រដ្ឋបាលខេត្តពោធិ៍សាត់

03/09/2026

ពោធិ៍សាត់៖ ព្រឹកថ្ងៃទី៣ ខែកញ្ញា ឆ្នាំ២០២៦ គណៈប្រតិភូគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃព្រឹទ្ធសភា (គណៈកម្មការទី៩) ដឹកនាំដោយ ឯកឧត្តម អ៊ុំ សារឹទ្ធ ប្រធានគណៈកម្មការ បានអញ្ជើញចុះជួបពិភាក្សាការងារជាមួយរដ្ឋបាលខេត្តពោធិ៍សាត់ ដឹកនាំដោយ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងឯកឧត្តម ម៉ក់ រ៉ា ប្រធានក្រុមប្រឹក្សាខេត្ត នៅសាលប្រជុំទេពឧកញ៉ា ឃ្លាំង មឿង សាលាខេត្ត, ដោយមានការចូលរួមពីថ្នាក់ដឹកនាំ មន្ត្រីរាជការ និងអាជ្ញាធរពាក់ព័ន្ធជុំវិញខេត្ត ដើម្បីឈ្វេងយល់អំពីវិស័យក្នុងដែនសមត្ថកិច្ច ជាពិសេសវឌ្ឍនភាពការងារដែលខេត្តសម្រេចបាន បញ្ហាប្រឈម ការអនុវត្តច្បាប់ លិខិតបទដ្ឋានគតិយុត្ត ទិសដៅអភិវឌ្ឍន៍ខេត្ត និងទិសដៅរំពឹងទុកក្នុងពេលខាងមុខ ព្រមទាំងការងារអភិវឌ្ឍន៍ឃុំ សង្កាត់ ប្រកបដោយសុវត្ថិភាព...។

02/09/2026

ព្រឹកថ្ងៃទី២ ខែកញ្ញា ឆ្នាំ២០២៦

🌱ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញដឹកនាំក្រុមការងារ ចុះពិនិត្យ ដោះស្រាយបញ្ហារឿងប្រជាពលរដ្ឋនៅភូមិឆ្នាល់មាន់ និងភូមិត្រយ៉ងស ឃុំតាលោ ស្រុកតាលោសែនជ័យ ដែលបានវាស់វែងដីធ្លីហើយមិនទទួលបានប្លង់ដី ដោយជាប់ពាក់ព័ន្ធដីបឹង បួររបស់រដ្ឋ ចំនួន៣៤គ្រួសារ។

👉បន្ទាប់មក ឯកឧត្តម ខូយ រីដា បានបន្តចុះជួបសំណេះសំណាលសួរសុខទុក្ខ បងប្អូន ប្រជាពលរដ្នប្រមាណ១៤០០គ្រួសារ នៅភូមិតាំងគោក ភូមិសំសាន្ដ ភូមិថ្មី ភូមិព្រៃកន្ទួត និងភូមិប្រហាល ឃុំតាលោ ស្រុកតាលោសែនជ័យ ខេត្តពោធិ៍សាត់ ដែលរងគ្រោះរាំងស្ងួត ងាប់ដំណាំស្រូវ ខូចខាតអស់ប្រមាណ ៦៥០០ហិកតា ក្នុងបរិវេណវត្តបឹងត្នោត។

02/09/2026

01/09/2026

រដ្ឋបាលខេត្តពោធិ៍សាត់៖ ឯកឧត្តម ខូយ រីដា អភិបាលខេត្តពោធិ៍សាត់ បានថ្លែងអំណរគុណយ៉ាងជ្រាលជ្រៅ ចំពោះ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ដែលបានគាំទ្រ និងឧបត្ថម្ភជាបន្តបន្ទាប់នូវធុងសំរាម កូនឈើប្រណិត និងដើមផ្ការាប់ម៉ឺនដើម សម្រាប់ខេត្តពោធិ៍យកមកដាំលម្អតាមដងផ្លូវក្នុងខេត្ត។

យើងខ្ញុំសង្ឃឹមថា កូនឈើនិងប្រភេទផ្កាទាំងនេះ នឹងក្លាយជាប្រយោជន៍សាធារណៈដ៏ធំធេង នាពេលអនាគតឆាប់ៗខាងមុខ។

31/08/2026

ព្រឹកថ្ងៃទី៣១ ខែសីហា ឆ្នាំ២០២៦ នៅបរិវេណសាលាស្រុក

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញបើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២៧-២០២៩) របស់រដ្ឋបាលឃុំ សម្រាប់ស្រុកតាលោសែនជ័យ ដោយមានការចូលរួមពីលោក លោកស្រី តំណាងមន្ទីរអង្គភាព អង្គការក្រៅរដ្ឋាភិបាល វិស័យឯកជន និងអាជ្ញាធរស្រុក ឃុំ ជាច្រើនរូបទៀត។

30/08/2026

ពោធិ៍សាត់៖ រសៀលថ្ងៃទី៣០ ខែសីហា ឆ្នាំ២០២៦ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចុះពិនិត្យ និងផ្តល់យោបល់ពីការដាំផ្កាលម្អ និងការរៀបចំសោភ័ណភាពតាមបណ្តោយដងផ្លូវ "អន្ទង់អាំង" ជើងភ្នំ១៥០០ ស្ថិតក្នុងស្រុកវាលវែង ខេត្តពោធិ៍សាត់។

នៅក្នុងឱកាសចុះពិនិត្យនោះ ឯកឧត្តមអភិបាលខេត្ត បានគូសបញ្ជាក់អំពីសារៈសំខាន់នៃតំបន់ផ្លូវអន្ទង់អាំង ភ្នំ១៥០០ ដែលជាសមិទ្ធផលផ្លូវទេសចរណ៍ដ៏ល្បីល្បាញ និងជាតំបន់ទាក់ទាញភ្ញៀវទេសចរជាតិ និងអន្តរជាតិយ៉ាងច្រើនឱ្យមកកម្សាន្តក្នុងខេត្តពោធិ៍សាត់។ ការរៀបចំដាំដើមឈើ និងផ្កាលម្អអមសងខាងផ្លូវនាពេលនេះ គឺដើម្បី៖
-លើកកម្ពស់សោភ័ណភាព៖ បង្កើនភាពបៃតង និងពណ៌សោភ័ណនៃផ្កា ឱ្យកាន់តែមានទាក់ទាញ ស័ក្តិសមជាតំបន់រមណីយដ្ឋានធម្មជាតិគំរូ។
-បម្រើវិស័យទេសចរណ៍៖ បង្កើតបរិយាកាសស្រស់ស្រាយ និងចំណុចថតរូបកម្សាន្ត (Check-in) បន្ថែមទៀតជូនដល់បងប្អូនប្រជាពលរដ្ឋ និងភ្ញៀវទេសចរ។
-ថែរក្សាបរិស្ថាន៖ ចូលរួមចំណែកក្នុងការថែរក្សាបរិស្ថានធម្មជាតិ និងកាត់បន្ថយការបាក់ដីនៅតាមចំណោទភ្នំ។

ជាមួយគ្នានេះដែរ ឯកឧត្តម ខូយ រីដា បានផ្តល់អនុសាសន៍ និងណែនាំដល់អាជ្ញាធរមូលដ្ឋាន ជំនាញពាក់ព័ន្ធ និងក្រុមការងារបច្ចេកទេស ត្រូវយកចិត្តទុកដាក់ជ្រើសរើសប្រភេទពូជផ្កាដែលធន់នឹងអាកាសធាតុ តម្រូវតាមលក្ខណៈបច្ចេកទេស និងត្រូវរៀបចំប្រព័ន្ធថែទាំ ស្រោចទឹក ឱ្យបានជាប់លាប់ ដើម្បីធានាថាផ្កាទាំងនោះដុះលូតលាស់បានល្អ និងរំលេចពណ៌ស្រស់ស្អាតគ្រប់រដូវកាល៕

30/08/2026

🔔⚡️សូមជម្រាបជូនដំណឹងដល់បងប្អូនប្រជាពលរដ្ឋ និងសាធារណជន ជ្រាបថា ដើម្បីដោះស្រាយនូវកង្វល់ និងបញ្ហាប្រឈមផ្សេងៗ

30/08/2026

🌱ព្រឹកថ្ងៃទី៣០ ខែសីហា ឆ្នាំ២០២៦ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញដឹកនាំក្រុមការងារ ចុះពិនិត្យវឌ្ឍនភាព នៃការសាងសង់អគារសិក្សាមួយខ្នង មាន៣បន្ទប់ នៃសាលាបឋមសិក្សា ខូយ រីដា ម្លប់ពោធិ៍ កតាអោន ដែលជាថវិការបស់ឯកឧត្តម និងភរិយា ព្រមទាំងក្រុមគ្រួសារ រួមនឹងឯកឧត្តម ភួ ពុយ អ្នកតំណាងរាស្រ្តខេត្តបាត់ដំបង និងលោកជំទាវ ព្រមទាំងក្រុមគ្រួសារ។

🍃សាលាបឋមសិក្សា ខូយ រីដា ម្លប់ពោធិ៍ កតាអោន បានកើតឡើងកាលពីឆ្នាំ២០១៨ ក្នុងខណៈដែល ឯកឧត្តម ខូយ រីដា ជាអភិបាលរងខេត្តពោធិ៍សាត់ និងជាប្រធានក្រុមការងារចុះជួយមូលដ្ឋានស្រុកវាលវែង។

👉ភូមិក្រសាំងព្នៅ ឃុំក្រពើពីរ ស្រុកវាលវែង ជាតំបន់ដាច់ស្រយាល និងជាភូមិឧបសម្ព័ន្ធទើបបង្កើតថ្មី ពិបាកក្នុងការធ្វើដំណើរ។ក្នុងពេលនោះ ដោយសារកុមារគ្មានសាលារៀន សហគមន៍ជាមួយក្រុមការងារបានផ្តួចផ្តើមកសាងសាលានេះ ហើយមានធនធានយ៉ាងតិចតួច។ដោយភាពស្រឡាញ់រាប់អានប្រកបដោយមនោសញ្ចេតនា ពួកគាត់បានសុំយកឈ្មោះឯកឧត្តម ដាក់ជាឈ្មោះសាលានេះតែម្តង។

29/08/2026

បញ្ជីឈ្មោះ និងលេខទូរស័ព្ទទំនាក់ទំនងអាជ្ញាធរមានសមត្ថកិច្ចក្នុងក្រុងពោធិ៍សាត់

ដើម្បីបង្កើនភាពងាយស្រួល និងឆ្លើយតបបានទាន់ពេលវេលាចំពោះរាល់បញ្ហាសន្តិសុខ សុវត្ថិភាព សណ្ដាប់ធ្នាប់សាធារណៈ ក៏ដូចជាសំណូមពរផ្សេងៗរបស់ប្រជាពលរដ្ឋ រដ្ឋបាលក្រុងពោធិ៍សាត់ សូមជូនដំណឹង និងចែករំលែកនូវ បញ្ជីឈ្មោះ និងលេខទូរស័ព្ទទំនាក់ទំនងអាជ្ញាធរ និងកងកម្លាំងមានសមត្ថកិច្ចក្នុងក្រុងពោធិ៍សាត់ ដូចខាងក្រោម៖

29/08/2026

🔔រដ្ឋបាលស្រុកកណ្តៀង⚡
ប្រជាពលរដ្ឋក្នុងមូលដ្ឋាន បើមានសំណើ សំណូមពរ ចាំបាច់ត្រូវដោះស្រាយ សូមទំនាក់ទំនងតាមរយៈ លេខទូរស័ព្ទ Hotline និងតាមរយ:លេខកម្លាំងអន្តរាគមន៍ និងប៉ុស្តិ៍ទាំង៩