ຄະນະຈັດຕັ້ງແຂວງສະຫວັນນະເຂດ - Savannakhet Provincial Organization Board

13/07/2026

09/04/2026

# ໃນຕອນເຊົ້າຂອງ ວັນທີ 9 ເມສາ 2026 ຄະນະຈັດຕັ້ງແຂວງສະຫວັນນະເຂດ ໄດ້ຈັດພິທີເປີດຮຽນກົດລະບຽບພັກໃຫ້ມະຫາຊົນກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ II ປີ 2026, ທີ່ຫ້ອງປະຊຸມຄະນະຈັດຕັ້ງແຂວງ ໂດຍໃຫ້ກຽດເຂົ້າຮ່ວມເປັນປະທານ ແລະ ເຜີຍແຜ່ເອກະສານຂອງ ສະຫາຍ ນາງ ປະພັດສອນ ພັດທະນາ ຮອງຫົວໜ້າຄະນະຈັດຕັ້ງແຂວງ, ມີມະຫາຊົນກ້າວຫນ້າເຂົ້າຮຽນ 39 ສະຫາຍ, ຍິງ 25 ສະຫາຍ ທີ່ມາຈາກຄະນະພັກຮາກຖານ, ຫນ່ວຍພັກຮາກຖານອ້ອມຂ້າງແຂວງ.
# ສະຫາຍ ນາງ ປະພັດສອນ ພັດທະນາ ຮອງຫົວຫນ້າຄະນະຈັດຕັ້ງແຂວງ ໄດ້ເຜີຍແຜ່ເຊື່ອມຊຶມບາງເນື້ອໃນກົດລະບຽບພັກເປັນຕົ້ນແມ່ນ ວັດຖຸປະສົງຂອງພັກ, ການກໍ່ສ້າງ ແລະປັບປຸງພັກຕາມ 5 ຫຼັກການ 3 ທິດນຳ; ມາດຖານເງື່ອນໄຂຂອງສະມາຊິກພັກ, ຂັ້ນຕອນການຂະຫຍາຍພັກ, ສິດ, ຫນ້າທີ່ ແລະ ຂໍ້ຫ້າມສະລັບສະມາຊິກພັກ, ຫຼັກການຈັດຕັ້ງ ແລະ ການເຄື່ອນໄຫວຂອງພັກເພື່ອເຮັດໃຫ້ມະຫາຊົນກ້າວໄດ້ຮັບຮູ້ ແລະ ເຂົ້າໃຈຕໍ່ບັນດາເນື້ອໃນຄວາມຫມາຍຄວາມສຳຄັນຂອງພັກປະຊາຊົນປະຕິວັດລາວ.
# ໃນຕອນທ້າຍ ສະຫາຍ ນາງປະພັດສອນ ພັດທະນາ ຮອງຫົວຫນ້າຄະນະຈັດຕັ້ງແຂວງ ໄດ້ມອບໃບຢັ້ງຍືນໃຫ້ມະຫາຊົນກ້າວຫນ້າທີ່ສຳເລັດການຮຽນກົດລະບຽບພັກປະຊາຊົນປະຕິວັດລາວ.

30/12/2025