ຄະນະບໍລິຫານງານ ຊປປລ ເມືອງວຽງພູຄາ

ຄະນະບໍລິຫານງານ ຊປປລ ເມືອງວຽງພູຄາ ຫ້ອງການຊາວໜຸ່ມ ເມືອງວຽງພູຄາ ແຂວງຫຼ?

ພິທີຮັບມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຢູ່ທີ່ໂຮງຮຽນ ມສ ເທດສະການເມືອງ. ຕອນເຊົ້...
18/05/2026

ພິທີຮັບມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຢູ່ທີ່ໂຮງຮຽນ ມສ ເທດສະການເມືອງ.
ຕອນເຊົ້າ, ຂອງວັນທີ 15 ພຶດສະພາ 2026 ຢູ່ທີ່ໂຮງຮຽນ ມສ ເທດສະບານເມືອງ ໄດ້ຈັດພິທີຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຂື້ນຢ່າງເປັນທາງການ ພາຍໃຕ້ການເປັນປະທານຂອງສະຫາຍ ບຸນເພັດ ວິໄລພອນ ຄະນະບໍລິຫານງານຊາວໜຸ່ມ ຜູ້ຊີ້ນໄປໂຮງຮຽນ ມສ ເທດສະບານ, ທັງເປັນເລຂາໜ່ວຍຊາວໜຸ່ມ, ເປັນກຽດເຂົ້າຮ່ວມຂອງສະຫາຍ ຄຳມີ ລໍ່ຫວັນແກ້ວ ຮອງເລຂາໜ່ວຍພັກ ມໍປາຍ ມີບັນດາຄູ-ອາຈານຕະຫຼອດຮອດສະມາຊິກຊາວໜຸ່ມນັກຮຽນເຂົ້າຮ່ວມທັງໜົດ 80 ສະຫາຍ, ຍິ່ງ 49 ສະຫາຍ.
ພິທີດັ່ງກ່າວ ບັງໄດ້ຜ່ານມາຕີຕົກລົງວ່າດ້ວຍການຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຈໍານວນ 39 ສະຫາຍ, ຍິ່ງ 8 ສະຫາຍ, ຈາກຊັ້ນມະຫາຊົນຜູ້ທີ່ມີຄວາມຫມາຍໜ້າຂື້ນຜ່ານໃບຄຳຮ້ອງ ແລະ ຊີວະປະຫວັດດ້ວຍຕົນເອງ ສະເໜີໃຫ້ສະຫາຍ ບຸນເພັດ ວິໄລພອນ ເລຂາໜ່ວຍຊາວໜຸ່ມ ຂື້ນຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ຢ່າງເປັນທາງການ.
ພ້ອມທັງມອບໃບຢັ້ງຢືນຂອງໜ່ວຍ ແລະ ໃບຍ້ອງຍໍຂອງສະມາຊິກຊາວໜຸ່ມຕົວແບບ 4 ບຸກ ປະຈໍາປີ 2025 ໂດຍເປັນກຽດມອບຂອງສະຫາຍ ຄຳມີ ລໍ່ຫວັນແກ້ວ ເປັນກຽດຮັບໂດຍແມ່ນສະມາຊິກຊາວໜຸ່ມຄູ-ອາຈານ ແລະ ເປັນກຽດມອບໂດຍແມ່ນສະຫາຍ ບຸນເພັດ ວິໄລພອນ ຮັບໂດຍສະມາຊິກຊາວໜຸ່ມນັກຮຽນ.
ພ້ອມນັ້ນຍັງໄດ້ຮັບຟັງການໂອ້ລົມຂອງ ປະທານພິທີເຊິ່ງສະຫາຍໄດ້ສະແດງຕາມຍ້ອງຍໍຊົມເຊີຍຕໍ່ຜົນງານ, ທີ່ສະມາຊິກພາຍໃນໜ່ວຍຍາດມາໄດ້ໃນໄລຍະທີ່ຜ່ານມາເວົ້າລວມເວົ້າສະເພາະສະມາຊິກຜູ້ທີ່ມີຄວາມກ້າວໜ້າຕ້ອງເປັນແບບຢ່າງນໍາໜ້າໃຫ້ແກ່ມະຫາຊົນ ແລະ ເປັນລູກທີ່ດີຂອງພໍ່ແມ່ ແລະ ສັງຄົມ.

ລາຍງານຂ່າວໂດຍ ໜ່ວຍງານອົບຮົມ, ຂະບວນການ, ສື່ມວນຊົນ

ພິທີຮັບສະມາຊິກຊາວໜຸ່ມ ປະຊາຊົນ ປະຕິວັດລາວ ຢູ່ທີ່ ໂຮງຮຽນ ມສ ນໍ້າເງິນ. ຕອນເຊົ້າ, ຂອງວັນທີ 28 ເມສາ 2026 ໄດ້ຈັດພິທີຮັບເອ...
29/04/2026

ພິທີຮັບສະມາຊິກຊາວໜຸ່ມ ປະຊາຊົນ ປະຕິວັດລາວ ຢູ່ທີ່ ໂຮງຮຽນ ມສ ນໍ້າເງິນ.
ຕອນເຊົ້າ, ຂອງວັນທີ 28 ເມສາ 2026 ໄດ້ຈັດພິທີຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຂື້ນຢ່າງເປັນທາງການ ພາຍໃຕ້ການເປັນປະທານຂອງສະຫາຍ ລີ ບຸກຜາວັນ ເລຂາໜ່ວຍຊາວໜຸ່ມ ໂຮງຮຽນ ມສ ນໍ້າເງິນ ເປັນກຽດເຂົ້າຮ່ວມຂອງສະຫາຍ ສີອຳໄພ ຜາງສຸວັນ ຮອງເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ ແລະ ສະຫາຍ ແອ່ ວິໄລສັກ ອຳນວຍການໂຮງຮຽນ, ມີບັນດາຄູ-ອາຈານຕະຫຼອດຮອດສະມາຊິກຊາວໜຸ່ມນັກຮຽນ ເຂົ້າຮ່ວມທັງໜົດ: 45 ສະຫາຍ, ຍິ່ງ 27 ສະຫາຍ.
ພິທີດັ່ງກ່າວ ສະຫາຍ ຈັນສະໜອນ ກອງຄຳແດງ ພະນັກງານຫ້ອງການຊາວໜຸ່ມເມືອງ, ໄດ້ຂື້ນຜ່ານມະຕິຕົກລົງວ່າດ້ວຍການຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຈໍານວນ 42 ສະຫາຍ, ຍິ່ງ 22 ສະຫາຍ ນອກຈາກນັ້ນສະເໜີໃຫ້ສະຫາຍ ສີອຳໄພ ຜາງສຸວັນ ຮອງເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ, ຂື້ນກ່າວຮັບເອົາຢ່າງເປັນທາງການ.
ພ້ອມທັງມອບໃບຢັ້ງຍືນຂອງໜ່ວຍຊາວໜຸ່ມຕົວແບບ 4 ບຸກ ແລະ ໃບຍ້ອງຍໍຂອງສະມາຊິກ ປະຈໍາປີ 2025 ເປັນກຽດມອບ ໂດຍແມ່ນສະຫາຍ ສີອຳໄພ ຜາງສຸວັນ ແລະ ເປັນກຽດຮັບຂອງສະຫາຍ ລີ ບຸກຜາວັນ ເລຂາໜ່ວຍຊາວໜຸ່ມພ້ອມສະມາຊິກຊາວໜຸ່ມ
ຕອນທ້າຍພິທີ ຍັງໄດ້ຮັບຟັງການໂອ້ລົມຂອງ ສະຫາຍ ສີອຳໄພ ຜາງສຸວັນ ແລະ ສະຫາຍ ແອ່ ວິໄລສັກ ເຊິ່ງທັງສອງສະຫາຍ ຍັງໄດ້ຍ້ອງຍໍຊົມເຊີຍຕໍ່ກັບຜົນສໍາເລັດໃນໄລຍະຜ່ານມາພ້ອມທັງເໜັ້ນໜັກບາງຈຸດທີ່ສໍາຄັນກ່ຽວກັບພາລະບົດບາດ, ສິດ ແລະ ໜ້າທີ່ຂອງຄະນະຊາວໜຸ່ມວາງອອກຢ່າງເຂັ້ມງວດ, ເວົ້າລວມເວົ້າສະເພາະສະມາຊິກຊາວໜຸ່ມຜູ້ທີ່ມີຄວາມກ້າວໜ້າຕ້ອງເປັນແບບຢ່າງນໍາໜ້າ, ທັງເອົາໃຈໃສ່ສຶກສາຮໍ່າຮຽນ ແລະ ເປັນລູກທີ່ດີຂອງພໍ່, ແມ່, ຄູ-ອາຈານ ຈະຕ້ອງກຳແໜ້ນຕໍ່ກັບເນື້ອໃນຂໍ້ແຂ່ງຂັນ 4 ບຸກ ໃຫ້ປະກົດຜົນເປັນຈິງ.

ລາຍງານຂ່າວໂດຍ: ໜ່ວຍງານອົບຮົມ, ຂະບວນການ, ສື່ມວນຊົນ.

ປາຖະກະຖາວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ, (14 ເມສາ 1955 - 14 ເມສາ 2026, ມອບ - ຮັບໃບຢັ້ງຢືນໜ່ວຍຊາວໜ...
08/04/2026

ປາຖະກະຖາວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ, (14 ເມສາ 1955 - 14 ເມສາ 2026, ມອບ - ຮັບໃບຢັ້ງຢືນໜ່ວຍຊາວໜຸ່ມ 4 ບຸກ ແລະ ໃບຍ້ອງຍໍ ປະຈໍາປີ 2025.
ຕອນເຊົ້າ, ຂອງວັນທີ 7 ເມສາ 2026 ທີ່ຜ່ານມານີ້ຢູ່ທີສະໂມສອນຂອງເມືອງ ໄດ້ຈັດພິທີປາຖະກະຖາວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ, (14 ເມສາ 1955 - 14 ເມສາ 2026 ຂອງຕົນຂື້ນຢ່າງເປັນທາງການ ໂດຍເປັນກຽດເຂົ້າຮ່ວມຂອງທ່ານ ນ. ເຮືອຍ ສົມຫວັງ ຮອງເລຂາພັກເມືອງ, ຫົວໜ້າຄະນະຈັດຄັ້ງເມືອງ, ຜູ້ຊີ້ນໍາວຽກງານພັກ - ພະນັກງານ, ມີຄະນະປະຈໍາພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, 2 ກອງບັນຊາການ ປກຊ - ປກສ, ມີບັນດາຄູ - ອາຈານຕະຫຼອດຮອດສະມາຊິກຊາວໜຸ່ມພະນັກງານ-ລັດຖະກອນ, ນັກຮຽນເຂົ້າຮ່ວມທັງໜົດ: 200 ສະຫາຍ, ຍິ່ງ 80 ສະຫາຍ.
ພິທີດັ່ງກ່າວ ທ່ານ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ, ໄດ້ຂຶ້ນຜ່ານປະຫວັດຄວາມເປັນມາຂອງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ, (14 ເມສາ 1955-14 ເມສາ 2026) ໂດຍຫຍໍ້ເຊິ່ງທ່ານໄດ້ຍົກໃຫ້ເຫັນເຖິງຊາດລາວເຮົາມີມູນເຊື້ອທີ່ອົງອາດກ້າຫານ ແລະ ມີມູນເຊື້ອອັນດຸໜັ່ນ, ມີປະຫວັດສາດອັນຍາວນານໃນການເຕົ້າໂຮມຄວາມສາມັກຄີ ແລະ ປົກປັກຮັກສາປະເທດຊາດທີ່ສືບທອດກັນມາແຕ່ດືກດຳບັນຊື່ງຢູ່ໃນແຕ່ລະປະຫວັດສາດອັນເຕີບໃຫຍ່ຂະຫຍາຍຕົວ, ຕະຫຼອດໄລຍະຫຼາຍຮ້ອຍປີແຫ່ງການເຕົ້າໂຮມ, ການປົກປັກຮັກສາ ແລະ ສ້າງສາພັດທະນາປະເທດຊາດນັ້ນ ຊາວໜຸ່ມຈໍານວນບໍ່ໜ້ອຍໄດ້ສູນເສຍຊິວີດ ແລະ ເລືອດເນື້ອ ເພື່ອປົກປັກຮັກສາເອກະລາດ ແລະ ຜືນແຜນດີນອັນແສນຮັກຂອງຕົນໄວ້ ຈົນເຖິງປັດຈຸບັນ.
ໃນພິທີຄັ້ງນີ້ ທ່ານ ນ. ວຽງຄຳ ອີນປະເສີດ ກຳມະການພັກເມືອງ, ຮອງຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານມະຕິຕົກລົງວ່າດ້ວຍການຮັບຮອງໜ່ວຍຊາວໜຸ່ມ ປປ ລາວ 4 ບຸກ ປະຈໍາປີ 2025, ມີຈໍານວນ 62 ໜ່ວຍ ແລະ ຜ່ານຂໍ້ຕົກລົງວ່າດ້ວຍການຮັບໃບຍ້ອງຍໍ ສະມາຊິກຊາວໜຸ່ມ ຈໍານວນ 1.320 ສະຫາຍ, ຍິ່ງ 392 ສະຫາຍ ແລະ ມອບໃບຢັ້ງຍືນໜ່ວຍຊາວໜຸ່ມ 4 ບຸກ ໃຫ້ກຽດມອບຂອງທ່ານ ນ. ເຮືອຍ ສົມຫວັງ ຮອງເລຂາພັກເມືອງ, ຫົວໜ້າຄະນະຈັດຕັ້ງເມືອງ ແລະ ທ່ານ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ, ໃຫ້ກຽດມອບໃບຍ້ອງຍໍ ເປັນກຽດຮັບໂດຍແມ່ນເລຂາໜ່ວຍຊາວໜຸ່ມ ແລະ ສະມາຊິກຊາວໜຸ່ມ ເນື້ອງໃນໂອກາດວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ ອັນສະຫງ່າລາສີນີ້ ຫ້ອງການສະຫະພັນແມ່ຍິງ ແລະ ຫ້ອງການສະຫະພັນກຳມະການເມືອງ, ເຂົ້າອວຍພອນຄະນະຊາວໜຸ່ມເມືອງ, ນໍາພາໂດຍທ່ານ ນ. ແສງທອງ ຊຽງປັນຍາ ກຳມະການພັກເມືອງ ແລະ ທ່ານ ຄູນທະມີ ຜາງສຸວັນ ກຳມະການພັກເມືອງ, ປະທານ ສະຫະພັນກຳມະບານເມືອງ ໃຫ້ກຽດຕ້ອນຮັບໂດຍທ່ານ ວິໄລເພັດລຽນສະະຫວັດ ເລຂາຄະນະຊາວໜຸ່ມເມືອງ ເຊີ່ງທ່ານຍັງໄດ້ສະແດງຄວາມຊົມເຊີຍມີໄມຕີຈິດອັນອົບອຸ່ນ ທີອົງການຈັດຕັ້ງພາຄີເຊິ່ງຍາມໃດກໍ່ໃຫ້ຄວາມສໍາຄັນ, ເນື່ອງໃນໂອກາດປີໃໜ່ທີ່ຈະມາເຖິງໃນມໍ່ໆນີ້ ຂໍໃຫ້ບັນດາທ່ານຈົ່ງມີສຸຂະພາບເຂັ້ມແຂງໆແຂແຮງ, ມີຄວາມຜ່າສຸກໃນຊິວີດສ່ວນຕົວຄອບຄົວ, ມີໂຊກ, ມີໄຊ, ມີໂຊກໃຫຍ່ໄຊງາມຕະຫຼອດປີ, ຕະລອດໄປ.

ລາຍງານຂ່າວໂດຍ: ໜ່ວຍງານອົບຮົມ, ຂະບວນການ, ສື່ມວນຊົນ.

ພິທີຮັບມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ, ສະມາຊິກເຍົາວະຊົນ ແລະ ພ້ອມທັງປາຖະກະຖາວັນສ້າງ...
01/04/2026

ພິທີຮັບມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ, ສະມາຊິກເຍົາວະຊົນ ແລະ ພ້ອມທັງປາຖະກະຖາວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ.
ຕອນເຊົ້າຂອງ, ວັນທີ 1 ເມສາ 2026 ຢູ່ທີ່ໂຮງຮຽນ ມໍສ ນໍ້າສິງ ເມືອງວຽງພູຄາ ໄດ້ຈັດພິທີຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ, ສະມາຊິກເຍົາວະຊົນທັນວາ ແລະ ປາຖະກະຖາວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ ຂອງຕົນຂື້ນຢ່າງເປັນທາງການ ພາຍໃຕ້ການເປັນປະທານຂອງສະຫາຍ ນ. ກົງຈິດ ອີງຫຼ້າຮັກ ຄະນະບໍລິຫານງານຊາວໜຸ່ມ ຜູ້ຊີ້ນໍາກຸ່ມນໍ້າສິງ ແລະ ສະຫາຍ ນ. ກໍາຖີນ ເລຂາໜ່ວຍຊາວໜຸ່ມ ເປັນກຽດເຂົ້າຮ່ວມຂອງສະຫາຍ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມເມືອງ ແລະ ສະຫາຍ ວິໄລສັກ ແກ້ວມະນີ ຮອງເລຂາໜ່ວຍພັກ, ຮອງອໍານວຍການ ໂຮງຮຽນ ມໍສ ນໍ້າສິງ, ມີບັນດາຄູ - ອາຈານຕະຫຼອດຮອດສະມາຊິກຊາວໜຸ່ມນັກຮຽນ ແລະ ນ້ອງນ້ອຍເຍົາວະຊົນທັນວາເຂົ້າຮ່ວມທັງໜົດ: 78 ສະຫາຍ, ຍິ່ງ 28 ສະຫາຍ.
ພິທີດັ່ງກ່າວສະຫາຍ ແກ້ງເພັດ ເສັດຈຽມແສງ ພະນັກງານຫ້ອງການຊາວໜຸ່ມເມືອງ ໄດ້ຂື້ນຜ່ານມະຕິຕົກລົງວ່າດ້ວຍການຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ຈໍານວນ 47 ສະຫາຍ, ຍິ່ງ 19 ສະຫາຍ ແລະ ສະມາຊິກເຍົາວະຊົນຈໍານວນ 26 ນ້ອງ, ຍິງ 11 ນ້ອງ.
ພິທີດັ່ງກ່າວສະຫາຍ ວິໄລເພັດ ລຽນສະຫວັດ ກຳມະການພັກເມືອງ, ເລຂາຊາວໜຸ່ມເມືອງ ໄດ້ເລົ້າມູນເຊື້ອປະຫວັດຕາມເປັນມາຂອງຊາວໜຸ່ມ ຄົບຮອບ 71 ປີປີ (14 ເມສາ 1955-14 ເມສາ 2026) ເຊິ່ງເວລາໃກ້ຊາວໜຸ່ມແມ່ນມີມູນເຊື້ອທີ່ອົງອາດກ້າແກ່ນ ແລະ ສະຫວ່າງລາສີ ເຊິ່ງຍາມໃກ້ຫໍ່ຕິດພັນກັບມູນເຊື້ອຂອງຊາດ, ຂອງພັກ, ຂອງກຳລັງປະກອບອາວຸດ, ຂອງທຸກຂະແໜງການ ແລະ ທ້ອງຖິ່ນ ເພາະວ່າທຸກຍຸກທຸກສະໄໝໜີຊາວໜຸ່ມລາວແມ່ນມີບົດບາດຕັດສິນ ແລະ ເປັນກຳລັງແຮງອັນໃຫຍ່ຫຼວງໃຫ້ແກ່ທຸກຍຸກທຸກສະໄໜປຽບດັ່ງຄໍາຂວັນທີວ່າ“ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜາ ເມື່ອໃດຊາດຕ້ອງການຊາວໜຸ່ມຂານ.

ກອງປະຊຸມສະມາຄົມນັກທຸລະກິດໜຸ່ມແຂວງຫຼວງນໍ້າທາ, ລົງມາເຜີຍແຜ່ນິຕິກຳຕ່າງໆຢູ່ເມືອງວຽງພູຄາ. ວັນທີ 25 ມີນາ 2026 ທີ່ຜ່ານມານີ...
29/03/2026

ກອງປະຊຸມສະມາຄົມນັກທຸລະກິດໜຸ່ມແຂວງຫຼວງນໍ້າທາ, ລົງມາເຜີຍແຜ່ນິຕິກຳຕ່າງໆຢູ່ເມືອງວຽງພູຄາ.
ວັນທີ 25 ມີນາ 2026 ທີ່ຜ່ານມານີ້, ສະມາຄົມນັກທຸລະກິດໜຸ່ມ ຫຼື (ສທໝ) ແຂວງຫຼວງນໍ້າທາ ໄດ້ລົງເຜີຍແຜ່ນິຕິກຳຕ່າງໆ ກ່ຽວກັບທຸລະກິດ ແລະ ໂຄງຮ່າງການຈັດຕັ້ງຂອງສະມາຄົມນັກທຸລະກິດໜຸ່ມ ຢູ່ທີ່ຫ້ອງວ່າການເມືອງວຽງພູຄາ ນຳພາໂດຍ ທ່ານ ອີນເຕີ ລາວກົງ ປະທານ ສະມາຄົມນັກທຸລະກິດໜຸ່ມແຂວງຫຼວງນໍ້າທາ ເປັນກຽດເຂົ້າຮ່ວມ ຂອງທ່ານ ບຸນຊົງ ວາໄຊຢີ ກຳມະການພັກແຂວງ, ເລຂາພັກເມືອງ ແລະ ທ່ານ ນ. ປານີ ຈິດດາລາ ກຳມະການພັກແຂວງ, ເລຂາຄະນະຊາວໜຸ່ມ ປະຊາຊົນ ປະຕິວັດລາວແຂວງ, ມີຄະນະປະຈໍາພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ສະມາຄົມນັກທຸລະກິດໜຸ່ມແຂວງ, ເມືອງ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມທ່ານ ມິດສຳພັນ ພົມຄຳ ຮອງປະທານນັກທຸລະກິດໜຸ່ມແຂວງຫຼວງນໍ້າທາ ໄດ້ຜ່ານກົດລະບຽບ, ໂຄງຮ່າງການຈັດຕັ່ງປະຕິບັດຂອງນັກທຸລະກິດໜຸ່ມແຂວງ ໂດຍຫຍໍ້ ກ່ຽວກັບສະມາຄົມນັກທຸລະກິດໜຸ່ມ ຫຼື (ສທໝ) ພ້ອມດຽວກັນນີ້ໃນ ທ່ານ ເດັ່ນໄຊ ສີປະມວນ ປະທານສະມາຄົມນັກທຸລະກິດໜຸ່ມເມືອງວຽງພູຄາ ໄດ້ຂື້ນລາຍງານໃນການຈັດຕັ້ງປະຕິບັດໃນການເຄື່ອນໄຫວໃນໄລຍະຜ່ານມາໂດຍຫຍໍ້ ໃນໂອກາດນີ້ ທ່ານ ບຸນຊົງ ວາໄຊຢີ ໄດ້ໂອ້ລົມ ເຊິ່ງກ່ອນອື່ນທ່ານ ໄດ້ສະແດງຕາມຍ້ອງຍໍຊົມເຊີຍຕໍ່ຜົນສໍາເລັດຂອງນັກທຸລະກິດໜຸ່ມຂັ້ນແຂວງ, ຊັ້ນເມືອງ ໃນໄລຍະທີ່ຜ່ານມາ ເຊິ່ງກໍ່ໄດ້ເໜັ້ນໜັກໃຫ້ສະມາຄົນັກທຸລະກິດໜຸ່ມແຂວງ ແລະ ເມືອງໃຫ້ເອົາໃຈໃສ່ເຊືອມຊຶມ ເອກະສານຕ່າງໆຂອງນັກທຸລະກິດໜຸ່ມ ແລະ ທັງສ້າງຄວາມສາມັກຄີທັງພາຍໃນ ແລະ ພາຍນອກໃຫ້ແໜ້ນແຟ້ນຍິ່ງຂື້ນ. ພ້ອມດຽວກັນນີ້ ສະມາຄົມນັກທຸລະກິດໜຸ່ມແຂວງ ກໍ່ໄດ້ມອບກະຕ່າຂອງຂວັນພ້ອມທັງອວຍພອນການນຳເມືອງວຽງພູຄາ ໃນວັນດຽວກັນນັ້ນສະມາຄົມນັກທຸລະກິດໜຸ່ມແຂວງຫຼວງນ້ຳທາ ກໍ່ຍັງໄດ້ມອບອຸປະກອນການຮຽນ ແລະ ອຸປະກອນກິລາໃຫ້ທາງໂຮງຮຽນ ມໍປາຍ ຊົນເຜົ່າຕື່ມອີກ ຫຼັງຈາກນັ້ນການນຳເມືອງ ແລະ ສະມາຄົມນັກທຸລະກິດໜຸ່ມແຂວງ, ເມືອງກໍ່ໄດ້ມີການສ້າງສັນກິລາບານເຕະເພື່ອຂໍານັບຮັບຕ້ອນວັນສຳຄັນຕ່າງໆຂອງພັກ, ຂອງຊາດເວົ້າລວມເວົ້າສະເພາະແມ່ນວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີທີ່ຈະມູນວຽນມາ ເຖິງໃນມໍ່ໆນີ້ໃຫ້ມີບັນຍາກາດຟົດຟື່ນ.

ກອງປະຊຸມປັບປຸງກົງຈັກການຈັດຕັ້ງ ຂອງໜ່ວຍຊາວໜຸ່ມຮາກຖານ ບ້ານ ໄລລອດ. ຕອນເຊົ້າ, ຂອງວັນທີ 3 ມີນາ 2026 ທີ່ຜ່ານມານີ້ຢູ່ທີ່ຫ...
04/03/2026

ກອງປະຊຸມປັບປຸງກົງຈັກການຈັດຕັ້ງ ຂອງໜ່ວຍຊາວໜຸ່ມຮາກຖານ ບ້ານ ໄລລອດ.
ຕອນເຊົ້າ, ຂອງວັນທີ 3 ມີນາ 2026 ທີ່ຜ່ານມານີ້ຢູ່ທີ່ຫ້ອງການບ້ານ ໄລລອດ ໄດ້ເປີດກອງປະຊຸມໃຫຍ່ຂອງຕົນຂື້ນຢ່າງເປັນທາງການ ພາຍໃຕ້ການເປັນປະທານຂອງສະຫາຍ ບຸນເພັດ ວິໄລສັກ ເລຂາໜ່ວຍຊາວໜຸ່ມຮາກຖາ@ນບ້ານ ເປັນກຽດເຂົ້າຮ່ວມໂດຍແມ່ນ ສະຫາຍ ສີອຳໄພ ຜາງສຸວັນ ຮອງເລຂາຊາວໜຸ່ມ ປະຊາຊົນ ປະຕິວັດລາວເມືອງ ແລະ ສະຫາຍ ລົງຕຽງ ນາຍໆ ໄລລອດ ມີບັນດານາຍບ້ານ, ອົງການຈັດຕັ້ງຊັ້ນບ້ານ ແລະ ມີສະມາຊິກຊາວໜຸ່ມ ພາຍໃນໜ່ວຍເຂົ້າຮ່ວມ: 29 ສະຫາຍ, ຍິ່ງ 4 ສະຫາຍ.
ກອງປະຊຸມຄັ້ງນີ້ ສະຫາຍ ບຸນເພັດ ວິໄລສັກ ເລຂາໜ່ວຍຊາວໜຸ່ມ ໄດ້ຜ່ານຮ່າງບົດລາຍງານທັງ 2 ພາກ, ໜ່ວຍຊາວໜຸ່ມຂອງພວກເຮົາເປັນໜ່ວຍໜຶ່ງ ທີ່ເຄື່ອນໄຫວພາຍໃຕ້ການຊີ້ນຳໆນຳພາ ໂດຍກົງຮອດບ້ານຂອງຄະນະຊາວໜຸ່ມເມືອງ ແລະ ຄະນະພັກຮາກຖານໃນໄລຍະ 5 ປີ ແຕ່ປີ 2022-2026 ທີ່ຜ່ານມາປະກອບມີຄະນະໜ່ວຍ 3 ສະຫາຍ, ຍິງ 1 ສະຫາຍ, ມີສະມາຊິກຊາວໜຸ່ມ ປະຊາຊົນ ປະຕິວັດລາວທັງໜົດ: 30 ສະຫາຍ, ຍິ່ງ 4 ສະຫາຍ, ດ້ານວຽກງານປ້ອງກັນຊາດ-ປ້ອງຄວາມສະຫງົບພາຍໃນບ້ານ ໃນໄລຍະ 5 ປີ ໜ່ວຍຊາວໜຸ່ມພວກເຮົາໄດ້ປະກອບສ່ວນວຽກງານປ້ອງກັນຊາດປ້ອງກັນຄວາມສະຫງົບ, ປ້ອງກັນເວນຍາມ ເພື່ອສະກັດກັ້ນປະກົດການຫຍໍ້ທໍ້ບ້ານຕ່າງໆ ທັງໝົດ 5 ຄັ້ງ, ມີສະມາຊິກຊາວໜຸ່ມ ເຂົ້າຮ່ວມ 17 ສະຫາຍ, ຍິ່ງ 3 ສະຫາຍ ເປັນກອງ ນ 5 ສະຫາຍ, ເປັນປ້ອງກັນບ້ານ 2 ສະຫາຍ, ກ້ານວຽກງານເສດຖະກິດ ຄະນະຊາວໜຸ່ມພວກເຮົາໄດ້ເອົາໃຈໃສ່ປຸກລະດົມນໍາພາສະມາຊິກພາຍໃນໜ່ວຍ ພ້ອມກັນບຸກກບືນວຽກງານດ້ານຕ່າງໆ ຈາກຊັ້ນ ຜູ້ແທນກອງປະຊຸມ, ບັງໄດ້ປະກອບຄຳຄິດຄຳເຫັນໃສ່ຮ່າງບົດລາຍງານທັງ 2 ພາກ ແລະ ຈຸດດີ, ຈຸດອ່ອນ, ຂໍ້ຄົງຄ້າງໃນໄລຍະຜ່ານມາ ຢ່າງເປັນຂະບວນຟົດຟື່ນເພື່ອເຮັດໃຫ້ບົດລາຍງານມີເນື້ອໃນສົມບຸນຄົບຖ້ວນຄະນະໜ່ວຍຊຸດເກົ່າຫຝຜ່ານບົດລາໜ້າທີ ຈາກສັ່ນ ສະຫາຍ ແກ້ວເພັດ ເສັດຈຽມແສງ ພະນັກງານຫ້ອງການຊາວໜຸ່ມເມືອງ, ຍັງໄດ້ຜ່ານມາດຖານເງື່ອນໄຂຜູ້ສະໜັກເລືອກຕັ້ງຄະນະໜ່ວຍຊຸດໃໜ່ ເຊິ່ງໄດ້ຄັດເລືອກເອົາ 5 ສະຫາຍ, ໄດ້ປ່ອນເອົາຄະນະຊຸດໃໜ່ 3 ສະຫາຍ, ເຊິ່ງໄດ້ຕາມລະດັບຄາດໝາຍທີ່ວາງໄວ້ຄື:
1/.ສະຫາຍ ຄຳຈັນ ວິໄລສຸກ ເປັນເລຂາໜຸວຍຊາວຜໜຸ່ມ.
2/.ສະຫາຍ ທັນວິໄລຄຳ ເປັນຮອງເລຂາ.
3/.ສະຫາຍ ນ. ນິດ ເປັນຮອງເລຂາ.

ພິທີຮັບມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຢູ່ທີ່ ໂຮງຮຽນ ມໍປາຍ ຊົນເຜົ່າ. ຕອນເຊົ້າ,...
02/03/2026

ພິທີຮັບມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຢູ່ທີ່ ໂຮງຮຽນ ມໍປາຍ ຊົນເຜົ່າ.
ຕອນເຊົ້າ, ຂອງວັນທີ 2 ມີນາ 2026 ຢູ່ທີ ໂຮງຮຽນ ມໍປາຍ ຊົນເຜົ່າ ໄດ້ຈັດພິທີຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຂອງຕົນຂື້ນຢ່າງເປັນທາງການ ພາຍໃຕ້ການເປັນປະທານຂອງ ສະຫາຍ ສິງພອນ ພາຍຕາຄຳ ເລຂາໜ່ວຍຊາວໜຸ່ມ ໂຮງຮຽນ ມໍປາຍ ຊົນເຜົ່າ ເປັນກຽດເຂົ້າຮ່ວມຂອງສະຫາຍ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ ແລະ ສະຫາຍ ບຸນທອນ ແກ້ວລິນທອນ ເລຂາໜ່ວຍພັກ,. ອຳນວຍການ ໂຮງຮຽນ, ມີຄູ-ອາຈານຕະຫຼອດຮອດສະມາຊິກຊາວໜຸ່ມ ປະຊາຊົນ ປະຕິວັດລາວທັງເກົ່າ ແລະ ໃໜ່ເຂົ້າຮ່ວມທັງໜົດ: 48 ສະຫາຍ, ຍິ່ງ 18 ສະຫາຍ.
ພິທີດັ່ງກ່າວ ສະຫາຍ ສີພັນ ຫົງມະນີ ພະນັກງານຫ້ອງການຊາວໜຸ່ມເມືອງ ໄດ້ຂື້ນຜ່ານມະຕີຕົກລົງວ່າດ້ວຍການຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຈຳນວນ 32 ສະຫາຍ, ຍິ່ງ 12 ສະຫາຍ, ຈາກນັ້ນ ມະຫາຊົນຜູ້ທີ່ມີຄວາມກ້າວໜ້າຂື້ນຜ່ານໃບຄຳຮ້ອງ ແລະ ຊີວະປະຫວັດດ້ວຍຕົນເອງ ຕໍ່ຈາກນັ້ນ ສະເໜີໃຫ້ສະຫາຍ ສິງພອນ ພາຍຕາຄຳ ເລຂາໜ່ວຍຊາວໜຸ່ມ ຂື້ນກ່າວຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ ຢ່າງເປັນທາງການ, ພ້ອມທັງອະທິບາຍຄວາມໝາຍຄວາມສຳຄັນຂອງທຸງຊາວໜຸ່ມ ປະຊາຊົນ ປະຕິວັດລາວ ໃຫ້ສະມາຊິກຊາວໜຸ່ມ ໄດ້ຮັບຮູ້ ແລະ ເຂົ້າໃຈ.
ຕອນທ້າຍພິທີ ຍັງໄດ້ຮັບຟັງການໂອ້ລົມຂອງ ສະຫາຍ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ ແລະ ສະຫາຍ ບຸນທອນ ແກ້ວລິນທອນ ເຊິ່ງທັງສອງສະຫາຍ ຍັງໄດ້ເໜັ້ນໜັກບາງຈຸດທີສຳຄັນຕໍ່ກັບພາລະບົດບາດ ສິດ ແລະ ໜ້າທີ່ ເປັນຕົ້ນກົດລະບຽບ ແລະ ກົດໝາຍທີ່ທາງຄະນະຊາວໜຸ່ມວາງອອກຢ່າງເຂັ້ມງວດ, ເວົ້າລວມເວົ້າສະເພາະສະມາຊິກຊາວໜຸ່ມຜູ້ທີ່ມີຄວາມກ້າວໜ້າຕ້ອງເປັນແບບຢ່າງນໍາໜ້າໃນການຈັດຕັັງປະຕິບັດແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ.ໃຫ້ປະກົດຜົນເປັນຈິງ.

ຄະນະຊາວໜຸ່ມ ປປລ ເມືອງ ເປີດກອງປະຊຸມປະເມີນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ປະຈໍາປີ 2025. ຕອນເຊົ້າ, ຂອງວັນທ...
06/11/2025

ຄະນະຊາວໜຸ່ມ ປປລ ເມືອງ ເປີດກອງປະຊຸມປະເມີນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ປະຈໍາປີ 2025.
ຕອນເຊົ້າ, ຂອງວັນທີ່ 6 ພະຈິກ 2025 ຄະນະຊາວໜຸ່ມ ປປລເມືອງ, ໄດ້ເປີດກອງປະຊຸມປະເມີນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ປະຈໍາປີ 2025 ຂື້ນທີ່ຫ້ອງການຄະນະຊາວໜຸ່ມ ປປລ ເມືອງ ໂດຍການເປັນປະທານຂອງສະຫາຍ ວິໄລເພັດ ລຽນສະຫວັດ ກຳມະການພັກເມືອງ, ມີຮອງເລຂາຄະນະຊາວໜຸ່ມ ປປລ ເມືອງ, ມີຫົວໜ້າໜ່ວຍງານ, ມີຮອງຫົວໜ້າໜ່ວຍງານ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ 10 ສະຫາຍ, ຍິ່ງ 2 ສະຫາຍ.
ໃນກອງປະຊຸມ ສະຫາຍ ສົມລັດ ແສງມະນີ ຮອງເລຂາຄະນະຊາວໜຸ່ມ ປປລເມືອງ, ໄດ້ຜ່ານຂໍ້ຕົກລົງ ແລະ ຜ່ານດຳລັດ ເລກທີ 300/ລບ ວ່າດ້ວຍການປະເມີນຜົນການຈັດຕັ້ງປະຕິບັດຂອງພະນັກງານ- ລັດຖະກອນທີ່ຖືກປະເມີນແຕ່ລະສະຫາຍ ຍັງໄດ້ຜ່ານບົດປະເມີນຕົນເອງ, ພ້ອມທັງໃຫ້ຄະແນນຕົນເອງ ແລະ ໜຸ່ມຄະນະ, ຕໍ່ຈາກນັ້ນ ໄດ້ຜ່ານຜົນຄະແນນຂອງແຕ່ລະສະຫາຍ ແລະ ມີການປະກອບຄຳຄິດຄຳເຫັນ, ຕໍານິກໍ່ສ້າງຊ່ວຍເຫຼື່ອເຊິ່ງກັນ ແລະ ກັນ ການປະເມີນການຈັດຕັ້ງປະຕິບັດວຽກງານຂອງພະນັກງານ- ລັດຖະກອນ
ຕອນທ້າຍກອງປະຊຸມ ຍັງໄດ້ຮັບຝັງການມີຄໍາເຫັນຊີ້ນໍາ ຂອງສະຫາຍ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມ ປປລ ເມືອງ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ ຕໍ່ກັບຜົນງານອັນພົ້ນເດັ່ນທີ່ບັນດາສະຫາຍໄດ້ເຄື່ອນໄຫວຈັດຕັ້ງປະຕິບັດວຽກງານໃນໄລຍະ 1 ປີທີ່ຜ່ານມາ ແລະ ໃຫ້ທິດຊີ້ນໍາໃນການຈັດຕັ້ງປະຕິບັດໜ້າທີ່ວຽກງານຫຼາຍດ້ານ ແລະ ຍັງໄດ້ເໜັ້ກໜັກໃຫ້ພະນັກງານ-ລັດຖະກອນແຕ່ລະສະຫາຍໃຫ້ເອົາໃຈໃສ່ບາງຈຸດຄື:
1) ປັບປຸງທາງດ້ານແນວຄິດໃຫ້ໄປຕາມແນວທາງຂອງພັກ, ລະບຽບກົດໝາຍຂອງລັດ.
2) ເພີ່ມທະວິເຝິກຝົນຫຼໍ່ຫຼອມຕົນເອງ ແລະ ຊອກຮູູ້ຮໍ່າຮຽນທາງດ້ານເຕັກໂນໂລຊີທີ່ທັນສະໄໜໃຫ້ຫາຍຂື້ນກ່າວເກົ່າ.
3) ຮຽກຮ້ອງມາຍັງພະນັກງານ- ລັດຖະກອນກ່ຽວກັບການຕ້ານປະກົດການສໍ້ລາດບັງຫຼວງ, ຫຍັງເອົາຜົນປະໂຫຍກສ່ວນລວມມາເປັນຂອງສ່ວນຕົວ ແລະ ນໍໃຊ້ໜ້າທີ່ຕໍາແໜ່ງໄປທາງທີ່ຜິດກົດລະບຽບຂອງພັກ ແລະ ລະບຽບກົດໝາຍຂອງລັດ.

ລາຍງານຂ່າວພາບໂດຍ: ໜ່ວຍງານອົບຮົມ, ຈະບວນການ, ສື່ມວນຊົນ

ຫ້ອງການຄະນະຊາວໜຸ່ມ ປະຊາຊົນ ປະຕິວັດລາວເມືອງ, ໄດ້ລົງກະຕຸກຊຸກຍູ້ ວຽກງານຊາວໜຸ່ມ - ເຍົາວະຊົນ, ເພື່ອສ້າງຄວາມເຂັ້ມແຂງຢູ່ຂັ້ນໂຮງ...
22/10/2025

ຫ້ອງການຄະນະຊາວໜຸ່ມ ປະຊາຊົນ ປະຕິວັດລາວເມືອງ, ໄດ້ລົງກະຕຸກຊຸກຍູ້ ວຽກງານຊາວໜຸ່ມ - ເຍົາວະຊົນ, ເພື່ອສ້າງຄວາມເຂັ້ມແຂງຢູ່ຂັ້ນໂຮງຮຽນ.
ຕອນເຊົ້າ ແລະ ຕອນແລງ, ຂອງວັນທີ 22 ຕຸລາ 2025 ຢູ່ທີ່ໂຮງຮຽນ ມສ ນໍ້າຟ້າ ແລະ ໂຮງຮຽນ ປະຖົມ ບ້ານ ກຳປອນ ຫ້ອງການຄະນະຊາວໜຸ່ມ ປະຊາຊົນ ປະຕິວັດລາວເມືອງ, ໄດ້ລົງກະຕຸກຊຸກຍູ້ ວຽກງານຊາວໜຸ່ມ-ເຍົາວະຊົນເພື່ອສ້າງຄວາມເຂັ້ມແຂງຢູ່ຂັ້ນໂຮງຮຽນ ໄດ້ຈັດກອງປະຊຸມເຜີຍແຜ່ມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວເມືອງວຽງພູຄາ ຄັ້ງທີ IX ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບຂໍ້ແຂ່ງຂັນ 4 ບຸກ ແລະຂໍ້ແຂ່ງຂັນ 3 ດີ, 4 ຮູ້ ຂອງເຍົາວະຊົນທັນວາຂັ້ນເມືອງ, ພ້ອມທັງຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບວຽກງານຂໍ້ແຂ່ງຂັນ 3 ດີ, 4 ຮູ້ ຂັ້ນໂຮງຮຽນ ແລະ ຜ່ານບົດແນະນໍາກ່ຽວກັບຂໍ້ແຂ່ງຂັນ 3 ດີ, 4 ຮູ້ ຂອງເຍົາວະຊົນທັນວາ ເປັນກຽດເຂົ້າຮ່ວມໂດຍແມ່ນ ທ່ານ ສົມລັດ ແສງມະນີ ຮອງເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ ແລະ ທ່ານ ເພັດ ມະນີສອນ ອໍານວຍການໂຮງຮຽນ ມສ ນໍ້າຟ້າ, ຄູ-ອາຈານ, ຄະນະຮັບຜິດຊອບວຽກງານຊາວໜຸ່ມ-ເຍົາວະຊົນ ແລະ ພະນັກງານທີ່ກ່ຽວຂ້ອງເຂົ້າຮ່ວມທັງໜົດ: 13 ສະຫາຍ, ຍິ່ງ 10 ສະຫາຍ.
ໃນກອງປະຊຸມດັ່ງກ່າວ ຄະນະຮັບຜິດຊອບຍັງໄດ້ຜ່ານມະຕີກອງປະຊຸມໃຫຍ່ຜູ້ແທນຊາວໜຸ່ມທົ່ວເມືອງວຽງພູຄາ ຄັ້ງທີ່ IX ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບຂໍ້ແຂ່ງຂັນ 4 ບຸກ ແລະ ຂໍ້ແຂ່ງຂັນ 3ດີ, 4 ຮູ້ ຂອງເຍົາວະຊົນທັນວາຂັ້ນເມືອງ, ພ້ອມທັງຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບວຽກງານຂໍ້ແຂ່ງຂັນ 3 ດີ, 4 ຮູ້ ຂັ້ນໂຮງຽນ ແລະ ຜ່ານບົດແນະນໍາກ່ຽວກັບຂໍ້ແຂ່ງຂັນ 3 ດີ, 4 ຮູ້ ຂອງເຍົາວະຊົນທັນວາ ຕອນທ້າຍກອງປະຊຸມຍັງໄດ້ຮັບການໂອ້ລົມຂອງທ່ານ ສົມລັດ ແສງມະນີ ຮອງເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ, ຕໍ່ກັບອໍານວຍການໂຮງຮຽນ, ຄູ-ອາຈານ ແລະ ຄະນະຮັບຜິດຊອບວຽກງານຊາວໜຸ່ມ-ເຍົາວະຊົນ, ພ້ອມທັງປຸກລະດົມການນໍາໃຊ້ເຄື່ອງແບບຊາວໜຸ່ມ-ເຍົາວະຊົນທັນວາ ຢູ່ໃນຄວາມຮັບຜິດຊອບຂອງຕົນ, ເວົ້າລວມເວົ້າສະເພາະວຽກງານຊາວໜຸ່ມເປັນວຽກງານໜຶ່ງທີ່ສໍາຄັນຕໍ່ກັບການປົກປັກຮັກສາ ແລະ ສ້າງສາພັດທະນາ, ເພື່ອຈັດຕັ້ງຜັນຂະຫຍາຍຂະບວນການແຂ່ງຂັນຮັກຊາດ ແລະ ພັດທະນາໃນໄລຍະໃໜ່ດ້ວຍຂະບວນການຂໍ້ແຂ່ງຂັນ 4 ບຸກ ໃຫ້ເປັນຂະບວນການຟົດຝືນ.

ລາຍງານຂ່າວພາບໂດຍ: ໜ່ວຍງານອົບຮົມຂະບວນການ ແລະ ສື່ມວນຊົນ.

ຄະນະຊາວໜຸ່ມ ປະຊາຊົນ ປະຕິວັດລາວເມືອງ ລົງກະຕຸກຊຸກຍູ້ ວຽກງານຊາວໜຸ່ມ - ເຍົາວະຊົນ, ເພື່ອສ້າງຄວາມເຂັ້ມແຂງຂັ້ນໂຮງຮຽນ. ຕອ...
16/10/2025

ຄະນະຊາວໜຸ່ມ ປະຊາຊົນ ປະຕິວັດລາວເມືອງ ລົງກະຕຸກຊຸກຍູ້ ວຽກງານຊາວໜຸ່ມ - ເຍົາວະຊົນ, ເພື່ອສ້າງຄວາມເຂັ້ມແຂງຂັ້ນໂຮງຮຽນ.
ຕອນເຊົ້າ, ຂອງວັນທີ 16 ຕຸລາ 2025 ຢູ່ທີ່ໂຮງຮຽນ ມສ ເທດສະບານເມືອງ, ມສ ນໍ້າສິງ ແລະ ໂຮງຮຽນ ປະຖົມ ນໍ້າແອ່ງ ຄະນະຊາວໜຸ່ມ ປະຊາຊົນ ປະວັດລາວເມືອງ ລົງກະຕຸກຊຸກຍູ້ ວຽກງານຊາວໜຸ່ມ - ເຍົາວະຊົນ, ເພື່ອສ້າງຄວາມເຂັ້ມແຂງຂັ້ນໂຮງຮຽນ ໄດ້ຈັດກອງປະຊຸມເຜີຍແຜ່ມະຕິກອງປະຊຸມໃຫ່ຍຜູ້ແທນຊາວໜຸມ່ທົວເມືອງວຽງພູຄາຄັ້ງທີ IX ຜາ່ມຂໍ້ຕົກລົງແຕ່ງຕັ້ງຄະນະຮັບຜິດຊອບຂໍ້ແຂງຂັນ 4 ບຸກ ແລະ ຂໍ້ແຂງຂັນ 3 ດີ 4 ຮູ້ ຂອງເຍົາວະຊົນທັນວາຂັ້ນເມືອງ, ພ້ອມທັງຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບວຽກງານຂໍ້ແຂ່ງຂັນ 3 ດີ, 4 ຮູ້ ຂັ້ນໂຮງຮຽນ ແລະ ຜ່ານບົດແນະນໍາກ່ຽວກັບຂໍ້ແຂ່ງຂັນ 3 ດີ, 4 ຮູ້ ຂອງເຍົາວະຊົນທັນວາ ເປັນກຽດເຂົ້າຮ່ວມໂດຍແມ່ນ ທ່ານ ວິໄລເພັດ ລຽນສະຫວັດ ກຳມະການພັກເມືອງ, ເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ ແລະ ທ່ານ ສີອຳໄພ ຜາງສຸວັນ ຮອງເລຂາຄະນະຊາວໜຸ່ມ ປະຊາຊົນ ປະຕິວັດລາວເມືອງ, ໃນກອງປະຊຸມມີອໍານວຍການໂຮງຮຽນ, ຄະນະບໍລິຫານງານຜູ້ນໍາຂັ້ນໂຮງຮຽນ, ຄູ-ອາຈານ, ຄະນະຮັບຜິດຊອບວຽກງານຊາວໜຸ່ມ-ເຍົາວະຊົນ ແລະ ພະນັກງານທີ່ກ່ຽວຂ້ອງເຂົ້າຮ່ວມທັງໝົດ: 34 ສະຫາຍ; ຍິ່ງ 15 ສະຫາຍ.
ໃນກອງປະຊຸມດັ່ງກ່າວ ຄະນະຮັບຜິດຊອບ ຍັງໄດ້ຜ່ານມະຕີກອງປະຊຸມໃຫຍ່ຜູ້ແທນຊາວໜຸ່ມທົ່ວເມືອງວຽງພູຄາ ຄັ້ງທີ IX ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບຂໍ້ແຂ່ງຂັນ 4 ບຸກ ແລະ ຂໍ້ແຂ່ງຂັນ 3ດີ, 4ຮູ້ ຂອງເຍົາວະຊົນທັນວາຂັ້ນເມືອງ, ພ້ອມທັງຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບວຽກງານຂໍ້ແຂ່ງຂັນ 3ດີ, 4ຮູ້ ຂັ້ນໂຮງຮຽນ ແລະ ຜ່ານບົດແນະນຳກ່ຽວກັບຂໍ້ແຂ່ງຂັນ 3ດີ, 4ຮູ້ ຂອງເຍົາວະຊົນທັນວາ ພ້ອມທັງໂອ້ລົມ ຕໍ່ກັບອໍານວຍການ, ຄະນະບໍລິຫານງານຜູ້ຊິ້ນໍາ, ຄູ-ອາຈານ ແລະ ຄະນະຮັບຜິດຊອບວຽກງານຊາວໜຸ່ມ-ເຍົາວະຊົນ, ພ້ອມທັງປຸກລະດົມການນຳໃຊ້ເຄື່ອງແບບຊາວໜຸ່ມ-ເຍົາວະຊົນ ຢູ່ໃນຂອບເຂດຄວາມຮັບຜິດຊອບຂອງຕົນ, ເວົ້າລວມເວົ້າສະເພາະເພີ່ນໄດ້ເວົ້າວ່າວຽກງານຊາວໜຸ່ມເປັນວຽກງານໜຶ່ງທີ່ສໍາຄັນຕໍ່ກັບການປົກປັກຮັກສາ ແລະ ສ້າງສາພັດທະນາ, ເສດຖະກິດສັງຄົມ ວ່າດ້ວຍການແກ້ໄຂທາງດ້ານເສດຖະກິດການເງິນ ແລະ ບັນຫາຢາເສບຕິດ, ຈັດຕັ້ງຜັນຂະຫຍາຍຂະບວນການແຂ່ງຂັນຮັກຊາດ ແລະ ພັດທະນາໃນໄລຍະໃໜ່ດ້ວຍຂະບວນການ 4 ບຸກ ຂອງຊາວໜຸ່ມ, ແນ່ໃສ່ເສີມຂະຫຍາຍດ້ານຕັ້ງໜ້າ ແລະ ແກ້ໄຂຂໍ້ຄົງຄ້າງສະກັດກັ້ນອຸປະຕິເຫດຕາມທ້ອງຖະໜົນ ແລະ ບັນຫາຫຍໍ້ທໍ້ອື່ນໆໃຫ້ຫຼຸດຖ້ອຍລົງເທືອລະກ້າວ.

ລາຍງານພາບຂ່າວໂດຍ: ໜ່ວຍງານອົບຮົມ, ຂະບວນການ ແລະ ສື່ມວນຊົນ

Address

ບ້ານວຽງສະຫວ່າງ
Viangphoukha
03030

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+856309203094

Website

Alerts

Be the first to know and let us send you an email when ຄະນະບໍລິຫານງານ ຊປປລ ເມືອງວຽງພູຄາ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category