ຄະນະ ໂຄສະນາ-ອົບຮົມ ເມືອງເມິງ

25/02/2026

26/01/2026

ເພື່ອເປັນການສ້າງຂະບວນການອອກແຮງງານ ຂໍ່ານັບຮັບຕ້ອນ ການປ່ອນບັດເລືອກຕັ້ງສະພາແຫ່ງຊາດ ແລະ ສະພາປະຊາຊົນຂັ້ນແຂວງ ແລະ ເພື່ອເຮັດໃຫ້ຂອບເຂດທົ່ວເມືອງໃຫ້ມີຄວາມຈົບງາມ ແລະ ມີຄວາມສະຫງົບປອດໄພ.
ຫ້ອງວ່າການເມືອງເມິງ, ຂໍຖືເປັນກຽດຢ່າງສູງ ແຈ້ງມາຍັງທ່ານ ຊາບວ່າ: ວັນທີ 30 ມັງກອນ 2026 ໃຫ້ບັນດາທ່ານ ນໍາພາສະມາຊິກອ້າຍ, ເອື້ອຍ, ນ້ອງ ໃຕ້ຄວາມຮັບຜິດຊອບຂອງຕົນ ອອກແຮງງານລວມ ດັ່ງລາຍລະອຽດລຸ່ມນີ້:
1. ຕັດຫຍ້າ ແລະ ເກັບຂີ້ເຫຍື້ອຂອບເຂດຄວາມຮັບຜິດຊອບຂອງຕົນ.
2. ໃຫ້ປະຊາຊົນໃນເຂດເທດສະບານເມືອງ ແລະ ທຸກບ້ານໃນທົ່ວເມືອງພ້ອມພາກັນຕັດຫຍ້າແຄມທາງ, ດິນຈັບຈອງ ແລະ ເຮືອນຊານຂອງຕົນໃຫ້ເປັນລະບຽບ.
3. ມອບໃຫ້ແຕ່ລະຂົງເຂດແຕ່ງຕັ້ງການປ້ອງກັນເວນຍາມ ເພື່ອປ້ອງກັນບໍ່ໃຫ້ເກີດມີເຫດການທີ່ບໍ່ດີເກີດຂື້ນໃນຂອບເຂດທົ່ວເມືອງ, ຕ້ອງຮັບປະກັນໃຫ້ມີຄວາມສະຫງົບ 100%.
ສະນັ້ນ, ຈຶ່ງແຈ້ງມາຍັງບັນດາທ່ານ ແລະ ພາກສ່ວນທີ່ກ່ຽວຂ້ອງເພື່ອຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້ໃຫ້ໄດ້ຮັບໝາກຜົນດ້ວຍ.

13/01/2026

ຄະນະກຳມະການເລືອກຕັ້ງຂັ້ນເມືອງ.
ອອກແຈ້ງການເຖິງຄະນະພັກຮາກຖານບ້ານ, ເລຂາໜ່ວຍພັກ, ນາຍບ້ານ ແລະ ຄະນະຮັບຜິດຊອບໜ່ວຍປ່ອນບັດ ເພື່ອລົງເກັບກຳສະຖິຕິຜູ້ມີສິດປ່ອນບັດເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ຢູ່ເມືອງເມິງ.

22/12/2025

ລາຍການອາຫານ ຂອງຮ້ານອາຫານແຫ່ງໜຶ່ງ ຂອງເມືອງເມິງ.
ເມື່ອ 5-6 ປີກ່ອນ ເຝີ, ເຂົ້າປຽກ, ເຂົ້າຊອຍ ແມ່ນ ເລິ່ມຕົ້ນ 10.000 ກີບ.
ລາບ, ແກງ ເລີ່ມຕົ້ນ 30.000 ກີບ.
ແຕ່ປັດຈຸບັນ ປີ 2025 ເຝີ, ເຂົ້າປຽກ, ເຂົ້າຊອຍ 35.000 ກີບ.
ແລະ ປີຕໍ່ໆໄປເດ ລາຄາຈະຫຼຸດລົງ ຫຼື ເພີ່ມຂື້ນແບບໃດຕື່ມ.

12/12/2025

ການນຳເມືອງເມິງ ເຂົ້າວາງກະຕ່າດອກໄມ້ ຮູບປັ້ນທ່ານໄກສອນ ພົມວິຫານ ເນື່ອງໃນໂອກາດວັນຄ້າຍວັນເກີດ ຄົບຮອບ 105 ປີ.
ແລະ ຮັບຊົມການຖ່າຍທອດສົດ ພິທີໂຮມຊຸມນຸມໃຫຍ່ ສະເຫຼີມສະຫຼອງວັນເກີດປະທານໄກສອນ ພົມວິຫານ ຄົບຮອບ 105 ປີ.
13 ທັນວາ 1920 - 13 ທັນວາ 2025

02/12/2025

ການນຳເມືອງເມືອງຮັບຊົມການສະແດງສິລະປະຈາກນ້ອງນ້ອຍ ມສ ນ້ຳເມິງ ແລະ ປະຖົມນ້ຳເມິງ.
ເນືອງໃນໂອກາດ ວັນຊາດ ທີ 2 ທັນວາ ຄົບຮອບ 50 ປີ.
ຊົມເຊີຍວັນຊາດ ທີ 2 ທັນວາ ຢ່າງສຸດໃຈ

02/12/2025

ວັນຊາດ 2 ທັນວາ ໝັ້ນຍືນ

02/11/2025

ແຈ້ງການ ລົງສຳຫຼວດພົນລະເມືອງທົ່ວປະເທດຄັ້ງທີ V ປີ 2025.
ຂໍແຈ້ງເຖິງບັນດາພໍ່ແມ່ປະຊາຊົນ, ພໍ່ຄ້າ ແມ່ຄ້າ, ຄົນຕ່າງປະເທດ.....ທີ່ມີໜ້າປະຈຳຢູ່ໃນ ເມືອງເມິງ ຂໍໃຫ້ທ່ານຈົ່ງໃຫ້ການຮ່ວມມື ໃນການສະໜອງຂໍ້ມູນ ໃຫ້ກັບນັກເດີນສຳຫຼວດພົນລະເມືອງພວກເຮົາ.
ທຸກຂໍ້ມູນຂອງທ່ານລ້ວນແຕ່ມີຄວາມສຳຄັນຕໍ່ກັບການວາງແຜນພັດທະນາປະເທດຊາດຂອງພວກເຮົາ ສະນັ້ນຂໍໃຫ້ທຸກທ່ານຈົ່ງໃຫ້ຂໍ້ມູນທີ່ເປັນຄວາມຈິງ, ໃຫ້ໝັ້ນໃຈໄດ້ເລີຍວ່າຂໍ້ມູນທຸກຢ່າງຂອງທ່ານຈະເປັນຄວາມລັບ.
ຖ້າຫາກທ່ານຍັງບໍ່ເຂົ້າໃຈຕໍ່ກັບການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ V ນີ້ ໃຫ້ທ່ານສອບຖາມທາງຫ້ອງການສຳຫຼວດພົນລະເມືອງ ຫຼື ແຊດມາທາງ ຄະນະໂຄສະນາອົບຮົມເມືອງເມິງ ຂອງພວກເຮົາໄດ້.
ການສໍາຫຼວດພົນລະເມືອງຄັ້ງທີ V ເລີ່ມແຕ່ວັນທີ 3 ພະຈິກ ຫາວັນທີ 14 ທັນວາ ພ້ອມກັນທົ່ວປະເທດ

28/09/2025

ປະຊາຊົນຮ້ອງຂໍໃຫ້ພາກສ່ວນກ່ຽວຂ້ອງ ທັງພາກລັດ ແລະ ເອກະຊົນ ທີ່ຮັບຜິດຊອບເສັ້ນທາງເຂດ ບ້ານປຸ່ງ ຫາ ນ້ຳຍູ້ ຂໍໃຫ້ມາແກ້ໄຂສຸກເສີນ ເສັ້ນທາງເຂດຂົວນ້ຳຍູ້ ຫາ ໂຮງຮຽນ ມສ ນ້ຳຍູ້ ເສັ້ນທາງເປເພ ຫຼາຍສົມຄວນ(ແອັດມິນ ເກີດມາ ແລະ ໃຫຍ່ ຢູ່ເມືອງເມິງ 30 ກວ່າປີ ບໍ່ເຄີຍເສັ້ນທາງເປເພຫຼາຍປານນີ້)
ຊຶ່ງທາງອຳນາດການປົກຄອງບ້ານ, ຄະນະພັກຮາກຖານ ກໍ່ໄດ້ນຳພາປະຊາຊົນສ້ອມແປງຫຼາຍເທື່ອແລ້ວ
ແຕ່ຄັ້ງນີ້ໜັກໜ່ວງພໍສົມຄວນເຫຼືອຄວາມສາມາດທີ່ປະຊາຊົນຈະສ້ອມແປງແລ້ວ
ຂໍຂັ້ນເທິງຊີ້ນຳບໍລິສັດຮັບຜິດຊອບແກ້ໄຂໃຫ້ຮີບດ່ວນ
#ອີຕົນນ້ອງນ້ອຍນັກຮຽນທີ່ທ່ຽວເຂົ້າໂຮງຮຽນທຸກມື້,ບາງຄົນຂີ່ລົດຈັກໄປລົດຈັກຈົນດັບຄານ້ຳບວກ.
#ບາງຄົນນຸ່ງເຄື່ອງນັກຮຽນມາເສື້ອອຂາວຈົນເປັນສີນ້ຳຕານເຂັ້ມ

13/09/2025

ສະບາຍດີຕອນເຊົ້າວັນອາທິດ
ມື້ນີ້ແດດອອກແຕ່ເຊົ້າເລີຍ

07/09/2025

Poscast ຫົວຂໍ້: ຜົນກະທົບຂອງສິ່ງເສດເຫຼືອ(ຂີ້ເຫຍື້ອ) ທີ່ມີຜົນກະທົບຕໍ່ຊຸມຊົນດ້ານ ການພັດທະນາ, ດ້ານສຸຂະພາບ, ດ້ານເສດຖະກິດ ແລະ ດ້ານອື່ນໆ.
ເຖິງເວລາແລ້ວບໍ່ ທີ່ພວກເຮົາທຸກຄົນຄວນຍົກບັນຫາຂີ່ເຫຍື້ອ ມາເປັນບັນຫາໃຫຍ່, ບັນຫາສຳຄັນທີ່ຕ້ອງໄດ້ແກ້ໄຂ ຢ່າງຈິງຈັງ.
ຄະນະ ໂຄສະນາ-ອົບຮົມ ເມືອງເມິງ
#ຄິບສຽງສ້າງຈາກAIຍັງບໍ່ສາມາດປ່ຽນເປັນພາສາລາວໄດ້ໃຊ້ພາສາປະເທດເພື່ອນບ້ານໄປກ່ອນ