Academy of Public Administration under the President of Kazakhstan

Academy of Public Administration under the President of Kazakhstan Мемлекеттік аппаратқа маман даярлайтын ерекше статусы бар жалғыз жоғары оқу орны

13/06/2026

⏳«СҰХБАТ» КЕЗЕҢІ АЯҚТАЛДЫ

Бүгін Академияға оқуға үміткерлерді іріктеудің офлайн форматта сұхбаттасу кезеңі аяқталды.

✅Сұхбат нәтижесі үміткердің Жеке кабинетінде көрсетіледі

————————-

⏳ ЭТАП «ИНТЕРВЬЮ» ЗАВЕРШЁН

Сегодня завершился этап интервью в офлайн-формате в рамках отбора кандидатов на обучение в Академии.

✅ Результаты интервью будут доступны в Личном кабинете кандидата.

13/06/2026

🔹Түркістан облысы филиалында қайта даярлау курсының тыңдаушылары - жас мамандар үшін Guest Тalk форматында мотивациялық дәріс ұйымдастырылды. Іс-шара қонағы - Түркістан облысы прокурорының орынбасары Дәулет Бекбашұлы Тлемисов.

✅Дәріс барысында спикер мемлекеттік қызметшінің кәсіби болмысын қалыптастыратын негізгі құндылықтар, халықпен тиімді коммуникация орнатудың маңызы, жауапкершілік пен адалдық қағидаттары жөнінде мазмұнды ойларымен бөлісті. Сондай-ақ, өзінің кәсіби тәжірибесінен мысалдар келтіре отырып, нағыз маманның ерекшелігі тек білімде емес, адамға деген құрмет пен ішкі парасатта екенін ерекше атап өтті. Әсіресе, мемлекеттік қызметте кәсібилікпен қатар сабыр, әділдік, тыңдай білу, сенім қалыптастыру секілді адами қасиеттердің маңыздылығы кеңінен сөз болды.

Мұндай кездесулер жас мемлекеттік қызметшілер үшін тек тәжірибе алмасу алаңы ғана емес, қызметтің мәнін тереңірек түсінуге көмектесетін мүмкіндік, себебі мемлекеттік қызмет тек лауазым ғана емес, бұл - халық сенімін арқалау, қоғам алдындағы жауапкершілікті терең сезіну, әр шешімнің артында адам тағдыры тұрғанын ұғына білу.

12/06/2026

⏳«СҰХБАТ» КЕЗЕҢІ ЖАЛҒАСУДА

Академияға оқуға үміткерлерді іріктеудің офлайн форматта сұхбаттасу кезеңі жалғасуда. Назарларыңызға үміткерлер пікірін ұсынамыз.

12/06/2026

✅Академияның Мемлекеттік саясаттың ұлттық мектебінде «Мемлекеттік басқару» (Executive МРА) білім беру бағдарламасының магистранттары үшін ұйымдастырылған «Тиімді коммуникациялар және көшбасшылық» курсы сәтті басталды.

⚜️ҚР Парламенті Сенатының депутаты Бибігүл Нұрғалиқызы Жексенбайдың жетекшілігімен өтіп жатқан курс болашақ басқарушылардың кәсіби біліктілігін арттыруда маңызды қадам болды.
Оқу бағдарламасының ерекшелігі — теориялық білімді нақты тәжірибемен ұштастыру мақсатында еліміздің жетекші БАҚ өкілдерінің базасында арнайы көшпелі дәрістер ұйымдастырылды.

✅Сабақ барысында магистранттар «Қазмедиа» телерадиокешені, «Жетінші арна» және «Астана Ақшамы» секілді ірі медиа-орталықтардың ішкі жұмыс процесімен, журналистер мен коммуникация мамандарының қызметімен тікелей танысты.

✅Мұндай практикалық формат болашақ мемлекеттік қызметшілерге дағдарысқа қарсы коммуникация, заманауи көшбасшы имиджі және мемлекеттік басқарудағы тиімді өзара іс-қимыл тетіктерін іс жүзінде терең меңгеруге жол ашты.

Бибігүл Нұрғалиқызының жетекшілігімен ұйымдастырылатын мазмұнды кездесулер мен тәжірибе алмасу алаңдары заманауи талаптарға сай кәсіби басқарушылардың жаңа буынын

12/06/2026

⚜️Академияның Қызылорда облысы бойынша филиалы «МЕМЛЕКЕТТІК БАСҚАРУДАҒЫ ҮЛКЕН ДЕРЕКТЕР: ФАКТІЛЕРГЕ НЕГІЗДЕЛГЕН ШЕШІМДЕР» семинары аясында тыңдаушылар үшін облыстық ахуалдық орталықта тәжірибелік дәріс ұйымдастырылды.

🔹Іс-шара барысында қатысушылар ахуалдық орталықтың қызметімен танысып, өңірдің әлеуметтік-экономикалық көрсеткіштерін мониторингтеу, деректерді жинау және талдау, сондай-ақ басқарушылық шешімдер қабылдау үдерісінде үлкен деректерді пайдалану тәжірибесі туралы ақпарат алды.

✅Тәжірибелік дәріс барысында заманауи цифрлық құралдардың мүмкіндіктері көрсетіліп, нақты деректер негізінде талдау жүргізу мен тиімді шешімдер қабылдаудың маңыздылығы талқыланды. Тыңдаушылар мемлекеттік басқарудағы деректерге негізделген тәсілдердің артықшылықтарымен танысып, өздерін қызықтырған сұрақтарға жауап алды.

Мұндай тәжірибелік кездесулер теориялық білімді тәжірибемен ұштастырып, мемлекеттік қызметшілердің талдамалық құзыреттерін дамытуға мүмкіндік береді.

📌 10 маусым күні Академияның Басқару институтының профессоры Алтай Болтайханұлы Зейнелғабдиннің, «Мемлекеттік басқару» б...
11/06/2026

📌 10 маусым күні Академияның Басқару институтының профессоры Алтай Болтайханұлы Зейнелғабдиннің, «Мемлекеттік басқару» білім беру бағдарламасының докторанты Жанаргүл Вячеславқызы Жуғұнысованың, ҚР Жоғары аудиторлық палатасының мүшесі Ардақ Мырзабайұлы Теңгебаевтың және ҚР Жоғары аудиторлық палатасының Мемлекеттік басқару аудиті департаментінің директоры Айнагүл Амангелдіқызы Құрманованың қатысуымен жұмыс кездесуі өтті.

🔹Кездесу барысында салық саясаты мен Қазақстан Республикасының салық жүйесіне қатысты қолданбалы зерттеулер жүргізу қажеттілігі, салықтық жеңілдіктер мен преференциялардың тиімділігін бағалау, сондай-ақ қосылған құн салығын (ҚҚС) салу тетігін жетілдіру мәселелері талқыланды.

🔸Тараптар аталған тақырыптардың Жоғары аудиторлық палата өкілдері тарапынан қолдау тапқанын және олардың ғылыми әрі практикалық тұрғыдан өзектілігін атап өтті.

▪️Сонымен қатар Мемлекеттік басқару академиясында жүргізілетін зерттеулерді қолдау, оның ішінде қажетті деректермен, әсіресе қосылған құн салығына қатысты панельдік деректермен қамтамасыз ету мүмкіндіктеріне ерекше назар аударылды.

▫️Кездесу қорытындысы бойынша 2026 жылдың III–IV тоқсандарында ҚҚС салу тетігінің тиімділігін арттыруға бағытталған бірлескен ғылыми-зерттеу жұмыстарын жүргізу туралы келісімге қол жеткізілді.

🤝Қазақстан Республикасы Жоғары аудиторлық палатасының өкілдеріне сындарлы диалог, ынтымақтастыққа ашықтық және Қазақстанның салық саясаты мен салық жүйесінің тиімділігін арттыруға бағытталған зерттеулерді дамытуға көрсеткен қызығушылығы үшін алғыс білдіреміз.

Құрметті профессор, оқытушылар!📈Қазақстан Республикасы Президентінің жанындағы Мемлекеттік басқару академиясы сіздерді к...
11/06/2026

Құрметті профессор, оқытушылар!

📈Қазақстан Республикасы Президентінің жанындағы Мемлекеттік басқару академиясы сіздерді кәсіби мемлекеттік аппарат құруға үлес қосуға шақырады. Академияда бос жұмыс орындары бар екенін хабарлаймыз. Түйіндемеңізді қосымша хатпен біре [email protected] электрондық адресіне жолдай аласыздар.

📑Құжаттар 2026 жылғы 2 маусым – 2026 жылғы 16 маусым аралығында қабылданады.

📃Құжаттарды тапсырудың соңғы мерзімі — 2026 жылғы 16 маусым сағат 18:30-ға дейін. 2026 жылғы 16 маусым сағат 18:30-дан кейін түскен құжаттар қабылданбайды және қарауға жатпайды.

📨Құжаттар онлайн және офлайн қабылданады:

📩электрондық пошта арқылы: [email protected]
қолма-қол не пошта жөнелтілімі арқылы мына мекенжайға: 010000, Астана қ., Абай даңғылы, 33а, «ПОҚ конкурсына» деген белгімен.

Конкурс бойынша жұмыс уақытындағы байланыс телефондары (сағат 09:00 – 18:30): +7 (7172) 75-32-95, +7 (7172) 75-35-97.

📲Конкурс бойынша ұялы телефондар: +7 778–946 68 77 немесе +7 702 -962 00 49.

📍Сұхбаттасудың өтетін орны: Астана қ., Абай даңғылы 33а, «Қазақстан Республикасы Президентінің жанындағы Мемлекеттік басқару академиясы» РМҚК немесе кандидаттардың қалауы бойынша сұхбаттасу бейнеконференц-байланыс арқылы өткізілуі мүмкін. Конкурстық іріктеу жөніндегі комиссияның хатшысы кандидаттарға сұхбаттасу өткізілетін күнді, орны мен уақытын хабарлайды.

🔗Толығырақ сайттан оқи аласыз: Apa.kz ➡️ “Бос орындар” бөлімі

10/06/2026

⚜️9–10 маусым аралығында Электоралдық оқыту орталығының ұйымдастыруымен онлайн форматта «Сайлау процесін ұйымдастыру мен өткізудің практикалық аспектілері» тақырыбында екі күндік оқыту курсы өтті.

Курсқа өңірлерден барлық деңгейдегі аумақтық сайлау комиссияларының мүшелері қатысты.

Оқыту бағдарламасы сайлау заңнамасындағы өзекті өзгерістерді түсіндіруге, сайлауды ұйымдастыру мен өткізудің практикалық мәселелерін талқылауға, өтініштер мен шағымдарды қарау тәжірибесін зерделеуге, сондай-ақ сайлау науқанын жоспарлау және дағдарыстық жағдайларда тиімді әрекет ету дағдыларын дамытуға бағытталды.

🔹Курс барысында Қазақстан Республикасы Орталық сайлау комиссиясының мүшелері мен аппаратының қызметкерлері, сондай-ақ Академияның сарапшы-тренерлері дәріс оқып, қатысушылармен тәжірибе алмасты. Бағдарлама интерактивті форматта ұйымдастырылып, кейстік тапсырмалар, топтық жұмыстар және практикалық тренингтер өткізілді.

✅Екінші күні қатысушылар стресс жағдайындағы коммуникациялар, келіссөздер жүргізу және жанжалдарды шешу тақырыбында практикалық тренингтен өтіп, сайлау процесінде туындауы мүмкін жағдайларды талқылады.

10/06/2026

⚜️Идеяны нақты жобаға қалай айналдыруға болады? Жастардың сұранысын түсініп, заманауи трендтерді қалай дер кезінде аңғаруға болады?

✅Осы және өзге де өзекті мәселелер Академияның Ақтөбе облысы бойынша филиалында өткен қонақ дәріс барысында талқыланды.

🔹Дәріс қонағы – Қазақстан Республикасы Мәдениет және ақпарат министрлігі жанындағы «Жастар» ғылыми-зерттеу орталығының директоры, шахматтан алғашқы халықаралық гроссмейстер, Президенттік жастар кадр резервінің мүшесі, PhD саяси ғылымдар докторы Гүлісхан Сайфуллинқызы Нахбаева.

🔹Кездесу барысында спикер өзінің кәсіби тәжірибесімен бөлісіп, креативті индустрия мен әлеуметтік зерттеулер саласында жүзеге асырылған жобалар мен кейстер туралы әңгімеледі. Сонымен қатар жастар ортасындағы өзекті мәселелерге тоқталып, бүгінгі күннің негізгі трендтері мен олардың қоғам дамуына ықпалы жөнінде құнды пікірлерін ортаға салды.

Әсіресе, жастардың құндылықтары, жаңа коммуникация форматтары және мемлекеттік институттардың жастармен жұмыс істеудегі рөлі тыңдаушылардың ерекше қызығушылығын тудырды.

Мемлекеттік қызметшілер дәріске белсенді қатысып, өздерін толғандырған сұрақтарға тәжірибеге және зерттеу нәтижелеріне негіздел

Address

проспект Абая 33а
Akmola
010000

Opening Hours

Monday 09:00 - 18:30
Tuesday 09:00 - 18:30
Wednesday 09:00 - 18:30
Thursday 09:00 - 18:30
Friday 09:00 - 18:30

Telephone

+77024678151

Website

Alerts

Be the first to know and let us send you an email when Academy of Public Administration under the President of Kazakhstan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Academy of Public Administration under the President of Kazakhstan:

Shortcuts

Share