គម្រោងលាភខេត្តសៀមរាប/Leap

02/09/2025

កិច្ចប្រជុំក្រុមការងារបន្តនិរន្តរភាពការងារ របស់គម្រោងលើកកម្ពស់ជីវភាព ប្រជាជនក្រីក្រ ហៅកាត់ថា"លាភ"

រសៀលថ្ងៃទី២ ខែកញ្ញា ឆ្នាំ២០២៥ លោក សុខ ថុល អភិបាលរងខេត្ត និងជាប្រធានគម្រោងលើកកម្ពស់ជីវីភាពប្រជាជនក្រីក្រថ្នាក់ខេត្ត បានអញ្ជេីញជាអធិបតីភាពក្នុងកិច្ចប្រជុំក្រុមការងារបន្តនិរន្តរភាពការងារ របស់គម្រោងលើកកម្ពស់ជីវភាព ប្រជាជនក្រីក្រ ហៅកាត់ថា"លាភ" ដោយមានការអញ្ជើញចូលរួមពីលោក ប្រធានផ្នែក លោក លោកស្រីអភិបាលរងក្រុង ស្រុក ទទួលបន្ទុកគម្រោង និងមន្ត្រីគម្រោងផងដែរ។

កិច្ចប្រជុំនេះដែរ លោកប្រធានអង្គប្រជុំបានណែនាំ ឱ្យក្រុមការងារទាំងអស់ ទាំងក្រុមការងារ ខេត្ត និងក្រុមការងារក្រុង- ស្រុក ជំរុញធ្វេីយ៉ាងណាឱ្យគម្រោងនេះនៅតែបន្តនិរន្តភាពការងារទៅមុខបន្តទៀត ហេីយត្រូវចុះត្រួតពិនិត្យមេីលឡេីងវិញនូវរាល់បញ្ហាក្រុមជួយខ្លួនឯងមួយចំនួនដែលបានរំសាយ តេីក្រុមទាំងនោះបានដកថវិកាបានត្រឹមត្រូវតាមបទបញ្ជាដែលចែងរបស់គម្រោងលាភ។ លោកប្រធានគម្រោងក៏បានឱ្យក្រុមការងារធ្វេីផែនការបន្ត និងមានជារបាយការណ៍មកក្រុមការងារខេត្ត ដេីម្បីឱ្យក្រុមការងារខេត្តចុះពង្រឹងបន្ថែមទៀត ។

25/07/2025

14/03/2025

«អង្គរសង្រ្កាន្តរង់ចាំស្វាគមន៍លោកអ្នកនៅលើទឹកដីអង្គរជាមួយស្នាមញញឹមសាទរទទួលអំណរសង្រ្កាន្តឆ្នាំថ្មី»

ជួបគ្នា! ថ្ងៃទី១៤ ដល់ទី១៦ ខែមេសា ឆ្នាំ២០២៥ខាងមុខនេះ!

15/11/2024

សូមគោរពអញ្ជេីញបងប្អូនជួយគាំទ្រសមិទ្ធផលរបស់គម្រោងលាភ​ ដែលមានស្តង់លិចស្ទឹងសៀមរាប​

សមិទ្ធផលរបស់គម្រោងលាភត្រូវបានបងប្អូនប្រជាពលដ្ឋជាសមាជិកក្រុមផលិតរបស់គម្រោងបានបន្តផលិត​ និងដាក់លក់នៅតាមបណ្តាបុណ្យជាតិ​ អន្តរជាតិ។ សូមអញ្ជេីញពុកម៉ែបងប្អូនជួយគាំទ្រផលិតខ្មែរ។

12/10/2024

កិច្ចប្រជុំក្រុមការងារបន្តនិរន្តរភាពការងារ របស់គម្រោងលើកកម្ពស់ជីវភាព ប្រជាជនក្រីក្រ ហៅកាត់ថា"លាភ"

រសៀលថ្ងៃទី១១ ខែតុលា ឆ្នាំ២០២៤ លោក សុខ ថុល អភិបាលរងខេត្ត និងជាប្រធានគម្រោងលើកកម្ពស់ជីវីភាពប្រជាជនក្រីក្រថ្នាក់ខេត្ត បានអញ្ជេីញជាអធិបតីភាពក្នុងកិច្ចប្រជុំក្រុមការងារបន្តនិរន្តរភាពការងារ របស់គម្រោងលើកកម្ពស់ជីវភាព ប្រជាជនក្រីក្រ ហៅកាត់ថា"លាភ" ដោយមានការអញ្ជើញចូលរួមពីលោក ប្រធានផ្នែក លោក លោកស្រីអភិបាលរងក្រុង ស្រុក ទទួលបន្ទុកគម្រោង និងមន្ត្រីគម្រោងផងដែរ។

បន្ទាប់ពីបេីកកិច្ចប្រជុំរួច លោក ប្រធានគម្រោងបានឱ្យក្រុង ស្រុក និងឃុំ សង្កាត់ធ្វេីសេចក្តីរាយការណ៍អំពីវឌ្ឍនភាពការងារ និងបញ្ហាប្រឈមដែលជួបប្រទះនៅពេលដែលគម្រោងបានបិទបញ្ចប់។ ក្នុងសេចក្តីរាយការណ៍របស់ក្រុង ស្រុក ឃុំ សង្កាត់ បានលេីកឡេីងនូវបញ្ហាជួបប្រទះក្រុមសន្សំដែលបានរំសាយដោយសារតែប្រធាន និងសមាជិកក្រុមបានចំណាកស្រុកធ្វេីការនៅក្រៅប្រទេស។

កិច្ចប្រជុំនេះដែរ លោកប្រធានអង្គប្រជុំបានណែនាំ ឱ្យក្រុមការងារទាំងអស់ ទាំងក្រុមការងារខេត្ត និងក្រុមការងារក្រុង- ស្រុក ជំរុញធ្វេីយ៉ាងណាឱ្យគម្រោងនេះនៅតែបន្តនិរន្តភាពការងារទៅមុខបន្តទៀត ហេីយត្រូវចុះត្រួតពិនិត្យមេីលឡេីងវិញនូវរាល់បញ្ហាក្រុមជួយខ្លួនឯងមួយចំនួនដែលបានរំសាយ។ លោកប្រធានគម្រោងក៏បានឱ្យក្រុមការងារធ្វេីផែនការបន្ត និងមានជារបាយការណ៍មកក្រុមការងារខេត្ត ដេីម្បីឱ្យក្រុមការងារខេត្តចុះពង្រឹងបន្ថែមទៀត។

14/11/2023

កិច្ចប្រជុំត្រួតពិនិត្យការងារចុះបំពេញបេសកកម្ម​ និងវឌ្ឍនភាពការអនុវត្តគម្រោងលាភ

នាសៀលថ្ងៃទី១០​ ខែវិច្ឆិកា​ ឆ្នាំ២០២៣​ នៅបន្ទប់ប្រជុំធំសាលាខេត្តសៀមរាបលោក​ សុខ​ ថុល​ អភិបាលរងខេត្ត​ និងជាប្រធានគម្រោងលាភថ្នាក់ខេត្តបានអញ្ជេីញចូលរួមកិច្ចប្រជុំត្រួតពិនិត្យការងារចុះបំពេញបេសកកម្ម​ និងវឌ្ឍនភាពការអនុវត្តគម្រោងលាភមុននឹងគម្រោងត្រូវបានបិទបញ្ចប់នាពេលដ៏ខ្លីខាងមុខក្រោមអធិបតីភាពឯកឧត្តម​ ងី​ ច័ន្ទ្រផល​ រដ្ឋលេខាធិការក្រសួងមហាផ្ទៃ​ និងជាប្រធានសម្របសម្រួលគម្រោងថ្នាក់ជាតិ​ និងមានការអញ្ជេីញចូលរួមពីលោក​ Benjamin Burckhart ប្រធានក្រុមការងារធនគារពិភពលោក​ ព្រមទាំងលោក​ លោកស្រីគម្រោងលាភថ្នាក់ជាតិ​ ក្រសួងកសិកម្ម​ រុក្ខាប្រមាញ់​ និងនេសាទ​ សាលារាជធានីភ្នំពេញ​ និងថ្នាក់ដឹកនាំ​ មន្ត្រីគម្រោងលាភថខេត្តសៀមរាប។

បន្ទាប់ពីស្តាប់បទបង្ហាញរបស់តំណាងធនាគារពិភពលោក​ និងការចូលរួមមតិយោបល់របស់ក្រុមការងាររួចមក​ ឯកឧត្តម​ ងី​ ច័ន្ទ្រផល​ បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំគម្រោងលាភគ្រប់លំដាប់ថ្នាក់ដែលបានខិតខំប្រឹងប្រែងយកអស់កម្លាំងកាយ​ ប្រាជ្ញាដែលបានធ្វេីឱ្យការអនុវត្តគម្រោងទទួលបានផ្លែផ្កា​ និងជោគជ័យដ៏ត្រចេះត្រចង់នាពេលនេះ​ ហេីយក៏សូមកោតសរសេីរដល់ថ្នាក់ដឹកនាំ​ និងមន្ត្រីទាំងអស់ដែលបានសហការគ្នាយ៉ាងល្អក្នុងការអនុវត្តតួនាទី​ ភារកិច្ចដែលធ្វេីឱ្យគម្រោងទទួលបានជោគជ័យនាពេលនេះ។ ឯកឧត្តម​ ក៏បានធ្វេីការផ្តាំផ្ញេីដល់មន្ត្រីអនុវត្តគម្រោងទាំងអស់​ថា​ ទោះបីគម្រោងយេីងបានបញ្ចប់​ តែសូមមន្ត្រីគម្រោងយេីងត្រូវបន្តតាមដានរាល់សមិទ្ធផលរបស់គម្រោងដែលបានផ្តល់ដល់ប្រជាពលរដ្ឋ​ ពិសេសបង្កេីនការយកចិត្តទុកដាក់ដល់ក្រុមសន្សំ​ កុំឱ្យគម្រោងចប់​ ក្រុមទាំងនោះត្រូវរំសាយដែរ។​ ម្យ៉ាងទៀត​ សូមណែនាំដល់មេ​ឃុំ​ ចៅសង្កាត់​ និងក្រុមប្រឹក្សាឃុំ​ សង្កាត់ដែលត្រូវទទួលបន្ទុកបន្តពីគម្រោងត្រូវជួុយដល់ក្រុមសន្សំដែលនៅក្នុងដែនសមត្ថកិច្ចរបស់ខ្លួនឱ្យបានល្អជៀងវាងកុំឱ្យមានការរំសាយបន្ទាប់ពីគម្រោងលាភបានបញ្ចប់៕

09/11/2023

លោក​ ប្រធានគម្រោងលាភ បានចុះពិនិត្យបន្លែសុវត្ថិភាពរបស់ក្រុមផលិត នៅសង្កាត់ក្របីរៀល ក្រុងសៀមរាប

នៅរសៀលថ្ងៃទី០៨ ខែវិច្ឆិកា ឆ្នាំ២០២៣​ ឯកឧត្តម សុខ ថុល អភិបាលរងខេត្ត និងជាប្រធានគម្រោងលាភ បានចុះពិនិត្យបន្លែសុវត្ថិភាពរបស់ក្រុមផលិត នៅសង្កាត់ក្របីរៀល ក្រុងសៀមរាប មុននឹងដាក់តាំងបង្ហាញ នៅថ្ងៃសិក្ខាសាលានាពេលខាងមុខ។

សូមបញ្ជាក់ដែរថា​ ប្រជាពលរដ្ឋបានដាំដុះ​បន្លែសុវត្ថិភាព​ គឺត្រូវបានក្រុមការងារបច្ចេកទេសរបស់មន្ទីរកមសិកម្មបានបណ្តុះបណ្តាលអំពីបច្ចេកទេសនៃការដាំដុះ​ ថែទាំដោយប្រេីប្រាស់ជីធម្មជាតិ​៕

03/10/2023

លោក​ ប្រធានគ្រប់គ្រងគម្រោងលាភណែនាំ​ ៦ចំណុចដល់សហគមន៍កសិកម្ម ដេីម្បីសម្រេចគោលដៅ​ និងបន្តនិរន្តភាពរបស់គម្រោង

កាលពីថ្ងៃទី២​ ខែតុលា​ ឆ្នាំ២០២៣​ នៅសាលាឃុំក្លាំងហាយ​ លោក​ សុខ​ ថុល​ អភិបាលរងខេត្ត​ និងជាប្រធានគ្រប់គ្រងគម្រោងលាភថ្នាក់ខេត្ត​ អមដំណេីរដោយ​លោក​ ហ៊ន់ រិទ្ធ​ អភិបាល​ នៃគណៈអភិបាលស្រុក​ លោក សាង គិមសេង​ អភិបាលរងស្រុកទទួលបន្ទុកគម្រោងរួមនឹងមេឃុំ ក្លាំងហាយ ត្រាំសសរ ជ្រោយនាងនួនបានអញ្ជេីញចូលរួមក្នុងពិធីសម្ពោធអគារសហគមន៍កសិកម្ម។

លោក​ ប្រធានគ្រប់គ្រងគម្រោងលាភ គម្រោងបង្កើតឡើង គឺដើម្បីបង្កើនលទ្ធភាពរបស់គ្រួសារក្រីក្រ​ និងងាយរងគ្រោះក្នុងសហគមន៍ ដែលបានជ្រើសរើសក្នុងការទទួលបាននូវសេវាហិរញ្ញវត្ថុ ឱកាសបង្កើនប្រាក់ចំណូល និងអភិវឌ្ឍន៍ហេដ្ឋារចនាសម្ព័ន្ធខ្នាតតូច ព្រមទាំងឆ្លើយតបភ្លាមៗ ក្នុងករណីមានវិបត្តិ ឬ គ្រោះអាសន្នប្រកបដោយប្រសិទ្ធភាព។ លោកបានបន្តថា​ ក្នុងរយៈពេលកន្លងមកនេះ គម្រោងលាភបានអនុវត្តសកម្មភាពការងារដោយទទួលបានសមិទ្ធផលប្រកបដោយជោគជ័យគួរឱ្យកត់សម្គាល់ ស្របតាមគោលនយោបាយរបស់រាជរដ្ឋាភិ បាលកម្ពុជា ជាពិសេសការងារសហគមន៍កសិកម្ម នេះតែម្តង។

លោក​ ប្រធានគ្រប់គ្រងលាភ ដើម្បីចូលរួមលើកកម្ពស់សហគមន៍កសិកម្មឱ្យមានដំណើរការល្អប្រកបដោយប្រសិទ្ធភាព សូមធ្វើការណែនាំដល់សហគមន៍កសិកម្ម ដូចខាងក្រោម៖
១-បង្កើនបរិយាកាសសាមគ្គីភាពផ្ទៃក្នុង ក្នុងជួរថ្នាក់ដឹកនាំនិងថ្នាក់ដឹកនាំ រវាងថ្នាក់ដឹកនាំ និងសមាជិក ដើម្បីបង្កើនភាពស្និតស្នាល បង្កើនទំនុកចិត្តគ្នាទៅវិញទៅមក ដើម្បីផលប្រយោជន៍ រួមរបស់សហគមន៍កសិកម្មទាំងមូល។
២-ត្រូវរៀបចំរបាយការណ៍ប្រចាំឆ្នាំ របាយការណ៍ហិរញ្ញវត្ថុ និងកត់ត្រាបញ្ជីស្នាមផ្សេងៗ ឲ្យបានត្រឹមត្រូវ ដើម្បីបង្ហាញពីភាពស្មោះត្រង់ចំពោះសមាជិក និងដៃគូរសហការផ្សេងទៀត។
៣-ត្រូវចូលរួមជួយផ្សព្វផ្សាយអំពីសារៈប្រយោជន៍សហគមន៍កសិកម្ម ដល់ប្រជាកសិករ ផ្សេងៗ ដើម្បីបង្កើនសមាជិកភាពឱ្យបានកាន់តែច្រើនបន្ថែមទៀត។
៤-ក្រៅពីមុខរបរផ្គត់ផ្គង់ ជីគីមី ថ្នាំកសិកម្ម ចំណីសត្វ សហគមន៍គួរតែគិតពិចារណា បង្កើតមុខរបរបន្ថែម ដូចជាមុខរបរទីផ្សារកសិផល ដែលអាចផ្ដល់ឱកាសឱ្យសមាជិក លក់ផលិតផលរួមគ្នាជាលក្ខណៈប្រមូលផ្តុំ។
៥-ត្រូវចូលរួមថែរក្សាទាំងអស់គា្នចំពោះទ្រព្យសម្បត្តិសហគមន៍កសិកម្ម មានដូចជា អគារ សម្ភារៈការិយាល័យ នឹងសម្ភារផ្សេងទៀត ពីព្រោះជាទ្រព្យសម្បត្តិយើងទាំងអស់គា្ន។ ៦-ត្រូវមានកិច្ចសហការឱ្យបានស្អិតរមួត ជាមួយអង្គភាពពាក់ព័ន្ធ អាជ្ញាធរមូលដ្ឋាន អង្គការដៃគូរអភិវឌ្ឍន៍ ក្នុងការពង្រីកនិងពង្រឹងនូវសមត្ថិភាពខ្លួនឯង ការបំពាក់បំប៉នពីបច្ចេកទេសនានា ដូចជា បច្ចេកទេសកសិកម្ម ការងារគ្រប់គ្រងទូទៅ ការងារហិរញ្ញវត្ថុ ការងារមុខជំនួញ និងជំនាញផ្សេងៗទៀត ដែលអាចជួយបង្កើននូវប្រសិទ្ធភាពល្អប្រសើរក្នុងសហគមន៍កសិកម្ម៕

26/09/2023

កិច្ចប្រជុំ គណៈគ្រប់គ្រងគម្រោង ដើម្បីពិនិត្យពីវឌ្ឍនភាពនៃការអនុវត្តគម្រោង បញ្ហាប្រឈម និងដំណោះស្រាយ

ថ្ងៃទី២៥ ខែកញ្ញា ឆ្នាំ២០២៣ នៅសណ្ឋាគារស្ទឹងសង្កែ ខេត្តបាត់ដំបង លោក​ សុខ​ ថុល​ អភិបាលរងខេត្ត​ និងជាប្រធានគ្រប់គ្រងគម្រោងលាភថ្នាក់ខេត្តបានដឹកនាំក្រុមការងារគម្រោងលាភចូលរួមកិច្ចប្រជុំគណៈគ្រប់គ្រងគម្រោង ដើម្បីពិនិត្យពីវឌ្ឍនភាពនៃការអនុវត្តគម្រោង បញ្ហាប្រឈម និងដំណោះស្រាយនិង ពិភាក្សាលើសកម្មភាពដែលត្រូវអនុវត្តបន្ត មុននឹងគម្រោងត្រូវបានបិទបញ្ចប់នៅចុងខែវិច្ឆិកា ឆ្នាំ២០២៣ ខាង មុខនេះ​ ក្រោមអធិបតីភាពឯកឧត្តម ប្រាក់ សំអឿន រដ្ឋលេខាធិការក្រសួងមហាផ្ទៃ និងជានាយកគម្រោង។

13/09/2023

ពិធីសម្ពោធដាក់ឱ្យប្រើប្រាស់ជាផ្លូវការ អាគារសហគមន៍កសិកម្ម នៅស្រុកស្វាយលេី

ព្រឹកថ្ងៃពុធ ១៣ រោច ខែស្រាពណ៍ ឆ្នាំថោះ បញ្ចស័ក ព.ស២៥៦៣ ត្រូវនឹងថ្ងៃទី១៣ ខែកញ្ញា ឆ្នាំ២០២៣ នៅស្រុកស្វាយលេីបានរៀបចំពិធីសម្ភោធដាក់ឱ្យប្រើប្រាស់ផ្លូវការ អាគារសហគមន៍កសិកម្ម ក្រោមអធិបតីភាពលោក សុខ ថុល អភិបាលរងខេត្ត និងជាប្រធានគម្រោងលើកកម្ពស់ជីវភាពប្រជាជនក្រីក្រ ហៅកាត់ថា "គម្រោងលាភ" ដោយមានការអញ្ជើញចូលរួមពីលោក អភិបាល នៃគណៈអភិបាលស្រុក អាជ្ញាធរពាក់ព័ន្ធ នៃរដ្ឋបាលស្រុកស្វាយលើ និង សូមសម្រាបសួរ លោកតា លោកយាយ អ៊ុំ ពូ មីង បង ប្អូន សមាជិក សមាជិកា សហគមន៍ កសិកម្មមហាលាភស្វាយលើ ដែលបានចូលរួមក្នុងអង្គពិធី។

លោក សុខ ថុល គម្រោងលាភ បង្កើតឡើង គឺដើម្បីបង្កើនលទ្ធភាពរបស់គ្រួសារក្រីក និងងាយរងគ្រោះក្នុងសហគមន៍ ដែលបានជ្រើសរើសក្នុងការទទួលបាននូវសេវាហិរញ្ញវត្ថុ ឱកាសបង្កើនប្រាក់ចំណូល និងអភិវឌ្ឍន៍ហេដ្ឋារចនាសម្ព័ន្ធខ្នាតតូច ព្រមទាំងឆ្លើយតបភ្លាមៗ ក្នុងករណី មានវិបត្តិ ឬ គ្រោះអាសន្នប្រកបដោយប្រសិទ្ធភាព។​ ក្នុងរយៈពេលកន្លងមកនេះ គម្រោងលាភ បានអនុវត្តសកម្មភាពការងារដោយទទួលបាននូវសមិទ្ធផលប្រកបដោយជោគជ័យគួរឱ្យកត់សម្គាល់ ស្របតាមគោលនយោបាយរបស់រាជរដ្ឋាភិ បាលកម្ពុជា ជាពិសេសការងារសហគមន៍កសិកម្មនេះតែម្ដង។

លោកបានបន្តថា​ ដើម្បីចូលរួមលើកកម្ពស់សហគមន៍កសិកម្ម ឱ្យមានដំណើរការល្អប្រកបដោយប្រសិទ្ធភាព ខ្ញុំសូមធ្វើការណែនាំដល់សហគមន៍កសិកម្ម ដូចខាងក្រោម៖
១-បង្កើនបរិយាកាសសាមគ្គីភាពផ្ទៃក្នុង ក្នុងជួរថ្នាក់ដឹកនាំនិងថ្នាក់ដឹកនាំ រវាងថ្នាក់ដឹកនាំ និងសមាជិក ដើម្បីបង្កើនភាពស្និតស្នាល បង្កើនទំនុកចិត្តគ្នាទៅវិញទៅមក ដើម្បីផលប្រយោជន៍ រួមរបស់សហគមន៍កសិកម្មទាំងមូល។
២-ត្រូវរៀបចំរបាយការណ៍ប្រចាំឆ្នាំ របាយការណ៍ហិរញ្ញវត្ថុ និងកត់ត្រាបញ្ជីស្នាមផ្សេងៗ ឱ្យបានត្រឹមត្រូវ ដើម្បីបង្ហាញពីភាពស្មោះត្រង់ចំពោះសមាជិក និងដៃគូរសហការផ្សេងទៀតផងដែរ៕

13/09/2023

កិច្ចប្រជុំប្រចាំខែកក្កដា​ និងខែសីហា​ ឆ្នាំ២០២៣​ របស់គម្រោងលាភខេត្តសៀមរាប

ថ្ងៃទី១៣​ ខែកញ្ញា​ ឆ្នាំ២០២៣​ នៅសាលប្រជុំលេខ១​ សាលាខេត្តសៀមរាបបានរៀបចំកិច្ចប្រជុំប្រចាំខែកក្កដា​ និងខែសីហា​ ដេីម្បីត្រួតពិនិត្យលេីការងារដែលបានអនុវត្តកន្លងមកក្រោមអធិបតីភាពលោក​ សុខ​ ថុល​ អភិបាលរងខេត្តនិងជាប្រធានគ្រប់គ្រងគម្រោងលាភថ្នាក់ខេត្ត​ និងមានការចូលរួមពីមន្ត្រីគម្រោង​ ទីប្រឹក្សា​ និងអភិបាលរងក្រុង​ ស្រុកគោលដៅទាំង៩។

លោក​ សុខ​ ថុល​ អភិបាលរងខេត្តនិងជាប្រធានគ្រប់គ្រងគម្រោងលាភថ្នាក់ខេត្ត​ បានណែនាំដល់សមាសភាពពាក់ព័ន្ធទាំងអស់ត្រូវបន្តនិរន្តរភាពការងារគម្រោងលាភឱ្យដំណេីរការ​បន្តទៀត​បន្ទាប់ពីគម្រោងត្រូវបញ្ចប់។

លោក​ ក៏បានណែនាំដល់អាជ្ញាធរក្រុង​ ស្រុក​ ឃុំ​ សង្កាត់ត្រូវរៀបចំសមាសភាពក្រុមការងារ​ សម្រាប់តាមដាន​ និងអនុវត្តគម្រោងនៅពេលគម្រោងត្រូវបញ្ចប់៕

30/08/2023

ពិធីបិទវគ្គបណ្តុះបណ្តាលស្តីពីការពង្រឹងសមត្ថភាពដល់គណៈកម្មការនៅតាមបណ្តាក្រុង​ ស្រុក​ ឃុំ​ សង្កាត់

រសៀលថ្ងៃទី៣០​ ខែសីហា​ ឆ្នាំ ២០២៣​ នៅសាលប្រជុំលេខ១​ សាលាខេត្តបានរៀបចំពិធីបិទវគ្គបណ្តុះបណ្តាលស្តីពីការពង្រឹងសមត្ថភាពដល់គណៈកម្មការនៅតាមបណ្តាក្រុង​ ស្រុក​ ឃុំ​ សង្កាត់​ ក្រោមអធិបតីភាពលោក​ សុខ​ ថុល​ អភិបាលរងខេត្ត​ និងជាប្រធានគ្រប់គ្រងគម្រោងថ្នាក់ខេត្ត​ និងមានការចូលរួមពីក្រុមការងារគម្រោងថ្នាក់ជាតិ​ ថ្នាក់ខេត្ត​ ព្រមទាំងលោក​ លោកស្រី​ អភិបាលរងក្រុង​ ស្រុក​ទទួលបន្ទុកគម្រោង​ ឃុំ​ សង្កាត់ផងដែរ។

លោក​ សុខ​ ថុល​ បានបញ្ជាក់ថា​ បន្ទាប់ពីបេីកវគ្គបណ្តុះបណ្តាលអស់រយៈពេលពីថ្ងៃកន្លងមកនេះ​ សង្ឃឹមថាលោក​ លោកស្រីនឹងយកបទពិសោធន៍ទាំងនេះ​ ទៅអនុវត្តសម្រាប់បម្រេីដល់ប្រយោជន៍គម្រោង​ ដេីម្បីជាផលប្រយោជន៍រួមរបស់ឃុំ​ សង្កាត់នៅពេលដែលគម្រោងចប់នាពេលខាងមុខ។ ម្យ៉ាងទៀត​ ត្រូវរក្សានូវសមិទ្ធផលទាំងអស់របស់គម្រោងទាំងអស់ដែលបានផ្តល់នៅតាមបណ្តាឃុំ​ សង្កាត់​ ហេីយសូមលោក​ លោកស្រីបន្តនិន្តរភាពការងារឱ្យដំណេីរបន្តទៀត​ ព្រោះគម្រោងលាភបានផ្តល់អត្ថប្រយោជន៍ច្រេីនណាស់ដល់ប្រជាពលរដ្ឋ​ ពិសេសគឺការកាត់បន្ថយភាពក្រីក្រីរបស់ប្រជាពលរដ្ឋ។