មន្ទីរសាធារណការ និងដឹកជញ្ជូនខេត្ដសៀមរាប - Dpwt Siem Reap

31/08/2026

សកម្មភាពអនុវត្តការងារផ្ដល់សេវាសាធារណៈក្នុងវិស័យដឹកជញ្ជូន និងចុះបញ្ជី របស់មន្ទីរសាធារណការ និងដឹកជញ្ជូនខេត្តសៀមរាប។

#ខេត្ដសៀមរាប
#មន្ទីរសាធារណការ_និងដឹកជញ្ជូនខេត្ដ
#ការងារផ្ដល់សេវាសាធារណៈ

31/08/2026

សកម្មភាពក្រុមការងារថែទាំខួប និងថែទាំផ្លូវប្រចាំ របស់មន្ទីរសាធារណការ និងដឹកជញ្ជូនខេត្តសៀមរាប បាននឹងកំពុងអនុវត្តការងារលើបណ្ដាកំណាត់ផ្លូវជាតិ និងផ្លូវខេត្ត ស្ថិតក្នុងភូមិសាស្ត្រខេត្តសៀមរាប។

#ខេត្ដសៀមរាប
#មន្ទីរសាធារណការ_និងដឹកជញ្ជូនខេត្ដ
#ការងារថែទាំខួប_និងថែទាំផ្លូវប្រចាំ

28/08/2026

សិក្ខាសាលារកធាតុចូលស្តីពី «ការកែសម្រួលប្រកាសស្តីពីសញ្ញាសម្គាល់រថយន្តធ្វើអាជីវកម្មដឹកជញ្ជូន និងការរចនាជាសកល និងការអភិវឌ្ឍប្រកបដោយបរិយាបន្ននៅក្នុងសេវាដឹកជញ្ជូនអ្នកដំណើរតាមផ្លូវគោក និងផ្លូវដែក»

នាព្រឹកថ្ងៃទី២៨ ខែសីហា ឆ្នាំ២០២៦ លោក លឿម រស្មី ប្រធានមន្ទីរសាធារណការ និងដឹកជញ្ជូនខេត្ដ បានដឹកនាំមន្ដ្រីជំនាញក្រោមឱវាទ ចូលរួមក្នុងសិក្ខាសាលារកធាតុចូលស្តីពី «ការកែសម្រួលប្រកាសស្តីពីសញ្ញាសម្គាល់រថយន្តធ្វើអាជីវកម្មដឹកជញ្ជូន និងការរចនាជាសកល និងការអភិវឌ្ឍប្រកបដោយបរិយាបន្ននៅក្នុងសេវាដឹកជញ្ជូនអ្នកដំណើរតាមផ្លូវគោក និងផ្លូវដែក» ដែលបានរៀបចំឡើងនៅសណ្ឋាគារ រ៉ូយ៉ាល់អង្គររីសត ខេត្តសៀមរាប ក្រោមអធិបតីភាព ឯកឧត្តម មាស ម៉ូនីកា អនុរដ្ឋលេខាធិការ ក្រសួងសាធារណការ និងដឹកជញ្ជូន និងលោក លី សារី អភិបាលរងខេត្ដ តំណាងឯកឧត្ដម ប្រាក់ សោភ័ណ អភិបាល នៃគណៈអភិបាលខេត្ដសៀមរាប ដោយមានការអញ្ចើញចូលរួមពីតំណាងមន្ទីរអង្គភាពតាមបណ្ដាខេត្ដផ្សេងៗ និងតួអង្គពាក់ព័ន្ធផងដែរ។

28/08/2026

27/08/2026

កិច្ចប្រជុំប្រចាំខែរបស់ថ្នាក់ដឹកនាំមន្ទីរសាធារណការ និងដឹកជញ្ជូនខេត្តសៀមរាប

នារសៀលថ្ងៃទី២៧ ខែសីហា ឆ្នាំ២០២៦ នៅមន្ទីរសាធារណការ និងដឹកជញ្ជូនខេត្តសៀមរាប បានរៀបចំកិច្ចប្រជុំថ្នាក់ដឹកនាំ ប្រចាំខែសីហា ក្រោមអធិបតីភាព លោក លឿម រស្មី ប្រធានមន្ទីរសាធារណការ និងដឹកជញ្ជូនខេត្តសៀមរាប និងមានការចូលរួមពីលោកអនុប្រធានមន្ទីរ និងលោក លោកស្រី ជាប្រធាន អនុប្រធានការិយាល័យ អង្គភាពទាំងអស់ក្រោមឱវាទមន្ទីរ។

កិច្ចប្រជុំបានលើកយកបញ្ហាជាអាទិភាពចម្បងចំពោះមុខដែលនឹងត្រូវជួបប្រទះមកដោះស្រាយ ពិសេសផ្ដោតលើការថែទាំផ្លូវថ្នល់ ការរំលោភបំពានដីចំណីផ្លូវ ការដឹកជញ្ជូនលើសទម្ងន់កម្រិតកំណត់ ការងារសុវត្ថិភាពចរាចរណ៍ផ្លូវគោក និងផែនការអនុវត្តនាខែបន្ទាប់។ ជាមួយគ្នានេះដែរ លោកប្រធានអង្គប្រជុំក៏បានណែនាំដល់ការិយាល័យ អង្គភាពពាក់ព័ន្ធ ត្រូវផ្ដោតការយកចិត្តទុកដាក់ ត្រៀមបម្រុង និងឆ្លើយតបឱ្យបានទាន់ពេលវេលាលើការងារគ្រប់គ្រងគ្រោះមហន្តរាយផ្សេងៗផងដែរ។

26/08/2026

🙏🙏🙏