مركز المصريين بالكويت

10/01/2021

ده النموذج اللي لازم نتكلم عنه وكل الاصدقاء ورؤساء تحرير ومعدين البرامج يدورو عليه ونشوف محتاج ايه ونساعده وكمان نحتفل ليه علشان نعظم قيمة الشهامة والجدعنة وسط ولادنا اللي من سنه - لو سمحتم كلنا ندور عليه
انا بحاول ادور على تليفونه
تحديث ::- انا لقيت رقمه وبحاول اتواصل معاه

——————

البطل دا اسمه چون مدحت أحد أبطال محافظة أسيوط
شاب كان واقف قدام الجامعة لقي حريقه كبيره جدا مترددش ثانيه انو ميدخلش نط السور و. دخل وسط الحريق والدخان واتمكن من إنقاذ ٦ اطفال سمعهم بيصرخوا وينادوا بابا ماما الحقونا
اصغرهم طفل ٣ سنين واكبرهم ٧ سنين
كان بيشيل طفل طفل يخرجه من مكان الحريق مع انه مريض حساسية صدر وقبل الحادثة دي كان محجوز في المستشفي لمدة اسبوع بسبب ضيق التنفس
الولد يتيم من ١٢ سنة واخد دبلوم زراعة ويشتغل في معرض موتوسيكلات علشان يساعد في مصاريف امه واخواته الصغيرين
تستاهل تكون التريند اللي بجد يابني والله شااابوه ليك يامحترم♥️
هما دول ولاد البلد بجد و علي قد صغر سنه ومخافش يحصله حاجه في الحريق غير كل اللي فكر فيه ازاى ينقذ الأرواح اللي جوه .ياريت شباب بلدنا يتعلمو الشهامه والرجولة من جون.
ربنا يكرمك ويكتر من امثالك ياابني
علشان تكون قدوه لكل الشباب والله
❤🌹❤

05/01/2021

بما إن والدتي رحمها الله احتاجت أكسجين أخر 3 شهور، دي خلاصة التجربة:
1- الأسطوانات أحجامها 4-6-8-10-20-30-40 لتر. أي حاجة أقل من 10 ملهاش لازمة وبتخلص على طول خصوصا لو المريض محتاج تركيز عالي. الميزة فقط في حجمهم الصغير وده بيخليهم مناسبين لو المريض بيتحرك على كرسي تحركهم معاه.
2- الاسطوانة ال 40 تقيلة جدا، و 90%من الناس هيلاقوا صعوبة في شيلها لوحدهم وخصوصا في طلوع السلالم أو دخولها وخروجها من شنطة العربية. اعمل حسابك حد يساعدك.
3- أي أسطوانة لازم لها منظم، المنظم فيه عداد للضغط جوة الاسطوانة. وعداد لتركيز الأكسجين اللي طالع. عداد التركيز ده معدل خروج الأكسجين للمريض والدكتور بيحدده، عداد الضغط مؤشر لإمتى الأنبوبة هتفضى.
4- الأنابيب المنتشرة بتستحمل أقصى ضغط 2000 PSI. لما المؤشر ينزل عن 500 تستعد عشان تملاها. متستناش أكتر من كده، عشان الحبة اللي في الآخر بيخلصوا بسرعة وبتكون لحظات مرعبة.
5- المنظم جواه زجاجة بتتملي مية مقطرة لتبريد وترطيب الأكسجين. في الطواريء تنفع مية حنفية او مية معدنية، لكن الأفضل مقطرة. هتحتاج تتابعها وتزودها كل ما تنقص. لازم متقلش عن الحد الأدنى ومتزيدش عن الاقصى.
6- هتحتاج مفتاح فرنساوي عشان فك وتركيب المنظم لما تروح تملاها. الشركة تقدر تفك المنظم، بس يفضل تفكه وتسيبه في البيت عشان ممكن يتكسر بسهولة أثناء نقل الأنبوبة.
7- المنظمات انواع كتير والاسعار بتبدأ من 400 لحد 1000، كل ما الأنبوبة كانت كبيرة هتحتاج منظم محترم. تقدر بالنظر تعرف لو المنظم تقيل وابن ناس أو خفيف وعلى قد حاله.
8- أسعار الأنابيب فيها لعب كبير جداً بسبب الأزمة، لكن اسأل في أكتر من مكان. شارع القصر العيني والدمرداش من الأماكن اللي هتلاقي فيها الأنابيب للبيع. متضيعش وقتك مع أرقام الموبايلات اللي على الفيسبوك. معظمها يا مقفول يا بيزودوا في الأسعار جداً. إنزل على رجليك واسأل وفاصل.
9- الأنبوبة الكبيرة 40 لتر أقل سعر شفته ليها 2200 وأقصى سعر 3000. ال 10 لتر من 1400 ل 1900.
10- فيه أماكن كتير بتأجر الأنبوبة وبتاخد منك تأمين، زي صيدلية الإسعاف. بس لو الحالة محتاجة اكسجين كتير لأكتر من 10 ايام، هتكتشف ان شراء الانبوبة أوفر من ايجارها.
11- فيه مصانع كتير بتملا أكسجين. أضمن مكان لملو الأنبوبة في شرق القاهرة هو شركة الغازات EYAG. هتلاقيها على جوجل Maps موجودة في الحي السابع مدينة نصر ورا موقف GoBus وشغالين 24 ساعة. ملو الأنبوبة ب 30 جنيه وبتملاها في أقل من ربع ساعة. بعد المليء الانبوبة بتكون سخنة، ده عادي.
12- فيه مستشفيات بتملا الأنابيب من خزاناتها المركزية، لكن بتدفع كتير ومش بتتكبس كويس زي مصنع الأكسجين. بتاخد الانبوبة مليانة بالكتير 70%.
13- شركة EYAG عندهم تصليح أنابيب لو فيه تسريب من الأنبوبة أو المحبس.
14- وزن الأنابيب كبير. خد بالك من تواجد الأطفال حوالين الانبوبة، وقوع الأنبوبة على طفل خطر يهدد حياته.
15- الأنبوبة قوية ومش هتفرقع لو اتخبطت او حتى وقعت من عربية متحركة، ومع ذلك اتعامل معاها بحرص.
16- الدكتور بيحدد التركيز المطلوب، غالبا بيكون بين 2 و 5 لتر في الدقيقة حسب الحالة. مهم متزودش عشان زيادة الأكسجين غلط على الرئة، وكمان عشان الأنبوبة متفضاش بسرعة.
17- فيه جهاز Oximeter بيتلبس في الصباع وبيقيس نسبة الأكسجين في الدم وسعره من 300 لحد 2000. فيه ساعات ذكية بتقيس، وفيه موبايلات بتقيس برضو وبدقة.
18- يفضل يكون عندك أنبوبتين منهم واحدة صغيرة، عشان لو الانبوبة فضيت وهتملاها يكون فيه بديل. دقايق بدون اكسجين فرق بين الحياة والموت.
19- لازم طبعاً تعقيم الأسطوانة قبل دخولها المنزل تعقيم جيد في أول مرة وبعد كل عملية ملء. الأسطوانة وهي بتتملي بتكون جنب اسطوانات جاية من مستشفيات وبيوت فيها كورونا. اللي هيروح يملاها واللي هيشيل لازم يكون لابس ماسك ويعقم نفسه كويس (جداً).
20- لو الحالة متدهورة وتركيز الأكسجين في الدم قليل باستمرار، لازم تتحجز في مستشفى، مش لازم رعاية مركزة. لإن المستشفيات (بما فيها الحكومية) فيها خطوط اكسجين مستمرة 24 ساعة لكل السراير.
21- هتحتاج تشتري ماسك أكسجين، فيه نوع بيتلبس على الوش (أنف واذن)، ونوع عبارة عن فتحتين يدخلوا في فتحات الانف. سعرهم في المتناول.
22- فيه جمعيات خيرية كتير عندها أنابيب بتطلع لوجه الله، مش لازم جمعيات كبيرة زي مرسال ورسالة. الجمعيات الشرعية اللي في المساجد (ولو في مناطق شعبية) اسأل فيهم وهتلاقي. ولو معندهمش هيتصرفوا ليك،
23- فيه مولد أكسجين Concentrator بيشتغل بالكهربا. سعره بيبدأ من 7000 لحد 20000. مفيد لو هتحتاج الأكسجين مدد طويلة. هيريحك من تعب ملو الأنابيب وممكن تكتشف إنه أوفر ليك على المدى البعيد، السعر بيكون حسب معدل توليد الأكسجين
24- طبيعة عمل المولد إنه بيسحب الأكسجين من الهوا ويطلعه بصورة مركزة. بالتالي تهوية المكان اللي في المولد شيء مهم.
25- المولد فيه مكان بيتملي مياه مقطرة زي المذكور في النقطة رقم 5، وفيه تحكم لكمية الأكسجين اللي طالعة منه، وفيه تايمر يخليه يفصل بعد مدة معينة (متقربلوش).
26- مش معنى إن المولد قادر يطلع تركيز 10 إنك تدي للمريض 10. تركيز الأكسجين الزيادة له أضرار خطيرة. الدكتور اللي بيحدد التركيز المطلوب، وهيقولك امتى تزود وامتى تقلل.
27- اختلاف السعر بين المولدات حسب أقصى معدل توليد. فيه 3 و 5 و 10 لتر في الدقيقة. ال 5 مناسب جدا، ال 3 قليل وال 10 غالبا مش هتحتاجه. فيه مولدات فيها خواص زيادة زي Nebulizer وفيه بيشتغل بالريموت. فيه صيني وفي اوربي.
28- لو جبت المولد خد بالك النور ممكن يقطع. مهم يكون عندك أسطوانة احتياطي.
29- فيه أماكن بتأجر المولد ده. وفيه متطوعين، وفيه مؤسسات/جمعيات بتطلعه لوجه الله زي مؤسسة مرسال - Mersal Foundation.
--- ربنا يشفي الجميع ويرفع البلاء وميحوجش حد للأكسجين
--- شير .من فضلك .. معلومة ممكن تنقذ حياة

15/12/2020

تحية شكر وتقدير من مواطن مصرى داخل الكويت لرجال مرور الكويت لمساعدتهم لى بطريق الدائرى الخامس صباح اليوم لتعطل سيارتى بالطريق وقام هذا الرجل ذو الاخلاق الكريمة والطيبة والبشاشة على وجهه الطيب بتوفير كامل الدعم لى للحفاظ على امنى وسلامتى.. حيث قام بمساعدتى لدخول حارة الطوارئ وقام بنفسه بتدبيل التاير ولم يتركنى حتى اكملت طريقى بسلام.. شكرا لك من القلب للدعم ومساعدتك لى 🌹💐🌹💐🌹👍👌👍💪💪💪

02/12/2020

مؤسسة إعلامية كبري كويتية تطلب:
03 محرر صحفي (خبرة بالتحقيقات) - خبرة- الراتب 550 - يشترط الإقامة بالكويت
02مدقق لغوي ( تخصص لغة عربية) - خبرة - الراتب 550 - يشترط الإقامة بالكويت
03 مراسل تلفزيوني (إجادة اللهجة الكويتية) يحدد الراتب بعد المقابلة - خبرة - يشترط الإقامة بالكويت
04 مقدم برامج ( إجادة اللهجة الكويتية ) يحدد الراتب بعد المقابلة - خبرة -يشترط الإقامة بالكويت
04 معد برامج ( توك شو) الراتب 550 -خبرة - يشترط الإقامة داخل الكويت
1 مترجم (فرنسي ) خبرة -بالقطعة - خبرة - لا يشترط الإقامة داخل الكويت
1- مترجم (إنجليزي ) خبرة -بالقطعة - خبرة - يشترط الإقامة داخل الكويت
يتم إرسال السيرة الذاتية موضحًا بها بيانات التواصل
علي الإيميل التالي:
[email protected]
يتم تحدد المقابلات من الساعه 11 صباحا إلي السابعة مساءا
عبر رسائل الويتساب
لا ينظر للطلبات غير مستوفية الشروط
تاريخ إنتهاء إستقبال الإيميلات 5-12-2020

21/08/2020

08/08/2020

أكرِموه بنشر صورته و هو في أبهي حلة ، فقد نسي نفسه من أجل الفقراء ❤❤⁦❤️⁩

07/08/2020

السفارة المصرية ب #الكويت جاهزة ل
- التصويت 9 و10 أغسطس والإعادة 6 سبتمبر

- استقبال أوراق الاقتراع بالبريد المستعجل وعدم الحضور منعاً للاختلاط

- سيتم استقبال أوراق الاقتراع بلجنة الانتخاب بالسفارة بمنطقة الصديق، قطعة 7، شارع 702، فيلا رقم 100

- ضرورة وصول الأوراق في موعد أقصاه نهاية يوم الأربعاء الموافق 12 أغسطس الجاري للجولة الأولى، ويوم الأربعاء الموافق 9 سبتمبر المقبل لجولة الإعادة

07/08/2020

أخبار الاقامات والطيران وسمات الدخول وجميع مايخص الوافدين في دولة الكويت

1 - بالنسبه حق اذن الغياب 🟢
تمنح اذن غياب تلقائي طالما الاقامه ساريه حتى مع فتح
الطيران ذهاب واياب يتم الوضع كما هو عليه طالما
لم يصدر قرار من الداخليه بوقف العمل بإذن الغياب

2- بالنسبة للبطاقه المدنيه
نظرا لتعطيل العمل في الهيئة العامة للمعلومات المدنيه من بداية أزمة كورونا حتى شهر 7 وتكدس البطاقات في الهيئة يتم حاليا إنجاز البطاقات المجدده
عن شهر 3+4 ومن ثم شهر 5+6+7+8 ولاداعي للقلق

3- بالنسبه للناس المتواجدين خارج الكويت وليس لديهم بطاقه مدنيه صالحه 🟢

ٺم ايقاف اصدار شهادة الاقامه من السفاره الكويتيه في
مختلف الدول العربية والاوربيه مما يتيح الفرصة لدخول الكويت بالمدنيه القديمه او تطبيق هويتي أو برنت الاقامه : طالما لم يصدر قرار 😀😀

4- سمات الدخول بكافة انواعها للاشخاص اللذين لم يدخلو الكويت 🔴

جميع سمات الدخول بكافة انواعها للاشخاص اللذين
لم يدخلو الكويت تعتبر ملغيه كأنها لم تكن ويتم إصدار
سمة دخول جديده بعد انتهاء الازمه وصدور قرار رسمي من وزارة الداخليه ( زياره -التحاق - عمل )

5- الاقامات المنتهيه في الخارج

نأمل صدور قرار من وزارة الداخليه في القريب العاجل يتيح تجديد الاقامات للاشخاص المنتهيه اقامتهم خارج
دولة الكويت حيث انه لايوجد قرار رسمي من الداخليه
بعدم تجديد الاقامات 🟢

6- الاقامات المنتهيه قبل 1 / 1 /2020

بإذن الله سيتم تعديل وضعهم ضمن ظوابط تحددها
وزارة الداخليه لاحقا 🟢

7- تحويل الزيارة الى اقامه 🟢🔴

ننطر تعليمات وزارة الداخليه في القريب يتضمن آلية وظوابط وشروط التحويل

8- فتح المطار ذهاب واياب

حسب قرار مجلس الوزراء يتم دراسة السماح للوافدين
ذهاب واياب كل 10 أيام يتم من خلالها تقييم وضع
كل دوله على حسب وزارة الصحه في ال31 دوله من خلال اعداد الاصابات ولايوجد استهداف لجنسيه معينه كمايروج البعض ( 31 جنسيه تم حظر دخولها للكويت )
وقبل ايام ذكرت عن امكانية إستثناء دخول المدرسين والاطباء لجميع الجنسيات ولكن للاسف البعض علق
نرفض دخول الاطباء والمدرسين ويطالبون بدخول جميع الفئات ( عامل دكتور مهندس طبيب مدرس الخ ) وهذا يعتبر تدخل في قرار مجلس الوزراء

للعلم : المواطن الكويتي لايستطيع دخول دول عربيه
وأجنبيه كثيره ولم نسمع عن تذمر المواطنين حيث ان لكل دوله شأنها الخاص ولايجب التدخل في شئون الدول
جميعنا يتفق على ان قرار ايقاف دخول الوافدين بوقت
مفاجئ قد اضر بمصالح الآلاف من الوافدين ولكن في
النهايه يجب إحترام القرار
تنويه : قرار تعليق الطيران من الكويت الى مصر وسوريا
والاردن وبعض الدول لادخل للكويت نهائيا فيه

9- هل يجوز السفر بالمدنيه القديمه

يجوز السفر حاليا بالمدنيه القديمه أو برنت الاقامه
او تطبيق هويتي إضافة الى الجواز الاصلي ولايوجد
مانع من السفر حتى لو كان هناك خطأ بالاسم العربي
أو الانجليزي ولكن بعد نهاية الازمه يجب تعديل الاسم
طبقا للجواز

10- تحويل المشاريع الصغيرة والمصانع والمزارع والعقود الحكومية

لايجوز تحويل العقود الحكوميه الا الى عقد حكومي
لايجوز تحويل المشاريع الصغيرة الا الى مشاريع صغيره
بعد 3 سنوات من تاريخ اصدار اول اذن عمل
لايجوز تحويل المزارع الى الى مزرعه
لايحوز تحويل المصانع الا الى مصنع
اما من دخل على عقد اهلي او التحاق بعائل وحول بعد ذلك الى عقد حكومي او مزرعه او مصنع وضعه سليم يقدر
يحول الى أهلي لايوجد مشكله

11- تمديد زيارات واقامات فئة 31/8

ننطر صدور قرار من وزارة الداخليه ان شاء الله سوف يتم التمديد لهم قبل نهاية 31/8

الاسبوع القادم سوف يتم تقديم كتاب إسترحام لوزير الداخلية

يتضمن الآتي

الاقامات المنتهيه في الخارج
الاقامات المنتهيه قبل 1 / 1 / 2020
سمات الدخول للاشخاص اللذين لم يدخلو الكويت

05/08/2020

حفظ الله لبنـان 🇱🇧، دعواتنا لهـم

03/08/2020

02/08/2020

مصر والكويت شعب واحد وأيد وحدة ضد العنصرية والتطرف الفكري تجاة البلدين ،، ولن نسمح لضعاف النفوس من تشوية علاقاتنا ببعض و و