រដ្ឋបាលក្រុងសៀមរាប / Siem Reap Municipality

  • Home
  • Cambodia
  • Siem Reap
  • រដ្ឋបាលក្រុងសៀមរាប / Siem Reap Municipality

រដ្ឋបាលក្រុងសៀមរាប / Siem Reap Municipality Contact information, map and directions, contact form, opening hours, services, ratings, photos, videos and announcements from រដ្ឋបាលក្រុងសៀមរាប / Siem Reap Municipality, Government Official, ភូមិកសិកម្ម សង្កាត់ស្រង៉ែ ក្រុងសៀមរាប, Siem Reap.
(1)

អបអរសាទរខួបលើកទី៣៤ នៃកិច្ចព្រមព្រៀងសន្តិភាពទីក្រុងប៉ារីស "២៣ តុលា ១៩៩១ - ២៣ តុលា ២០២៥"
23/10/2025

អបអរសាទរខួបលើកទី៣៤ នៃកិច្ចព្រមព្រៀងសន្តិភាពទីក្រុងប៉ារីស "២៣ តុលា ១៩៩១ - ២៣ តុលា ២០២៥"

គ្រួសារពលរដ្ឋ រងគ្រោះដោយទឹកជំនន់ ចំនួន ៣៣ គ្រួសារ ក្នុងសង្កាត់ចុងឃ្នៀស ទទួលបានអំណោយមនុស្សធម៍ ពីកាកបាទក្រហមខេត្តសៀមរាបនារ...
19/10/2025

គ្រួសារពលរដ្ឋ រងគ្រោះដោយទឹកជំនន់ ចំនួន ៣៣ គ្រួសារ ក្នុងសង្កាត់ចុងឃ្នៀស ទទួលបានអំណោយមនុស្សធម៍ ពីកាកបាទក្រហមខេត្តសៀមរាប

នារសៀលថ្ងៃទី១៨ ខែតុលា ឆ្នាំ២០២៥ ម្សិលមិញនេះ លោកនួន ពុទ្ធារ៉ា ប្រធានអនុសាខាកាកបាទក្រហមកម្ពុជាក្រុងសៀមរាប បានរួមដំណើរ ឯកឧត្តម គុជ លីណា អនុប្រធានអចិន្រ្តៃយ៍គណៈកម្មាធិការសាខា កក្រក ខេត្តសៀមរាប តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ ប្រធានគណៈកម្មាធិការសាខា កក្រក ខេត្តសៀមរាប និងសហការី អញ្ជើញចុះសួរសុខទុក្ខ និងនាំយកអំណោយមនុស្សធម៌ ចែកជូនគ្រួសាររងគ្រោះដោយទឹកជំនន់សរុបចំនួន ៣៣ គ្រួសារ ស្មើនឹង ១៦៦នាក់ (ស្រី៧០នាក់) ដែលកំពុងស្នាក់នៅទីទួលសុវត្ថិភាព ក្នុងបរិវេណកំពង់ផែចុងឃ្នៀស ស្ថិតក្នុងសង្កាត់ចុងឃ្នៀស ក្រុងសៀមរាប ។

នាឱកាសនោះ ឯកឧត្តមអនុប្រធានអចិន្ត្រៃយ៍បានពាំនាំនូវប្រសាសន៍ ផ្តាំផ្ញើសួរសុខទុក្ខ និងការលើកទឹកចិត្តពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជា ឯកឧត្តម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលជានិច្ចកាលតែងតែគិតគូរពីសុខទុក្ខរបស់បងប្អូនប្រជាពលរដ្ឋគ្រប់រូប មិនប្រកាន់វណ្ណៈ ពូជសាសន៍ ពណ៌សម្បុរ ជំនឿសាសនា ឬនិន្នាការនយោបាយឡើយ ស្របតាមទិសស្លោក «កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកអ្នកណាម្នាក់ចោល» និង «ទីណាមានទុក្ខលំបាកទីនោះមានកាកបាទក្រហមកម្ពុជា»។ ជាមួយគ្នានេះ ឯកឧត្តមសម្ដែងនូវការសោកស្ដាយចំពោះការជន់លិច ទីលំនៅ និងបានថ្លែងអំណរគុណដល់អាជ្ញាធរមូលដ្ឋាន ក្នុងការរាយការណ៍ មកសាខា ដើម្បីឆ្លើយតបភ្លាមទាន់ពេលវេលា ដែលនេះពិតជាបានជួយ សម្រាលទុកលំបាករបស់បង-ប្អូនប្រជាពលរដ្ឋបានមួយកម្រិត។ ឯកឧត្តមក៏បានផ្ដល់អនុសាសន៍ ដល់ អនុសាខា កក្រក ក្រុងសៀមរាប ពិនិត្យ និងជួសជុលបន្ទប់ទឹកអនាម័យ ដើម្បីបង្កលក្ខណៈងាយស្រួលដល់ប្រជាពលរដ្ឋដែលកំពុងស្នាក់នៅទីទួលសុវត្ថិភាពនេះផងដែរ ។ សម្ភារដែលនាំមកផ្ដល់ជូននាឱកាសនេះ ក្នុង ១គ្រួសារ ទទួលបាន៖ អង្ករ ៣០គីឡូក្រាម, ទឹកត្រី ១យួរ, មី ១កេស, អំបិល ១គីឡូក្រាម, ត្រីខ ១យួរ, សារុង១, ភួយ១, ក្រមា១, មុង១, ធុងទឹក១, និងថវិកាចំនួន ៤ម៉ឺនរៀល៕

18/10/2025

ការអភិវឌ្ឍទីក្រុងសៀមរាប

រដ្ឋបាលខេត្តសៀមរាបសូមជូនដំណឹស្តីពីការរៀបចំព្រឹត្តិការណ៍បុណ្យភូមិវត្តបូព៌ នៅផ្លូវBAMBOO ស្ថិតក្នុងភូមិវត្តដំណាក់ សង្កាត់ស...
16/10/2025

រដ្ឋបាលខេត្តសៀមរាបសូមជូនដំណឹស្តីពីការរៀបចំព្រឹត្តិការណ៍បុណ្យភូមិវត្តបូព៌ នៅផ្លូវBAMBOO ស្ថិតក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប​ដើម្បីអបអរសាទរទិវាទេសចរណ៍ពិភពលោកឆ្នាំ២០២៥

ព្រឹត្តិការណ៍នេះនឹងប្រព្រឹត្តទៅនាថ្ងៃទី១៨-១៩ ខែតុលា ឆ្នាំ២០២៥ ស្ថិតនៅក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្ត សៀមរាប និងរៀបចំការតាំងពិព័រណ៍ម្ហូបអាហារ ការសម្តែងសិល្បៈកុមារ ចាប់ពីម៉ោង ១០៖០០នាទីព្រឹក ដល់ម៉ោង ២១៖០០នាទីយប់ ដោយមានសកម្មភាពជាច្រើនដូចជា ស្តង់ពិព័រណ៍ម្ហូបអាហារយ៉ាងសម្បូរបែប ការសម្តែងសិល្បៈពីក្រុមសិល្បករខ្មែរ និងបរទេស ការសម្តែងតន្ត្រីកុមារជាដើម ដោយមានការចូលរួម ទស្សនា កម្សាន្តដោយសេរីពីសាធារណជនផងដែរ។

ជួបគ្នាថ្ងៃទី ១៨–១៩ ខែតុលា ឆ្នាំ២០២៥​ នៅផ្លូឫស្សី (Bamboo Street) ភូមិវត្តដំណាក់​ ទីតាំង​ :​ https://maps.app.goo.gl/wgLEnBuArWTsPaa19?g_st=ipc

ថ្ងៃទី១៥ ខែតុលា ឆ្នាំ២០២៥​ នេះ គឺជាខួប​ ១៣ព្រះវស្សា (១៥​ តុលា ២០១២-១៥​ តុលា ២០២៥)​ នៃការយាងចូលព្រះទិវង្គត និងជាទិវាប្រារ...
15/10/2025

ថ្ងៃទី១៥ ខែតុលា ឆ្នាំ២០២៥​ នេះ គឺជាខួប​ ១៣ព្រះវស្សា (១៥​ តុលា ២០១២-១៥​ តុលា ២០២៥)​ នៃការយាងចូលព្រះទិវង្គត និងជាទិវាប្រារព្ធពិធីគោរពព្រះវិញ្ញាណក្ខន្ធ​ នៃព្រះករុណា ព្រះបាទ សម្តេច នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ "ព្រះបរមរតនកោដ្ឋ"​ ជាទីគោរពសក្ការៈដ៏ខ្ពង់ខ្ពស់បំផុត។

សេចក្តីថ្លែងការណ៍ក្នុងនាមថ្នាក់ដឹកនាំ និងមន្ត្រីរាជការទាំងអស់នៃ រដ្ឋបាលក្រុងសៀមរាប សូមសម្តែងការសោកស្តាយយ៉ាងខ្លាំងបំផុត ន...
12/10/2025

សេចក្តីថ្លែងការណ៍
ក្នុងនាមថ្នាក់ដឹកនាំ និងមន្ត្រីរាជការទាំងអស់នៃ រដ្ឋបាលក្រុងសៀមរាប សូមសម្តែងការសោកស្តាយយ៉ាងខ្លាំងបំផុត និងថ្កោលទោសយ៉ាងដាច់អហង្ការចំពោះទង្វើទុយ័ស អសីលធម៌ ថោកទាប និងគ្មានតម្លៃជាមនុស្ស របស់ជនជាតិថៃមួយចំនួន ដែលបានវាយប្រហារមកលើ សម្តេចអគ្គមហាសេនាបតីតេជោ ហ៊ុន សែន ប្រធានព្រឺទ្ធសភា នៃព្រះរាជាណាចក្រកម្ពុជា ដែលជារដ្ឋបុរសប្រកបដោយក្រមសីលធម៌ គុណធម៌ និងស្មារតីទទួលខុសត្រូវខ្ពស់សម្រាប់មនុស្សជាតិ និងឥស្សរជនកម្ពុជាមួយចំនួនទៀត នាពេលថ្មីៗនេះ។

កម្លាំងប្រជាការពារភូមិក្នុងសង្កាត់គោកចក ក្រុងសៀមរាប ទទួលបានអំណោយជាគ្រឿងឧបភោគបរិភោគ ពីព្រះចៅអធិការវត្តប្រាសាទគោកចកនៅថ្ងៃទ...
30/09/2025

កម្លាំងប្រជាការពារភូមិក្នុងសង្កាត់គោកចក ក្រុងសៀមរាប ទទួលបានអំណោយជាគ្រឿងឧបភោគបរិភោគ ពីព្រះចៅអធិការវត្តប្រាសាទគោកចក

នៅថ្ងៃទី៣០ ខែកញ្ញា ឆ្នាំ២០២៥ បងប្អូនកម្លាំងប្រជាការពារភូមិចំនួន ៤៣នាក់ មកពីភូមិចំនួន៨ ក្នុងសង្កាត់គោកចក ក្រុងសៀមរាប បានទទួលអំណោយជាគ្រឿងឧបភោគបរិភោគ និងសម្ភារប្រើប្រាស់ ពីព្រះចៅអធិការវត្តប្រាសាទគោកចក និងអាជ្ញាធរមូលដ្ឋាន ដើម្បីលើកទឹកចិត្តដល់ពួកគាត់ ក្នុងការចូលរួមកាយលូស្តារប្រឡាយ និងប្រមូលសំរាម រំដោះជំនន់ទឹកភ្លៀងក្នុងមូលដ្ឋាន។

ព្រះគ្រូវិចិត្រវង្សា ហែម គឹមសាន ព្រះគ្រូចៅអធិការវត្តប្រាសាទគោកចក មានថេរដីកាថា ការចែកជូនគ្រឿងឧបភោគបរិភោគ និងសម្ភារប្រើប្រាស់នាពេលនេះ គឺជាការបង្ហាញពីការយកចិត្តទុកដាក់ និងការដឹងគុណរបស់ព្រះសង្ឃ និងអាជ្ញាធរមូលដ្ឋាន ជូនដល់កម្លាំងបងប្អូនប្រជាការពារ ដែលជាកម្លាំងដ៏សំខាន់ដែលបានលះបង់ទាំងកម្លាំងកាយ កម្លាំងចិត្ត និងពេលវេលាដើម្បីចូលរួមការងារសង្គម។ ជាក់ស្ដែងថ្មីៗនេះ ពួកគាត់បានធ្វើការកាយលូ ស្តារប្រឡាយរំដោះទឹក និងប្រមូលសំរាម ក្នុងពេលមានទឹកជំនន់ក្នុងភូមិសាស្ត្រសង្កាត់គោកចក ដែលការងារនេះគឺបានជួយកាត់បន្ថយការជន់លិច និងផលប៉ះពាល់ដល់សហគមន៍យើងទាំងមូល។

ព្រះគ្រូវិចិត្រវង្សា ហែម គឹមសាន មានថេរដីកាបន្តថា បើគ្មានការចូលរួមពីបងប្អូនប្រជាការពារទេ ការងាររំដោះទឹកនឹងជួបការលំបាកខ្លាំង ដែលទង្វើនេះ បង្ហាញឱ្យឃើញនូវគំរូវីរភាពដ៏ល្អមួយដែលបង្ហាញពី ស្មារតីស្នេហាជាតិ និងសាមគ្គីភាពដ៏រឹងមាំនៅក្នុងមូលដ្ឋានយើង។ ព្រះតេជគុណ បានអំពាវនាវដល់បងប្អូនប្រជាការពារឱ្យបន្តរក្សាកិច្ចសហការល្អ ជាមួយអាជ្ញាធរ និងប្រជាពលរដ្ឋដទៃទៀត ដើម្បីពង្រឹងសាមគ្គីភាព និងបន្តធ្វើការងារសង្គមដ៏មានតម្លៃនេះនាពេលអនាគត ខណៈដែលព្រះអង្គរួមទាំងអាជ្ញាធរនឹងបន្តគាំទ្រ និងលើកទឹកចិត្តជានិច្ច ដែលប្រជាការពារបន្តចូលរួមថែរក្សា អនាម័យបរិស្ថាន ជុំវិញលំនៅឋាន និងក្នុងភូមិឱ្យបានស្អាតល្អក្រោយពេលទឹកស្រក ដើម្បីបង្ការជំងឺឆ្លងផ្សេងៗ។

ក្នុងឱកាសនោះដែរ លោក ហាយ យង់ អភិបាលរងក្រុងសៀមរាប បានថ្លែងនូវការកោតសរសើរ និងដឹងគុណយ៉ាងស្មោះអស់ពីចិត្តចំពោះកិច្ចខិតខំប្រឹងប្រែងរបស់បងប្អូនប្រជាការពារ ដែលបានបង្ហាញនូវស្មារតីទទួលខុសត្រូវខ្ពស់ ក្នុងការចូលរួមកសាង និងការពារមូលដ្ឋាន។ លោកថា កិច្ចការកាយលូ ស្តារប្រឡាយ និងប្រមូលសំរាម ដែលបានធ្វើកន្លងមក គឺជាកិច្ចការមួយដ៏សំខាន់ដែលបានចូលរួមចំណែកដោយផ្ទាល់ ក្នុងការកាត់បន្ថយហានិភ័យនៃគ្រោះទឹកជំនន់ និងរក្សាបាននូវសោភ័ណភាពអនាម័យក្នុងមូលដ្ឋានរបស់យើងផងដែរ៕

អត្ថបទ និងរូបភាព៖ មន្ត្រីមន្ទីរ
កែសម្រួល៖ លោក អ៊ុន ណារាជ្យ

ថ្ងៃទី១៨ ខែកញ្ញា ឆ្នាំ២០២៥ ក្រុមការងាររដ្ឋបាលក្រុងសៀមរាប ដឹកនាំដោយ លោកស្រី ម៉ាត់ អាហ្សីម៉ាស់ អភិបាលរងក្រុង តំណាងឲ្យ លោក ...
19/09/2025

ថ្ងៃទី១៨ ខែកញ្ញា ឆ្នាំ២០២៥ ក្រុមការងាររដ្ឋបាលក្រុងសៀមរាប ដឹកនាំដោយ លោកស្រី ម៉ាត់ អាហ្សីម៉ាស់ អភិបាលរងក្រុង តំណាងឲ្យ លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប ចូលរួមសិក្ខាសាលាស្តីពីការផ្សព្វផ្សាយលទ្ធផល និងបិទបញ្ចប់គម្រោង «ការពង្រឹងតម្លាភាព និងគណនេយ្យភាពក្នុងអភិបាលកិច្ចមូលដ្ឋានតាមរយៈការចូលរួមរបស់ប្រជាពលរដ្ឋ»(STA) នៅសណ្ឋាគារ Hyatt Regency រាជធានីភ្នំពេញ។

ថ្លែងក្នុងសិក្ខាសាលាស្តីពីការផ្សព្វផ្សាយលទ្ធផលបិទបញ្ចប់គម្រោង «ការពង្រឹងតម្លាភាព និងគណនេយ្យភាពក្នុងអភិបាលកិច្ចមូលដ្ឋានតាមរយៈការចូលរួមរបស់ប្រជាពលរដ្ឋ (STA Project)» ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ បានចាត់ទុក សមិទ្ធផលទាំងឡាយដែលទទួលបានពីគម្រោង «ការពង្រឹងតម្លាភាព និងគណនេយ្យភាពក្នុងអភិបាលកិច្ចមូលដ្ឋានតាមរយៈការចូលរួមរបស់ប្រជាពលរដ្ឋ (STA Project)» បានផ្តល់ជាមូលដ្ឋានគន្លឹះសម្រាប់រួមចំណែកដល់ការតម្រង់ទិស និងពង្រឹងការអនុវត្តកម្មវិធីកំណែទម្រង់វិមជ្ឈការ និងវិសហមជ្ឈការ ឆ្លើយតបទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ជាពិសេសការគាំទ្រការអនុវត្តគោលនយោបាយនៅថ្នាក់ជាតិ និងការរៀបចំតាក់តែងផែនការអនុវត្តរយៈពេល៥ឆ្នាំ ដំណាក់កាលទី២ (ផអ៥ទី២) នៃ កជទី២»។ សិក្ខាសាលានេះ មានការអញ្ជើញចូលរួមពីឯកអគ្គរាជទូតជប៉ុនប្រចាំកម្ពុជា តំណាង UNDP ប្រចាំកម្ពុជា ថ្នាក់ដឹកនាំ និងមន្រ្តីក្រសួង ស្ថាប័នថ្នាក់ជាតិ រដ្ឋបាលរាជធានី ខេត្ត រដ្ឋបាលក្រុងគោលដៅទាំង៣ ដៃគូអភិវឌ្ឍន៍ និងអង្គការសង្គមស៊ីវិល សរុបចំនួន១៧៨រូប ស្រី៤៧រូប។

សិក្ខាសាលានេះក៏បានរៀបចំកិច្ចពិភាគ្សា Panel Discussion លើប្រធានបទស្តីពី ការចូលរួមរបស់ប្រជាពលរដ្ឋក្នុងអភិបាលកិច្ចមូលដ្ឋាន ដោយមានការចូលរួមជា វាគ្មិនពី លោក ធូ ឃឿ អភិបាលក្រុងបានលុង លោកស្រី ម៉ាត់ អាហ្សីម៉ាស់ អភិបាលរងក្រុងសៀមរាប លោកស្រី រិន ធារ៉ា អភិបាលរងក្រុងកំពុងចាម និង តំណាងក្រុមបរិយាបន្ន (ជនជាតិដើមភាគតិច ជនមានពិការភាព និងយុវជន) ដោយផ្តោតលើ ការចែករំលែក បទពិសោធន៍របស់រដ្ឋបាលក្រុងនីមួយៗក្នុងការជំរុញការចូលរួមរបស់ប្រជាពលរដ្ឋក្នុងការធ្វើ ផែនការអភិវឌ្ឍន៍ កម្មវិធីវិនិយោគ៣ឆ្នាំរំកិល ផែនការថវិកា និងត្រួតពិនិត្យការអនុវត្តផែនការដើម្បីធានាថាក្រុមងាយរងគ្រោះ (យុវជន ស្ត្រី ជនជាតិដើមភាគតិច និងអ្នកមានពិការភាព) មានការចូលរួមពិតប្រាកដ ប្រកបដោយអត្តន័យ និងបរិយាបន្នក្នុងដំណើរការធ្វើសេចក្រីសម្រេចចិត្តនៅមូលដ្ឋាន វិធីសាស្រ្ត ឬឧបករណ៍អ្វីខ្លះ ដែលអាចធ្វើឱ្យព័ត៌មានអភិបាលកិច្ចមូលដ្ឋានអាចចូលប្រើប្រាស់បានទូលំទូលាយ និងមានប្រយោជន៍សម្រាប់ប្រជាពលរដ្ឋ ឬសាធារណជន ការតាំងចិត្តដើម្បីធានាឲ្យមានការចូលរួមពីប្រជាពលរដ្ឋកាន់តែប្រសើរឡើង ក្នុងការពង្រឹងតម្លាភាព គណនេយ្យភាព និងបរិយាបន្នសង្គម នៅពេលបិទគម្រោង។

សូមបញ្ជាក់ថា ដោយទទួលបានហិរញ្ញប្បទានឥតសំណងពីរាជរដ្ឋាភិបាលជប៉ុន តាមរយៈកម្មវិធីអភិវឌ្ឍន៍សហប្រជាជាតិ(UNDP) ប្រចាំនៅកម្ពុជា លេខាធិការដ្ឋាន គ.ជ.អ.ប. បានអនុវត្តគម្រោង «ការពង្រឹងតម្លាភាព និងគណនេយ្យភាពក្នុងអភិបាលកិច្ចមូលដ្ឋានតាមរយៈការចូលរួមរបស់ប្រជាពលរដ្ឋ (STA Project)» ចាប់ពីថ្ងៃទី២៩ ខែឧសភា ឆ្នាំ២០២៣ ដល់ខែកញ្ញា ឆ្នាំ២០២៥ (៣ឆ្នាំ) ក្នុងគោលបំណងដើម្បីបង្កើនការចូលរួម និងការទទួលយោបល់ត្រលប់របស់ប្រជាពលរដ្ឋ ការបំពេញការងារ និងគណនេយ្យភាពរបស់រដ្ឋបាលថ្នាក់ក្រោមជាតិ និងការគាំទ្រការអនុវត្តគោលនយោបាយនៅថ្នាក់ជាតិ ដើម្បីលើកកម្ពស់ការផ្តល់សេវាសាធារណៈ និងការអភិវឌ្ឍមូលដ្ឋាន ឆ្លើយតបទៅនឹងតម្រូវការជាអាទិភាពនានានៅតាមមូលដ្ឋាន ដែលផ្តល់ផលប្រយោជន៍ដល់ជីវភាពរស់នៅប្រចាំថ្ងៃរបស់ប្រជាពលរដ្ឋ ស្របទៅតាមគោលបំណង និងគោលដៅរបស់កម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២ ដោយបានជ្រើសរើសក្រុងគោលដៅចំនួនបីរួមមាន ក្រុងសៀមរាប ក្រុងកំពង់ចាម ក្រុងបានលុង និងអង្គការដៃគូមួយចំនួនទៀត។

ពិធីបុណ្យកាន់បិណ្ឌ វេនទី១០ ប្រគេនទេយ្យទានដល់ព្រះសង្ឃ នៅវត្តរាជបូណ៌ព្រឹកថ្ងៃពុធ ១០រោច ខែភទ្របទ ឆ្នាំម្សាញ់ សប្តស័ក ព.ស. ២...
19/09/2025

ពិធីបុណ្យកាន់បិណ្ឌ វេនទី១០ ប្រគេនទេយ្យទានដល់ព្រះសង្ឃ នៅវត្តរាជបូណ៌

ព្រឹកថ្ងៃពុធ ១០រោច ខែភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៧ ខែកញ្ញា ឆ្នាំ២០២៥ លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប មន្ត្រីរដ្ឋបាលក្រុងសៀមរាប ព្រមទាំងសង្កាត់ទាំង១២ បានចូលរួមក្នុងពិធីបុណ្យកាន់បិណ្ឌ វេនទី១០ ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ និងជាប្រធានក្រុមការងារថ្នាក់ជាតិចុះមូលដ្ឋានក្រុងសៀមរាប និងលោកជំទាវ នៅវត្តរាជបូណ៌ ដោយបានវេរប្រគេននូវទ័យវត្ថុ និង គ្រឿងឧបភោគ បរិភោគ ព្រមទាំងបច្ច័យដល់ព្រះសង្ឃ។

បុណ្យភ្ជំបិណ្ឌ គឺជាបុណ្យដែលត្រូវបានប្រារព្ធឡើងតាមរដូវកាលកំណត់ ជាបុណ្យដែលអនុលោមតាមពុទ្ធប្បញ្ញត្តិផង និងពុទ្ធានុញ្ញាតិផង កប់ជ្រៅក្នុងជំនឿនៃពុទ្ធបរិស័ទ ព្រមទាំងបានក្លាយជាប្រពៃណីទំនៀមទំលាប់របស់ប្រជាពលរដ្ឋខ្មែរ គោរពប្រតិបត្តិតាំងពីដូនតាតរៀងមក ។

អបអរសាទរខួប២ឆ្នាំនៃការដាក់បញ្ចូល «រមណីយដ្ឋានប្រាសាទកោះកេរ» ក្នុងបញ្ជីបេតិកភណ្ឌវប្បធម៌ពិភពលោកនៅថ្ងៃទី១៧ ខែកញ្ញា ឆ្នាំ២០២៥...
17/09/2025

អបអរសាទរខួប២ឆ្នាំនៃការដាក់បញ្ចូល «រមណីយដ្ឋានប្រាសាទកោះកេរ» ក្នុងបញ្ជីបេតិកភណ្ឌវប្បធម៌ពិភពលោក

នៅថ្ងៃទី១៧ ខែកញ្ញា ឆ្នាំ២០២៥នេះ ជាខួប២ឆ្នាំ (១៧ កញ្ញា ២០២៣-១៧ កញ្ញា ២០២៥) នៃការដាក់បញ្ចូលតំបន់ «រមណីយដ្ឋានប្រាសាទកោះកេរ» ក្នុងបញ្ជីបេតិកភណ្ឌវប្បធម៌ពិភពលោក ។

កិច្ចការពារសម្បត្តិវប្បធម៌ជាតិ ជាភារកិច្ចរបស់យើងគ្រប់ៗគ្នា៕

#សៀមរាបផ្ទះខ្ញុំ​ #អរគុណសន្តិភាព

ពិធីសម្តែងការគួរសម និងពិភាក្សាការងាររវាងក្រុងសៀមរាប និងក្រុងផឹងចូវរសៀលថ្ងៃទី១៥ ខែកញ្ញា ឆ្នាំ២០២៥ លោក នួន ពុទ្ធារ៉ា អភិបា...
16/09/2025

ពិធីសម្តែងការគួរសម និងពិភាក្សាការងាររវាងក្រុងសៀមរាប និងក្រុងផឹងចូវ

រសៀលថ្ងៃទី១៥ ខែកញ្ញា ឆ្នាំ២០២៥ លោក នួន ពុទ្ធារ៉ា អភិបាលក្រុងសៀមរាប អមដំណើរដោយ លោកអភិបាលរងក្រុង ថ្នាក់ដឹកនាំការិយាល័យ បានជួបសម្តែងការគួរសម និងពិភាក្សាការងារ ជាមួយក្រុងផឹងចូវ ដឹកនាំដោយ លោក លាវ ទុន អគ្គលេខាធិការបក្សក្រុងផឹងចូវ និង ជាអគ្គលេខាធិការគណៈកម្មាធិការបក្ស នៃតំបន់ឧស្សាហកម្ម ផលិតសម្ភារៈថ្មី នៃសួនឧស្សាហកម្ម ប្រេងឥន្ធនៈ និងគីមីវិទ្យា ព្រមទាំងប្រតិភូ។

លោក នួន ពុទ្ធារ៉ា អភិបាលក្រុង បានមានប្រសាសន៍ថា នេះជាកិច្ចសន្ទនា និងកិច្ចសហប្រតិបត្តិការស៊ីជម្រៅ រវាងក្រុងទាំងពីរ គឺក្រុងសៀមរាប និងក្រុងផឹងចូវ ដែលជាក្រុងមិត្តភាព សហប្រតិបត្តិការ។ ដោយព្រឹត្តិការណ៍នេះដែរ គឺដើម្បីពង្រឹងកិច្ចសហប្រតិបត្តិការ លើវិស័យទេសចរណ៍ និងផ្សព្វផ្សាយធនធានទេសចរណ៍ ព្រមទាំងបេតិកភណ្ឌវប្បធម៌នៃទីក្រុងទាំងពីរ។ ក្នុងឱកាសនេះ លោកក៏បានថ្លែងអំណរគុណចំពោះរាជរដ្ឋាភិបាល និងប្រជាជនចិន ដែលតែងតែផ្ដល់ការគាំទ្រពេញទំហឹងដល់ប្រទេសកម្ពុជា ជាពិសេសក្នុងការអភិវឌ្ឍហេដ្ឋារចនាសម្ព័ន្ធ ដូចជា ផ្លូវ ស្ពាន ការថែទាំប្រាសាទ និងអាកាសយានដ្ឋាន ជាដើម។

លោក លាវ ទុន អគ្គលេខាធិការបក្សក្រុងផឹងចូវ បានថ្លែងអំណរគុណ និងមានភាពកក់ក្តៅចំពោះបដិសណ្ឋារកិច្ច ពិសេសដំណើរទស្សនកិច្ចតំបន់ទេសចរណ៍សំខាន់ៗ ដល់រូបលោក និងប្រតិភូ។ លោកបានមានប្រសាសន៍ថា តំបន់ទេសចរណ៍ក្នុងក្រុងសៀមរាប មានភាពស្រស់ស្អាត ទាក់ទាញ មានសុវត្ថិភាព បានមកម្តងហើយ ចង់មកម្តងទៀត ដែលនេះបញ្ជាក់ពីសក្តានុពលដ៏ខ្លាំងមួយសម្រាប់អ្នកទេសចរណ៍ជនជាតិចិន។ ជាមួយគ្នាដែរ លោកក៏បានអញ្ជើញ លោក នួន ពុទ្ធារ៉ា និងប្រតិភូ ទៅទស្សនកិច្ចការងារ និងស្វែងយល់ពីសក្តានុពលសំខាន់ៗនានា នៅក្រុងផឹងចូវ នាថ្ងៃមុខ។

គួរបញ្ជាក់ដែរថា ក្រុងសៀមរាប និងក្រុងផឹងចូវ បានចុះកិច្ចព្រមព្រៀងមិត្តភាព និងសហប្រតិបត្តិការ ជាមួយគ្នាក្នុងឆ្នាំ២០២២ និងនេះជាលើកដំបូងដែលបានសម្តែងការគួរសម និងពិភាក្សាការងាររវាងថ្នាក់ដឹកនាំនៃក្រុងទាំងពីរដោយផ្ទាល់។

អនុវត្តតាមការណែនាំ ដ៏ខ្ពង់ខ្ពស់ របស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប នៅថ្ងៃទី០៧ ខែកញ្ញា ឆ្នាំ២០២៥នេះ ក...
07/09/2025

អនុវត្តតាមការណែនាំ ដ៏ខ្ពង់ខ្ពស់ របស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប នៅថ្ងៃទី០៧ ខែកញ្ញា ឆ្នាំ២០២៥នេះ ក្រុមការងារ រដ្ឋបាលក្រុងសៀមរាប ដោយមានការចូលរួមពីអាជ្ញាធរភូមិ និងសង្កាត់ជ្រាវ ដឹកនាំផ្ទាល់ដោយ លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប បានចុះពិនិត្យ និងបញ្ជូនគ្រឿងចក្រ ទៅធ្វើការកាយស្តារ ប្រឡាយ និងប្រព័ន្ធលូរំដោះទឹក ចេញពីក្រុងសៀមរាប ក្នុងភូមិសាស្ត្រសង្កាត់ជ្រាវ ដើម្បីបញ្ជៀសការលិចលង់ និងសម្រួលដល់ការ រស់នៅជូនបងប្អូនប្រជាពលរដ្ឋ និងបង្ការហានិភ័យផ្សេងៗផងដែរ ។

បន្ទាប់ពីបានចុះពិនិត្យរដ្ឋបាលក្រុងសៀមរាប គ្រោងនឹងធ្វើការផ្លាស់ប្តូរលូកាត់ផ្លូវ២២ (ផ្លូវសម្តេចសង្ឃ)ក្រោយពីក្រុមការងារ ពិនិត្យឃើញថា លូចាស់ដែលដាក់តាំងពីឆ្នាំ២០០៥ មានមុខកាត់ត្រឹម០,៨០ ម៉ែត្រតូចមិនអាច រំដោះទឹកបានទាន់ពេលវេលា ដោយគ្រោងដាក់លូជ្រុងភ្លោះមានមុខកាត់១.២០ ម៉ែត្រជំនួសវិញ ក្នុងពេលឆាប់ៗនេះ ។

ក្នុងនាមរដ្ឋបាលក្រុងសៀមរាប សូមអំពាវនាវ ដល់បងប្អូនប្រជាពលរដ្ឋកុំបោះសំរាមចោលពាសវាលពាសកាល នាំអោយប៉ះពាល់បរិស្ថាន ក៏ដូចជាការកកស្ទះផ្លូវទឹកហូរចូលតាមប្រពន្ធ័លូ និងប្រឡាយទឹក ជាពិសេចំពោះបងប្អូនប្រជាពលរដ្ឋ ដែលអភិវឌ្ឍន៍ដីធ្លី ឬរៀបចំប្រព័ន្ធលូរំដោះទឹក នៅតាមក្បាលដី ឬកាត់ផ្លូវ សូមគោរព តាមការណែនាំ របស់មន្ទីរជំនាញ និងអាជ្ញាធរពាក់ពន្ធ័ ដើម្បីបញ្ចៀសការខាត់បង់ និងហានិភ័យ ដែលអាចកើតឡើង ដោយសារជំនន់ទឹកភ្លៀង នៅក្នុងភូមិដ្ឋានយើង ។

Address

ភូមិកសិកម្ម សង្កាត់ស្រង៉ែ ក្រុងសៀមរាប
Siem Reap

Opening Hours

Monday 07:00 - 17:00
Tuesday 07:00 - 17:00
Wednesday 07:00 - 17:00
Thursday 07:00 - 17:00
Friday 07:00 - 17:00

Website

Alerts

Be the first to know and let us send you an email when រដ្ឋបាលក្រុងសៀមរាប / Siem Reap Municipality posts news and promotions. Your email address will not be used for any other purpose, and you can unsubscribe at any time.

Shortcuts

Share

Category