ສານປະຊາຊົນສູງສຸດແຫ່ງ ສປປລາວ The People's Supreme Court of The Lao PDR

ສານປະຊາຊົນສູງສຸດແຫ່ງ ສປປລາວ The People's Supreme Court of The Lao PDR ເພກສານປະຊາຊົນສູງສຸດ ເພື່ອການໂຄສະນາຂໍ້ມູນຂ່າວສານຂອງສານປະຊາຊົນ ແລະ ລະບຽບ ກົດໝາຍ

ໃນຕອນເຊົ້າ ຂອງວັນທີ 15 ກັນຍາ 2026 ທີ່ແຂວງຈໍາປາສັກ, ສານປະຊາຊົນສູງສຸດ ໄດ້ເປີດການຝຶກອົບຮົມ ກ່ຽວກັບການນໍາພາຂະບວນຍຸຕິທໍາທີ່ຄໍ...
16/09/2026

ໃນຕອນເຊົ້າ ຂອງວັນທີ 15 ກັນຍາ 2026 ທີ່ແຂວງຈໍາປາສັກ, ສານປະຊາຊົນສູງສຸດ ໄດ້ເປີດການຝຶກອົບຮົມ ກ່ຽວກັບການນໍາພາຂະບວນຍຸຕິທໍາທີ່ຄໍານຶງເຖິງຄວາມສະເໝີພາບ ລະຫວ່າງຍິງ-ຊາຍ ໃຫ້ແກ່ບັນດາຜູ້ພິພາກສາ ຊັ້ນສາມ, ຊັ້ນສອງ, ຊັ້ນໜື່ງ ແລະ ຜູ້ຊ່ວຍຜູ້ພິພາກສາ ຂອງສານປະຊາຊົນ ພາຍໃນແຂວງຈໍາປາສັກ ໂດຍພາຍໃຕ້ການເປັນປະທານ ຂອງທ່ານ ຄູນ ຜາສຸກ ຮອງປະທານສານປະຊາຊົນສູງສຸດ, ມີຫົວໜ້າ ກົມຮ່ວມມືສາກົນ, ຮອງຫົວໜ້າ ສະຖາບັນຄົ້ນຄວ້າ ແລະ ຝຶກອົບຮົມ, ຮອງຫົວໜ້າ ກົມຈັດຕັ້ງ, ຮອງປະທານ ສານປະຊາຊົນພາກໃຕ້, ຄະນະຮັບຜິດຊອບ, ຄູຝຶກ, ນັກສໍາມະນາກອນ ແລະ ພະນັກງານອົງການ ເຂົ້າຮ່ວມ ທັງໝົດ 49 ທ່ານ, ຍິງ 24 ທ່ານ.
ການຝຶກອົບຮົມຄັ້ງນີ້ ຈະດໍາເນີນໄປເປັນເວລາ 2 ວັນ ໃນລະຫວ່າງວັນທີ 15-16 ກັນຍາ 2026 ໂດຍໄດ້ຮັບການສະໜັບສະໜູນທຶນ ຈາກອົງການ UNDP ຈຸດປະສົງຂອງການຝຶກອົບຮົມ ແມ່ນເພື່ອ:
1. ຍົກສູງຄວາມຮັບຮູ້ໃຫ້ແກ່ຜູ້ພິພາກສາ ກ່ຽວກັບຫຼັກການ ຂອງຄວາມເທົ່າທຽມ ລະຫວ່າງເພດ ແລະ ການບໍ່ເລືອກປະຕິບັດ ພ້ອມທັງຄວາມກ່ຽວຂ້ອງໃນການເປັນຜູ້ນໍາພາ ໃນລະບົບຕຸລາການ, ການຕັດສິນ, ການພິພາກສາຄະດີ ແລະ ການເຂົ້າເຖິງຄວາມຍຸຕິທໍາ;
2. ⁠ບົດບາດຍິງ-ຊາຍ ໃນການປະຕິບັດ ທີ່ຫ້ອງປະຊຸມສານ, ການພິຈາລະນາຕັດສິນ ແລະ ພິພາກສາຄະດີ ໂດຍສະເພາະໃນຄະດີທີ່ກ່ຽວກັບຄວາມຮຸນແຮງຕໍ່ແມ່ຍິງ.
ໃນໂອກາດດັ່ງກ່າວ ທ່ານ ຄູນ ຜາສຸກ ຮອງປະທານ ສານປະຊາຊົນສູງສຸດ ໄດ້ມີຄໍາເຫັນເນັ້ນໃຫ້ນັກສໍາມະນາກອນ ເອົາໃຈໃສ່ຮັບຟັງການບັນລະຍາຍ, ສົນທະນາແລກປ່ຽນບົດຮຽນ ເຊິ່ງກັນ ແລະ ກັນ ໃນການຍົກລະດັບຄວາມຮູ້ ໃຫ້ເກີດປະໂຫຍດສູງສຸດ ເປັນຕົ້ນ: ທາງດ້ານທິດສະດີ ແລະ ການປະຕິບັດຕົວຈິງ ເພື່ອນໍາໄປເຊື່ອມສານເຂົ້າໜ້າທີ່ວິຊາສະເພາະໃນຂະແໜງຂອງສານ ແລະ ເພື່ອສ້າງຄວາມເຂັ້ມແຂງໃຫ້ແກ່ວຽກງານຄວາມສະເໝີພາບຍິງ-ຊາຍ. ພ້ອມນັ້ນ, ທ່ານ ຍັງໄດ້ເນັ້ນໜັກໃຫ້ຄະນະຮັບຜິດຊອບ ແລະ ບັນດາຄູຝຶກ ພ້ອມກັນປະຕິບັດໜ້າທີ່ຕາມການແບ່ງງານ, ອໍານວຍຄວາມສະດວກຕ່າງໆ ເພື່ອເຮັດໃຫ້ການຝຶກອົບຮົມ ໄດ້ດໍາເນີນສໍາເລັດຜົນຢ່າງຈົບງາມ ຕາມຄາດໝາຍທີ່ວາງໄວ້.

ວັນທີ 14 ກັນຍາ 2026 ນີ້, ສານປະຊາຊົນສູງສຸດ ໄດ້ຈັດກອງປະຊຸມເຜີຍແຜ່ເອກະສານການແຈ້ງຊັບສິນ ແລະ ລາຍຮັບ ຂອງພະນັກງານສານປະຊາຊົນສູງສ...
15/09/2026

ວັນທີ 14 ກັນຍາ 2026 ນີ້, ສານປະຊາຊົນສູງສຸດ ໄດ້ຈັດກອງປະຊຸມເຜີຍແຜ່ເອກະສານການແຈ້ງຊັບສິນ ແລະ ລາຍຮັບ ຂອງພະນັກງານສານປະຊາຊົນສູງສຸດ, ໂດຍການເປັນປະທານ ຂອງ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ, ມີຄະນະຮັບຜິດຊອບການແຈ້ງຊັບສິນ ແລະ ລາຍຮັບ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ.
ຄະນະຮັບຜິດຊອບການແຈ້ງຊັບສິນ ແລະ ລາຍຮັບ ໄດ້ແນະນໍາຄວາມໝາຍຄວາມສໍາຄັນ ຂອງເອກະສານແຈ້ງຊັບສິນ, ຂັ້ນຕອນ, ວິທີການຂຽນໃສ່ແບບຟອມຂອງເອກະສານ ເພື່ອໃຫ້ຖືກຕ້ອງຄົບຖວ້ນ ເຊິ່ງປະກອບດ້ວຍຊີວະປະຫວັດ, ໜ້າທີ່ຄວາມຮັບຜິດຊອບຕໍ່ວຽກງານທີ່ຕົນເອງໄດ້ຮັບການມອບໝາຍຈາກຂັ້ນເທິງ, ສາຍພົວພັນໃນຄອບຄົວ, ລາຍຮັບປະຈໍາບັນຊີ, ທີ່ດິນ ແລະ ເຮືອນ, ສິ່ງປຸກສ້າງອື່ນໆ , ບັນຊີລາຍຮັບປະເພດຕ່າງໆ ນອກນີ້, ຍັງມີບັນຊີໜີ້ຕ້ອງຮັບ ແລະ ປະກອບເອກະສານໃຫ້ຖືກຕ້ອງຄົບຖ້ວນ ຮັບປະກັນໄດ້ຄວາມລັບຂອງຊັບສິນສ່ວນບຸກຄົນ ພ້ອມທັງອໍານວຍຄວາມສະດວກໃຫ້ພັກ-ລັດ ໃນການຕິດຕາມກວດກາ, ຄຸ້ມຄອງໃນຂັ້ນຕໍ່ໄປ.

ສານປະຊາຊົນສູງສຸດ (ສປສສ) ໄດ້ຈັດພິທີປະກາດຮອງປະທານສານ ປະຊາຊົນສູງສຸດ ຂຶ້ນໃນວັນທີ 28 ສິງຫາ ຜ່ານມາ ທີ່ ສປສສ, ໃຫ້ກຽດເປັນປະທານ ແ...
29/08/2026

ສານປະຊາຊົນສູງສຸດ (ສປສສ) ໄດ້ຈັດພິທີປະກາດຮອງປະທານສານ ປະຊາຊົນສູງສຸດ ຂຶ້ນໃນວັນທີ 28 ສິງຫາ ຜ່ານມາ ທີ່ ສປສສ, ໃຫ້ກຽດເປັນປະທານ ແລະ ມອບລັດຖະດຳລັດປະທານປະເທດ ແຫ່ງ ສປປ ລາວ ວ່າດ້ວຍການແຕ່ງຕັ້ງ ຮອງປະທານສານປະຊາຊົນສູງສຸດ ຜູ້ໃໝ່ ພ້ອມທັງປະກາດຮອງປະທານສານປະຊາຊົນສູງສຸດຜູ້ເກົ່າ ອອກພັກການ-ຮັບອຸດໜູນບຳນານ ໂດຍທ່ານ ໄພວີ ສີບົວລິພາ ກຳມະການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ຊຶ່ງມີພະນັກງານການນຳຂອງສານເຂົ້າຮ່ວມ.
ຕາມວາລະຄະນະຈັດຕັ້ງພິທີໄດ້ຂຶ້ນຜ່ານ ລັດຖະດຳລັດປະທານປະເທດ ແຫ່ງ ສປປ ລາວ ວ່າດ້ວຍການແຕ່ງຕັ້ງ ຮອງປະທານສານປະຊາຊົນສູງ ແລະ ຜ່ານລັດຖະດຳລັດວ່າດ້ວຍອະນຸມັດໃຫ້ຮອງປະທານສານ ປະຊາຊົນສູງສຸດ ອອກພັກການ-ຮັບອຸດໜູນບຳນານ ໂດຍ ແຕ່ງຕັ້ງ ທ່ານ ພັກເອກ ວັນ ສີເຟືອງ ຜູ້ພິພາກສາຊັ້ນສີ່ ປະທານສານທະຫານຂັ້ນສູງ ເປັນຮອງປະທານສານປະຊາຊົນສູງສຸດ ຜູ້ໃໝ່ ແລະ ທ່ານ ພັກເອກ ສິງທອງ ຄຳປະເສີດ ຮອງປະທານສານປະຊາຊົນສູງສຸດ ປະທານສານທະຫານຂັ້ນສູງ ອອກພັກການ-ຮັບອຸດໜູນບຳນານ.
ໃນໂອກາດດັ່ງກ່າວ, ສະຫາຍ ໄພວີ ສີບົວລິພາ ໄດ້ໂອ້ລົມສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ສະຫາຍທີ່ໄດ້ຮັບການອະນຸມັດ ໃຫ້ອອກພັກການ - ຮັບອຸດໜູນບຳນານ ແລະ ສະຫາຍທີ່ໄດ້ຮັບການແຕ່ງຕັ້ງໜ້າທີ່ໃໝ່ ໃນຄັ້ງນີ້ ຊຶ່ງໄດ້ມີຜົນງານອັນໃຫຍ່ຫຼວງຫຼາຍດ້ານ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດຮອດຄຸນງາມຄວາມດີ, ຄຸນສົມບັດສິນທຳປະຕິວັດ, ຄວາມຮູ້ ຄວາມສາມາດ, ຄວາມເປັນແບບຢ່າງ, ນໍ້າໃຈເສຍສະຫຼະ ແລະ ຄວາມຮັບຊອບສູງຕໍ່ໜ້າທີ່ການເມືອງ ທີ່ພັກ-ລັດ ແລະ ປະຊາຊົນ ມອບໝາຍໃຫ້ ຊຶ່ງຄົນຮຸ່ນໜຸ່ມ ກໍຄືພະນັກງານຮຸ່ນສືບທອດ ຕ້ອງໄດ້ຖອດຖອນບົດຮຽນເອົາເປັນແບບຢ່າງ ເພື່ອໝູນໃຊ້ເຂົ້າໃນການປະຕິບັດວຽກງານໃຫ້ມີປະສິດທິພາບ ແລະ ປະສິດທິຜົນສູງ. ພ້ອມກັນນັ້ນ, ກໍເຊື່ອໝັ້ນວ່າ ເມື່ອໄດ້ອອກພັກການ - ຮັບອຸດໜູນບຳນານແລ້ວ, ສະຫາຍຍັງສືບຕໍ່ປະກອບສ່ວນຊ່ວຍພັກ-ລັດ ດ້ວຍຮູບການຕ່າງໆ ແລະ ສືບຕໍ່ເປັນແບບຢ່າງທີ່ດີ ຊຶ່ງສະແດງໃຫ້ເຫັນວ່າ ທັງສອງສະຫາຍ ໄດ້ຮັບຄວາມເຊື່ອໝັ້ນໄວ້ວາງໃຈ ແລະ ມີຄວາມຮັບຜິດຊອບສູງ ຕໍ່ການນຳຂັ້ນເທິງ, ຕ້ອງໄດ້ສືບຕໍ່ຍົກສູງຄວາມຮັບຜິດຊອບ ໃນການປະຕິບັດໜ້າທີ່ການເມືອງຂອງຕົນໃຫ້ສູງກວ່າເກົ່າ, ເປັນແບບຢ່າງໃນການປະຕິບັດໜ້າທີ່ວຽກງານຮອບດ້ານ ແລະ ສຳຄັນຕ້ອງເປັນແກນກາງຮັກສາຄວາມສາມັກຄີພາຍໃນ, ປັບປຸງແບບແຜນການນໍາພາ-ຊີ້ນໍາ ໃຫ້ມີຜົນສໍາເລັດໃນໜ້າທີ່ວຽກງານໃນຕໍ່ໜ້າ.

ໃນຕອນເຊົ້າວັນທີ 28 ສິງຫາ 2026, ຄະນະນໍາສານປະຊາຊົນສູງສຸດ ນໍາໂດຍ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ໄດ້ເຂົ້າອວຍພ...
28/08/2026

ໃນຕອນເຊົ້າວັນທີ 28 ສິງຫາ 2026, ຄະນະນໍາສານປະຊາຊົນສູງສຸດ ນໍາໂດຍ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ໄດ້ເຂົ້າອວຍພອນ ສະຫາຍ ຫງວຽນ ມິງ ເຕີມ, ເອກອັກຄະລັດຖະທູດ, ພະນັກງານສະຖານທູດ ສສ ຫວຽດນາມ ໃນໂອກາດວັນໄຊຊະນະການປະຕິວັດເດືອນສິງຫາ (19/8/1945–19/8/2026) ແລະ ວັນສະຖາປະນາ ສສ ຫວຽດນາມ (2/9/1945–2/9/2026) ຄົບຮອບ 81 ປີ.
ໃນໂອກາດດັ່ງກ່າວ, ທ່ານ ບຸນຂວາງ ທະວີສັກ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ ສະຫາຍ ຫງວຽນ ມິງ ເຕີມ ພ້ອມດ້ວຍພະນັກງານສະຖານທູດ ສສ ຫວຽດນາມ ປະຈໍາ ສປປ ລາວ ແລະ ປະຊາຊົນຫວຽດນາມ ອ້າຍນ້ອງ ທີ່ສາມາດຍາດໄດ້ບັນດາຜົນສໍາເລັດ ແລະ ຜົນງານທີ່ໃຫຍ່ຫຼວງ, ຮອບດ້ານ ຕະຫຼອດໄລຍະ 81 ປີ ຜ່ານມາ ແລະ ພາຍໃຕ້ການນໍາພາອັນປີຊາສາມາດ ແລະ ຖືກຕ້ອງສະຫຼາດສ່ອງໃສຂອງ ພັກກອມມູນິດຫວຽດນາມ ອັນໄດ້ເຮັດໃຫ້ປະເທດຊາດຫວຽດນາມ ສືບຕໍ່ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ເສດຖະກິດມີການຂະຫຍາຍຕົວໃນລະດັບສູງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນຢ່າງບໍ່ຢຸດຢັ້ງ. ເຊີ່ງໃນໄລະຍະຜ່ານມາອົງການຕຸລາການທັງສອງປະເທດໄດ້ມີການຮ່ວມມືຢ່າງແຂງແຮງແຕ່ສານສູນກາງຮອດສານທ້ອງຖິ່ນ ໄດ້ຍົກສູງການຮ່ວມມື,ຊ່ວຍເຫລືອ,ການພົບປະສອງຝ່າຍແລກປ່ຽນບົດຮຽນເປັນແຕ່ລະໄລຍະໃນວຽກງານການບໍລິຫານສານ,ການບໍລິການຄະດີ,ການດຳເນີນຄະດີຕາມຂະບວນການຍຸດຕິທຳເຮັດໃຫ້ສານປະຊາຊົນສອງປະເທດນັບມືເຂົ້າສູ່ລ່ວງເລີກ ແລະ ພ້ອມກັນເສີມສ້າງຍົກສູງພາລະບົດບາດໃນວຽກງານຕຸລາການໃນເວລາລະດັບພາກພື້ນ ແລະ ສາກົນ.
ສະຫາຍ ເອກອັກຄະລັດຖະທູດຫວຽດນາມ ກໍໄດ້ສະແດງຄວາມຍິນດີຕ້ອນຮັບຄະນະ ແລະ ຂອບໃຈເປັນຢ່າງຍິ່ງຕໍ່ ຄະນະນຳ ສານປະຊາຊົນສູງສຸດທີ່ໄດ້ເຂົ້າພົບປະຢ້ຽມຢາມ ແລະ ອວຍພອນວັນວັນສະຖາປະນາ ສສ ຫວຽດນາມໃນຄັ້ງນີ້.

ໃນວັນທີ 27 ສິງຫາ 2026 ທີ່ ໂຮງແຮມ ບີບີ, ແຂວງ ສະຫວັນນະເຂດ, ສານປະຊາຊົນສູງສຸດ ຮ່ວມກັບ ອົງການສະຫະປະຊາຊາດ ເພື່ອຕ້ານຢາເສບຕິດ ແ...
27/08/2026

ໃນວັນທີ 27 ສິງຫາ 2026 ທີ່ ໂຮງແຮມ ບີບີ, ແຂວງ ສະຫວັນນະເຂດ, ສານປະຊາຊົນສູງສຸດ ຮ່ວມກັບ ອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ ( UNODC ) ໄດ້ຈັດພິທີເປີດຝຶກອົບຮົມ ວຽກງານການແກ້ໄຂປະເດັນຫຼັກຖານໃນຄະດີການຄ້າມະນຸດ ໃຫ້ກັບພະນັກງານສານປະຊາຊົນທ້ອງຖິ່ນ. ພິທີເປີດຝຶກອົບຮົມ ໃຫ້ກຽດເປັນປະທານຮ່ວມ ແລະ ກ່າວເປີດຝຶກອົບຮົມຢ່າງເປັນທາງການ ໂດຍ ທ່ານ ຄູນ ຜາສຸກ ຄະນະບໍລິຫານງານພັກ, ຮອງປະທານສານປະຊາຊົນສູງສຸດ ແລະ ທ່ານ ນາງ ເຈນນິເຟີ ບານສ ເຄີນສ ຜູ້ອຳນວຍການ ຫ້ອງການປາບປາມຢາເສບຕິດ ແລະ ປະຕິບັດກົດໝາຍສາກົນ( INL ), ອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ ( UNODC ), ມີບັນດາຜູ້ພິພາກສາ, ບັນດາຊ່ຽວຊານຈາກໂຄງການ, ຕະຫຼອດຮອດ ຄະນະຮັບຜິດຊອບຂອງສານປະຊາຊົນສູງສຸດ ແລະ ໂຄງການ ກໍເຂົ້າຮ່ວມຢ່າງພ້ອມພຽງ, ການຝຶກອົບຮົມໃນຄັ້ງນີ້ ມີນັກສຳມະນາກອນເຂົ້າຮ່ວມປະກອບມີ ຜູ້ພິພາກສາ ສານປະຊາຊົນພາກກາງ, ສານປະຊາຊົນພາກໃຕ້, ສານປະຊາຊົນນະຄອນຫຼວງວຽງຈັນ, ສານປະຊາຊົນແຂວງຊຽງຂວາງ, ສານປະຊາຊົນແຂວງວຽງຈັນ, ສານປະຊາຊົນແຂວງບໍລິຄຳໄຊ, ສານປະຊາຊົນແຂວງຄຳມ່ວນ, ສານປະຊາຊົນແຂວງສະຫວັນນະເຂດ, ສານປະຊາຊົນແຂວງຈຳປາສັກ, ສານປະຊາຊົນແຂວງສາລະວັນ, ສານປະຊາຊົນແຂວງເຊກອງ ແລະ ສານປະຊາຊົນແຂວງ ອັດຕະປື ເຂົ້າຮ່ວມທັ້ງໝົດ 25 ທ່ານ.
ກອງປະຊຸມການຝຶກອົບຮົມຄັ້ງນີ້ ໄດ້ຈັດຂຶ້ນເປັນເວລາ 02 ວັນ ພາຍໃຕ້ການສະໜັບສະໜູນຈາກ ຫ້ອງການປາບປາມຢາເສບຕິດ ແລະ ປະຕິບັດກົດໝາຍສາກົນ ( INL ) ຖືເປັນການຝຶກອົບຮົມທີ່ສໍາຄັນ ທີ່ພວກເຮົາ ຈະໄດ້ຮຽນຮູ້ເຕັກນິກ, ວິທີການໃນການແກ້ໄຂບັນຫາກ່ຽວກັບຫຼັກຖານໃນຄະດີການຄ້າມະນຸດ ເປັນຕົ້ນ ຄໍາໃຫ້ການຂອງຜູ້ຖືກເສຍຫາຍ, ຫຼັກຖານທີ່ເປັນເອກະສານ, ຫຼັກຖານທີ່ເປັນວັດຖຸ ແລະ ຫຼັກຖານທີ່ໃຊ້ເຕັກນິກທາງວິທະຍາສາດ ລວມທັງການນໍາໃຊ້ຫຼັກຖານໃນສຳນວນຄະດີ, ການພິສູດຫຼັກຖານແຕ່ລະຢ່າງໃຫ້ຕໍ່ເນື່ອງ, ກົມກຽວ ແລະ ເປັນຕ່ອງໂສ້ ເພື່ອຢັ້ງຢືນເຫດການຄ້າມະນຸດ ໃຫ້ສາມາດ ກັກຕົວຜູ້ກະທຳຜິດຄ້າມະນຸດໄດ້ຢ່າງໜັກແໜ້ນ.

ສານປະຊາຊົນສູງສຸດ(ສປສສ) ໄດ້ຈັດພິທີປາຖະກະຖາ ວັນສຳຄັນຂອງຊາດ ຄື: ວັນສ້າງຕັ້ງແນວລາວສ້າງຊາດ ຄົບຮອບ 76 ປີ,ວັນປະກາດໃຊ້ລັດຖະທໍາມະ...
26/08/2026

ສານປະຊາຊົນສູງສຸດ(ສປສສ) ໄດ້ຈັດພິທີປາຖະກະຖາ ວັນສຳຄັນຂອງຊາດ ຄື: ວັນສ້າງຕັ້ງແນວລາວສ້າງຊາດ ຄົບຮອບ 76 ປີ,ວັນປະກາດໃຊ້ລັດຖະທໍາມະນູນແຫ່ງ ສປປ ລາວ ຄົບຮອບ 35 ປີ ແລະ ວັນຢຶດອໍານາດທົ່ວປະເທດ ຄົບຮອບ 81 ປີ ຂຶ້ນໃນວັນ ທີ 26 ສິງຫານີ້ ທີ່ສປສສ ໂດຍການປາຖະກະຖາຂອງ ທ່ານ ໄພວີ ສີບົວລິພາ ກຳມະການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ, ມີບັນດາທ່ານ ຮອງປະທານສານ ຫົວໜ້າກົມ, ຮອງກົມພ້ອມດ້ວຍພະນັກງານວິຊາການເຂົ້າຮ່ວມຮັບຟັງ.
ທ່ານ ໄພວີ ສີບົວລິພາ ໄດ້ຍົກໃຫ້ເຫັນຄວາມໝາຍສຳຄັນຂອງວັນຢຶດອຳນາດທົ່ວປະເທດ 23 ສິງຫາ ຊຶ່ງເປັນເຫດການອັນສຳຄັນທາງດ້ານປະຫວັດສາດ ທີ່ສະແດງໃຫ້ເຫັນເຖິງມູນເຊື້ອການຕໍ່ສູ້ອັນພິລະອາດຫານບໍ່ຍອມຈຳນົນ, ມີໄຫວພິກ ແລະ ຄວາມປີຊາສາມາດ ຂອງນັກຮົບປະຕິວັດຮຸ່ນກ່ອນ ຕ້ານກັບຈັກກະພັດລ່າເມືອງຂຶ້ນ ໂດຍພາຍໃຕ້ການນຳພາຂອງພັກ ຈົນສາມາດຢຶດອຳນາດໄດ້ ໃນວັນທີ 23 ສິງຫາ 1975. ໄດ້ຍົກໃຫ້ເຖິງມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 76 ປີ,ການກຳເນີດ ແລະ ການເຕີບໃຫຍ່ຂະຫຍາຍຕົວຂອງແນວລາສ້າງຊາດນັບແຕ່ມື້ສ້າງຕັ້ງຈົນເຖິງປັດຈຸບັນ ແລະ ທ່ານ ຍັງໄດ້ປາຖະກະຖາກ່ຽວກັບວັນປະກາດໃຊ້ລັດຖະທໍາມະນູນແຫ່ງ ສປປ ລາວ ຄົບຮອບ 35 ປີ ອິກດ້ວຍ,
ໃນການປາຖະກະຖາໃນຄັ້ງນີ້ ກໍເພື່ອເປັນການສຶກສາອົບຮົມໃຫ້ ພະນັກງານສະມາຊິກພັກ, ຜູ້ສືບທອດໄດ້ຮັບຮູ້, ເຊື່ອມຊຶມ, ເຂົ້າໃຈເລິກເຊິ່ງກ່ຽວກັບມູນເຊື້ອ ຂອງວັນປະຫວັດສາດສຳຄັນດັ່ງກ່າວ ເພື່ອພ້ອມກັັນປະກອບສ່ວນຢ່າງຕັ້ງໜ້າເຂົ້າໃນການປັບປຸງກໍ່ສ້າງຕົນເອງ ໃຫ້ມີແບບແຜນທັນສະໄໝກ້າວຂຶ້ນຢ່າງບໍ່ຢຸດຢັ້ງ.

ສານປະຊາຊົນສູງສຸດ ຈັດກອງປະຊຸມເຜີຍແຜ່ກົດໝາຍວ່າດ້ວຍ ການດຳເນີນຄະດີແພ່ງ ສະບັບປັບປຸງ ປີ 2024…………………………………………………………………………………………...
20/08/2026

ສານປະຊາຊົນສູງສຸດ ຈັດກອງປະຊຸມເຜີຍແຜ່ກົດໝາຍວ່າດ້ວຍ ການດຳເນີນຄະດີແພ່ງ ສະບັບປັບປຸງ ປີ 2024
……………………………………………………………………………………………

ສານປະຊາຊົນສູງສຸດ ໄດ້ຈັດກອງປະຊຸມເຜີຍແຜ່ ກົດໝາຍວ່າດ້ວຍ ການດຳເນີນຄະດີແພ່ງ ສະບັບປັບປຸງ ປີ 2024 ຂຶ້ນໃນລະຫວ່າງວັນທີ 20-21 ສິງຫາ 2026 ທີ່ຫ້ອງປະຊຸມໃຫ່ຍ ຊັ້ນສີ່ ສານປະຊາຊົນສູງສຸດ.
ກອງປະຊຸມດັ່ງກ່າວ ໃຫ້ກຽດເປັນປະທານໂດຍ ທ່ານ ຄູນ ຜາສຸກ, ຮອງປະທານສານປະຊາຊົນສູງສຸດ ພ້ອມດ້ວຍ ຜູ້ພິພາກສາ, ຜູ້ຊ່ວຍຜູ້ພິພາກສາ ແລະ ພະນັກງານວິຊາການ ຂອງ ສານປະຊາຊົນພາກກາງ, ສານປະຊາຊົນນະຄອນຫຼວງວຽງຈັນ, ສານປະຊາຊົນເຂດ1, ເຂດ2, ເຂດ3 ແລະ ເຂດ4 ເຂົ້າຮ່ວມ.
ໃນພິທີເປີດ, ທ່ານ ຄູນ ຜາສຸກ ໄດ້ເນັ້ນໜັກເຖິງຄວາມສຳຄັນຂອງກົດໝາຍສະບັບປັບປຸງນີ້ວ່າ ແມ່ນບາດກ້າວອັນສຳຄັນໃນການຫັນເປັນນິຕິກຳ ເພື່ອແກ້ໄຂຂໍ້ຈຳກັດຂອງກົດໝາຍສະບັບເກົ່າ, ປັບປຸງຂັ້ນຕອນໃຫ້ມີຄວາມຊັດເຈນ, ຮັດກຸມ, ວ່ອງໄວ ແລະ ໂປ່ງໃສຍິ່ງຂຶ້ນ. ເປົ້າໝາຍສູງສຸດຂອງການປັບປຸງຄັ້ງນີ້ ແມ່ນເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງພົນລະເມືອງ ແລະ ນິຕິບຸກຄົນ ໃຫ້ສອດຄ່ອງກັບສະພາບການໃໝ່ຂອງປະເທດ.
ກອງປະຊຸມດຳເນີນເປັນເວລາ 2 ວັນ, ໂດຍມີການນຳສະເໜີເນື້ອໃນທີ່ສຳຄັນຂອງກົດໝາຍແຕ່ພາກທີ I ຮອດ ພາກທີ XVIII ໂດຍບັນດາທ່ານຜູ້ພິພາກສາຊັ້ນ 4 ຈາກສານປະຊາຊົນສູງສຸດ. ນອກຈາກການຮັບຟັງການເຜີຍແຜ່ແລ້ວ, ຜູ້ເຂົ້າຮ່ວມຍັງໄດ້ມີການແລກປ່ຽນບົດຮຽນ, ຍົກບັນຫາທີ່ປະສົບຕົວຈິງໃນການປະຕິບັດວຽກງານ ເພື່ອຮ່ວມກັນຊອກຫາວິທີທາງແກ້ໄຂ ແລະ ສ້າງຄວາມເຂົ້າໃຈທີ່ເປັນເອກະພາບໃນການນຳໃຊ້ກົດໝາຍໃຫ້ເກີດປະສິດທິຜົນສູງສຸດ.
ຜົນສຳເລັດຂອງກອງປະຊຸມຄັ້ງນີ້ ຈະເປັນພື້ນຖານອັນສຳຄັນໃຫ້ແກ່ພະນັກງານສານ, ຜູ້ປະກອບວິຊາຊີບດ້ານກົດໝາຍ ແລະ ພາກສ່ວນກ່ຽວຂ້ອງ ໃນການນຳໄປຈັດຕັ້ງປະຕິບັດວຽກງານຕົວຈິງ ຢ່າງຖືກຕ້ອງ, ຍຸຕິທຳ ແລະ ຮັບໃຊ້ປະຊາຊົນໄດ້ຢ່າງມີປະສິດທິພາບ.

ສານປະຊາຊົນສູງສຸດ (ສປສສ) ໄດ້ຈັດພິທີປາຖະກະຖາຫວນຄືນມູນເຊື້ອ 44 ປີ ແຫ່ງການເຕີບໃຫຍ່ຂອງສານປະຊາຊົນ ແຫ່ງ ສປປ ລາວ ຂຶ້ນໃນວັນທີ 19 ...
19/08/2026

ສານປະຊາຊົນສູງສຸດ (ສປສສ) ໄດ້ຈັດພິທີປາຖະກະຖາຫວນຄືນມູນເຊື້ອ 44 ປີ ແຫ່ງການເຕີບໃຫຍ່ຂອງສານປະຊາຊົນ ແຫ່ງ ສປປ ລາວ ຂຶ້ນໃນວັນທີ 19 ສິງຫາ 2026 ທີ່ ສປສສ ໂດຍການເປັນປະທານ ແລະ ຫວນຄືນມູນເຊື້ອ ຂອງທ່ານ ຄໍາພັນ ສິດທິດໍາພາ ອະດີດກໍາມະການສູນກາງພັກ ອະດີດຄະນະບໍລິຫານງານພັກ ປະທານສານປະຊາຊົນສູງສຸດ; ທ່ານ ອານົງ ຍອຍສາຍຄໍາ ຮອງປະທານ ສປສສ ມີພະນັກງານຫຼັກແຫຼ່ງ, ສະມາຊິກພັກ, ພະນັກງານ ເຂົ້າຮ່ວມ.
ທ່ານ ຄໍາພັນ ສິດທິດໍາພາ ໄດ້ຍົກໃຫ້ເຫັນການກໍາເນີດ ແລະ ການເຕີບໃຫຍ່ຂະຫຍາຍຕົວຂອງວຽກງານສານປະຊາຊົນແຕ່ລະໄລຍະທີ່ຜ່ານມາ ຊຶ່ງສານປະຊາຊົນ ແຫ່ງ ສປປ ລາວ ໄດ້ຮັບການສ້າງຕັ້ງຂຶ້ນໃນວັນທີ 15 ສິງຫາ 1982 ໂດຍໄດ້ຜ່ານຂະບວນວິວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ, ຜ່ານຜ່າຄວາມຫຍຸ້ງຍາກ, ສັບສົນ, ລະອິດລະອ້ຽວ ແລະ ບັນຫາທາງດ້ານສະພາບການຂອງໂລກ, ພາກພື້ນ ຫຼາຍປະການທີ່ເປັນສິ່ງທ້າທາຍ ໃນການປະຕິບັດພາລະບົດບາດ, ສິດ ແລະ ໜ້າທີ່ ເຂົ້າໃນການດຳເນີນພິຈາລະນາຕັດສີນຄະດີ ເພື່ອປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດ ໃຫ້ມີຄວາມສະຫງົບ ແລະ ເປັນລະບຽບຮຽບຮ້ອຍ, ເສດຖະກິດມີການຂະຫຍາຍຕົວ, ຊິວິດການເປັນຢູ່ຂອງປະຊາຊົນນັບມື້ນັບດີຂຶ້ນເທື່ອລະກ້າວ ແລະ ສັງຄົມມີຄວາມຍຸຕິທຳ, ຄຽງຄູ່ກັນນັ້ນ ສານປະຊາຊົນ ກໍໄດ້ຕັ້ງໜ້າພັດທະນາການຈັດຕັ້ງ ໃຫ້ເຕີບໃຫຍ່ຂະຫຍາຍຕົວ, ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ ໃນແຕ່ລະໄລຍະ.
ຕະຫຼອດໄລຍະ 44 ປີຜ່ານມາ ສານປະຊາຊົນໄດ້ຮັບການປັບປຸງກໍ່ສ້າງ ນັບມື້ນັບເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ, ຕັ້ງໜ້າປະຕິບັດໜ້າທີ່ການເມືອງດ້ວຍຄວາມຮັບຜິດຊອບສູງ ແລະ ມີຜົນສໍາເລັດເປັນກ້າວໆມາ ເຮັດໃຫ້ໄດ້ຮັບຄວາມເຄົາລົບ ເຊື່ອຖືຈາກປະຊາຊົນ ແລະ ໄດ້ຮັບຄວາມໄວ້ວາງໃຈຈາກພັກ-ລັດ ເປັນຢ່າງດີ ຊຶ່ງສະແດງອອກໃນຜົນງານຫຼາຍໆດ້ານ ດັ່ງນີ້: ດ້ານການສ້າງຄວາມເຂັ້ມແຂງໃຫ້ແກ່ລະບົບການຈັດຕັ້ງ; ດ້ານການບໍາລຸງກໍ່ສ້າງບຸກຄະລາກອນທີ່ມີຄຸນນະພາບ ແລະ ຈັດຕັ້ງປະຕິບັດວຽກງານມີຜົນສໍາເລັດ ແລະ ສ້າງໄດ້ຄວາມເຊື່ອຖືຂອງປະຊາຊົນ. ດ້ວຍຜົນງານ ແລະ ຄຸນງາມຄວາມດີດັ່ງກ່າວມານັ້ນ, ພັກ-ລັດຖະບານ ແລະ ປະຊາຊົນລາວບັນດາເຜົ່າໄດ້ຍ້ອງຍໍຊົມເຊີຍສານປະຊາຊົນວ່າ ເປັນອົງການໜຶ່ງທີ່ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ, ເປັນອົງການທີ່ມີສິນທຳ, ຍຸຕິທຳ, ໃຫ້ຄວາມເຊື່ອໝັ້ນ, ເຫຼື້ອມໃສສັດທາ ແລະ ໄວ້ເນື້ອເຊື່ອໃຈໃນການປົກປ້ອງສິດຜົນປະໂຫຍດຂອງຊາດ, ຂອງປະຊາຊົນ ກໍຄືແນວທາງນະໂຍບາຍຂອງພັກ, ລະບົບກົດໝາຍຂອງລັດ, ປະກອບສ່ວນເຮັດໃຫ້ປະເທດຊາດມີສະຖຽນລະພາບ, ປະຊາຊົນສາມັກຄີປອງດອງ, ສັງຄົມມີຄວາມຍຸຕິທຳຂຶ້ນເປັນກ້າວໆ ໂດຍພັກ-ລັດ ໄດ້ຕົກລົງປະດັບຫຼຽນໄຊອິດສະລະຊັ້ນ I, ຫຼຽນກາທີ່ລະນຶກ 40 ປີ ໃຫ້ສານປະຊາຊົນ ໃນຖານະເປັນຕົວແທນໃຫ້ແກ່ສານປະຊາຊົນໃນທົ່ວປະເທດຢ່າງສົມກຽດ. ພ້ອມດຽວກັນນັ້ນ ມີຫຼາຍໜ່ວຍພັກຂອງສານປະຊາຊົນແຕ່ລະຂັ້ນ ໄດ້ຮັບການຢັ້ງຢືນເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ແລະ ມີປະທານສານປະຊາຊົນທ້ອງຖິ່ນຫຼາຍທ່ານໄດ້ປະກອບເຂົ້າໃນຕໍາແໜ່ງທີ່ສໍາຄັນຂອງພັກ ໃນຂັ້ນເມືອງ, ແຂວງນະຄອນຫຼວງ.
ການຈັດຕັ້ງປາຖະກະຖາຄັ້ງນີ້, ເພື່ອເຮັດໃຫ້ສະມາຊິກພັກ-ພະນັກງານໃນຂົງເຂດສານປະຊາ ຊົນ ໄດ້ຫວນຄືນມູນເຊື້ອແຫ່ງການເຕີບໃຫຍ່ຂະຫຍາຍຕົວຂອງວຽກງານສານຕະຫຼອດໄລຍະ 44ປີຜ່ານມາ ແລະ ພ້ອມກັນສືບຕໍ່ພັດທະນາວຽກງານສານປະຊາຊົນໃຫ້ມີການເຕີບໃຫຍ່ຂະຫຍາຍຕົວຂຶ້ນເລື້ອຍໆ.

ໃນວັນທີ 11-13 ສິງຫາ 2026 ນີ້ ຢູ່ທີ່ ໂຮງແຮມອາມາລີ ເມືອງວັງວຽງ ແຂວງວຽງຈັນ, ສານປະຊາຊົນສູງສຸດ ຮ່ວມກັບ ອົງການສະຫະປະຊາຊາດເພື່ອ...
18/08/2026

ໃນວັນທີ 11-13 ສິງຫາ 2026 ນີ້ ຢູ່ທີ່ ໂຮງແຮມອາມາລີ ເມືອງວັງວຽງ ແຂວງວຽງຈັນ, ສານປະຊາຊົນສູງສຸດ ຮ່ວມກັບ ອົງການສະຫະປະຊາຊາດເພື່ອການພັດທະນາ (UNDP) ປະຈໍາ ສປປ ລາວ ໄດ້ຈັດກອງປະຊຸມຝຶກອົບຮົມຄູຝຶກ ໃນຫົວຂໍ້: "ການນໍາພາຂະບວນການຍຸຕິທໍາທີ່ຄໍານຶງເຖິງຄວາມສະເໝີພາບລະຫວ່າງຍິງ-ຊາຍ" ໂດຍໃຫ້ກຽດເຂົ້າຮ່ວມ ເປັນປະທານກອງປະຊຸມຂອງ ທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ, ຮອງປະທານສານປະຊາຊົນສູງສຸດ, ມີບັນດາຄະນະພັກ-ຄະນະນໍາ, ຊ່ຽວຊານ, ຄະນະຮັບຜິດຊອບ ພ້ອມດ້ວຍພະນັກງານຂອງສານປະຊາຊົນ ຜູ້ທີ່ກ້າວເປັນຄູຝຶກໃນອະນາຄົດ ເຂົ້າຮ່ວມທັງໝົດຈຳນວນ 34 ທ່ານ, ຍິງ 21 ທ່ານ. ການຈັດຝຶກອົບຮົມໃນຄັ້ງນີ້ ແມ່ນເພື່ອພັດທະນາຄູຝຶກຫຼັກພາຍໃນສະຖາບັນຄົ້ນຄວ້າ ແລະ ຝຶກອົບຮົມ ຂອງສານປະຊາຊົນສູງສຸດ ໃຫ້ສາມາດນໍາໄປຖ່າຍທອດ ແລະ ຈັດຝຶກອົບຮົມຫຼັກສູດນີ້ໄດ້ດ້ວຍຕົນເອງ; ຊຶ່ງຜູ້ເຂົ້າຮ່ວມຈະໄດ້ຮັບຄູ່ມືສໍາລັບຜູ້ຝຶກສອນສະບັບສົມບູນ, ຄູ່ມືສໍາລັບຜູ້ເຂົ້າຮ່ວມພ້ອມຊຸດກໍລະນີສຶກສາ ແລະ ບົດນໍາສະເໜີ ເພື່ອໃຊ້ເປັນເອກະສານສະໜັບສະໜູນການຈັດຝຶກອົບຮົມໃນອະນາຄົດ.
ໃນໂອກາດອັນສົມກຽດນີ້, ທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ, ຮອງປະທານສານປະຊາຊົນສູງສຸດ ໄດ້ໃຫ້ກຽດມີຄໍາເຫັນໂອ້ລົມ ແລະ ເນັ້ນໜັກວ່າ: ການສົ່ງເສີມຄວາມສະເໝີພາບລະຫວ່າງຍິງ-ຊາຍ ບໍ່ແມ່ນພຽງແຕ່ເປັນການຄຸ້ມຄອງບົດບາດຂອງຍິງ ຫຼື ຊາຍເທົ່ານັ້ນ, ແຕ່ເປັນການຮັບປະກັນວ່າບຸກຄົນທຸກຄົນຈະໄດ້ຮັບການປະຕິບັດຢ່າງສະເໝີພາບ ແລະ ເຂົ້າເຖິງຄວາມຍຸຕິທໍາໂດຍບໍ່ຖືກຈໍາແນກ. ດັ່ງນັ້ນ ການເສີມສ້າງຄວາມຮູ້ ແລະ ທັກສະໃຫ້ແກ່ຄູຝຶກ ຈຶ່ງເປັນກົນໄກສໍາຄັນໃນການຂະຫຍາຍຜົນການຮຽນຮູ້ ແລະ ສ້າງຄວາມຍືນຍົງໃຫ້ແກ່ການພັດທະນາຂົງເຂດຕຸລາການ. ການຝຶກອົບຮົມຄູຝຶກໃນຄັ້ງນີ້ ບໍ່ພຽງແຕ່ມຸ່ງເນັ້ນການເພີ່ມພູນຄວາມຮູ້ ແລະ ທັກສະຂອງຜູ້ເຂົ້າຮ່ວມເທົ່ານັ້ນ, ແຕ່ຍັງເປັນການສ້າງຄູຝຶກທີ່ສາມາດຖ່າຍທອດຄວາມຮູ້, ປະສົບການ ແລະ ແນວທາງການປະຕິບັດທີ່ດີ ໃຫ້ແກ່ບຸກຄະລາກອນຕຸລາການ ແລະ ຜູ້ປະຕິບັດງານທີ່ກ່ຽວຂ້ອງໃນອະນາຄົດ ເພື່ອໃຫ້ຫຼັກການຄວາມສະເໝີພາບລະຫວ່າງຍິງ-ຊາຍ ໄດ້ຖືກນໍາໄປປະຍຸກໃຊ້ໃນວຽກງານຕົວຈິງຢ່າງມີປະສິດທິຜົນ. ພ້ອມດຽວກັນນັ້ນ, ທ່ານ ຮອງປະທານສານປະຊາຊົນສູງສຸດ ຍັງໄດ້ຮຽກຮ້ອງມາຍັງນັກສໍາມະນາກອນທັງໝົດ ຈົ່ງຍົກສູງຄວາມຮັບຜິດຊອບ, ເອົາໃຈໃສ່ຄົ້ນຄວ້າ, ຕັ້ງໜ້າສົນທະນາແລກປ່ຽນບົດຮຽນ ແລະ ຮຽກຮ້ອງໃຫ້ຄູ-ອາຈານ ຖ່າຍທອດປະສົບການຕົວຈິງຢ່າງສຸດກົກສຸດປາຍ ເພື່ອເຮັດໃຫ້ຊຸດຝຶກອົບຮົມຄັ້ງນີ້ ດໍາເນີນໄປຢ່າງມີປະສິດທິຜົນ ແລະ ປະສົບຜົນສໍາເລັດຢ່າງຈົບງາມ.

ໃນວັນທີ 17 ສິງຫາ 2026, ທີ່ສຳນັກງານສານປະຊາຊົນສູງສຸດ, ທ່ານ ໄພວີ ສີບົວລິພາ, ປະທານສານປະຊາຊົນສູງສຸດ ໄດ້ໃຫ້ກຽດຕ້ອນຮັບການເຂົ້າຢ...
18/08/2026

ໃນວັນທີ 17 ສິງຫາ 2026, ທີ່ສຳນັກງານສານປະຊາຊົນສູງສຸດ, ທ່ານ ໄພວີ ສີບົວລິພາ, ປະທານສານປະຊາຊົນສູງສຸດ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງທ່ານນາງ ມາຕິນ ເທຍເຣ (Ms. Martine There), ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ (UNDP) ປະຈຳລາວ.

ການພົບປະດັ່ງກ່າວໄດ້ດຳເນີນໄປໃນບັນຍາກາດແຫ່ງມິດຕະພາບ ແລະ ການຮ່ວມມື. ຝ່າຍສານປະຊາຊົນສູງສຸດມີຄະນະນຳເຂົ້າຮ່ວມ, ແລະ ຝ່າຍອົງການ UNDP ປະກອບມີທ່ານນາງ ສິມມະນີ ສີຫາເທບ, ຫົວໜ້າໜ່ວຍງານດ້ານການປົກຄອງ ແລະ ຜູ້ຮັບຜິດຊອບແຜນງານການຄຸ້ມຄອງລັດດ້ວຍກົດໝາຍ ແລະ ການເຂົ້າເຖິງຄວາມຍຸຕິທຳ.

ທັງສອງຝ່າຍໄດ້ປຶກສາຫາລືກ່ຽວກັບວຽກງານການຮ່ວມມື, ພາຍຫຼັງການປຶກສາຫາລື ທ່ານປະທານສານປະຊາຊົນສູງສຸດ ໄດ້ມອບຂອງທີ່ລະນຶກໃຫ້ແກ່ທ່ານຜູ້ຕາງໜ້າ UNDP ແລະ ສິ້ນສຸດພິທີດ້ວຍການຖ່າຍຮູບຮ່ວມກັນ.

Address

Khouvieng​ Road, Ban Beungkanyong, Sisattanak District
Vientiane

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+85621353584

Website

Alerts

Be the first to know and let us send you an email when ສານປະຊາຊົນສູງສຸດແຫ່ງ ສປປລາວ The People's Supreme Court of The Lao PDR posts news and promotions. Your email address will not be used for any other purpose, and you can unsubscribe at any time.

Shortcuts

Share

Category