Peoples prosecutor office of champasak ອົງການໄອຍະການປະຊາຊົນ ແຂວງຈຳປາສັກ

23/02/2022

ຫົວໜ້າອົງການໄອຍະການປະຊາຊົນແຂວງຈຳປາສັກເຂົ້າຮ່ວມກອງປະຊຸມ ສະຸບວຽກງານອະໄພຍະໂທດ ປະຈຳປີ 2021 ແລະ ວຽກງານຈຸດສຸມ ປີ 2022 ໂດຍຜ່ານລະບົບກອງປະຊຸມທາງໄກ (ວິດີໂອອອນໄລ). ຕາມໜັງສືເຊີນຂອງກອງເລຂາຄະນະກຳມະການອະໄພຍະໂທດລະດັບຊາດ ສະບັບເລກທີ 08/ກລຂ, ລົງວັນທີ 17 ກຸມພາ 2022.

04/02/2022

ອົງການໄອຍະການປະຊາຊົນແຂວງຈຳປາສັກ ຕ້ອນຮັບການມາເຄື່ອນໄຫວ ແລະ ພົບປະໂອ້ລົມ ຂອງຫົວຫນ້າອົງການໄອຍະການປະຊາຊົນສູງສຸດແຫ່ງ ສປປລ ລາວ
**************-------*****************
ໃນຄັ້ງວັນທີ 04 ກຸມພາ 2022 ອົງການໄອຍະການປະຊາຊົນແຂວງ ແລະ ອົງການໄອຍະການປະຊາຊົນພາກໃຕ້ ໄດ້ຕ້ອນຮັບການມາເຄື່ອນໄຫວພົບປະ ແລະ ໂອ້ລົມ ຂອງ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວຫນ້າອົງການໄອຍະການປະຊາຊົນສູງສຸດແຫ່ງ ສປປ ລາວ. ໃນການລົງມາເຄື່ອນໄຫວພົບປະໂອ້ລົມແລ້ວ ທາງອົງການໄອຍະການປະຊາຊົນສູງສຸດ ຍັງໄດ້ມອບອຸປະກອນຄອມພິວເຕີ ທີ່ໃຊ້ເຂົ້າໃນການຮັບໃຊ້ໃນເວລາຈັດກອງປະຊຸມທາງໄກ ໃຫ້ອົງການໄອຍະການປະຊາຊົນແຂວງ ແລະ ອົງການໄອຍະການປະຊາຊົນພາກໃຕ້ ລວມມູນຄ່າ: 80.000.0000 ກີບ

27/01/2022

27/01/2022

ອວຍພອນ ແລະ ມອບຂອງຂວັນອວຍພອນວັນສ້າງຕັ້ງກອງທັບ
***************------------**************
ໃນຕອນເຊົ້າວັນພະຫັດ ທີ 27 ມັງກອນ 2022 ທ່ານ ຄຳມ່ວນ ພິລາພອນເດດ ກຳມະການພັກແຂວງ ຫົວຫນ້າອົງການໄອຍະການປະຊາຊົນແຂວງຈຳປາສັກ ລົງເຄື່ອນໄຫວຮ່ວມກັບຫ້ອງວ່າການປົກຄອງແຂວງ, ອົງການກວດກາພັກ-ລັດ, ພະແນກອຸດສາຫະກຳ ແລະ ການຄ້າ ແຂວງ ແລະ ພາກສ່ວນອື່ນໆ. ລົງອວຍພອນກອງບັນຊາການທະຫານເມືອງບາຈຽງຈະເລີນສຸກ, ໂຮງຫມໍທະຫານ 106 ແລະ ໂຮງຮຽນທະຫານຮາບວຽງໄຊ ເນື່ອງໃນໂອກາດວັນສ້າງຕັ້ງກອງທັບຄົບຮອບ 73 ປີ.

26/01/2022

ເຜີຍແຜ່ມະຕິກອງປະຊຸມສະພາແຫ່ງຊາດ ສະບັບເລກທີ 27/ສພຊ, ລົງວັນທີ 16/11/2021
***********---------************
ໃນຕອນບ່າຍຂອງວັນທີ 26/01/2022. ອົງການໄອຍະການປະຊາຊົນແຂວງຈຳປາສັກ ໄດ້ຈັດກອງປະຊຸມເຜີຍແຜ່ ມະຕິກອງປະຊຸມສະພາແຫ່ງຊາດ ວ່າດ້ວຍ ການຮັບຮອງເອົາບົດລາຍງານການເຄື່ອນໄຫວປະຈຳປີ 2021 ແລະ ທິດທາງແຜນການເຄື່ອນໄຫວປະຈຳປີ 2022 ຂອງອົງການໄອຍະການປະຊາຊົນສູງສຸດ. ເຜີຍແຜ່ເອກະພາບສະບັບດັ່ງກ່າວໂດຍ ທ່ານ ວິໄລວັນ ແກ້ວເຮືອງສີ ຮອງຫົວໜ້າອົງການໄອຍະການປະຊາຊົນແຂວງ ແລະ ຮ່ວມຮັບຟັງເຊື່ອມຊຶມຂອງພະນັກງານ-ລັດຖະກອນ ທັງໝົດຂອງອົງການໄອຍະການປະຊາຊົນແຂວງຈຳປາສັກ.