រដ្ឋបាលខេត្តពោធិ៍សាត់

31/05/2026

ឯកឧត្តម ខូយ រីដា អភិបាលខេត្តពោធិ៍សាត់ ព្រឹកថ្ងៃអាទិត្យ ទី៣១ ខែឧសភា ឆ្នាំ២០២៦នេះ បានអញ្ជើញចុះស្វែងយល់ ជួបសំណេះសំណាល និងសាកសួរសុខទុក្ខបងប្អូនប្រជាពលរដ្ឋ នៅផ្សារវត្តហ្លួង ក្នុងសង្កាត់លលកស ក្រុងពោធិ៍សាត់ ខេត្តពោធិ៍សាត់។

30/05/2026

(ពោធិ៍សាត់)៖ នៅព្រឹកថ្ងៃសៅរ៍ ទី៣០ ខែឧសភា ឆ្នាំ២០២៦នេះ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញចូលរួមក្នុងពិធីជួប សំណេះសំណាល ជាមួយ ក្រុម ប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គ ភាពនានា ជុំវិញ ខេត្តពោធិ៍សាត់ ស្ថិតក្រោមអធិបតីភាពដ៏ខ្ពង់ខ្ពស់បំផុតនៃវត្តមានរបស់ សម្តេចតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា និង ជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ។

ពិធីសំណេះសំណាលនេះ មានការអញ្ជើញចូលរួមពីសមាជិកព្រឹទ្ធសភា រដ្ឋសភា ប្រធាន អនុ ប្រធានក្រុមការងារថ្នាក់ជាតិចុះជួយខេត្តពោធិ៍សាត់ សមាជិកក្រុម ប្រឹក្សាខេត្ត ក្រុង ស្រុក ឃុំ សង្កាត់ ព្រមទាំងថ្នាក់ដឹកនាំមន្ទីរ អង្គភាពនានាជុំវិញខេត្តពោធិ៍សាត់សរុ ប ៧៧៥នាក់។

30/05/2026

29/05/2026

រសៀលថ្ងៃទី២៩ ខែឧសភា ឆ្នាំ២០២៦ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញអមដំណើរ ឯកឧត្តម នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ចុះពិនិត្យទីតាំង និងចូលរួមក្នុងកិច្ចប្រជុំត្រួតពិនិត្យវឌ្ឍនភាពការងាររៀបចំទទួលបដិសណ្ឋារកិច្ច សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា ក្នុងពិធីជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំ មន្ទីរ អង្គភាពនានា ជុំវិញខេត្តពោធិ៍សាត់ នាថ្ងៃស្អែកនេះ។

29/05/2026

ព្រឹកថ្ងៃទី២៩ ខែឧសភា ឆ្នាំ២០២៦

ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញអមដំណើរ ឯកឧត្តម ស៊ុយ សែម តំណាងរាស្ត្រមណ្ឌលពោធិ៍សាត់ ចុះពិនិត្យការរៀបចំ និងសោភ័ណភាព ដើម្បីត្រៀមលក្ខណៈទទួលស្វាគមន៍ដំណើរអញ្ជើញដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា ក្នុងពិធីជួបសំណេះសំណាលជាមួយ ក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនដឹកនាំមន្ទីរ អង្គភាពនានាជុំវិញខេត្ត ដែលប្រព្រឹត្តទៅនៅថ្ងៃស្អែកនេះ💐♥️🇰🇭

29/05/2026

ព្រឹកថ្ងៃទី២៩ ខែឧសភា ឆ្នាំ២០២៦ នៅបូជនីយដ្ឋានប្រវត្តិសាស្ត្រ ស្ថិតក្នុងភូមិកំពែងស្វាយ ឃុំស្នាមព្រះ ស្រុកបាកាន, ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញថ្វាយទាន ធូប កម្រងផ្កា និងគ្រឿងរន្តាប់បូជា គោរពជូនចំពោះបារមី ទេពឧកញ៉ា ឃ្លាំង មឿង និងជំទាវ ខាន់ ខៀវ ។

ក្នុងឱកាសដ៏វិសេសវិសាលនោះដែរ ថ្នាក់ដឹកនាំខេត្តក៏បានអញ្ជើញគោរពបូជាទានធូប និងថ្វាយគ្រឿងសក្ការៈបូជាយ៉ាងសង្រួមចំពោះ ព្រះអង្គចៅសែន លើកោះសំពៅមាស ដែលជាទីកន្លែងសក្តិសិទ្ធិ តំណាងឱ្យដួងព្រលឹង និងជាទីសក្ការៈដ៏ខ្ពង់ខ្ពស់បំផុតរបស់ប្រជាពលរដ្ឋខេត្តពោធិ៍សាត់ ដើម្បីសុំសេចក្តីសុខ សិរីសួស្តី និងពរជ័យជ័យមង្គល ជូនដល់មន្ត្រីរាជការទាំងអស់ ដែលបានខិតខំបំពេញភារកិច្ចបម្រើជាតិ និងប្រជាជន និងសុំដំណើរកម្មវិធីទទួុលថ្នាក់ដឹកនាំនៅថ្ងៃស្អែកឲ្យដំណើរការដោយរលូន។

28/05/2026

នាព្រឹកថ្ងៃព្រហស្បតិ៍ ទី២៨ ខែឧសភា ឆ្នាំ២០២៦ នេះ រដ្ឋបាលខេត្តពោធិ៍សាត់ ដឹកនាំដោយ ឯកឧត្តម ខូយ រីដាអភិបាល នៃគណៈអភិបាលខេត្ត និងលោកជំទាវ បានចូលរួមបរិច្ចាគថវិកាផ្ទាល់ខ្លួន និងការចូលរួមពីមន្ត្រីរាជការទូទាំងខេត្ត សរុបចំនួន ១០១,០០០,០០០ រៀល ក្នុងយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ និង “ពិធីសំណេះសំណាល ជាមួយគណៈកម្មការទ្រទ្រង់មូលនិធិគន្ធបុប្ផាកម្ពុជា” ក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយស នៃមូលនិធិគន្ធបុប្ផាកម្ពុជា ក្នុងគោលបំណងរួមគ្នានាំក្ដីសង្ឃឹម និងភាពញញឹមដល់ទារក និងកុមារ ព្រមទាំងស្ត្រីមានផ្ទៃពោះ ដែលត្រូវការសេវាពិនិត្យ ព្យាបាល និងសម្ភព ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគនុ្ធបុប្ផា រាជធានីភ្នំពេញ និងនៅខេត្ត សៀមរាប។

27/05/2026

ល្ងាចថ្ងៃទី២៧ ខែឧសភា ឆ្នាំ២០២៦នេះ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញដឹកនាំក្រុមការងារបច្ចេកទេស រួមជាមួយរដ្ឋបាលក្រុងពោធិ៍សាត់ និងរដ្ឋបាលស្រុកកណ្តៀង ចុះពិនិត្យមើលវឌ្ឍនភាពការងារតុបតែងលម្អដើមឈើ និងការកែលម្អបរិស្ថាន នៅតាមបណ្តោយច្រាំងស្ទឹងពោធិ៍សាត់ (ចាប់ពីស្ពានអាកាសវាងក្រុងត្រើយខាងកើត រហូតដល់ស្ពានវត្តពោធិ៍) ដើម្បីត្រៀមចាក់ដីទុកសម្រាប់ជាប្រយោជន៍សាធារណៈ និងសម្រាប់បងប្អូនប្រជាពលរដ្ឋដើរហាត់ប្រាណ និងពិធីផ្សេងៗ។

ឯកឧត្តមអភិបាលខេត្ត បានផ្តល់អនុសាសន៍ និងណែនាំដល់ក្រុមការងារឱ្យយកចិត្តទុកដាក់ខ្ពស់លើការកាត់តម្រឹមមែកឈើ ឱ្យមានរបៀបរៀបរយ និងមានសោភ័ណភាពទាក់ទាញ។ ការងារតុបតែងនេះ មិនត្រឹមតែធ្វើឡើងដើម្បីសម្រស់ក្រុងប៉ុណ្ណោះទេ ប៉ុន្តែវាក៏ជាផ្នែកមួយនៃការថែរក្សាដើមឈើឱ្យមានការលូតលាស់ល្អ និងធានាបាននូវសុវត្ថិភាពសម្រាប់ប្រជាពលរដ្ឋដែលធ្វើដំណើរ ឬហាត់ប្រាណនៅតាមដងស្ទឹងផងដែរ។

ឯកឧត្តម បានប្តេជ្ញាចិត្តយ៉ាងមុតមាំក្នុងការប្រែក្លាយក្រុងពោធិ៍សាត់ ឱ្យទៅជា "ក្រុងដែលមានការអភិវឌ្ឍ និងបរិស្ថានបៃតង"។ ឯកឧត្តម តែងតែជំរុញឱ្យអាជ្ញាធរក្រុង និងមន្ទីរពាក់ព័ន្ធ បន្តតាមដាន និងថែទាំសមិទ្ធផលនានាដែលមានស្រាប់ ព្រមទាំងបង្កើតថ្មីនូវសោភ័ណភាពប្លែកៗ ដើម្បីឆ្លើយតបទៅនឹងតម្រូវការរបស់មហាជន។
តាមរយៈការកែលម្អជាបន្តបន្ទាប់នេះ គេរំពឹងថាច្រាំងស្ទឹងពោធិ៍សាត់ នឹងក្លាយជាគោលដៅទេសចរណ៍ដ៏ទាក់ទាញបំផុតមួយក្នុងតំបន់ ដែលឆ្លុះបញ្ចាំងពីការរីកចម្រើនឥតឈប់ឈររបស់ខេត្តពោធិ៍សាត់ក្រោមការដឹកនាំរបស់រាជរដ្ឋាភិបាលកម្ពុជា។

27/05/2026

នាថ្ងៃទី២៧ ខែឧសភា ឆ្នាំ២០២៦នេះ នៅសាលប្រជុំសាលាក្រុងពោធិ៍សាត់ លោក លី សុគន្ធី ប្រធានការិយាល័យប្រជាពលរដ្ឋខេត្តពោធិ៍សាត់ ដោយមានការចូលរួមពីអាជ្ញាធរក្រុង សង្កាត់ និងមន្ត្រីពាក់ព័ន្ធមួយចំនួនទៀត បានចុះធ្វើការសម្របសម្រួល និងដោះស្រាយបណ្តឹងរបស់ឈ្មោះ ម៉ុង សារី ភេទស្រី ដែលជាតំណាងប្រជាពលរដ្ឋចំនួន៥គ្រួសារ រស់នៅភូមិព្រែកស្តី សង្កាត់លលកស ក្រុងពោធិ៍សាត់។ បណ្តឹងនេះ បានប្តឹងបុគ្គលឈ្មោះ រ៉ា សុវណ្ណបូរី ដែលបានបើកឧបករណ៍បំពងសំឡេងសត្វត្រចៀកកាំ បង្កការរំខានយ៉ាងខ្លាំងដល់ការរស់នៅប្រចាំថ្ងៃរបស់ពួកគាត់។

26/05/2026

នារសៀលថ្ងៃទី២៦ ខែឧសភា ឆ្នាំ២០២៦ លោកស្រី ប៉ុក ណាឌី, លោក ងួន ប៉ោសេង, លោក ញឹក បានខេង អភិបាលរង នៃគណៈអភិបាលខេត្តពោធិ៍សាត់ បានអញ្ជើញដឹកនាំកិច្ចប្រជុំ អនុគណៈកម្មការរៀបចំទីកន្លែងប្រារព្ធពិធី និងទទួលបដិសណ្ឋារកិច្ច សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ធស្តីទី នែព្រះរាជាណាចក្រកម្ពុជា។

កិច្ចប្រជុំនេះធ្វើនៅសាលប្រជុំកោះសំពៅមាស ជាន់ទី១
ដោយមានការចូលរួមពី រដ្ឋបាលសាលាខេត្ត មន្ទីរ អង្គភាពជុំវិញខេត្ត និងមន្ត្រីពាក់ព័ន្ធមួយចំនួនទៀត។