදේශීය සභාවේ සභාපති තරංග ප්‍රසාද් ජයවර්ධන මහතා සහ සහකාර ලේකම් සඳරේණු සමරනායක මෙනවිය‌ගේ ප්‍රධානත්වයෙන් රාජ්‍ය නිලධාරීන්ගේ සහ ප්‍රතිලාභී ජනතාවගේ සහභාගිත්වයනේ පවත්වන ලදී.

01/06/2026

පිණ්ඩපාත දානමය වැඩ සටහන - හොරොව්පොතාන
==================================
සම්බුදු තෙමඟුල වෙනුවෙන් හොරොව්පොතාන ප්‍රාදේශීය ලේකම් කොට්ඨාසයේ විවිධ වැඩ සටහන් රාශියක් සංවිධානය කර තිබිණි. මෙයින් ප්‍රදේශයේ භික්ෂූන් වහන්සේලා වෙත පිණ්ඩපාත දානය ලබා දීමේ වැඩසටහනක් 2026 මැයි මස 27 දින, ප්‍රාදේශීය ලේකම් කාර්යාලය ප්‍රමුඛ කොට ප්‍රදේශයේ රාජ්‍ය ආයතන නිලධාරීන් හා ප්‍රදේශ වාසීන් සම්බන්ධ වී සිදු කරන ලදී‍.

උතුරු මධ්‍යම දිසාවේ උප ප්‍රධාන සංඝනායක, අඹගස්වැව පුරාණ රජමහා විහාරාධිපති පූජ්‍ය අඹගස්වැව ඉන්දජෝති නාහිමියන්, උතුරු මධ්‍යම දිසාවේ හුරුලු පලාතේ ප්‍රධාන සංඝනායක අලුවිහාරේ විමලරතන නාහිමියන්, වැලිමුවපොතානේ පියරතන හිමි ඇතුළු භික්ෂූන් වහන්සේලා රැසක් සහභාගි විය.
හොරොව්පොතාන නගරයවේ ලංකා බැංකුව ඉදිරිපිට දී ආරම්භ වූ පිණ්ඩපාත චාරිකාව හොරොව්පොතාන නගරය හරහා ශ්‍රී සවර්ණතිලකාරමා විහාරස්ථානය ගමන් කරන්නට යෙදුණි.

මෙහි දී විශාල පිරිසක් භික්ෂූණ් වහන්සේලාට දානය පිරිනැමීම සඳහා මාර්ග දෙපස රැස්ව සිටි අතර විශේෂයෙන් මුස්ලිම් ව්‍යාපාරිකයන් ද මෙහි දී දානය පිලිගැන්වීමට දායක වුණි.

30/05/2026

29/05/2026

හොරොව්පොතාන ශ්‍රී සද්ධර්මරාජ විහාරාධිපති,
කැබිතිගොල්ලෑව ශාසනාරක්ෂක මණ්ඩල ගෞරව සභාපති ධූරන්ධර, සමස්ත ලංකා ප්‍රථම සංඝාධිකරණයේ හිටපු ගෞරව ලේඛකාධීකාරී, හොරොව්පොතාන අනුබුදු මිහිදු මහ පෙරහැරේ නිර්මාතෘ ඇලපත්වැවේ ඤාණසිරි මාහිමිපාණන් වහන්සේ අවුරුදු 99 ක් ආයු වළදා අපවත්වී වදාළ සේක.

අවසරයි අපේ මාහිමිපාණන් වහන්ස, ඔබවහන්සේට උතුම් නිබ්බාන සුවයම අත් වේවා ! 🙏🙏