ការិយាល័យសុខាភិបាលស្រុកប្រតិបត្ដិថ្មពួក

03/09/2026

សូមចូលរួមអបអរសាទរ ដល់មណ្ឌលសុខភាពសារង្គ 👏👏👏👏👏

03/09/2026

📅 រសៀលថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦ វេលាម៉ោង ១៣:០០នាទី
- លោកប្រធានការិយាល័យគណនេយ្យ និងលោកប្រធានការិយាល័យបង្ការ គ្រប់គ្រងជំងឺ មន្ទីរសុខាភិបាលនៃរដ្ឋបបាលខេត្ដ និងសហការី
- លោកប្រធានការិយាល័យសុខាភិបាលស្រុកប្រតិបតិ្ដថ្មពួក និងសហការី
- លោកប្រធានមន្ទីរពេទ្យបង្អែកថ្មពួក និងសហការី
បានជួបសា្វគមន៍ស្ថានទូតជប៉ុន ដើម្បីសិក្សាពីស្ថានភាពទូទៅ តម្រូវការ និងបញ្ហាប្រឈម នៃការផ្ដល់រថយន្ដគិលានសង្រ្គោះដល់មន្ទីរពេទ្យបង្អែកថ្មពួក នៅសាលប្រជុំការិយាល័យសុខាភិបាលស្រុកប្រតិបតិ្ដថ្មពួក។

#ការិយាល័យសុខាភិបាលស្រុកប្រតិបត្តិថ្មពួក

03/09/2026

វីដេអូ៖ ជំងឺរាក ដែលបង្កឡើងដោយរ៉ូតាវីរុស គឺជាជំងឺមួយដែលអាចការពារបានដោយវ៉ាក់សាំង។

ក្រសួងសុខាភិបាល បានដាក់បញ្ចូលវ៉ាក់សាំងរ៉ូតាវីរុស ទៅក្នុងកម្មវិធីជាតិផ្តល់ថ្នាំបង្ការជាប្រចាំ។ សូមអាណាព្យាបាលទាំងអស់ នាំកូនទៅទទួលថ្នាំបង្ការរ៉ូតាវីរុស ចំនួនពីរដូស គឺនៅអាយុ ៦សប្តាហ៍ (ឬ១ខែកន្លះ) និង១០សប្តាហ៍ (ឬ២ខែកន្លះ) នៅមណ្ឌលសុខភាព ឬមន្ទីរពេទ្យរដ្ឋ ដែលនៅជិតផ្ទះ។

03/09/2026

តើជំងឺមហារីកថ្លើមមានរោគសញ្ញាអ្វីខ្លះ?

ជំងឺមហារីកថ្លើមច្រើនតែមិនមានអាការៈនៅដំណាក់កាលដំបូង។ ទោះជាយ៉ាងណាក៏ដោយ មានសញ្ញាព្រមានសំខាន់ៗដែលមិនគួរមើលរំលង៖
- ការសម្រកទម្ងន់ដែលមិនអាចពន្យល់បាន
- បាត់បង់ចំណង់អាហារ
- ឈឺពោះ ផ្នែកខាងលើខាងស្តាំ ហើមពោះ
- ភ្នែក ឬស្បែកលឿង (ខាន់លឿង)
* ជាពិសេសគួរមានការប្រុងប្រយ័ត្នខ្ពស់ចំពោះអ្នកមាន៖
- ជំងឺរលាកថ្លើមរ៉ាំរ៉ៃប្រភេទ B ឬ C
- ជំងឺថ្លើមដោយសារគ្រឿងស្រវឹង
- ប្រវត្តិគ្រួសារនៃជំងឺមហារីកថ្លើម

ជាទូទៅជំងឺមហារីកថ្លើមច្រើនកើតឡើងដោយស្ងៀមស្ងាត់ ហេតុដូចនេះត្រូវគប្បីតានដានសុខភាពជាប្រចាំ និងពិគ្រោះយោបល់ជាមួយវេជ្ជបណ្ឌិតឯកទេសនៃមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យ និងព្យាបាលឲ្យបានទាន់ពេលវេលា ប្រកបដោយប្រសិទ្ធភាព។
#មន្ទីរពេទ្យកាល់ម៉ែត

01/09/2026

វីដេអូ៖ សូមបងប្អូនប្រជាពលរដ្ឋទាំងអស់បង្កើនការប្រុងប្រយ័ត្នឱ្យបានខ្ពស់ ក្នុងកំឡុងពេលរដូវវស្សានេះ និងត្រៀមលក្ខណៈទុកជាមុនក្នុងការឆ្លើយតប និងការពារខ្លួនអ្នក ព្រមទាំងក្រុមគ្រួសារពីផលប៉ះពាល់នៃគ្រោះទឹកជំនន់។

#ក្រសួងសុខាភិបាល
#ការិយាល័យសុខាភិបាលស្រុកប្រតិបតិ្ដថ្មពួក

31/08/2026

31/08/2026

យល់ដឹងពីជំងឺឆ្កែឆ្កួត ។
ព័ត៌មានបន្ថែមសូមទាក់ទងលេខ ១១៥

31/08/2026

ព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ វេលាម៉ោង ៧:៣០នាទី នៃការគោរពទង់ជាតិនៃព្រះរាជាណាចក្រកម្ពុជា របស់ការិយាល័យសុខាភិបាលស្រុកប្រតិបត្តិថ្មពួក និងអង្គភាពក្រោមឱវាទ។

🇰🇭 ពណ៌ខៀវ ពណ៌ក្រហម និងប្រាសាទអង្គរវត្តពណ៌ស គឺជានិមិត្តរូបនៃសន្តិភាព ជំនឿសាសនា និងព្រលឹងខ្មែរដែលមិនអាចកាត់ថ្លៃបាន។

#ព្រះរាជាណាចក្រអច្ឆរិយៈ
#ការិយាល័យសុខាភិបាលស្រុកប្រតិបត្តិថ្មពួក

30/08/2026

វីដេអូ៖ ជំងឺឆ្កែឆ្កួត (Rabies) គ្រោះថ្នាក់ដល់ជីវិត ប៉ុន្តែអាចការពារបាន!
🛡 ការពារខ្លួន និងគ្រួសារ
• ជៀសវាងការប៉ះពាល់ លេង ឬផ្តល់ចំណីដល់សត្វអនាថា
• បង្រៀនកុមារកុំឱ្យរំខានសត្វ ខណៈពេលវាកំពុងស៊ីចំណី កំពុងសម្រាក ឬកំពុងថែរក្សាកូន
🚨ប្រសិនបើត្រូវសត្វខាំ ឬក្រញៅ៖
• សូមធ្វើការលាងរបួសជាមួយទឹក និងសាប៊ូ ដោយបង្ហូរទឹកលើរបួស យ៉ាងតិច ១៥ នាទី។
• ទៅទទួលវ៉ាក់សាំងការពារជំងឺឆ្កែឆ្កួតតាមការណែនាំរបស់គ្រូពេទ្យ។

👉 កុំរង់ចាំ! ត្រូវចាត់វិធានការភ្លាមៗ។

#ការិយាល័យសុខាភិបាលស្រុកប្រតិបត្តិថ្មពួក

#ជំងឺឆ្កែឆ្កួត

29/08/2026