14/09/2025
សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ ខេត្តឧត្តរមានជ័យ
ថ្ងៃអាទិត្យ ៧រោច ខែភទ្របទ ឆ្នាំ ម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ៧ ខែតុលា ឆ្នាំ២០២៥ លោកជំទាវ មុំ ពុទ្ធីតា ប្រធានសមាគមនារីខេត្តឧត្តរមានជ័យ និងក្រុមការងារ បានអមដំណើរ លោកជំទាវ មាន សំអាន ប្រធានគណៈកម្មការទី៨នៃព្រឹទ្ធសភា និងជាអនុប្រធានសមាគមនារីកម្ពុជាដើម្បីសន្តិភាពនិងអភិវឌ្ឍន៍ បានអញ្ជើញចូលរួមវេនកាន់បិណ្ឌទី៧នៅវត្តគោកមន ស្រុកបន្ទាយអំពិល ខេត្តឧត្តរមានជ័យ ដើម្បីឧទ្ទិសកុសលដល់ញាតិកាទាំង៧សន្តានដែលបានចែកឋានទៅកាន់បរមលោកនិងវិញ្ញាណក្ខន្ធវីរៈកងទ័ពដែលបានពលីក្នុងបុព្វហេតុការពារបូរណភាពទឹកដី លោកជំទាវបានប្រគេននូវគ្រឿងឧបភោគបរិភោគដូចជា មី អង្ករ ទឹកបរិសុទ្ធ ត្រីខ តែ កាហ្វេ និងតម្កល់ទេយ្យទានចំនួន២លានរៀល សម្រាប់ព្រះសង្ឃចាត់ចែងក្នុងវត្ត ព្រមទាំងបានប្រគេនទេយ្យទានដល់ព្រះសង្ឃចំនួន៧អង្គ ក្នុងនោះចៅអធិការវត្តិបច្ច័យ ២០០,០០០រៀល និងស្លាដក់១ និង៦អង្គ ទទួលបានក្នុង១អង្គ១០០,០០០៛ ស្លាដក់១។ក្នុងឱកាសនោះផងដែរ លោកជំទាវបានជូនឃីត (ក្រម៉ា១ សារុង១ នំប៉័ងជ្រុង១កញ្ចប់ ត្រីខ៤កំប៉ុង ទឹកសុទ្ធ១ដប ទឹកឃ្មុំ១ដប )ដល់លោកយាយ លោកតា ជនភៀសសឹកសរុប ១៥០នាក់ និងថវិកា20000៛ ចំណែកកុមារតូចៗចំនួន៨០នាក់ ទទួលបានខោអាវ នំ និងថវិការមួយចំនួន។
