23/08/2026
🗣️សារអបអរសាទរ
មជ្ឈមណ្ឌលវិបស្សខេត្តពោធិ៍សាត់ (វត្តព្រៃធុតង្គភ្នំទ្រព្យ) សូមសម្តែងនូវអំណរសាទរយ៉ាងក្រៃលែង និងប្រកបដោយសេចក្តីសោមនស្សរីករាយ ចំពោះ ព្រះមន្ត្រីសង្ឃចំនួន ៤ ព្រះអង្គ ដែលទទួលបានការតែងតាំង និងប្រគល់ ព្រះរាជប្រកាសនីយប័ត្រ ឡើងងារជាទី៖
១. ព្រះភិក្ខុ ផល សុផាន់ណា នាមឆាយា (ឆន្ទសុទ្ធោ) សមណសក្ដិ (ព្រះអរិយត្ថេរ) ងារដើមជា ព្រះធម្មធរគណស្ដីទី ឱ្យឡើងទីជា ព្រះធម្មធរគណ ខេត្តពោធិ៍សាត់ តទៅ។
២. ព្រះភិក្ខុ អោម កង នាមឆាយា (អកម្មការោ) ងារដើមជា ព្រះសមុហ៍គណស្ដីទី ឱ្យឡើងទីជា ព្រះសមុហ៍គណ ខេត្តពោធិ៍សាត់ តទៅ។
៣. ព្រះភិក្ខុ ឡេង គឹមហ៊ត នាមឆាយា (កល្យាណធម្មោ) ងារដើមជា ព្រះលេខាធិការគណស្ដីទី ឱ្យឡើងទីជា ព្រះលេខាធិការគណ ខេត្តពោធិ៍សាត់ តទៅ។
៤. ព្រះភិក្ខុ ជិន សុភក្តិ នាមឆាយា (ចន្ទត្ថេរោ) ងារដើមជា ព្រះគ្រូអនុគណស្ដីទី ឱ្យឡើងទីជា ព្រះគ្រូទីឃាយុសិរីធម្ម អនុគណក្រុងពោធិ៍សាត់ តទៅ។
ក្នុងឱកាសដ៏មហានក្ខត្តឫក្សនេះ មជ្ឈមណ្ឌលវិបស្សនាខេត្តពោធិ៍សាត់ (វត្តព្រៃធុតង្គភ្នំទ្រព្យ) និងពុទ្ធបរិស័ទទាំងអស់ សូមប្រគេនពរជ័យ សិរីសួស្តី បវរមហាប្រសើរ ចំពោះព្រះមន្ត្រីសង្ឃទាំង ៤ ព្រះអង្គ សូមព្រះអង្គមានព្រះជន្មាយុយឺនយូរ ព្រះកាយពលមាំមួន ព្រះសុខភាពល្អបរិបូរណ៍ ព្រះបញ្ញាញាណភ្លឺថ្លា និងសម្រេចបាននូវជោគជ័យគ្រប់ភារកិច្ច ក្នុងបុព្វហេតុបម្រើព្រះពុទ្ធសាសនា និងសង្គមជាតិ។
ព្រះសង្ឃគ្រប់ព្រះអង្គបន្តជាកម្លាំងស្នូលដ៏សំខាន់ក្នុងការដឹកនាំ ថែរក្សា លើកតម្កើង និងអភិវឌ្ឍវិស័យព្រះពុទ្ធសាសនា ក្នុងខេត្តពោធិ៍សាត់ ឱ្យកាន់តែរីកចម្រើនរុងរឿងតរៀងទៅ។ 🙏🌹
សូមអនុមោទនា និងអបអរសាទរដោយសេចក្តីគោរពដ៏ខ្ពង់ខ្ពស់បំផុត។
នារសៀលថ្ងៃសៅរ៍ ៩កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែសីហា ឆ្នាំ២០២៦
#សាលាគណខេត្តពោធិ៍សាត់
#ព្រះមេគណខេត្តពោធិ៍សាត់
#អបអរសាទរ
#ព្រះមន្ត្រីសង្ឃ
#ព្រះពុទ្ធសាសនា
#ខេត្តពោធិ៍សាត់
