គណបក្សមូលដ្ឋានមន្ទីរសាធារណការ និងដឹកជញ្ជូនខេត្តសៀមរាប

12/09/2026

12/09/2026

ពិធីសំណេះសំណាលជាមួយសមាជិក សមាជិកា គណៈកម្មាធិការគណបក្សសង្កាត់ស្វាយដង្គំ និងក្រុមការងារចុះមូលដ្ឋានសង្កាត់ស្វាយដង្គំ ក្រុងសៀមរាប

នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅស្នាក់ការគណបក្សសង្កាត់ស្វាយដង្គំ បានរៀបចំពិធីសំណេះសំណាលជាមួយសមាជិក សមាជិកា គណៈកម្មាធិការគណបក្សសង្កាត់ស្វាយដង្គំ និងក្រុមការងារចុះមូលដ្ឋានសង្កាត់ស្វាយដង្គំ ក្រុងសៀមរាប ខេត្តសៀមរាប ក្រោមអធិបតីភាពដ៏ខ្ពង់ខ្ពស់ ឯកឧត្តម នូ ផល្លា អ្នកតំណាងរាស្ត្រមណ្ឌលខេត្តសៀមរាប និងមានការចូលរួមពី៖
-លោក លឿម រស្មី ប្រធានក្រុមការងារខេត្តចុះជួយសង្កាត់ស្វាយដង្គំ
-ឯកឧត្តម អ៊ែល សៀត សមាជិកក្រុមប្រឹក្សាខេត្ត
-លោក ស៊ុន ចំណាន ប្រធានក្រុមការងារយុវជនខេត្តចុះជួយក្រុងសៀមរាប
-លោក ហ៊ា ហាវ ប្រធានគណបក្សសង្កាត់ស្វាយដង្គំ
-លោក ខុង សារ៉េន តំណាងគណបក្សក្រុងសៀមរាប
-លោក លោកស្រី អនុប្រធាន សមាជិក សមាជិកា ក្រុមការងារចុះជួយសង្កាត់
-លោក លោកស្រី ប្រធាន អនុប្រធាន សាខាបក្សភូមិទាំង១៤
-លោក លោកស្រី ប្រធាន អនុប្រធាន សមាជិក សមាជិកា ក្រុមការងារខេត្តចុះជួយភូមិទាំង១៤
សរុបចំនួន ១០៥នាក់ ស្រី២៨នាក់

ជាការគូសបញ្ជាក់នៅក្នុងពិធីសំណេះសំណាល ឯកឧត្តមអ្នកតំណាងរាស្ត្របានសម្ដែងនូវការសាទរចំពោះសមទ្ធិផលសម្រេចបាននានា ដែលគណបក្សសង្កាត់ និងក្រុមការងារចុះជួយសង្កាត់ និងអ្នកពាក់ព័ន្ធ រួមសហការគ្នាអនុវត្តនាពេលកន្លងមក ដើម្បីនាំជោគជ័យត្រចះត្រចង់ជូនគណបក្ស។ និងបានណែនាំឱ្យបន្តសកម្មភាពការងារគណបក្សឱ្យសកម្មបន្ថែមទៀត សំដៅរកការគាំទ្រពីប្រជាពលរដ្ឋក្នុងមូលដ្ឋាន ដើម្បីមានប្រៀបឈ្នះក្នុងការបោះឆ្នោតក្រុមប្រឹក្សាឃុំ/សង្កាត់ ឆ្នាំ២០២៧នាពេលខាងមុខ។

នៅចុងបញ្ចប់នៃពិធីសំណេះសំណាល ឯកឧត្តមអ្នកតំណាងរាស្ត្រក៏ផ្ដាំផ្ញើដល់សមាជិក សមាជិកាគណបក្សសង្កាត់ទាំងអស់ ត្រូវរួមសហការជាធ្លុងមួយ មានសាមគ្គីភាពផ្ទៃក្នុងល្អ និងបានឧបត្ថម្ភថវិកាចំនួន ១ ០០០ ០០០រៀល ដល់គណបក្សសង្កាត់ផងដែរ។

08/09/2026

ក្រោមការចង្អុលបង្ហាញពីឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងការយកចិត្តទុកដាក់ពីឯកឧត្តម ប្រាក់ សោភ័ណ អភិបាលខេត្ត សៀមរាប បានផ្តល់ផ្លូវថ្មីមួយខ្សែទៀត ក្នុងសង្កាត់ស្វាយដង្គំ ក្រុងសៀមរាប ដើម្បីសម្រួលការធ្វើដំណើរ ក៏ដូចជាបញ្ចៀសការកកស្ទះចរាចរណ៍ប្រចាំថ្ងៃ។

ផលិតដោយ ៖ មន្ទីរព័ត៌មានខេត្តសៀមរាប

03/09/2026

ការធ្វើឱ្យមានភាពបៃតងនៅតាមមាត់ស្ទឹងសៀមរាប (Riverside Greenery)"

សូមបង្ហាញរូបភាព 3D ដែលក្រុមការងាររដ្ឋបាលខេត្តសៀមរាប និងទីភ្នាក់ងារ JICA ព្រមទាំងអង្គភាពពាក់ព័ន្ធ នឹងអនុវត្តគម្រោង សាកល្បង "ការធ្វើឱ្យមានភាពបៃតងនៅតាមមាត់ស្ទឹងសៀមរាប (Riverside Greenery)" នៅមាត់ស្ទឹងសៀមរាប

គម្រោងនេះ បង្កើនភាពទាក់ទាញនៅតាមដងស្ទឹង ដោយធ្វើឱ្យតំបន់នេះមានភាពបៃតង ដោយមានការតុបតែងសួន ដាំរុក្ខជាតិបន្ថែម រៀបចំប្រព័ន្ធភ្លើងលម្អ​ ការបំពាក់បច្ចេកវិទ្យាឌីជីថល មានទីតាំងសម្រាប់ថតរូបលេងកម្សាន្ត និងទីតាំងអង្គុយលេងផងដែរ។

សូមបញ្ជាក់ផងដែរថា គម្រោងនេះនឹងរៀបចំពីគល់ស្ពានព្រះរាជដំណាក់ ទៅផ្នែកខាងត្បូងប្រវែងមួយរយម៉ែត្រ។

03/09/2026

ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ​ចុះពិនិត្យផ្លូវត្រៀមកសាងថ្មីចំនួនពីរខ្សែក្នុងក្រុងសៀមរាប​។

លោក នួន ពុទ្ធារ៉ា អភិបាលក្រុង បានអមដំណើរឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ​ អញ្ញ្ជើញចុះពិនិត្យផ្លូវត្រៀមកសាងថ្មីចំនួនពីរខ្សែក្នុងក្រុងសៀមរាប​ ក្នុងការជួយសម្រួលដល់ការធ្វើដំណើររបស់ប្រជាពលរដ្ឋ។

27/08/2026

គណបក្សមូលដ្ឋានមន្ទីរសាធារណការ និងដឹកជញ្ជូនខេត្តសៀមរាប រៀបចំកិច្ចប្រជុំជីវភាពប្រចាំខែ និងដាក់ផែនការអនុវត្តបន្តដល់សមាជិក សមាជិកា របស់ខ្លួន។

នាល្ងាចថ្ងៃទី២៧ ខែសីហា ឆ្នាំ២០២៩ លោក លឿម រស្មី ប្រធានគណៈកម្មាធិការគណបក្សមូលដ្ឋានមន្ទីរសាធារណការ និងដឹកជញ្ជូនខេត្តសៀ០មរាប និងជាប្រធានក្រុមការងារចុះជួយសង្កាត់ស្វាយដង្គំ ក្រុងសៀមរាប និងជាប្រធានក្រុមការងារចុះជួយឃុំកៀនសង្កែ ស្រុកសូទ្រនិគម បានដឹកនាំកិច្ចប្រជុំជីវភាពប្រចាំខែលើរបៀបវារៈ៖
-ផ្សព្វផ្សាយឯកសារជំនួយស្មារតីនៃសភាពការណ៍ខែមិថុនា-កក្កដា និងទិសដៅការងារឃោសនាអប់រំបន្ត
-ពិនិត្យវឌ្ឍនភាពនៃការកសាងសមាជិកបក្ស គ្រួសារបក្ស និងក្រុមបក្ស ក្នុងភូមិទាំង១៤នៃសង្កាត់ស្វាយដង្គំ
-ការងារចងក្រងសមាជិកបក្ស និងការបោះឆ្នោតស្ទាបស្ទង់ នៅឃុំកៀនសង្កែ
-ដាក់ផែនការអនុវត្តបន្តដើម្បីត្រៀមខ្លួនក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០២៧ខាងមុខ

កិច្ចប្រជុំនេះមានការចូលរួមពី លោក លោកស្រី អនុប្រធានគណបក្សមូលដ្ឋានមន្ទីរ និងប្រធានសាខាបក្សចំណុះ ព្រមទាំង លោក លោកស្រី ជាប្រធានក្រុមការងារចុះជួយភូមិទាំង១៤ក្នុងសង្កាត់ស្វាយដង្គំ និង លោក លោកស្រី ជាក្រុមការងារចុះជួយឃុំកៀនសង្កែផងដែរ។

07/08/2026

06/06/2026

ពិធីប្រកាសសេចក្ដីសម្រេចស្ដីពីការកែសម្រួល និងតែងតាំងបន្ថែមសមាជិកក្រុមការងារចុះតាមបណ្ដាភូមិទាំង១៤ ក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប

នាព្រឹកថ្ងៃសៅរ៍ ទី៦ ខែមិថុនា ឆ្នាំ២០២៦ នៅស្នាក់ការគណបក្សសង្កាត់ស្វាយដង្គំ បានរៀបចំពិធីប្រកាសសេចក្ដីសម្រេចស្ដីពីការកែសម្រួល និងតែងតាំងបន្ថែមសមាជិកក្រុមការងារចុះតាមបណ្ដាភូមិទាំង១៤ ក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប ក្រោមអធិបតីភាព៖
-លោក លឿម រស្មី ប្រធានក្រុមការងារខេត្តចុះជួយសង្កាត់ស្វាយដង្គំ
-លោក អៀង មករា ប្រធានក្រុមការងារយុវជនចុះជួយសង្កាត់ស្វាយដង្គំ
-លោក រាំង សារិទ្ធ ប្រធានស្នាក់ការគណបក្សសង្កាត់
និងមានការចូលរួមពី៖
-លោកអនុប្រធានក្រុមការងារខេត្តចុះជួយសង្កាត់
-លោក លោកស្រី សមាជិក សមាជិកា ក្រុមការងារយុវជនចុះជួយសង្កាត់
-លោក លោកស្រី ប្រធាន អនុប្រធាន សាខាបក្សភូមិទាំង១៤
-លោក លោកស្រី ប្រធាន អនុប្រធាន សមាជិក សមាជិកា ក្រុមការងារខេត្តចុះជួយភូមិទាំង១៤
សរុបចំនួន ១៤៨នាក់ ស្រី៤៣នាក់

ជាការគូសបញ្ជាក់នៅក្នុងពិធីប្រកាស លោកប្រធានក្រុមការងារបានណែនាំដល់ក្រុមការងារគ្រប់ភូមិដែលទើបកែសម្រួល និងតែងតាំងទាំងអស់ ត្រូវខិតខំអនុវត្តតួនាទីភារកិច្ចឱ្យបានជោគជ័យជូនគណបក្ស។

នៅចុងបញ្ចប់ពិធីប្រកាស លោកប្រធានក្រុមការងារក៏បាននាំយកនូវសម្ភារៈមួយចំនួនមកឧបត្ថម្ភជូនគណបក្សសង្កាត់រួមមាន៖ ឧបករណ៍បំពងសំឡេង(speaker)ចំនួន២គ្រឿង, កុំព្យូទ័រលើតុចំនួន១គ្រឿង, ម៉ាស៊ីនព្រីនធ័រចំនួន១គ្រឿង ផងដែរ។

02/06/2026

នារសៀលថ្ងៃទី២ ខែមិថុនា ឆ្នាំ២០២៦ លោក លឿម រស្មី ប្រធានគណៈកម្មាធិការគណបក្សមូលដ្ឋានមន្ទីរសាធារណការ និងដឹកជញ្ជូនខេត្តសៀមរាប បានដឹកនាំកិច្ចប្រជុំជីវភាពប្រចាំខែឧសភា ឆ្នាំ២០២៦ និងលើកទិសដៅបន្ត របស់គណបក្សមូលដ្ឋានមន្ទីរសក.សរ ដោយមានការអញ្ជើញចូលរួមពីលោក អនុប្រធាន គណៈកម្មាធិការគណបក្សមូលដ្ឋាន និងលោក លោកស្រី ជាប្រធាន អនុប្រធាន និងសមាជិក សាខាបក្សទាំង៧។

23/05/2026

នាព្រឹកថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ លោក លឿម រស្មី អនុប្រធានក្រុមការងារគណបក្សចុះមូលដ្ឋានស្រុក និងជាប្រធានក្រុមការងារគណបក្សចុះមូលដ្ឋានឃុំកៀនសង្កែ បានអញ្ចើញចូលរួមជាគណៈអធិបតី ក្នុងពិធីផ្សព្វផ្សាយសេចក្តីសម្រេចស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៦ ឆ្នាំ២០២៧ ក្រោមអធិបតីភាពឯកឧត្តមបណ្ឌិត សឹង សំណាង សមាជិកគណៈអចិន្ត្រៃយ៍គណៈកម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តសៀមរាប ប្រធានក្រុមការងារគណបក្សចុះជួយមូលដ្ឋានស្រុកសូទ្រនិគម ។

#គណបក្សប្រជាជនកម្ពុជា
#គណបក្សប្រជាជនកម្ពុជាស្រុកសូទ្រនិគម
#អរគុណសន្តិភាព