20/08/2025
കുവൈത്തിൽ പൊതുസ്ഥലത്ത് ഭക്ഷണമോ മാലിന്യമോ വലിച്ചെറിയുന്നത് ഇനി കർശനമായി നിരീക്ഷിക്കും. അത്തരത്തിലുള്ള പ്രവർത്തനങ്ങൾ നിയമലംഘനമാണെന്നും പിടിയിലാകുന്നവർക്ക് 500 ദിനാർ (ഏകദേശം 1,42,616 ഇന്ത്യൻ രൂപ) വരെ പിഴ ചുമത്തുമെന്നും പരിസ്ഥിതി മന്ത്രാലയം മുന്നറിയിപ്പ് നൽകി. പൊതുസ്ഥലങ്ങളിൽ ഭക്ഷണം എറിഞ്ഞ് പക്ഷികളെയും പൂച്ചകളെയും തീറ്റുന്നതും നിയമലംഘനമായി കണക്കാക്കും. പൊതു ശുചിത്വവും പരിസ്ഥിതി സംരക്ഷണവും ഉറപ്പാക്കാൻ എല്ലാവരും നിയമം പാലിക്കണമെന്ന് അധികാരികൾ അഭ്യർത്ഥിച്ചു.
