Hout Sothy -ហួត សុធី

31/08/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញទទួលជួបសំណេះសំណាល សម្តែងការគួរសម និងពិភាក្សាការងារជាមួយ អង្គការម៉ារីសុី ពន្លឺនៃសេរីភាព (MARICI Down Freedom)

សៀមរាប ៖ នៅរសៀលថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំសហការី ទទួលជួបសំណេះសំណាល សម្តែងការគួរសម និងពិភាក្សាការងារជាមួយ ក្រុមការងារ អង្គការម៉ារីសុី ពន្លឺនៃសេរីភាព (MARICI Down Freedom) ដើម្បីស្វែងរកមតិគាំទ្រកិច្ចសហការ ក្នុងការអនុវត្តគម្រោងគាំពារជនរងគ្រោះ ការជួយគាំទ្រទៅដល់ស្រ្តី និងកុមារឱ្យចៀសផុតពីអំពើជួញដូរ រំលោភបំពានគ្រប់ទំរង់៕

31/08/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកិច្ចប្រជុំត្រួតពិនិត្យការងារដឹកនាំបញ្ជា កម្លាំងការពារល្បាតត្រួតពិនិត្យ និងកម្លាំងត្រៀមអន្តរាគមន៍ ដោយផ្តោតជាពិសេសលើការងារការពារសន្តិសុខ សណ្ដាប់ធ្នាប់ និងសុវត្ថិភាពសង្គមនៅពេលយប់

សៀមរាប ៖ នៅព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំកិច្ចប្រជុំត្រួតពិនិត្យការងារដឹកនាំបញ្ជា កម្លាំងការពារល្បាតត្រួតពិនិត្យ និងកម្លាំងត្រៀមអន្តរាគមន៍ ដោយផ្តោតជាពិសេសលើការងារការពារសន្តិសុខ សណ្ដាប់ធ្នាប់ និងសុវត្ថិភាពសង្គមនៅពេលយប់ ព្រមទាំងលើកទិសដៅអនុវត្តការងារបន្ត។ ដោយបានការអញ្ជើញចូលរួមពី លោកស្នងការរង លោកនាយ-នាយរងការិយាល័យជំនាញ លោកអធិការនគរបាលក្រុងសៀមរាប លោកនាយប៉ុស្តិ៍នគរបាលរដ្ឋបាលទាំង១២សង្កាត់ ក្នុងក្រុងសៀមរាប និងមន្រ្តីដែលពាក់ព័ន្ធជាច្រើនរូបផងដែរ។

ក្នុងកិច្ចប្រជុំនេះ លោកឧត្តមសេនីយ៍ទោ ស្នងការ បានត្រួតពិនិត្យ និងវាយតម្លៃលើស្ថានភាពការងារដឹកនាំបញ្ជា ការបែងចែក និងប្រើប្រាស់កម្លាំងតាមគោលដៅសំខាន់ៗ ការល្បាតត្រួតពិនិត្យតាមភូមិសាស្ត្រដែលមានហានិភ័យ និងការត្រៀមកម្លាំងសម្រាប់អន្តរាគមន៍ឱ្យបានទាន់ពេលវេលា នៅពេលមានហេតុការណ៍កើតឡើង។ ជាមួយគ្នានេះ លោកឧត្តមសេនីយ៍ទោ ស្នងការ បានណែនាំដល់គ្រប់ផ្នែកជំនាញ អធិការដ្ឋាននគរបាលក្រុង និងប៉ុស្តិ៍នគរបាលរដ្ឋបាលទាំងអស់ ត្រូវបង្កើនការយកចិត្តទុកដាក់លើការងារល្បាត ពិសេសនៅពេលយប់ ដោយរៀបចំកម្លាំង និងមធ្យោបាយឱ្យសមស្របទៅតាមស្ថានភាពជាក់ស្តែង ពង្រឹងការត្រួតពិនិត្យទីតាំងសំខាន់ៗ តំបន់សាធារណៈ តំបន់ទេសចរណ៍ និងតំបន់ដែលអាចកើតមានបទល្មើស ដើម្បីបង្ការ ទប់ស្កាត់ និងឆ្លើយតបចំពោះហេតុការណ៍នានាប្រកបដោយប្រសិទ្ធភាព។

ក្នុងនោះដែរ លោកឧត្តមសេនីយ៍ទោ ស្នងការ បានដាក់ចេញនូវទិសដៅ និងប្រគល់ភារកិច្ចជាក់លាក់ដល់ថ្នាក់ដឹកនាំ និងកម្លាំងពាក់ព័ន្ធ ឱ្យបន្តអនុវត្តការងារដោយម៉ឺងម៉ាត់ ប្រសិទ្ធភាព និងមានការសហការគ្នាជិតស្និទ្ធ ដើម្បីបង្កើនប្រសិទ្ធភាពក្នុងការបង្ការ ទប់ស្កាត់បទល្មើស និងរក្សាសន្តិសុខ សណ្ដាប់ធ្នាប់ សុវត្ថិភាពសង្គមក្នុងភូមិសាស្ត្រខេត្តសៀមរាបឱ្យបានល្អប្រសើរជាប្រចាំ៕

31/08/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារប្រយុទ្ធប្រឆាំងគ្រឿងញៀន និងលើកទិសដៅអនុវត្តបន្ត

សៀមរាប ៖ នៅព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោក ឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារប្រយុទ្ធប្រឆាំងគ្រឿងញៀន និងលើកទិសដៅអនុវត្តបន្ត របស់ស្នងការដ្ឋាននគរបាលខេត្តសៀមរាប។ ដោយបានការចូលរួមពី លោកស្នងការរង លោកនាយ- នាយរងការិយាល័យ លោកអធិការរងនគរបាលក្រុង-ស្រុក និងលោក-លោកស្រីនាយ-នាយរងផ្នែកទទួលការងារប្រឆាំងគ្រឿងញៀនជាច្រើនរូប ដើម្បីរួមគ្នាពិនិត្យ និងវាយតម្លៃលើលទ្ធផលការងារដែលបានអនុវត្តកន្លងមក ព្រមទាំងពិភាក្សាអំពីបញ្ហាប្រឈម និងចំណុចខ្វះខាតនានា ដើម្បីស្វែងរកដំណោះស្រាយឱ្យការងារប្រយុទ្ធប្រឆាំងគ្រឿងញៀនកាន់តែមានប្រសិទ្ធភាព។

ជាមួយគ្នានេះ លោកឧត្តមសេនីយ៍ទោ ស្នងការ បានណែនាំឱ្យកម្លាំងនគរបាលជំនាញទាំងអស់ បន្តពង្រឹងការងារស្រាវជ្រាវ ស៊ើបអង្កេត បង្ក្រាប និងទប់ស្កាត់បទល្មើសពាក់ព័ន្ធនឹងគ្រឿងញៀន ជាពិសេសការជួញដូរ ចែកចាយ និងរក្សាទុកដោយខុសច្បាប់ ព្រមទាំងយកចិត្តទុកដាក់លើការស្រាវជ្រាវរកមុខសញ្ញាសកម្ម និងបណ្តាញពាក់ព័ន្ធ ដើម្បីចាត់វិធានការតាមផ្លូវច្បាប់ឱ្យបានម៉ឺងម៉ាត់។

ក្នុងឱកាសនោះ លោកឧត្តមសេនីយ៍ទោ ស្នងការ បានដាក់ចេញនូវទិសដៅ និងវិធានការសំខាន់ៗ សម្រាប់អនុវត្តបន្ត ដោយតម្រូវឱ្យកម្លាំងជំនាញពាក់ព័ន្ធ ត្រូវបន្តខិតខំប្រឹងប្រែងអនុវត្តភារកិច្ចប្រកបដោយស្មារតីទទួលខុសត្រូវ និងប្រសិទ្ធភាពខ្ពស់ សំដៅចូលរួមកាត់បន្ថយ និងទប់ស្កាត់បញ្ហាគ្រឿងញៀននៅក្នុងមូលដ្ឋានខេត្តសៀមរាប និងបានសង្កត់ធ្ងន់លើការពង្រឹងកិច្ចសហការរវាងកម្លាំងនគរបាលជំនាញ ជាមួយអាជ្ញាធរមូលដ្ឋាន និងស្ថាប័នពាក់ព័ន្ធ ក្នុងការផ្សព្វផ្សាយ អប់រំ និងបង្កើនការយល់ដឹងរបស់ប្រជាពលរដ្ឋ ជាពិសេសយុវជន និងសិស្សានុសិស្ស អំពីផលប៉ះពាល់ និងគ្រោះថ្នាក់នៃគ្រឿងញៀន ព្រមទាំងលើកទឹកចិត្តឱ្យប្រជាពលរដ្ឋចូលរួមផ្តល់ព័ត៌មានអំពីបទល្មើសគ្រឿងញៀន ដើម្បីរួមគ្នារក្សាសន្តិសុខ សុវត្ថិភាព និងសណ្តាប់ធ្នាប់សង្គម។ ជាចុងក្រោយ លោកឧត្តមសេនីយ៍ទោ ស្នងការ បានប្រគល់នូវឧបករណ៍ តេស្តស្វែងរកសារធាតុញៀន ជូនដល់កម្លាំងជំនាញ ដើម្បីយកទៅប្រើប្រាស់ក្នុងការអនុវត្តវិធានការត្រួតពិនិត្យ និងស្វែងរកសារធាតុញៀននៅតាមមូលដ្ឋាន សំដៅចូលរួមបង្ការ ទប់ស្កាត់ និងប្រយុទ្ធប្រឆាំងបទល្មើសគ្រឿងញៀនឱ្យកាន់តែមានប្រសិទ្ធភាព៕

31/08/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកងកម្លាំង គោរពទង់ជាតិ នៃព្រះរាជាណាចក្រកម្ពុជា

សៀមរាប ៖ នៅព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ វេលាម៉ោង ០៧:០០នាទី ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញដឹកនាំកងកម្លាំងប្រជុំជួរ និងគោរពទង់ជាតិ នៃព្រះរាជាណាចក្រកម្ពុជា ដោយបានការអញ្ជើញចូលរួមពី លោក-លោកស្រី ស្នងការរង លោកនាយ-នាយរងការិយាល័យ នាយ-នាយរងផ្នែក និងមន្រ្តីជាច្រើនរូបផងដែរ៕

29/08/2026

29/08/2026

29/08/2026

28/08/2026

លោកឧត្ដមសេនីយ៍ទោ ហួត សុធី ស្នងការនគរបាលខេត្ត អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី

សៀមរាប ៖ នៅព្រឹកថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែសីហា ឆ្នាំ២០២៦ នៅសាលប្រជុំរដ្ឋបាលខេត្ត ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប បានអញ្ជើញចូលរួមជាមួយ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និង ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត ក្នុងកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធបញ្ជូនរូបភាព និងសំលេង (Zoom) ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

27/08/2026

27/08/2026

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការ រក្សាសន្តិសុខ សណ្ដាប់ធ្នាប់សាធារណៈ សុវត្ថិភាពសង្គម ប្រចាំខែសីហា ប្រចាំ៩ខែដើមឆ្នាំ២០២៦ និងលើកទិសដៅការងារបន្ត របស់ស្នងការដ្ឋាននគរបាលខេត្តសៀមរាប

សៀមរាប ៖ នៅព្រឹកថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ វេលាម៉ោង ០៨:០០នាទី នៅសាលប្រជុំស្នងការដ្ឋាននគរបាលខេត្ត ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប បានអញ្ជើញដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការ រក្សាសន្តិសុខ សណ្ដាប់ធ្នាប់សាធារណៈ សុវត្ថិភាពសង្គម ប្រចាំខែសីហា ប្រចាំ៩ខែដើមឆ្នាំ២០២៦ និងលើកទិសដៅការងារបន្ត របស់ស្នងការដ្ឋាននគរបាលខេត្តសៀមរាប។ ដោយបានការអញ្ជើញចូលរួមពី លោក-លោកស្រីស្នងការរងទាំងអស់ អង្គភាពនគរបាលការពារបេតិកភណ្ឌ អង្គភាពនគរបាលទេសចរណ៍ លោកនាយការិយាល័យទាំង៣៣ លោកអធិការនគរបាលក្រុង-ស្រុកទាំង១៣ ប្រធានមជ្ឈមណ្ឌលស្តារនីតិសម្បទា អ្នកញៀនគ្រឿងញៀន លោក-លោកស្រីអធិការរង ទទួលផែនការងារសេនាធិការ លោកនាយប៉ុស្តិ៍នគរបាលរដ្ឋបាលទាំង១០០ និងលោកនាយប៉ុស្តិ៍គោលដៅការពារបេតិកភណ្ឌទាំង៦ ផងដែរ។

លោកឧត្តមសេនីយ៍ទោ ស្នងការ បានធ្វើការបូកសរុប វាយតម្លៃ និងពិនិត្យលទ្ធផលការងារដែលសម្រេចបានក្នុងការអនុវត្តភារកិច្ចរក្សាសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម ក្នុងរយៈពេលកន្លងមក ព្រមទាំងលើកឡើងពីបញ្ហាប្រឈម និងចំណុចខ្វះខាតមួយចំនួន ដើម្បីធ្វើការកែលម្អ និងបង្កើនប្រសិទ្ធភាពការងារឱ្យកាន់តែប្រសើរឡើង។ ជាមួយគ្នានេះ លោកឧត្តមសេនីយ៍ទោ ស្នងការ បានដាក់ចេញនូវទិសដៅ និងវិធានការសំខាន់ៗ សម្រាប់អនុវត្តបន្ត ដោយផ្តោតលើការពង្រឹងការងារសន្តិសុខ ការរក្សាសណ្ដាប់ធ្នាប់សាធារណៈ ការបង្ការ និងបង្ក្រាបបទល្មើសគ្រប់ប្រភេទ ការពង្រឹងសុវត្ថិភាពចរាចរណ៍ ការប្រយុទ្ធប្រឆាំងគ្រឿងញៀន បទល្មើសរំលោភសេពសន្ថវៈ និងបទល្មើសពាក់ព័ន្ធ ព្រមទាំងការបង្កើនការចុះមូលដ្ឋាន ដើម្បីបម្រើ និងការពារសុវត្ថិភាពជូនប្រជាពលរដ្ឋឱ្យបានកាន់តែមានប្រសិទ្ធភាព។ បន្ថែមលើនោះផងដែរ លោកឧត្តមសេនីយ៍ទោ ស្នងការ ក៏បានណែនាំដល់ថ្នាក់ដឹកនាំ និងមន្ត្រីនគរបាលគ្រប់អង្គភាពជំនាញ និងអធិការដ្ឋាននគរបាលក្រុង-ស្រុក ត្រូវបន្តពង្រឹងស្មារតីទទួលខុសត្រូវ គោរពវិន័យ ក្រមសីលធម៌វិជ្ជាជីវៈ និងអនុវត្តតួនាទីភារកិច្ចដោយម៉ឺងម៉ាត់ ប្រកបដោយប្រសិទ្ធភាព និងតម្លាភាព ដើម្បីធានាបាននូវសន្តិសុខ សណ្ដាប់ធ្នាប់ និងសុវត្ថិភាពសង្គម ជូនប្រជាពលរដ្ឋ និងភ្ញៀវទេសចរនៅក្នុងខេត្តសៀមរាប៕