សសយក ស្រុកកំពង់រោទិ៍

21/06/2026

ឱកាសការងារ និងកម្មសិក្សាការងារសរុបជាង ៣,២១៩ កន្លែង ក្នុងខេត្តស្វាយរៀង!
សម្រាប់បងប្អូន សិស្សានុសិស្ស និស្សិត និងអ្នកកំពុងស្វែងរកការងារធ្វើទាំងអស់គ្នា!

សហការរៀបចំដោយ: មន្ទីរការងារ​ និងបណ្តុះបណ្តាលវិជ្ជាជីវៈខេត្តស្វាយរៀង,វិទ្យាស្ថានពហុបច្ចេកទេសភូមិភាគតេជោសែនស្វាយរៀង​, មជ្ឈមណ្ឌលការងារខេត្ត​ស្វាយរៀងនៃទីភ្នាក់ងារជាតិមុខរបរ និងការងារNEA និងស.ស.យ.ក ខេត្តស្វាយរៀង រៀបចំវេទិកាការងារស្តីពី៖ ឱកាសការងារ និងឱកាសកម្មសិក្សាការងារ»
កាលបរិច្ឆេទ៖ ថ្ងៃចន្ទ ទី២២ ខែមិថុនា ឆ្នាំ២០២៦ ពេលវេលា៖ ចាប់ពីម៉ោង ០៧:៣០ នាទីព្រឹក ដល់ម៉ោង ១១:៣០ នាទីព្រឹក
ទីតាំង៖ ទីតាំងសាលប្រជុំអាគារកញ្ចក់ (តំបន់សេដ្ឋកិច្ចពិសេស មេនហាតធែន) ក្រុងបាវិ ខេត្តស្វាយរៀង។
សូមទំនាក់ទំនងចូលរួមតាមរយៈលេខទូរស័ព្ទ: 070 79 89 88 / 012 26 76 79 / 016 233 419 សូមអរគុណ!

03/06/2026

ថ្នាក់ដឹកនាំ​ សមាជិក​ សមាជិកា​ សហភាពសហព័ន្ធយុវជនកម្ពុជា ខេត្តស្វាយរៀង​ សូមសម្តែងនូវការគាំទ្រយ៉ាងពេញទំហឹង ចំពោះចំណាត់ការរបស់រាជរដ្ឋាភិបាលកម្ពុជា ចាប់ផ្តើមដំណើរការយន្តការផ្សះផ្សាដោយបង្ខំ លើការទាមទារដែនសមុទ្រត្រួតស៊ីគ្នា រវាងកម្ពុជា និងថៃ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS)

20/05/2026

សូមឧទ្ទិសបុណ្យកុសលជូនដល់វិញ្ញាណក្ខន្ធជនរងគ្រោះជាង៣លាននាក់ដែលបានស្លាប់បាត់បង់ជីវិត

ថ្ងៃទី២០ ខែឧសភា ជា «ទិវាជាតិនៃការចងចាំ» និងជាទិវាបុណ្យជាតិផ្លូវការដែលត្រូវបានកំណត់ដោយ រាជរដ្ឋាភិបាលកម្ពុជា តាមរយៈអនុក្រឹត្យលេខ១៩ អនក្រ.បក ចុះថ្ងៃទី១៤ ខែកុម្ភៈ ឆ្នាំ២០១៨ សម្រាប់ជាការរំឭក ដល់ជនរងគ្រោះនឹងការឈឺចាប់ពីឧក្រិដ្ឋកម្ម ដែលកើតមានក្នុងរបបកម្ពុជាប្រជាធិបតេយ្យ ចន្លោះពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩។

ទិវាជាតិនៃការចងចាំ ២០ ឧសភា បង្កើតឡើងក្នុងគោលបំណងលើកតម្កើងការគោរព វិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះបានស្លាប់ក្នុងរបបកម្ពុជាប្រជាធិបតេយ្យ, លើកតម្កើងការរំឭក ដល់ជនរងគ្រោះ ការស្តារកិត្តិយសនិងសេចក្តីថ្លៃថ្នូររបស់ជនរងគ្រោះ ទោះជានៅរស់រានមានជីវិតឬបានបាត់បង់ ជីវិតក៏ដោយ, ប៉ះប៉ូវការឈឺចាប់ខាងផ្លូវចិត្តនិងផ្នែកសង្គមរបស់ជនរងគ្រោះនិងក្រុមគ្រួសារ, ចូលរួមចំណែកដល់ ការផ្សះផ្សាជាតិនិងជំរុញឱ្យមានសុខដុមនីយកម្មក្នុងសង្គមកម្ពុជា, និង លើកកម្ពស់ការផ្សព្វផ្សាយនិងការយល់ដឹង អំពីអំពើឃោរឃៅដែលកើតមានក្នុងរបបកម្ពុជាប្រជាធិបតេយ្យកុំឱ្យកើតមានឡើងសាជាថ្មី។

14/05/2026

ក្នុងព្រះរាជវរោកាសជយាភិរម្យ នៃព្រះរាជពិធីចម្រើនព្រះជន្មព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សូមក្រាបបង្គំថ្វាយព្រះរាជសព្ទសាធុការពរជ័យ សិរីបវរមហាប្រសើរ ថ្វាយព្រះករុណាជាអម្ចាស់ជីវិតលើត្បូង សូមព្រះបារមីព្រះមហាស្វេតច្ឆ័ត្រ និងវត្ថុស័ក្តិសទិ្ធក្នុងលោក ប្រោសប្រទានពរជ័យ សិរីមង្គលថ្វាយ ព្រះករុណាជាអម្ចាស់ សូមមានព្រះជន្មាយុយឺនយូរជាងរយព្រះវស្សា ព្រះកាយពលមាំមួន និងព្រះរាជសុខភាពល្អបរិបូរណ៍ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជានុរាស្រ្តខ្មែរគ្រប់ៗរូប៕

14/04/2026

17/03/2026

🏆🏃‍♀️ពានរង្វាន់ ស្វាយរៀង ខាប់ ផ្នែកនារី លើកទី២ រដូវកាលឆ្នាំ២០២៦

🚨សូមជូនដំណឹងដល់សាធារណជនឱ្យបានជ្រាបថា៖ គណៈកម្មការ​​ប្រកួត​បាល់ទាត់​​ខេត្ត​ស្វាយរៀង នឹងរៀបចំព្រឹត្តិការណ៍​ប្រកួត​បាល់ទាត់ "ពាន​រង្វាន់ ខេត្តស្វាយរៀង ផ្នែកនារី លើកទី២ រដូវកាលឆ្នាំ២០២៦" ដែល​​ការ​លក់​​ពាក្យ​ចូល​រួម​ប្រកួត​ចាប់​ពី​ថ្ងៃ​ផ្សាយ​ដំណឹង​នេះ​តទៅ។ សូមអរគុណ!
- - - - - - - - - - - -

Subscribe YouTube : https://youtube.com/-cup
Join channel telegram : https://t.me/svayriengcup