КГУ "Государственный Архив города Алматы"

10/07/2026

Алматы қаласы Мемлекеттік архивінің ұжымы архивтің №745 қорқұрушысы, көрнекті ақын, аудармашы, Қазақстанның мәдениет қайраткері, Қазақстан Жазушылар одағының мүшесі Нұртас Ибрагимұлы Исабаевтың 72 жасқа қараған шағында дүниеден озуына байланысты туған-туыстары мен жақындарына қайғыра көңіл айтады.

Нұртас Ибрагимұлы Исабаев 1954 жылғы 13 қарашада Қызылорда облысы, Жаңақорған ауданында дүниеге келген. Ол – Қазақстан Жазушылар одағы сыйлығының және Ораз Жандосов қоры сыйлығының лауреаты, Қазақстан Республикасы Мәдениет және ақпарат министрлігінің «Мәдениет қайраткері» төсбелгісінің иегері, Қазақстан Республикасы Президентінің Мемлекеттік стипендиясының иегері, «Құрмет» орденімен марапатталған.

Ақынның алғашқы жыр жинағы «Бастау» 1980 жылы жарық көріп, кейін «Өмірді сүю», «Ұлылықпен сырласу», «Қимаймын сені», «Өмірге құштарлық» және басқа да поэзиялық кітаптары оқырман жүрегінен орын алды. Сонымен қатар ол орыс ақыны Александр Твардовскийдің шығармаларын қазақ тіліне аударып, ұлттық аударма өнерінің дамуына зор үлес қосты.

Нұртас Ибрагимұлының өмірі мен шығармашылығына қатысты құнды құжаттар Алматы қаласы Мемлекеттік архивінде сақтаулы және ұлттық рухани мұрамыздың ажырамас бөлігі болып табылады.

Марқұмның жатқан жері жайлы, топырағы торқа, иманы саламат болсын.

Алматы қаласы Мемлекеттік архивінің ұжымы

09/07/2026

Нұр-Мүбарак Египет ислам мәдениеті университеті - исламтану, дінтану, жоғары білімді имамдар, араб және ағылшын тілі мамандарын даярлайтын еліміздегі бірегей оқу орны.

Университет 2025 жылдан бастап Алматы қаласының мемлекеттік архивінің жинақтау дереккөздер тізіміне енгізілген. Көрсетілген уақыт аралықта өзара ынтымақтастық пен қарым -қатынастар туралы келісім-шарт бекітіліп, Университеттің жеке архив туралы ережесі келісілді.

Архив ісін жүргізудің бірыңғай талаптарын түсіндіру мен ұйымының істер номенклатурасын құрастыру мақсатында ағымдағы жылдың 9 шілдесінде Университет архивіне жауапты мамандарға өндірістік оқу өткізілді.
Тәжірибе алмасу бағытында өткізілген оқыту барысында Ведомстволық және жеке архивтердің құжаттарын жинақтау бөлімінің архивистері А.Калижанова мен Г.Джамантаева қатысушыларға ұйымның ведомстволық архивіне құжаттарды қабылдау, сақтау, есепке алу мен пайдалану тәртібінің негізгі талаптарын жан-жақты түсіндірді.

Семинар соңында Университет ұжымы Архив қызметкерлеріне ынтымақтастық пен тәжірибелік қолдау үшін алғысын жеткізді.

08/07/2026

К 100-летию народного художника Казахстана Сахи Романова

В 2026 году исполняется 100 лет со дня рождения выдающегося мастера казахстанского изобразительного искусства — Сахи Романова, народного художника Казахской ССР, графика, живописца, художника кино и кавалера ордена «Парасат».

Знаковым событием юбилейного года стало поступление документов личного фонда художника в Государственный архив города Алматы. Переданные архивные материалы представляют большую научную, историческую и культурную ценность. Они позволят глубже изучить жизненный путь мастера, его творческое наследие, а также историю отечественного искусства и кинематографа XX века.

Сахи Романов окончил ВГИК и долгие годы работал художником-постановщиком киностудии «Казахфильм», оформив такие кинокартины, как «Безбородый обманщик», «Дорога в тысячу вёрст», «Тризна» и многие другие. Его кисти принадлежат иллюстрации к казахским народным сказкам и произведениям классиков литературы — М. Ауэзова, И. Жансугурова, С. Муканова, А. Жубанова. Сегодня его произведения также украшают экспозиции крупнейших музеев страны, включая Государственный музей искусств РК имени Абылхана Кастеева.

Сохранение и популяризация фонда Сахи Романова в стенах Государственного архива города Алматы послужит важным шагом в изучении бесценного культурного наследия для будущих поколений.

05/07/2026

*Алматыда Ұлттық домбыра күніне арналған мерекелік науқан өтті*

Ұлттық домбыра күніне орай Алматы қаласында ұлттық өнер мен мәдениетті дәріптеуге арналған ерекше мерекелік науқан ұйымдастырылды. Қаланың мәдени шығармашылық ұжымдары қала тұрғындары мен қонақтарын ұлттық мерекемен құттықтап, дәстүрлі өнердің көркем үлгілерін ұсынды.

Мерекелік науқанның бағыты Абай атындағы Қазақ ұлттық опера және балет театрынан басталып, Панфилов көшесі арқылы өтіп, Арбатта жалғасты. Қала көшелерін әсем әуенге бөлеген өнерпаздар жол бойы тұрғындарға көтеріңкі көңіл күй сыйлап, ұлттық құндылықтарды дәріптейтін жарқын мәдени науқан өткізді.

Науқанға Алматы қаласының жетекші шығармашылық ұжымдары – «Сазген сазы» фольклорлық-этнографиялық ансамблі, Әшімов театрының шығармашылық ұжымы және Алатау дәстүрлі өнер театрының өнерпаздары қатысты. Олар қазақтың дәстүрлі әндері мен күйлерін орындап, ұлттық нақыштағы билерін ұсынып, халқымыздың бай мәдени мұрасын көпшілікке паш етті.

Ұлттық киім киген өнерпаздардың әсерлі шеруі мен домбыраның қоңыр үні қала тұрғындарының ерекше ықыласына бөленді. Көпшілік ұлттық әндерге қосылып, өнер иелеріне қошемет көрсетіп, мерекелік атмосфераны бірге сезінді.

Ұлттық домбыра күні құтты болсын!

03/07/2026

*Құрметті алматылықтар және қала қонақтары!*

Сіздерді 2026 жылғы 4 шілде күні сағат 19:00-де Алатау дәстүрлі өнер театрының алаңында өтетін Ұлттық домбыра күніне арналған «Домбыра-дастан» атты ашық аспан астындағы мерекелік концертке шақырамыз.

Кеште қазақтың дәстүрлі өнерін дәріптеген белгілі өнер майталмандары – Рамазан Стамғазы, Еркін Шүкіман, Айгүл Қосанова, Ұлжан Байбосынова, Ардақ Исатаева, Бағлан Бәбіжан, Мұрат Әбуғазы, Тілеулес Құрманғалиев, Нұркен Әшіров, Жұбаныш Жексенұлы, Ардақ Елеусіз, Тоғжан Үмбет, Сая Махамбет, Шолпан Даржан өнер көрсетеді. Сонымен қатар, көрермен назарына «МузАРТ», «Ұлытау», «Қоңыр» топтары, Құрманғазы атындағы Қазақ ұлттық халық аспаптар оркестрі және «Салтанат» мемлекеттік би ансамблінің жарқын концерттік бағдарламасы ұсынылады.

Ұлттық өнеріміздің алтын қазығы, ұлтымыздың бойтұмары – қасиетті домбыраның мерекесін бірге атап өтейік!

*Күні: 4 шілде
Уақыты: 19:00
Өтетін орны: Алатау дәстүрлі өнер театрының алаңы*

02/07/2026

Кеше Алматы қаласы Мемлекеттік архивінің қызметкерлері Жетісу өңірінің тарихи-мәдени мұрасын жинақтаған ірі ғылыми орталық — Алматы музейіне жұмыс сапарымен барды.

Аталған мәдениет ошағында болашақ Отан қорғаушылар — жас курсанттардың қатысуымен «ҚР рәміздерінің тарихы: 1937–2007 жж.» тақырыбында тағылымды дөңгелек үстел өтті.

Архив мамандары қатысушылармен еркін форматта пікір алмасып, еліміздің мемлекеттік рәміздерінің қалыптасу жолы, олардың тарихи маңызы мен архивтік құжаттардағы көрінісі туралы тереңнен сыр шертті. Кешегі күн мен бүгінді жалғаған бұл кездесу жас буынның бойындағы патриоттық сезімді ұштап, тарихқа деген құрметті еселей түскені сөзсіз.
_

Вчера сотрудники Государственного архива города Алматы посетили Музей Алматы — крупнейший научный и культурный центр, охватывающий все аспекты историко-культурного наследия Жетысу.

В стенах музея, который сегодня располагается в историческом здании бывшего Верненского детского приюта, состоялся круглый стол на тему: «История символов РК: 1937–2007 гг.». В обсуждении приняли участие будущие защитники Отечества — молодые курсанты.

В формате живого диалога наши сотрудники поделились уникальными фактами о деталях формир

02/07/2026

*Алматылықтар жаңа Конституцияның күшіне енген күнді ауқымды концертпен атап өтті*

Алматы қаласындағы «Алатау» дәстүрлі өнер театрының алаңында жаңа Конституцияның күшіне енген күнге арналған «Біз, біртұтас Қазақстан халқы..!» атты ауқымды концерт өтті.

Алматы қаласы әкімдігінің қолдауымен өткен мәдени іс-шараның негізгі мақсаты қазақстандық қоғамдағы бірлік пен қоғамдық келісім құндылықтарын дәріптеу, Конституцияның ел өміріндегі маңызын кеңінен насихаттау және тұрғындарға көтеріңкі көңіл күй сыйлау болды.

Open-air форматында ұйымдастырылған концертте еліміздің танымал эстрада өнерпаздары мен шығармашылық ұжымдары өнер көрсетті. Сахна төрінде «Абырой» тобы, Айдана Меденова, «КешYOU» тобы, Ziruza, «Алаш ұлы» тобы, Ерке, Раим, Садраддин және басқа да танымал әртістер патриоттық рухтағы шығармалармен қатар өздерінің үздік әндерін орындап, көрермендердің ыстық ықыласына бөленді. Олар жиналған қауымды жаңа Конституцияның күшіне енген күнімен құттықтап, еліміздің бейбітшілігі, тұрақтылығы мен өсіп-өркендеуіне арналған жүрекжарды тілектерін жеткізді.

Кеш барысында жиналған халық алдында Алматы қаласы Қоғамдық кеңесінің мүшесі Дидар Ділдәбек, Алматы қаласы Жастар қозғалыстарын

01/07/2026