ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관

  • Home
  • South Korea
  • Seoul
  • ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관

ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관 The Duty of Royal Embassy of Cambodia is to serve and protect Khmer people in Republic of Korea.
(240)

ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមជម្រាបជូនក្រុមកីឡាករទាំង​ ២១​ ក្រុម​ នូវកាលវិភាគប្រកួតសម្រាប់វគ្គជម្រុះ...
02/06/2026

ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមជម្រាបជូនក្រុមកីឡាករទាំង​ ២១​ ក្រុម​ នូវកាលវិភាគប្រកួតសម្រាប់វគ្គជម្រុះក្នុងពូល នៃពានរង្វាន់បាល់ទាត់មិត្តភាពសហគមន៍ខ្មែរ នៅសាធារណរដ្ឋកូរ៉េ លើកទី១ ឆ្នាំ២០២៦ “Cambodian Community Cup 2026” ដូចខាងក្រោម។

សូមបងប្អូន ពលករ-ពលការិនី និងសហគមន៍ខ្មែរទាំងអស់ អញ្ជើញចូលរួមគាំទ្រ និងលើកទឹកចិត្តដល់ក្រុមកីឡាករយើងទាំងអស់គ្នាឱ្យបានច្រើនកុះករ នៅតំបន់អឺមសង់ ថ្ងៃសៅរ៍ ទី៦ ខែមិថុនា ឆ្នាំ២០២៦ វេលាម៉ោង ៩:៣០​ នាទីព្រឹកតទៅ។

#ស្ថានទូតកម្ពុុជានៅកូរ៉េ #ពលករកូរ៉េ #ពលករខ្មែរនៅកូរ៉េ #ខ្មែរស្រលាញ់ខ្មែរ #ខ្មែរជួយខ្មែរ

02/06/2026

កម្មវិធីតន្រ្ដីសប្បុរសធម៌ រៀបចំដោយ ក្រុមតន្ដ្រីបុរាណ-សម័យក្វាងជូតូច

នៅថ្ងៃទី៣០ ខែឧសភា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ និងសហការី បានអញ្ជើញចូលរួមកម្មវិធីតន្រ្ដីសប្បុរសធម៌ ដែលរៀបចំឡើងដោយ ក្រុមតន្ដ្រីបុរាណ-សម័យក្វាងជូតូច សហការជាមួយសមាគម All Friends។

កម្មវិធីនេះធ្វើឡើងក្នុងគោលបំណង ជួយដល់បងប្អូនទាហានជួរមុខ ជនភៀសសឹក និងកុមារកំព្រានៅកម្ពុជា ដែលធ្វើឡើងប្រកបដោយភាតរភាព សាមគ្គីភាព ដោយមានរៀបចំជាការសម្ដែងសិល្បៈដូចជា៖ របាំជូនពរ ល្ខោនបាសាក់ ល្បុក្កតោ និងចម្រៀងបុរណ-សម័យ ជាពិសេសក៏មានស្ដង់ដាក់តាំងបង្ហាញម្ហូបខ្មែរផងដែរ។

ឆ្លៀតក្នុងឱកាសនោះ ឯកឧត្តមឯកអគ្គរាជទូត បានថ្លែងអំណរគុណ និងកោតសរសើរចំពោះការផ្ដួចផ្ដើមរៀបចំឱ្យមានកម្មវិធីនេះឡើង ជាពិសេសបងប្អូនសហគមន៍ខ្មែរ​ស្ម័គ្រចិត្តចូលរួមជួយគ្រប់ផ្នែកទាំងអស់ដែលបានចំណាយទាំងពេលវេលា កម្លាំងកាយកម្លាំងចិត្ត និងថវិកា ដែលសកម្មភាពទាំងនេះបង្ហាញពីឆន្ទៈស្នេហាជាតិ រួបរួមសាមគ្គីភាពរវាងខ្មែរ និងខ្មែរនៅលើទឹកដីកូរ៉េ។ ឯកឧត្តមឯកគ្គរាជទូត ក៏បានចូលរួមថវិកាមួយចំនួន ក្នុងនាមស្ថានទូត ដើម្បីចូលរួមចំណែកក្នុងកម្មវិធីសប្បុរសធម៏មួយនេះផងដែរ។

#ស្ថានទូតកម្ពុុជានៅកូរ៉េ #ពលករកូរ៉េ #ពលករខ្មែរនៅកូរ៉េ #ខ្មែរស្រលាញ់ខ្មែរ #ខ្មែរជួយខ្មែរ

🇰🇭🇰🇷ការប្រកួតបាល់ទាត់ពានរង្វាន់មិត្តភាពសហគមន៍ខ្មែរនៅកូរ៉េ ⚽️ អមជាមួយកម្មវិធីពិសេស​ ២​ បន្ថែមទៀត៖✅ ការផ្តល់សេវាសាធារណៈ និ...
02/06/2026

🇰🇭🇰🇷ការប្រកួតបាល់ទាត់ពានរង្វាន់មិត្តភាពសហគមន៍ខ្មែរនៅកូរ៉េ ⚽️
អមជាមួយកម្មវិធីពិសេស​ ២​ បន្ថែមទៀត៖
✅ ការផ្តល់សេវាសាធារណៈ និងប្រឹក្សាការងារចល័ត
✅ ការពិនិត្យសុខភាពដោយឥតគិតថ្លៃ ដោយមន្ទីរពេទ្យ SOONCHUNHYANG
✍️កាលបរិច្ឆេទ៖ 06/06/2026
👉ម៉ោង៖ ៩:៣០ ដល់ ៧:៣០នាទីល្ងាច
📍 ទីតាំងជាភាសារកូរ៉េ៖ 충청북도 음성군 음성읍 신천리 1477
📌 ទីតាំងផែនទី៖ https://naver.me/5l2xr9IR
ព្រឹត្តិការណ៍នេះត្រូវបានរៀបចំឡើងក្នុងគោលបំណងពង្រឹងសាមគ្គីភាព មិត្តភាព និងភាពជិតស្និទ្ធរវាងបងប្អូនសហគមន៍ខ្មែរនៅសាធារណរដ្ឋកូរ៉េ ព្រមទាំងជួយសម្រួលដល់ការទទួលសេវាសាធារណៈ ការប្រឹក្សាការងារ និងសេវាពិនិត្យសុខភាព ដើម្បីកាត់បន្ថយពេលវេលា និងការចំណាយក្នុងការធ្វើដំណើរ។ ជាពិសេស ព្រឹត្តិការណ៍នេះក៏ជាឱកាសដ៏ល្អសម្រាប់បងប្អូនខ្មែរទាំងអស់បានជួបជុំ ផ្លាស់ប្តូរបទពិសោធន៍ បង្កើនទំនាក់ទំនងល្អក្នុងសហគមន៍ និងរួមគ្នាលើកកម្ពស់កិត្តិយសជាតិខ្មែរនៅលើទឹកដីកូរ៉េផង។
អាស្រ័យហេតុនេះ សូមអញ្ជើញបងប្អូនសហគមន៍ខ្មែរទាំងអស់ ចូលរួមទស្សនា គាំទ្រ ឱ្យបានច្រើនកុះករ ដើម្បីញ៊ាំងឱ្យព្រឹត្តិការណ៍នេះប្រព្រឹត្តទៅដោយភាពអធិកអធម និងសប្បាយរីករាយ។

#ពលករកូរ៉េ #ពលករខ្មែរនៅកូរ៉េ #ខ្មែរស្រលាញ់ខ្មែរ #ខ្មែរជួយខ្មែរ #ស្ថានទូតកម្ពុុជានៅកូរ៉េ

សេចក្តីជូនដំណឹងចំពោះបងប្អូនប្រជាពលរដ្ឋខ្មែរ ដែលបានជ្រុះបាត់លិខិតឆ្លងដែន៖
02/06/2026

សេចក្តីជូនដំណឹងចំពោះបងប្អូនប្រជាពលរដ្ឋខ្មែរ ដែលបានជ្រុះបាត់លិខិតឆ្លងដែន៖

ឯកឧត្តមឯកអគ្គរាជទូត ទទួលជួបពិភាក្សាការងារជាមួយលោកស្រី JUNG Kyung Hee អ្នកគ្រប់គ្រងនៃវិទ្យាស្ថានស្រាវជ្រាវចំណីអាហារកូរ៉េន...
01/06/2026

ឯកឧត្តមឯកអគ្គរាជទូត ទទួលជួបពិភាក្សាការងារជាមួយលោកស្រី JUNG Kyung Hee អ្នកគ្រប់គ្រងនៃវិទ្យាស្ថានស្រាវជ្រាវចំណីអាហារកូរ៉េ

នៅព្រឹកថ្ងៃទី១ ខែមិថុនា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលជួបសម្តែងការគួរសម និងពិភាក្សាការងារជាមួយលោកស្រី JUNG Kyung Hee អ្នកគ្រប់គ្រងនៃវិទ្យាស្ថានស្រាវជ្រាវចំណីអាហារកូរ៉េ នៅស្ថានទូតកម្ពុជាក្នុងទីក្រុងសេអ៊ូល។
ក្នុងឱកាសនៃជំនួប លោកស្រី JUNG Kyung Hee បានធ្វើបច្ចុប្បន្នជូនឯកឧត្តមឯកអគ្គរាជទូតអំពីវឌ្ឍនភាពគម្រោងសហប្រតិបត្តិការរវាងវិទ្យាស្ថានស្រាវជ្រាវចំណីអាហារកូរ៉េ និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា ដែលស្ថាប័នទាំងពីរបានអនុវត្តគម្រោងរួមគ្នាលើការពង្រឹងសមត្ថភាពមន្ត្រីរាជការ និងសហគ្រាសធុនតូច និងមធ្យមលើការកែច្នៃចំណីអាហារ តាំងពីឆ្នាំ ២០១៨ ហើយបានសាងសង់ និងសម្ភោធមជ្ឈមណ្ឌលកែច្នៃចំណីអាហារកម្ពុជា-កូរ៉េ TASK នៅកម្ពុជា កាលពីខែសីហា ឆ្នាំ២០២៥ កន្លងទៅ។ លោកស្រីបានស្នើសុំស្ថានទូតបន្តផ្តល់កិច្ចសហការលើគម្រោងជាបន្តបន្ទាប់របស់វិទ្យាស្ថាន និងស្ថាប័នរដ្ឋ-ឯកជនរបស់កម្ពុជានាពេលខាងមុខបន្តទៀត។
ឯកឧត្តមឯកអគ្គរាជទូត បានថ្លែងអំណរគុណចំពោះវិទ្យាស្ថានដែលបានចូលរួមចំណែកក្នុងការជួយបណ្តុះបណ្តាលមន្ត្រីជំនាញ និងសហគ្រាសធុនតូច-មធ្យមរបស់កម្ពុជា ដែលការងារនេះនឹងអាចជួយបង្កើនសមត្ថភាពផលិត និងលើកកម្ពស់ស្តង់ដារផលិតផលកម្ពុជា ឱ្យស្របតាមលក្ខខណ្ឌនាំចេញទៅបរទេស ពិសេសប្រទេសកូរ៉េ។ ឯកឧត្តមក៏បានបញ្ជាក់ថា ស្ថានទូតបានត្រៀមខ្លួនរួចជាស្រេចក្នុងការសហការលើគម្រោងនានារបស់វិទ្យាស្ថាននាពេលខាងមុខ។

#ស្ថានទូតកម្ពុុជានៅកូរ៉េ #ពលករកូរ៉េ #ពលករខ្មែរនៅកូរ៉េ #ខ្មែរស្រលាញ់ខ្មែរ #ខ្មែរជួយខ្មែរ

01/06/2026

នៅថ្ងៃអាទិត្យ ទី២៤ ខែឧសភា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងលោកជំទាវ ព្រមទាំងសហការី បានអញ្ជើញចូលរួមកម្មវិធីបុណ្យអភិសេកព្រះពុទ្ធរូប​ នៅវត្តខ្មែរគូមី តំបន់ Gumi-si នៅខេត្ត Gyeongsangbuk-do ដោយប្រព្រឹត្តទៅក្នុងបរិយាកាសសោមនស្សរីករាយ ប្រកបដោយសទ្ធាជ្រះថ្លា និងការចូលរួមយ៉ាងច្រើនកុះករពីពុទ្ធបរិស័ទខ្មែរ និងមិត្តភក្តិកូរ៉េ ដែលបានបង្ហាញពីភាពរឹងមាំនៃសហគមន៍ខ្មែរ និងទំនាក់ទំនងដ៏ល្អប្រសើររវាងប្រទេសទាំងពីរ។

ក្នុងឱកាសនោះ ឯកឧត្តមឯកអគ្គរាជទូតបានសម្តែងនូវការកោតសរសើរចំពោះព្រះសង្ឃគ្រប់អង្គ​ ជាពិសេសព្រះតេជគុណ​ ពៅ​ សុភក្រ​ ព្រះគ្រូចៅអធិការវត្តខ្មែរ​គូមី​ គណៈកម្មការវត្ត សប្បុរសជន និងបងប្អូនប្រជាពលរដ្ឋខ្មែរទាំងអស់ ដែលបានរួមចំណែកកសាង និងអភិវឌ្ឍវត្តអារាមឱ្យក្លាយជាទីកន្លែងប្រកបដោយសារៈសំខាន់សម្រាប់ការប្រតិបត្តិព្រះពុទ្ធសាសនា ការអប់រំសីលធម៌ និងការបង្រួបបង្រួមសាមគ្គីភាពក្នុងសហគមន៍ខ្មែរនៅសាធារណរដ្ឋកូរ៉េ។

#ស្ថានទូតកម្ពុុជានៅកូរ៉េ #ពលករកូរ៉េ #ពលករខ្មែរនៅកូរ៉េ #ខ្មែរស្រលាញ់ខ្មែរ #ខ្មែរជួយខ្មែរ

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា)Happy 77th Anniversary of International Children’s Day (June 1)1 June 1949...
01/06/2026

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា)
Happy 77th Anniversary of International Children’s Day (June 1)

1 June 1949 ~ 1 June 2026

នៅថ្ងៃអាទិ​ត្យ​ ទី៣១ ខែឧសភា ឆ្នាំ២០២៦ លោកម៉ៅ​ ធារ៉ា​ អនុព័ន្ធការងារអមស្ថានទូតកម្ពុជាប្រចាំសាធារណរដ្ឋកូរ៉េ​ បានជួយសម្របសម...
31/05/2026

នៅថ្ងៃអាទិ​ត្យ​ ទី៣១ ខែឧសភា ឆ្នាំ២០២៦ លោកម៉ៅ​ ធារ៉ា​ អនុព័ន្ធការងារអមស្ថានទូតកម្ពុជាប្រចាំសាធារណរដ្ឋកូរ៉េ​ បានជួយសម្របសម្រួលនាំយកឯកសារបូជាសព និងនាំយកបច្ច័យស្ថានទូត​ និងអនុព័ន្ធការងារ​ ទៅចូលរួមរំលែកទុក្ខជូនដល់គ្រួសារសព ហេង រស្មី ភេទប្រុស អាយុ ៣៧ឆ្នាំ ដែលបានទទួលមរណៈភាពកាលថ្ងៃទី២១ ខែឧសភា ឆ្នាំ២០២៦ នៅតំបន់ Goyang ខេត្ត Gyeoggi-do។

ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមជម្រាបជូននូវ គូប្រកួត ក្នុងវគ្គជម្រុះក្នុងពូល A,B,C,D,E,F,G នៃពានរង្វាន...
30/05/2026

ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមជម្រាបជូននូវ គូប្រកួត ក្នុងវគ្គជម្រុះក្នុងពូល A,B,C,D,E,F,G នៃពានរង្វាន់បាល់ទាត់មិត្តភាពសហគមន៍ខ្មែរ នៅសាធារណរដ្ឋកូរ៉េ លើកទី១ ឆ្នាំ២០២៦ “Cambodian Community Cup 2026” ដូចខាងក្រោម។

សូមបងប្អូន ពលករ-ពលការិនី និងសហគមន៍ខ្មែរទាំងអស់ អញ្ជើញចូលរួមគាំទ្រ និងលើកទឹកចិត្តដល់ក្រុមកីឡាករយើងទាំងអស់គ្នាឱ្យបានច្រើនកុះករ នៅតំបន់អឺមសង់ ថ្ងៃសៅរ៍ ទី៦ ខែមិថុនា ឆ្នាំ២០២៦ វេលាម៉ោង ៩:៣០​ នាទីព្រឹកតទៅ។

#ស្ថានទូតកម្ពុុជានៅកូរ៉េ #ពលករកូរ៉េ #ពលករខ្មែរនៅកូរ៉េ #ខ្មែរស្រលាញ់ខ្មែរ #ខ្មែរជួយខ្មែរ

Address

서울 중구 세종대로55 부영태평빌딩 14층
Seoul
04513

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+82237851041

Website

Alerts

Be the first to know and let us send you an email when ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ស្ថានទូតកម្ពុជាប្រចាំសាធារណរដ្ឋកូរ៉េ 캄보디아대사관:

Shortcuts

Share

Category