មន្ទីរទេសចរណ៍ ខេត្តឧត្តរមានជ័យ

03/06/2026

ញត្តិគាំទ្ររបស់មន្ទីរទេសចរណ៍ខេត្តឧត្តរមានជ័យ សូមប្រកាសគាំទ្រយ៉ាងពេញទំហឹងចំពោះសេចក្តីថ្លែងការណ៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ផ្ញើជូនជនរួមជាតិកម្ពុជា នៅថ្ងៃទី២ ខែមិថុនា ឆ្នាំ២០២៦ ក្នុងការប្រើប្រាស់យន្តការផ្សះផ្សាដោយចាប់បង្ខំ (Compulsory Conciliation) ក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) ដើម្បីដោះស្រាយបញ្ហាតំបន់ទាមទារដែនសមុទ្រត្រួតស៊ីគ្នា (Overlapping Claim Area-OCA) រវាងកម្ពុជា-ថៃ បន្ទាប់ពីភាគីថៃបានប្រកាសដកខ្លួនជាឯកតោភាគី ចេញពីអនុស្សរណៈនៃការយោគយល់គ្នាឆ្នាំ២០០១ (MoU 2001) នាពេលថ្មីៗនេះ។





See less

02/06/2026

ញត្តិគាំទ្ររបស់ក្រសួងទេសចរណ៍ សូមប្រកាសគាំទ្រយ៉ាងពេញទំហឹងចំពោះសេចក្តីថ្លែងការណ៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ផ្ញើជូនជនរួមជាតិកម្ពុជា នៅថ្ងៃទី២ ខែមិថុនា ឆ្នាំ២០២៦ ក្នុងការប្រើប្រាស់យន្តការផ្សះផ្សាដោយចាប់បង្ខំ (Compulsory Conciliation) ក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) ដើម្បីដោះស្រាយបញ្ហាតំបន់ទាមទារដែនសមុទ្រត្រួតស៊ីគ្នា (Overlapping Claim Area-OCA) រវាងកម្ពុជា-ថៃ បន្ទាប់ពីភាគីថៃបានប្រកាសដកខ្លួនជាឯកតោភាគី ចេញពីអនុស្សរណៈនៃការយោគយល់គ្នាឆ្នាំ២០០១ (MoU 2001) នាពេលថ្មីៗនេះ។

29/05/2026

28/05/2026

ស្ពានទ័ព ឬស្ពានអូរជីក : ជាស្ពានបុរាណវែងជាងគេ និងធំជាងគេបង្អស់នៅស្រុកខ្មែរ ដែលបានបន្សល់ទុកតាំងពីសម័យចក្រភពអង្គរ ប៉ុន្តែមិនសូវទទួលបានការទាក់ទាញខ្លាំងដូចស្ពានកំពង់ក្តី (ស្ពានព្រះទិស)
…
ស្ពានទ័ព ឬស្ពានអូរជីក មានទីតាំងស្ថិតនៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ ដែលមានទីតាំងជាប់នឹងព្រំប្រទល់នៃខេត្តសៀមរាប។ ស្ពាននេះជាស្ពានចាស់បុរាណមួយដែលធ្វើពីថ្មបាយក្រៀមស្ទើរតែទាំងអស់ លើកលែងតែបង្កាន់ដៃនាគ និងជើងទម្រដែលធ្វើពីថ្មភក់។ សព្វថ្ងៃនេះបង្កាន់ដៃនាគ និងជើងទម្រនៅសល់តែផ្នែកខ្លះៗតែប៉ុណ្ណោះ។ ចំណែកឯសរសរជើងស្ពានខ្លះទទួលការសឹករិចរឹលខ្លាំង។
ស្ពានទ័ព ឬស្ពានអូរជីកនេះមានបណ្តោយប្រវែងប្រមាណជា១៤៩ម៉ែត្រ ទទឹងប្រមាណជា១៥,៥០ម៉ែត្រ កម្ពស់ប្រហែល១០ម៉ែត្រពីផ្ទៃដី និងរន្ធបង្ហូរទឹកចំនួន៣៥ ដែលបានកសាងឡើងក្នុងរជ្ជកាលព្រះបាទជ័យវរ័ន្មទី៧ ក្នុងចន្លោះសតវត្សទី១២ និងទី១៣ នៃគ.ស។ ស្ពាននេះ ត្រូវបានចាត់ទុកថាមានប្រវែងវែងជាងគេបង្អស់ នៅក្នុងចំណោមស្ពានបុរាណនានាជាង១០០ដែលគេបានស្រាវជ្រាវរកឃើញនៅក្នុងប្រទេសកម្ពុជា។
កាលពីជំនាន់ដែលរាជធានីអង្គរជាមណ្ឌលនៃចក្រភពអង្គដ៏ធំមួយនេះ ទីតាំងសំខាន់ៗជិត ឬឆ្ងាយតែងតែភ្ជាប់ខ្លួនមកមណ្ឌលនេះតាមបណ្តាញគមនាគមន៍ស្អេកស្កេះ។ ក្នុងនោះមានផ្លូវថ្នល់តូចធំ ស្ពាន។ល។ ឧទាហរណ៍ផ្លូវចេញពីអង្គរទៅសម្បូរណ៍ព្រៃគុក (ឦសាន្តបុរ:) ដោយកាត់តាមរលួស (ហរិហរាល័យ) និងកំពង់ក្តី (ដូចជាស្ពានកំពង់ក្តី)។ ឧទាហរណ៍មួយទៀត គឺផ្លូវដែលចេញពីអង្គរទៅវាលទំនាបមេណាម ជាពិសេសកាត់តាមចំណុចប្រាសាទស្តុកកក់ធំ (ខេត្តស្រះកែវ ប្រទេសថៃសព្វថ្ងៃ)។
ស្ពានទ័ព ឬស្ពានអូរជីកនេះ ឆ្លងកាត់មកពីខាងលើភូមិរមៀត ស្រុកចុងកាល់ ខេត្តឧត្តរមានជ័យរហូតមកទល់ស្ទឹងក្រឡាញ់ ខេត្តសៀមរាប។ ស្ពាននេះមិនមែនជាស្ពានកាត់តាមផ្លូវបុរាណតែមួយនៅតំបន់នោះទេ។ បើសិនយើងធ្វើដំណើរតាមតម្រាយនៃផ្លូវបុរាណចេញពីអង្គរ កាត់ឃុំអង្គរភាស ស្រុកពួក បន្តមកភូមិគោគខ្ជាយខាងជើង កាត់ខាងជើងភូមិគោគជ្រៃ ឃុំសរសរស្តម្ភ ខេត្តសៀមរាប យើងនឹងឃើញមានផ្លូវបែកជាពីរ។ ផ្លូវបុរាណខ្សែទី១បែកទៅឃុំជន្លាស់ដៃ អន្លង់ស្វាយ ស្រុកក្រឡាញ់ តភ្ជាប់ទៅឃុំស្ពានស្រែង (មានស្ពានថ្មបុរាណមួយវែង) កាត់ស្ទឹងស្រែង ឃុំស្រះជីក ភ្ជាប់ទៅឃុំប៉ោយចារ (មានស្ពានថ្មបុរាណមួយវែងនៅជិតទំនប់អាងត្រពាំងថ្ម) នៃស្រុកភ្នំស្រុក បន្តទៅស្រុកថ្មពួក ស្រុកស្វាយចេក និងបន្តរហូតដល់ប្រាសាទបន្ទាយឆ្មារ ខេត្តបន្ទាយមានជ័យ ហើយចុងក្រោយភ្ជាប់ទៅប្រាសាទភីម៉ៃ (បច្ចុប្បន្នប្រទេសថៃ) ឬអាចទៅសុខោទ័យ។ ចំណែកឯផ្លូវបុរាណខ្សែទី២ ដែលគេអះអាងថាសំដៅទៅភ្នំដងរ៉ែក តទៅប្រាសាទភ្នំរូង (ខេត្តបូរីរ់ាំ ប្រទេសថៃ) ឬតភ្ជាប់បន្តទៅប្រាសាទភីម៉ៃ ឬបន្តទៅសុខោទ័យ។ ផ្លូវនេះកាត់តាមភូមិខ្នាររ៉ឹល ឃុំសែនសុខ ឆ្ពោះទៅកាន់ខាងកើតស្រុកស្រីស្នំ កាត់តាមឃុំស្ពានស្រែង ឬភូមិចំការចេក ហើយសំដៅទៅខាងកើតឈៀងខាងជើងភូមិត្រុំ (ដែលមានអាងបុរាណមួយនៅក្បែរអូរជីក អ្នកភូមិហៅថាស្ទឹងអូរជីក) ស្រុកស្រីស្នំខេត្តសៀមរាប ឈមនឹងភូមិជើងទៀន ស្រុកចុងកាល់ ខេត្តឧត្តរមានជ័យ។
បច្ចុប្បន្នទីតាំងនៃស្ពានទ័ព ឬស្ពានអូរជីកនេះ គ្រប់ដណ្ដប់ទៅដោយតំបន់ព្រៃឫស្សី និងមានព្រៃឈើធំតូចដុះក្បែរមាត់ផ្លូវដែលមានម្លប់ត្រឈឹងធ្វើអោយស្ពានមានភាពស្ងប់ស្ងាត់។ នៅពេលរដូវប្រាំងស្លឹកឈើរុះរោយធ្លាក់ទៅលើដងផ្លូវហើយមានស្លឹកថ្មីលាស់ដ៏ខៀវស្រងាត់ នៅពេលជិតដល់រដូវចូលឆ្នាំមានសត្វរ៉ៃយំកំដរ ដែលធ្វើអោយមានសភាពភ័យខ្លាចនៅពេលដើរម្នាក់ឯង ហើយនៅក្នុងប្រឡោះនៃស្ពានសម្រាប់ទឹកហូរមានភាពស្ងាត់ជ្រងំមើលមិនឃើញអ្វីសោះ ប៉ុន្តែនៅពេលរដូវវស្សាទឹកឡើងពេញរន្ធស្ពាន។ នៅពេលរដូវភ្ជុំបិណ្ឌប្រជាជនប្រុសស្រី នៅតំបន់នោះតែងធ្វើដំណើរទៅទស្សនាទេសភាពមាត់ស្ពានហើយបន្តទៅលេងស្ទឹងអូរជីកយ៉ាងកោះករ។
អ្នកស្រុកភូមិ នៅតែមានជំនឿទៅលើខ្មោចអ្នកតា ហើយស្ពាននេះមានសភាពកាន់តែស្ងាត់ជាងមុនដោយសារតែគេមានផ្លូវថ្មី សម្រាប់វាងស្ពានបុរាណនេះ។ នៅខាងត្បូងនៃស្ពានមានដើមឈើខ្ពស់ស្រោងៗបែកមែកសាខា នៅក្រោមដើមមានខ្ទមខ្មោចដែលគ្មានញាតិមិត្តយកទៅធ្វើបុណ្យឡើយដែរពួកអ្នកស្រុកហៅថា ខ្មោចតៃហោង ហើយនៅខាងជើងស្ពានក៏មានដើមពោធិ៍ ដែលអ្នកភូមិមានជំនឿថា សំបូរទៅដោយព្រាយបិសាច។ នៅក្បែរនោះមានអូរមួយប្រជាជនតែងតែហៅអូរជីកៗ ដែលមានប្រវែងប្រមាណជា២គីឡូម៉ែត្រ។ នៅក្បែរដើមពោធិ៍មានសាលាឆទានមួយសម្រាប់អោយអ្នកដំណើរសម្រាក។ កាលពីសម័យសង្គ្រាម តំបន់នេះ គឺជាបន្ទាយទាហាន។

28/05/2026

ព្រឹត្តិការណ៍ទេសចរណ៍នឹងកើតឡើងនៅព្រះរាជាណាចក្រកម្ពុជា នាខែមិថុនា ឆ្នាំ២០២៦ ខាងមុខនេះ🇰🇭🇰🇭🇰🇭

✅ថ្ងៃទី៣១ ខែឧសភា ក្រសួងទេសចរណ៍នឹងរៀបចំទិវាកុមារអន្តរជាតិ ខួបលើកទី៧៧ នៅទីស្តីការក្រសួងទេសចរណ៍ «International Children’s Day» at Ministry of Tourism Headquarters👏🏻🇰🇭

✅ថ្ងៃទី៥ ខែមិថុនា ទិវាបរិស្ថានជាតិ និងបរិស្ថានពិភពលោក នៅព្រះរាជាណាចក្រកម្ពុជា «National and World Environment Day» at Kingdom of Cambodia👏🏻🇰🇭

✅ថ្ងៃទី៦-៧ ខែមិថុនា ព្រឹត្តិការណ៍បុណ្យទន្លេកំពង់ភ្លុក នៅខេត្តសៀមរាប «Kompong Phluk River Festival» at Siem Reap Province👏🏻🇰🇭

✅ចាប់ពីថ្ងៃទី១៥ ខែមិថុនា លើកលែងទិដ្ឋាការចិន នៅព្រះរាជាណាចក្រកម្ពុជា «Chinese Visa Exemption» at Kingdom of Cambodia👏🏻🇰🇭

✅ថ្ងៃទី៥ ខែមិថុនា ទិវាបរិស្ថានជាតិ និងបរិស្ថានពិភពលោក នៅព្រះរាជាណាចក្រកម្ពុជា «National and World Environment Day» at Kingdom of Cambodia👏🏻🇰🇭

✅ថ្ងៃទី១៤ ខែមិថុនា មហាសន្និបាតកាយឫទ្ធិនារីពិភពលោក WAGGGS លើកទី៣៩ នៅព្រះរាជាណាចក្រកម្ពុជា «the 39th WAGGGS World Girl Guiding and Girl Scouting Conference» at Kingdom of Cambodia👏🏻🇰🇭

✅ថ្ងៃទី១៤ ខែមិថុនា ទិវារត់ប្រណាំងភ្នំពេញពាក់កណ្តាលម៉ារ៉ាតុងអន្តរជាតិ លើកទី១៤ នៅរាជធានីភ្នំពេញ «Phnom Penh International Half Marathon» at Phnom Penh City👏🏻🇰🇭

✅ថ្ងៃទី១៤-១៦ ខែមិថុនា ព្រឹត្តិការណ៍ប្រកួតក្រុមភ្លេងកាយរឹទ្ធិថ្នាក់ជាតិលើកទី៣ នៅរាជធានីភ្នំពេញ «3rd National Scout Music Competition» at Phnom Penh City👏🏻🇰🇭

✅ថ្ងៃទី១៥ ខែមិថុនា តុលាការយុត្តិធម៌អន្តរជាតិក្រុងឡាអេ សម្រេចឱ្យកម្ពុជាជាម្ចាស់កម្មសិទ្ធិលើប្រាសាទព្រះវិហារ ខួបលើកទី៦៤ នៅព្រះរាជាណាចក្រកម្ពុជា «International Court of Justice in the Hague declared Cambodia is the owner of the Preah Vihear Temple» at Kingdom of Cambodia👏🏻🇰🇭

✅ថ្ងៃទី១៨ ខែមិថុនា ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ
ក្នុងសេរីភាព សេចក្តីថ្លៃថ្នូរ និងសុភមង្គល នៅព្រះរាជាណាចក្រកម្ពុជា «Queen Mother’s Birthday» at Kingdom of Cambodia👏🏻🇰🇭

✅ថ្ងៃទី១៩ ខែមិថុនា ទិវាយោគៈអន្តរជាតិ លើកទី១២ នៅខេត្តសៀមរាប «The 12th International Day of Yoga» at Siem Reap Province👏🏻🇰🇭

✅ថ្ងៃទី១៩-២១ ខែមិថុនា ពិព័រណ៍ផលិតផលអាស៊ាន (កម្ពុជា-ចិន) លើកទី២ នៅរាជធានីភ្នំពេញ «The 2nd ASEAN (Cambodia-China) Commodity Trade Fair 2026» at Phnom Penh City👏🏻🇰🇭

✅ថ្ងៃទី២១ ខែមិថុនា ទិវាយោគៈអន្តរជាតិ លើកទី១២ នៅរាជធានីភ្នំពេញ «The 12th International Day of Yoga» at Phnom Penh City👏🏻🇰🇭

26/05/2026

អគ្គនាយកដ្ឋានអន្តោប្រវេសន៍ ចេញសេចក្តីបំភ្លឺព័ត៌មាន ពាក់ព័ន្ធការចុះផ្សាយព័ត៌មានមិនពិតជាភាសាចិន នៅលើ បណ្តាញសង្គម We Chat បានធ្វើការផ្សព្វផ្សាយក្រោមចំណងជើងថា “ អាកាសយានដ្ឋានអន្តរជាតិ ភ្នំពេញបានបិទការចូលប្រទេសទាំងស្រុងជាបណ្តោះអាសន្ន ហើយច្រកព្រំដែនគោកក៏នឹងត្រូវរឹតបន្តឹង ខ្លាំងដូចគ្នាចាប់ពីថ្ងៃទី២៦ ខែឧសភា ឆ្នាំ២០២៦ - នៅក្នុងខ្លឹមសារនៃអត្ថបទក៏បានបន្ថែមទៀតថា៖ បុគ្គលអាយុក្រោម៤០ឆ្នាំទាំងអស់នឹងត្រូវបដិសេធ មិនឲ្យចូលប្រទេសមិនថាប្រុសឬស្រី ទោះមានទិដ្ឋាការ ឬឯកសារអាជីវកម្មក៏ដោយ។

25/05/2026

𝗖𝗮𝗺𝗯𝗼𝗱𝗶𝗮 𝗚𝗮𝗶𝗻𝘀 𝗚𝗹𝗼𝗯𝗮𝗹 𝗥𝗲𝗰𝗼𝗴𝗻𝗶𝘁𝗶𝗼𝗻 𝗶𝗻 𝗪𝗮𝗻𝗱𝗲𝗿𝗹𝘂𝘀𝘁 𝗠𝗮𝗴𝗮𝘇𝗶𝗻𝗲’𝘀 𝗧𝗿𝗮𝘃𝗲𝗹 𝗚𝗿𝗲𝗲𝗻 𝗟𝗶𝘀𝘁™ 𝟮𝟬𝟮𝟲 🌿

Cambodia has been spotlighted in Wanderlust Magazine’s Travel Green List™ 2026, emerging as one of only two Southeast Asian destinations, alongside the Philippines, to be recognised on this prestigious list. The annual selection highlights destinations around the world that are setting high standards for responsible and sustainable tourism.✨

In the list, Cardamom Tented Camp in Botum Sakor National Park, Cambodia, stood out as a regional benchmark for conservation-led hospitality. Adding to this milestone, Cambodia is also featured in a special 15-page Wanderlust travelogue, showcasing the Kingdom as a destination rich in authenticity, biodiversity, heritage, and meaningful experiences.

Discover Cambodia’s stunning Green Season, where lush landscapes, waterfalls, wildlife, and countryside beauty come alive. 🌱🌧

👉 For more information:
• https://www.wanderlustmagazine.com/inspiration/travel-green-list-2026/
• https://online.fliphtml5.com/tbpue/Binder_Optimized_245-LHKK/ =95

23/05/2026

សេចក្តីជូនដំណឹង ស្តីពី

ការដាក់ឱ្យអនុវត្តការផ្តល់សេវារដ្ឋបាលតាមប្រព័ន្ធអនឡាញ (Online) នៅអង្គភាពច្រកចេញចូលតែមួយ នៃរដ្ឋបាលខេត្តឧត្តរមានជ័យ

23/05/2026

មន្ទីរទេសចរណ៍ខេត្តឧត្តរមានជ័យ ប្រកាសជ្រើសរើសសិក្ខាកាមចូលរៀនដោយឥតគិតថ្លៃ ដើម្បីចូលរួមវគ្គបណ្តុះបណ្តាលលើផ្នែក “គេហកិច្ច (Housekeeping) ជំនាញរៀបចំបន្ទប់ភ្ញៀវ” បណ្តុះបណ្តាលបដិសណ្ឋារកិច្ចកម្ពុជា (ហូកា) ដោយឥតគិតថ្លៃ។
គណៈកម្មការគ្រប់គ្រងគម្រោង (ហូកា) និងមន្ទីរទេសចរណ៍ខេត្តឧត្តរមានជ័យ សូមប្រកាសជ្រើសរើសសិក្ខាកាម ចូលរួមវគ្គបណ្តុះបណ្តាលរយៈពេល ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែមិថុនា ឆ្នាំ២០២៦ លើផ្នែក “គេហកិច្ច (Housekeeping) ជំនាញរៀបចំបន្ទប់ភ្ញៀវ” ជាជំនាញដែលមានតម្រូវការការងារខ្ពស់ ហើយការយល់ដឹង និងអនុវត្តជំនាញនេះបានត្រឹមត្រូវ គឺការចូលរួមលើកកម្ពស់គុណភាពសេវាកម្មទេសចរណ៍នៅតាមអាជីវកម្មសេវាកម្មទេសចរណ៍។
វគ្គបណ្តុះបណ្តាលនេះ ផ្តោតលើចំណេះដឹង និងជំនាញសំខាន់ៗរួមមាន៖
១. តួនាទីខ្ញុំក្នុងផែ្នកគេហកិច្ច
២. ការប្រាស្រ័យទាក់ទងក្នុងវិស័យបដិសណ្ឋារកិច្ច
៣. ប្រណីតភាពសេវាកម្ម
៤. ឧបករណ៍ និងសម្ភារគេហកិច្ច
៥. ក្រណាត់ និងពូក
៦. សម្អាតនិងសេវាកម្មបន្ទប់ភ្ញៀវ
សម្រាប់ម៉ូឌុលទាំង៦ ដែលលើកយកមកបង្រៀនគឺត្រូវបានជ្រើសរើសដោយក្រុមការងារបណ្តុះបណ្តាលនៅសារមន្ទីរផ្ទះតាម៉ុក ស្រុកអន្លង់វែង ខេត្តឧត្តរមានជ័យ។ ដោយទទួលបានការឧបត្ថម្ភ គាំទ្រ ពីគណៈកម្មការគ្រប់គ្រងគម្រោងហូកានៃក្រសួងទេសចរណ៍ និងកម្មវិធីអភិវឌ្ឍន៍ជំនាញ នៃអង្គការ Swisscontact ។
សិក្ខាកាមដែលមានចំណាប់អារម្មណ៍អាចចុះឈ្មោះចូលរៀនតាមរយ៖
- លោក ឆូយ សំអែត 077 775 950 (Telegram)
- លោក មុំ សុខ 031 609 5555 (Telegram)
រួសរាន់ឡើងចំនួនមានកំណត់! — at ចុះឈ្មោះ មន្ទីរទេសចរណ៍ខេត្តឧត្តរមានជ័យ