EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ

23/03/2026

ພິທີປາຖະກາຖາເລົ່າມູນເຊື້ອ ວັນແມ່ຍິງ ສາກົນ ຄົບຮອບ 116 ປີ ແລະ ກອງປະຊຸມສະຫຼຸບຂະບວນການແຂ່ງຂັນ 3 ດີ ປະຈຳປີ 2025 ຂອງຮາກຖານສະຫະພັນແມ່ຍິງ ຝ່າຍຄຸ້ມຄອງລະບົບໄຟຟ້າພາກເໜືອ ແລະ ສະຫະພັນແມ່ຍິງ ໄຟຟ້າ ສາຂາແຂວງຫລວງພະບາງ.
..........................................................
ໃນຕອນບ່າຍຂອງວັນທີ່ 20/03/2026 ຜ່ານມາ ທີ່ຫ້ອງປະຊຸມຂອງຝ່າຍຄຸ້ມຄອງລະບົບໄຟຟ້າພາກເໜືອໄດ້ຈັດພິທີປາຖະກາຖາເລົ່າມູນເຊື້ອ ວັນແມ່ຍິງ ສາກົນ ຄົບຮອບ 116 ປີ ແລະ ກອງປະຊຸມສະຫຼຸບຂະບວນການແຂ່ງຂັນ 3 ດີ ປະຈຳປີ 2025 ຂອງຮາກຖານສະຫະພັນແມ່ຍິງ ຝ່າຍຄຸ້ມຄອງລະບົບໄຟຟ້າພາກເໜືອ ແລະ ສະຫະພັນແມ່ຍິງ ໄຟຟ້າ ສາຂາແຂວງຫລວງພະບາງ ໃຫ້ກຽດເປັນຄະນະປະທານໂດຍ ທ່ານ ນາງສົມມອນ ສິດທິວົງ ຮອງປະທານ ສະຫະພັນແມ່ຍິງແຂວງ ຫລວງພະບາງ, ທ່ານ ສຸລິຍາ ໂພທິໄຕ ຄະນະພັກຮາກຖານ ພະແນກ ອຸດສາຫະກຳ ແລະ ການຄ້າ,ເລຂາໜ່ວຍພັກຄູ້ມຄອງລະບົບໄຟຟ້າພາກເໜືອ ແລະ ທ່ານ ຄໍາພຸດ ຈະເລີນສຸກ ຄະນະພັກຮາກຖານ ພະແນກ ອຸດສາຫະກຳ ແລະການຄ້າແຂວງ, ເລຂາໜ່ວຍພັກ ລັດວິສາຫະກິດໄຟຟ້າສາຂາແຂວງຫລວງພະບາງ ນອກນັ້ນຍັງມີຕາງໜ້າ ຄະນະສະຫະພັນ ກຳມະບານ, ຄະນະຊາວໜຸ່ມຮາກຖານ ແລະ ຄະນະປະທານຮາກຖານສະຫະພັນແມ່ຍິງຝ່າຍຄູ້ມຄອງລະບົບໄຟຟ້າພາກເໜືອ ແລະ ຄະນະຮາກຖານ ສະຫະພັນແມ່ຍິງ ໄຟຟ້າສາຂາຫລວງພະບາງ ພ້ອມດ້ວຍ ສະມາຊິກສະຫະພັນແມ່ຍິງ ທັງໝົດ ພາຍໃນ 2ຮາກຖານ ກໍ່ໄດ້ໃຫ້ກຽດເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ນາງ ວັນນາ ທະວົງສີ ຕາງໜ້າຈາກຂະແໜງພັດທະນາແມ່ຍິງ ແລະ ຝຶກວິຊາອາຊີບໄດ້ຂຶ້ນຜ່ານຂໍ້ຕົກລົງອະນຸມັດເປີດກອງປະຊຸມສະຫຼຸບຂະບວນການແຂ່ງຂັນ 03ດີ ປະຈຳປີ2025ຂອງຮາກຖານສະຫະພັນແມ່ຍິງ ຝ່າຍຄຸ້ມຄອງລະບົບໄຟຟ້າພາກເໜືອ ແລະ ສະຫະພັນແມ່ຍິງ ໄຟຟ້າ ສາຂາແຂວງຫລວງພະບາງ. ຫຼັງຈາກນັ້ນຕາງໜ້າປະທານ 02ຮາກຖານໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ03ດີ ປະຈຳປີ2025 ແລະ ທິດທາງແຜນການຈັດຕັ້ງປະຕິບັດຂໍ້ແຂ່ງຂັນ 03ດີປະຈຳປີ2026. ພ້ອມນັ້ນແມ່ຍິງທັງ02ຮາກຖານໄດ້ຈັບມືແຂ່ງຂັນ ແລະ ໄດ້ຜ່ານຂໍ້ຕົກລົງວ່າດ້ວຍການມອບໃບ້ອງຍໍ 03ດີ ປະຈຳປີ 2025 ໃຫ້ແກ່ຮາກຖານສະຫະພັນແມ່ຍິງ ຝ່າຍຄຸ້ມຄອງລະບົບໄຟຟ້າພາກເໜືອ ແລະ ສະຫະພັນແມ່ຍິງ ໄຟຟ້າ ສາຂາແຂວງຫລວງພະບາງ.
ໃນຕອນທ້າຍຂອງພິທີ ທ່ານ ປະທ່ານໄດ້ປະຖະກາຖາເລົ່າມູນເຊື້ອຫວນຄືນປະຫວັດສາດຄວາມເປັນມາຂອງວັນແມ່ຍິງສາກົນ ແລະ ມີຄຳເຫັນໂອ້ລົມຕໍ່ກອງປະຊຸມຢ່າງກົງໄປກົງມາ ກອງປະຊຸມກໍ່ໄດ້ປິດລົງໃນວັນດຽວກັນ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.la

13/03/2026

ກອງປະຊຸມປຶກສາຫາລືກ່ຽວກັບ ການກະກຽມຄວາມພ້ອມຮັບມືໃນການລົງປະຊາສຳພັນໄລຍະລະດູຮ້ອນ ແລະ ລະດູຝົນ.
----------------------------------
ວັນທີ 11/03/2026 ຜ່ານມາ ທີ່ຫ້ອງປະຊຸມຊັ້ນ 02 ຂອງຝ່າຍຄຸ້ມຄອງລະບົບໄຟຟ້າພາກເໜືອ ໄດ້ເປີດກອງປະຊຸມ ປຶກສາຫາລືກ່ຽວກັບການກະກຽມລົງປະຊາສຳພັນໃນໄລຍະລະດູຮ້ອນ ແລະ ລະດູຝົນ, ທີ່ຕິດພັນກັບຄວາມປອດໄພໃນການຊົມໃຊ້ໄຟຟ້າ ແລະ ຫຼັກການໃຊ້ໄຟຟ້າຢ່າງປະຢັດ ໃຫ້ແກ່ 08 ແຂວງ ທີ່ຂຶ້ນກັບຝ່າຍຄຸ້ມຄອງລະບົບໄຟຟ້າພາກເໜຶອ. ໂດຍການເປັນປະທານຮ່ວມຂອງ ທ່ານ ອັດສະວິນ ແສງທອງຄໍາ ຮອງຫົວໜ້າຫ້ອງການໄຟຟ້າລາວ ແລະ ທ່ານ ນາງ ສຸດາວອນ ວົງວິໄລ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ, ນອກນັ້ນຍັງມີຕາງໜ້າຈາກສາຂາແຂວງທີ່ຂຶ້ນກັບຝ່າຍພາກເໜຶອ, ຄະນະພະແນກຫຼຸດຜ່ອນພະລັງງານຕົກເຮ່ຍ ແລະ DSM, ຄະນະພະແນກປະຊາສໍາພັນ ແລະ ກິດຈະກໍາເພື່ອສັງຄົມ, ຄະນະສູນບັນຊາສາຍດ່ວນໄຟຟ້າລາວ 1199,ຄະນະພະແນກອ້ອມຂ້າງຝ່າຍ,ຄະນະຫ້ອງການ, ຄະນະໜວຍງານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ພາຍໃນກອງປະຊຸມ ແມ່ນໄດ້ນໍາສະເໜີການຈັດຕັ້ງປະຕິບັດ,ໃນຫົວຂໍ້ວຽກປະຊາສໍາພັນ,ວິທີກະກຽມຮັບມືໃນໄລຍະລະດູຮ້ອນ ແລະ ລະດູຝົນ, ການປັບປຸງການຈັດຕັ້ງວຽກງານຂອງສູນບັນຊາສາຍດ່ວນໄຟຟ້າລາວ 1199 ແລະ ຂໍ້ມູນການຊົມໃຊ້ໄຟຟ້າເພີ່ມຂຶ້ນໃນໄລຍະລະດູຮ້ອນ, ການບໍລິຫານຈັດການພະລັງງານໃນຊວງລະດູຮ້ອນ - ລະດູຝົນ ເພື່ອຊົມໃຊ້ຢ່າງປະຢັດ ແລະ ປອດໄຟ ໃຫ້ແກ່ບັນດາສາຂາແຂວງຜູ້ທີ່ເຂົ້າຮ່ວມກອງປະຊຸມ ພ້ອມທັງໄດ້ປຶກສາຫາລື ແລະ ແລກປ່ຽນຖອດຖອນບົດຮຽນ ໃນການຈັດຕັ້ງປະຕິບັດວຽກ ທັງຂໍ້ຫຍຸ້ງຍາກ, ຂໍ້ສະເໜີ ແລະ ວິທີແກ້ໄຂ ໃນວຽກງານດັ່ງກ່າວ. ຫຼັງຈາກນັ້ນ ທ່ານຄະນະປະທານ ໄດ້ໃຫ້ທິດຊີ້ນຳໃນວຽກງານປະຊາສຳພັນ ເພື່ອໃຫ້ທຸກພາກສ່ວນນຳໄປຈັດຕັ້ງປະຕິບັດຜັນຂະຫຍາຍ ໃຫ້ປະຊາຊົນໄດ້ຮັບຮູ້ ແລະ ເຂົ້າໃຈເຖິງການນຳໃຊ້ໄຟຢ່າງປະຢັດ ແລະ ມີຄວາມປອດໄພ ໃນໄລຍະລະດູຮ້ອນ ແລະ ລະດູຝົນ ທີ່ກຳລັງຈະມາເຖິງນີ້ ກອງປະຊຸມໄດ້ປິດລົງໃນວັນດຽວກັນ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.la

04/02/2026

ກອງປະຊຸມພົບປະໂອ້ລົມຂອງທ່ານຜູ້ອຳນວຍການໃຫ່ຍລັດວິສາຫະກິດໄຟຟ້າລາວ
....................................................
ໃນຕອນເຊົ້າຂອງວັນທີ່03/02/2026 ທີ່ຫ້ອງປະຊຸມໃຫ່ຍຂອງຝ່າຍຄຸ້ມຄອງລະບົບໄຟຟ້າພາກເໜືອ ໄດ້ຈັດກອງປະຊຸມພົບປະໂອ້ລົມຂອງທ່ານຜູ້ອຳນວຍການໃຫ່ຍ ເພື່ອຊຸກຍູ້ການຈັດຕັ້ງປະຕິບັດວຽກງານຂອງບັນດາຝ່າຍ ແລະ ສະຖາບັນ ທີ່ຂຶ້ນກັບລັດວິສາຫະກິດໄຟຟ້າລາວ ໂດຍໃຫ້ກຽດເປັນປະທານໂດຍທ່ານ ປະລິນຍາເອກ ອາຄົມເດດ ວົງໄຊ ກຳມະການສຳຮອງສູນກາງພັກ, ກຳມະການພັກກະຊວງອຸສາຫະກຳແລະການຄ້າ, ເລຂາພັກຮາກຖານລັດວິສາຫະກິດໄຟຟ້າລາວ, ຜູ້ອຳນວຍການໃຫ່ຍລັດວິສາຫະກິດໄຟຟ້າລາວ ແລະ ນອກນັ້ນຍັງມີ ທ່ານຜູ້ຊ່ວຍຜູ້ອຳນວຍໃຫ່ຍ, ຫົວໜ້າຫ້ອງການໄຟຟ້າລາວພ້ອມດ້ວຍຄະນະ, ຄະນະຝ່າຍຕ່າງໆທີ່ຂຶ້ນກັບລັດວິສາຫະກິດໄຟ້າລາວ, ຄະນະສາຂາ08ແຂວງພາກເໜືອ, ຄະນະພະແນກອ້ອມຂ້າງຝ່າຍ, ຄະນະສູນບັນຊາ, ຄະນະໜ່ວຍງານ, ຄະນະຫ້ອງການ ພ້ອມດ້ວຍພະນັກງານຫຼັກແຫຼ່ງກໍ່ໄດ້ເຂົ້າຮ່ວມຢ່າງພ້ອມພຽງ.
ໃນກອງປະຊຸມ ທ່ານ ສຸລິຍາ ໂພທິໄຕ ຫົວໜ້າຝ່າຍຄຸ້ມຄອງລະບົບໄຟຟ້າພາກເໜືອ ໄດ້ຂຶ້ນລາຍງານສະພາບລວມກ່ຽວກັບການຈັດຕັ້ງປະຕິບັດວຽກງານປະຈຳປີ2025 ແລະ ທິດທາງປີ2026 ຂອງຝ່າຍຄຸ້ມຄອງລະບົບໄຟຟ້າພາກເໜືອ, ພາຍຫຼັງຜ່ານການນຳສະໜີລາຍງານ ຍັງໄດ້ເປີດໂອກາດໃຫ້ທຸກພາກສ່ວນປະກອບຄຳຄິດຄຳເຫັນຢ່າງກົງໄປກົງມາ.
ໃນຕອນທ້າຍຂອງກອງປະຊຸມຍັງໄດ້ຮັບຟັງການໂອ້ລົມຂອງທ່ານປະທານ ຕໍ່ກັບວຽກງານ, ບັນຫາທີ່ຍັງຄ້າງຄາ, ວິທີແກ້ໄຂ ແລະ ໃຫ້ທຸກພາກສ່ວນຈົ່ງພ້ອມກັນເອົາໃຈໃສ່ຕໍ່ວຽກງານໂດຍສະເພາະນະໂຍບາຍຂອງທາງ ຟຟລ ໄດ້ວາງໄວ້ກໍ່ຄື: 02ໜ້າທີ່, 04ຍຸດທະສາດ, 07ຕົວຊີ້ວັດ ໃຫ້ໄດ້ຕາມລະດັບຄາດໜາຍທີ່ວາງໄວ້ ແລະ ກອງປະຊຸມກໍ່ໄດ້ປິດລົງດ້ວຍຜົນສຳດລັດອັນຈົບງາມ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.l

04/02/2026

ກອງປະຊຸມສະຫຼຸບການຈັດຕັ້ງປະຕິບັດວຽກງານປະຈຳປີ2025 ແລະ ທິດທາງແຜນການປີ2026 ຂອງຝ່າຍຄຸ້ມຄອງລະບົບໄຟຟ້າພາກເໜຶອ.
.....................................................
ໃນຕອນບ່າຍຂອງວັນທີ່02/02/2026 ຜ່ານມາ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານປະຈຳປີ2025 ແລະ ທິດທາງແຜນການປີ2026 ຂອງຝ່າຍຄຸ້ມຄອງລະບົບໄຟຟ້າພາກເໜຶອ. ໂດຍການເປັນປະທານຮ່ວມຂອງທ່ານ ສຸລິຍາ ໂພທິໄຕ ຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ, ທ່ານ ໄຊປະເສີດ ອິນຕະພົມ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ, ທ່ານ ໂພທອງ ໄຊມຸນຕີ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ ແລະ ທ່ານ ນາງ ສຸດາວອນ ວົງວິໄລ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ ແລະ ຍັງມີ ພະແນກການອ້ອມຂ້າງຝ່າຍ, ຄະນະສູນບັນຊາ, ຄະນະຫ້ອງການ, ຄະນະໜ່ວຍງານ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.
ໃນກອງປະຊຸມຕາງໜ້າຈາກຄະນະສາຂາ08ແຂວງທີ່ຂຶ້ນກັບຝ່າຍພາກເໜຶອ, 03ພະແນກການອ້ອມຂ້າງຝ່າຍ ໄດ້ຂຶ້ນລາຍງານວຽກງານທີ່ໄດ້ຈັດຕັ້ງປະຕິບັດບັນດາແຜນວຽກປະຈຳປີ2025 ໄດ້ຍົກເນື້ອໃນໃຫ້ເຫັນກ່ຽວກັບຜົນສຳເລັດ, ຂໍ້ຄົງຄ້າງ ແລະ ທິດທາງໃນຕໍ່ໜ້າກໍ່ຄື ປະຈຳປີ2026 ໃຫ້ສຳເລັດຕາມແຜນທີ່ວາງໄວ້ ແລະ ໃນກອງປະຊຸມກໍ່ມີການແລກປ່ຽນຄວາມຄິດຄວາມເຫັນຢ່າງກົງໄປກົງມາ.
ຫຼັງຈາກນັ້ນ ທ່ານ ໂພທອງ ໄຊມຸນຕີ ຮອງຫົວໜ່້າຝ່າຍຄຸ້ມຄອງລະບົບໄຟ້າພາກເໜືອ ໄດ້ຂຶ້ນຜ່ານແຜນສູ້ຊົນປີ2026ຂອງຝ່າຍຄຸ້ມຄອງລະບົບໄຟຟ້າພາກໜຶອ, ແລະ ໃນພິທີໄດ້ມີການຜ່ານຂໍ້ຕົກລົງວ່າດ້ວຍການຍ້ອງຍໍໃຫ້ບັນດາສາຂາແຂວງທີ່ມີຜົນງານດີເດັ່ນປະຈຳປີ2025 ຂອງສາຂາແຂວງທີ່ຂຶ້ນກັບຝ່າຍພາກເໜຶອ.
ໃນຕອນທ້າຍຂອງກອງປະຊຸມ ທ່ານຄະນະປະທານຍັງໄດ້ມີຄຳເຫັນໂອ້ລົມວຽກງານຮອບດ້ານພ້ອມທັງເນັ້ນໜັກທຸກພາກສ່ວນຈົ່ງພ້ອມກັນເອົາໃຈໃສ່ປະຕິບັດແຜນວຽກທີ່ວາງໄວ້ໃຫ້ໄດ້ຜົນສຳເລັດຕາມການຄາດໜາຍ ແລະ ກອງປະຊຸມກໍ່ໄດ້ປິດລົງໃນວັນດຽວກັນ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.la

15/01/2026

ກອງປະຊຸມແລກປ່ຽນຖອດຖອນບົດຮຽນຂອງຝ່າຍ 03ພາກ.
..................................................
ໃນຕອນເຊົ້າຂອງວັນທີ່14/01/2026 ທີ່ຫ້ອງປະຊຸມໃຫ່ຍຂອງຝ່າຍຄຸ້ມຄອງລະບົບໄຟຟ້າພາກເໜືອ ໄດ້ຈັດກອງປະຊຸມແລກປ່ຽນບົດຮຽນໃນການຈັດຕັ້ງປະຕິບັດວຽກງານ ຂອງຝ່າຍ 03ພາກ (ພາກເໜືອ, ພາກກາງ ແລະ ພາກໃຕ້) ໂດຍການເປັນປະທານຮ່ວມຂອງທ່ານ ພູທົງ ຫຼວງໄຊຍະລາດ ຫົວໜ້າຝ່າຍຄຸ້ມຄອງລະບົບໄຟຟ້າພາກໃຕ້, ທ່ານ ຄຳສິງ ມະນີຈັນ ຫົວໜ້າຝ່າຍຄຸ້ມຄອງລະບົບໄຟຟ້າພາກກາງ ແລະ ທ່ານ ສຸລິຍາ ໂພທິໄຕ ຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ. ນອກນັ້ນຍັງມີຕາງໜ້າຈາກຄະນະຝ່າຍ03ພາກ, ຄະນະສາຂາແຂວງ, ຄະນະພະແນກ, ຄະນະສູນບັນຊາລະບົບໄຟຟ້າ, ຄະນະໜ່ວຍງານ, ຄະນະຫ້ອງການ ແລະ ພະນັກງານທີ່ຂຶ້ນກັບຝ່າຍເຂົ້າຮ່ວມ.
ຈຸດປະສົງຂອງກອງປະຊຸມໃນຄັ້ງນີ້ ເພື່ອເປັນການແລກປ່ຽນຄວາມຄິດເຫັນທາງດ້ານວຽກງານ, ຂໍ້ສະດວກ, ຂໍ້ຫຍຸ້ງຍາກ ແລະ ການຈັດຕັ້ງປະຕິບັດວຽກງານ 07ຕົວຊີ້ວັດ ໃນການດຳເນີນທຸລະກິດຂອງ ຟຟລ ເພື່ອໃຫ້ໄດ້ປະສິດທິພາບ, ປະສິດທິຜົນທີ່ດີຍິ່ງຂຶ້ນ.
ໃນຕອນທ້າຍທ່ານຄະນະປະທານທັງ 03ພາກ ໄດ້ໃຫ້ຄຳເຫັນໂອ້ລົມ ແລະ ສະແດງຄວາມຊົມເຊີຍຕໍ່ພະນັກງານທຸກທ່ານທີ່ໄດ້ເອົາໃຈໃສ່ສູ້ຊົນໃນການຈັດຕັ້ງປະຕິບັດວຽກງານ ພ້ອມທັງໃຫ້ທິດຊີ້ນຳຕໍ່ການເຄື່ອນໄຫວວຽກງານໃນຕໍ່ໜ້າດ້ວຍ, ກອງປະຊຸມໄດ້ປິດລົງໃນວັນດຽວກັນ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.la

22/12/2025

ພິທີປະກາດການຈັດຕັ້ງຂັ້ນຄະນະຝ່າຍຄຸ້ມຄອງລະບົບໄຟຟ້າພາກເໜືອ ແລະ ຂັ້ນຄະນະສາຂາແຂວງຫຼວງພະບາງ.
.......................................................
ໃນຕອນບ່າຍຂອງວັນທີ່22/12/2025 ທີ່ຫ້ອງປະຊຸມໃຫ່ຍ ທີ່ສຳນັກງານຂອງຝ່າຍຄຸ້ມຄອງລະບົບໄຟຟ້າພາກເໜືອໄດ້ມີ ພິທີປະກາດການຈັດຕັ້ງຂັ້ນຄະນະຝ່າຍຄຸ້ມຄອງລະບົບໄຟຟ້າພາກເໜືອ ແລະ ຂັ້ນຄະນະສາຂາແຂວງຫຼວງພະບາງ ໂດຍການເປັນປະທານຂອງທ່ານ ປອ ຄຳຜຸຍ ຈັນທະວະດີ ຮອງຫົວໜ້າຄະນະຈັດຕັ້ງແຂວງຫຼວງພະບາງ, ທ່ານ ສົມໃຈ ວັນນະສີ ຮອງຫົວໜ້າພະແນກອຸດສາຫະກຳ ແລ ການຄ້າ ແຂວງຫຼວງພະບາງ, ທ່ານ ສຸລິຍາ ໂພທິໄຕ ຫົວໜ້າຝ່າຍຄຸ້ມຄອງລະບົບໄຟຟ້າພາກເໜືອ. ແຂກຖືກເຊີນເຂົ້າຮ່ວມໂດຍມີ: ຄະນະຫ້ອງວ່າການແຂວງ, ຕາງໜ້າຈາກເຂື່ອນນຳ້ຄານ02-03 ແລະ ນອກນັ້ນຍັງມີ ຄະນະສາຂາແຂວງ 08ແຂວງພາກເໜືອ ທີ່ຂຶ້ນກັບຝ່າຍ, ຄະນະພະແນກ, ຄະນະໜ່ວຍງານ, ຄະນະຫ້ອງການ, 03ອົງການຈັດຕັ້ງທີ່ຂຶ້ນກັບຝ່າຍ ແລະ ພະນັກງານທີ່ຂຶ້ນກັບຝ່າຍຄຸ້ມຄອງລະບົບໄຟຟ້າພາກເໜືອເຂົ້າຮ່ວມ.
ໃນພິທີ ທ່ານຫົວໜ້າພະແນກບໍລິຫານ ແລະ ສັງລວມ ໄດ້ຂຶ້ນຜ່ານຂໍ້ຕົກລົງວ່າດ້ວຍການແຕ່ງຕັ້ງ-ຊັບຊ້ອນ ພະນັກງານນຳພາຂັ້ນຄະນະຝ່າຍ ແລະ ຂັ້ນສາຂາແຂວງ ປະກອບມີ:
1. ທ່ານ ນາງ ສຸດດາວອນ ວົງວິໄລ ເປັນ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກເໜຶອ.
2. ທ່ານ ຄຳຮັກ ວໍລະກຸນ ເປັນ ຮອງຫົວໜ້າສາຂາແຂວງຫຼວງພະບາງ.
3. ທ່ານ ບຸນໝັ້ນ ສີມູນ ເປັນ ຮອງຫົວໜ້າສາຂາແຂວງຫຼວງພະບາງ.

ຫຼັງຈາກນັ້ນທ່ານ ຄະນະປະທານໄດ້ມີຄຳເຫັນໂອ້ລົມ ແລະ ຊີ້ນຳໃຫ້ແກ່ຄະນະຊຸດໃໝ່ ແລະ ພະນັກງານຫຼັກແຫຼ່ງທຸກທ່ານໃນທີ່ປະຊຸມ.
ໃນຕອນທ້າຍ ທ່ານ ນາງ ສຸດດາວອນ ວົງວິໄລ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກເໜືອ ພ້ອມດ້ວຍຄະນະຊຸດໃໝ່ ໄດ້ຂຶ້ນຮັບຄຳໂອວາດຈາກຄະນະປະທານ ພ້ອມທັງກ່າວປະຕິຍານຕົນໃນການຮັບຕຳແໜ່ງ ເພື່ອນຳເອົາທິດຊີ້ນຳໄປຈັດຕັ້ງປະຕິບັດໃນວຽກງານການເມືອງ-ແນວຄິດ ແລະ ວຽກງານວິຊາສະເພາະ, ປະຕິບັດຕາມຄຳຂັວນຂອງໄຟຟ້າລາວ 2-4-7 ໂດຍຕິດພັນກັບ 07ຕົວຊີ້ວັດທີ່ວາງໄວ້ໃຫ້ໄດ້ຮັບໝາກຜົນຍິ່ງຂຶ້ນ ແລະ ກອງປະຊຸມໄດ້ປິດລົງໃນວັນດຽວກັນ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.la

28/11/2025

ສ້າງຂະບວນການອອກແຮງງານລວມເພື່ອຕ້ອນຮັບ 03ວັນປະຫວັດສາດຂອງລາວ.
..............................................................
ໃນຕອນເຊົ້າ ວັນທີ່ 28/11/2025 ສະມາຊິກ03ອົງການຈັດຕັ້ງຂອງຝ່າຍຄຸ້ມຄອງລະບົບໄຟຟ້າເໜືອ ໄດ້ສົມທົບກັບສາຂາແຂວງຫຼວງພະບາງ ໄດ້ສ້າງຂະບວນການອອກແຮງງານຂອບເຂດສຳນັກງານ ເພື່ອຕ້ອນຮັບ 03ວັນປະຫວັດສາດຂອງລາວຄື: ວັນສ້າງຕັ້ງພັກປະຊາຊົນປະຕິວັດລາວຄົບຮອບ 70ປິ, ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50ປີ ແລະ ວັນຄ້າຍວັນເກີດ ທ່ານປະທານ ໄກສອນ ພົມວິຫານ ຄົບຮອບ 105ປີ.


#ຝ່າຍຄຸ້ມຄອງລະບົບໄຟຟ້າພາກເໜືອ
☎️ ມີບັນຫາໄຟຟ້າດັບ - ມອດ ຕິດຕໍ່ສາຍດ່ວນໄຟຟ້າ Call Center 071 1199.
🇫 Facebook: EDL LAOS ຝ່າຍຄຸ້ມຄອງລະບົບໄຟຟ້າພາກເໜືອ.
🌐 Website: www.edl.com.la

27/11/2025

27/11/2025

🔒 ເປີດເຜີຍ ຄວາມລັບ EDL-Gen ສູ່ຄຸນນະພາບ ISO 9001:2015 ທີ່ຍືນຍົງ! ✨

27/11/2025