គណបក្សប្រជាជនកម្ពុជារាជធានីភ្នំពេញ - CPP Phnom Penh

  • Home
  • Cambodia
  • Pochentong
  • គណបក្សប្រជាជនកម្ពុជារាជធានីភ្នំពេញ - CPP Phnom Penh

គណបក្សប្រជាជនកម្ពុជារាជធានីភ្នំពេញ - CPP Phnom Penh គណបក្សប្រជាជនកម្ពុជារាជធានីភ្នំពេញ

01/06/2026

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

#ទិវាកុមារអន្តរជាតិ - International Children's Day
តែងតែប្រារព្ធឡើងនៅថ្ងៃទី ១ខែមិថុនា ជារៀងរាល់ឆ្នាំ គឺជាទិវាដ៏មានសារៈសំខាន់មួយក្នុងគោលបំណងលើកកម្ពស់សិទ្ធិ សុខុមាលភាព និងការការពារកុមារនៅទូទាំងសកលលោក រួមទាំងនៅក្នុងប្រទេសកម្ពុជាផងដែរ។

ចំណុចសំខាន់ៗអំពីទិវានេះ៖
១) ប្រវត្តិ និងប្រភពដើម
* ការចាប់ផ្តើម៖ សន្និសីទពិភពលោកស្តីពីសុខុមាលភាពកុមារ (World Conference for the Wellbeing of Children) នៅទីក្រុងហ្សឺណែវ ប្រទេសស្វីស ក្នុងឆ្នាំ១៩២៥ បានប្រកាសជាលើកដំបូងនូវថ្ងៃទី ១មិថុនា ជាទិវាកុមារអន្តរជាតិ។
* ការពង្រឹងស្មារតីឡើងវិញ៖ នៅឆ្នាំ ១៩៤៩ សហព័ន្ធប្រជាធិបតេយ្យអន្តរជាតិនារី (Women's International Democratic Federation) នៅទីក្រុងម៉ូស្គូ បានសង្កត់ធ្ងន់បន្ថែមលើថ្ងៃនេះ ដើម្បីរំលឹក និងការពារកុមារដែលរងគ្រោះដោយសារសង្គ្រាមលោកលើកទី២ និងដើម្បីទាមទារឱ្យមានការធានាសិទ្ធិរស់រានមានជីវិត សុខភាព និងការអប់រំរបស់កុមារ។

២) គោលបំណងសំខាន់ៗ
ទិវានេះមិនមែនគ្រាន់តែជាថ្ងៃសម្រាប់កុមារលេងកម្សាន្តប៉ុណ្ណោះទេ ប៉ុន្តែវាមានអត្ថន័យជ្រាលជ្រៅដូចជា៖
* ការការពារសិទ្ធិកុមារ៖ រំលឹកដល់អនុសញ្ញាស្តីពីសិទ្ធិកុមាររបស់អង្គការសហប្រជាជាតិ ដែលរួមមាន សិទ្ធិរស់រានមានជីវិត សិទ្ធិទទួលបានការអភិវឌ្ឍ សិទ្ធិទទួលបានការការពារ និងសិទ្ធិចូលរួម។
* ការលុបបំបាត់អំពើហិង្សា៖ យុទ្ធនាការប្រឆាំងនឹងពលកម្មកុមារ អំពើហិង្សាក្នុងគ្រួសារ និងការរំលោភបំពានគ្រប់រូបភាពលើកុមារ។
* ការលើកកម្ពស់ការអប់រំ និងសុខភាព៖ ជម្រុញឱ្យគ្រប់កុមារទាំងអស់ទទួលបានការអប់រំប្រកបដោយគុណភាព និងសេវាថែទាំសុខភាពគ្រប់គ្រាន់។

៣) ការប្រារព្ធទិវានេះនៅប្រទេសកម្ពុជា
រាជរដ្ឋាភិបាល អង្គការសង្គមស៊ីវិល និងសាលារៀន តែងតែរៀបចំកម្មវិធីផ្សេងៗដូចជា៖
* ការថ្លែងសារគន្លឹះពីរាជរដ្ឋាភិបាល ដើម្បីបង្ហាញពីការប្តេជ្ញាចិត្តក្នុងការជួយជ្រោមជ្រែងកុមារ។
* ការរៀបចំកម្មវិធីកម្សាន្ត ការចែកកាដូ សៀវភៅ និងសម្ភារៈសិក្សាដល់កុមារ ជាពិសេសកុមារកំព្រា និងកុមារមានពិការភាព។
* ការផ្សព្វផ្សាយ និងអប់រំសហគមន៍ឱ្យយល់ដឹងកាន់តែច្បាស់ពីសារៈសំខាន់នៃការចិញ្ចឹមកូនតាមបែបវិជ្ជមាន។ ១មិថុនា គឺជាការរំលឹកដល់មនុស្សពេញវ័យគ្រប់រូប រួមទាំងមាតាបិតា អាណាព្យាបាល និងសង្គមជាតិទាំងមូលថា "កុមារគឺជាទំពាំងស្នងឫស្សី និងជាអនាគតរបស់ប្រទេសជាតិ" ដូច្នេះការវិនិយោគលើកុមារនៅថ្ងៃនេះ គឺជាការកសាងអនាគតដ៏ភ្លឺស្វាងសម្រាប់ថ្ងៃស្អែក។

31/05/2026

នាថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ នៅមន្ទីរគណៈកម្មាធិការគណបក្សរាជធានីភ្នំពេញ បានរៀបចំកិច្ចប្រជុំប្រចាំខែមេសា-ឧសភា និងទិសដៅខែមិថុនា ឆ្នាំ២០២៦ របស់ក្រុមការងារប្រតិកម្មរហ័សតាមបណ្ដាញព័ត៌មានសង្គម នៃគណៈកម្មាធិការគណបក្សរាជធានីភ្នំពេញ មន្ទីរ អង្គភាព ខណ្ឌទាំង១៤ ផ្សារ និងសង្កាត់ទាំង១០៥, ក្រោមអធិបតីភាពឯកឧត្តម ងួន សុភៈ អនុប្រធានគណៈឃោសនាអប់រំរាជធានីភ្នំពេញ និងជាប្រធានលេខាធិការដ្ឋានក្រុមការងារប្រតិកម្មរហ័ស តំណាងដ៏ខ្ពង់ខ្ពស់ឯកឧត្តម ឃួង ស្រេង ប្រធានគណៈកម្មាធិការគណបក្សរាជធានីភ្នំពេញ និងជាប្រធានក្រុមការងារប្រតិកម្មរហ័សរាជធានីភ្នំពេញ។

#គណបក្សប្រជាជនកម្ពុជា
#ដើម្បីបុព្វហេតុជាតិមាតុភូមិ
#ការងារប្រតិកម្មរហ័ស

29/05/2026

កិច្ចប្រជុំក្រុមការងារគណបក្សចុះមូលដ្ឋានរាជធានីភ្នំពេញ​ និងគណៈកម្មាធិការគណបក្សរាជធានីភ្នំពេញ​ ប្រចាំខែមេសា-ឧសភា និងទិសដៅខែមិថុនា ឆ្នាំ២០២៦​ ក្រោមអធិបតីភាពដ៏ខ្ពង់ខ្ពស់​ សម្ដេច​វិបុលសេនាភក្ដី​ សាយ​ ឈុំ​ អនុប្រធានគណបក្សប្រជាជនកម្ពុជា​ និងជាប្រធានក្រុមការងារគណបក្សចុះមូលដ្ឋានរាជធានីភ្នំពេញ។

រសៀល​ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦៕

កិច្ចប្រជុំក្រុមការងារគណបក្សចុះមូលដ្ឋានរាជធានីភ្នំពេញ​ និងគណៈកម្មាធិការគណបក្សរាជធានីភ្នំពេញ​ ប្រចាំខែមេសា-ឧសភា និងទិសដៅខ...
29/05/2026

កិច្ចប្រជុំក្រុមការងារគណបក្សចុះមូលដ្ឋានរាជធានីភ្នំពេញ​ និងគណៈកម្មាធិការគណបក្សរាជធានីភ្នំពេញ​ ប្រចាំខែមេសា-ឧសភា និងទិសដៅខែមិថុនា ឆ្នាំ២០២៦​ ក្រោមអធិបតីភាពដ៏ខ្ពង់ខ្ពស់​ សម្ដេច​វិបុលសេនាភក្ដី​ សាយ​ ឈុំ​ អនុប្រធានគណបក្សប្រជាជនកម្ពុជា​ និងជាប្រធានក្រុមការងារគណបក្សចុះមូលដ្ឋានរាជធានីភ្នំពេញ។

រសៀល​ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦៕

សម្តេចតេជោ ហ៊ុន សែន អញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា...
27/05/2026

សម្តេចតេជោ ហ៊ុន សែន អញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា ជុំវិញខេត្តកំពង់ឆ្នាំង
============
សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា ជុំវិញខេត្តកំពង់ឆ្នាំង នៅសាលប្រជុំសាលាខេត្តកំពង់ឆ្នាំង នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦។

26/05/2026

ខណ្ឌជ្រោយចង្វារ រាជធានីភ្នំពេញ

#ភ្នំពេញ
#កម្ពុជា

24/05/2026

សារពិសេស ៖ សម្ដេចតេជោ ហ៊ុន សែន ប្រមុខរដ្ឋស្ដីទីនៃកម្ពុជា បានផ្ដល់អនុសាសន៍ដល់ នាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ ត្រូវបង្ក្រាបឱ្យបាន Scam Online ពិសេសត្រូវសួរចម្លើយក្រុម Scam Online ដែលបានចាប់ហើយ សង្កត់សួរថាតើចូលតាមណា ? លើសពីនេះ សម្ដេចតេជោ បានសង្កត់ធ្ងន់ថា ការបង្ក្រាប Scam Online គឺត្រូវដើរទន្ទឹមនឹងការបង្ក្រាបចំពោះមន្ត្រីពាក់ព័ន្ធ ដោយត្រូវដកតំណែង និងអនុវត្តច្បាប់តែម្ដង និងចំណែកមន្ត្រីមិនព្រមអនុវត្ត គឺត្រូវដកតំណែង។

សម្ដេចតេជោ បានលើកឡើងខាងលើ នៅក្នុងឱកាសនៃការជួបសំណេះសំណាលជាមួយថ្នាក់ដឹកនាំក្រសួង ស្ថាប័ន ក្រុមប្រឹក្សារាជធានី ខណ្ឌ សង្កាត់ មន្ទីរ អង្គភាពនានាជុំវិញរដ្ឋបាលរាជធានីភ្នំពេញ។

រាជធានីភ្នំពេញ, ថ្ងៃអាទិត្យ ៨កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែឧសភា ឆ្នាំ២០២៦

សម្តេចតេជោ ហ៊ុន សែន អញ្ជើញជាអធិបតីកិច្ចប្រជុំជាមួយប្រធានគណបក្សនយោបាយក្នុងសម្ព័ន្ធភាព នៅវិមាន៧មករា=============សម្តេចអគ្គ...
20/05/2026

សម្តេចតេជោ ហ៊ុន សែន អញ្ជើញជាអធិបតីកិច្ចប្រជុំជាមួយប្រធានគណបក្សនយោបាយក្នុងសម្ព័ន្ធភាព នៅវិមាន៧មករា
=============
សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា អញ្ជើញជាអធិបតីកិច្ចប្រជុំជាមួយប្រធានគណបក្សនយោបាយក្នុងសម្ព័ន្ធភាព ឆ្នាំ២០២៦ នៅវិមាន៧មករា រាជធានីភ្នំពេញ នាព្រឹកថ្ងៃទី២០ ខែឧសភា ឆ្នាំ២០២៦។

20/05/2026

#ទិវាជាតិនៃការចងចាំ តែងតែរៀបចំឡើងជារៀងរាល់ឆ្នាំនៅថ្ងៃទី ២០ ខែឧសភា!
គឺជាទិវាផ្លូវការមួយរបស់ព្រះរាជាណាចក្រកម្ពុជា ដើម្បីរំលឹកដល់ជនរងគ្រោះ និងការឈឺចាប់ ដែលបង្កឡើងដោយរបបកម្ពុជាប្រជាធិបតេយ្យ (ខ្មែរក្រហម) ចន្លោះឆ្នាំ១៩៧៥ ដល់ឆ្នាំ១៩៧៩។

ខាងក្រោមនេះជាព័ត៌មានសំខាន់ៗអំពីទិវានេះ៖
១) ប្រវត្តិ និងការផ្លាស់ប្តូរឈ្មោះ
• ដើមកំណើត៖ កាលពីមុន ថ្ងៃនេះត្រូវបានគេស្គាល់ថាជា "ទិវាចងកំហឹង" ដែលត្រូវបានបង្កើតឡើងដំបូងកាលពីថ្ងៃទី១៨​ ខែសីហា​ ឆ្នាំ១៩៨៣ ក្នុងសម័យសាធារណរដ្ឋប្រជាមានិតកម្ពុជា ដើម្បីសម្តែងការខឹងសម្បារទៅនឹងទង្វើឃោរឃៅរបស់របបខ្មែរក្រហម។
• ការផ្លាស់ប្តូរជាផ្លូវការ៖ ធ្វេីនៅថ្ងៃទី១៤​ ខែកុម្ភៈ ឆ្នាំ២០១៨ រាជរដ្ឋាភិបាលកម្ពុជាបានចេញអនុក្រឹត្យមួយដោយផ្លាស់ប្តូរឈ្មោះថ្ងៃនេះទៅជា "ទិវាជាតិនៃការចងចាំ" វិញ និងបានកំណត់ឱ្យទៅជាថ្ងៃឈប់សម្រាកបុណ្យជាតិជាផ្លូវការ ទោះជាយ៉ាងណា ក្រោយមកមានការកែសម្រួលដកថ្ងៃនេះចេញពីបញ្ជីថ្ងៃឈប់សម្រាក ដើម្បីបង្កើនថ្ងៃធ្វើការ ប៉ុន្តែការប្រារព្ធពិធីនៅតែបន្តធ្វើឡើងដដែល។

២) អត្ថន័យ និងគោលបំណង
• ការគោរពវិញ្ញាណក្ខន្ធ៖ ដើម្បីឧទ្ទិសកុសល និងរំលឹកដល់ប្រជាពលរដ្ឋកម្ពុជាជាង ៣លាននាក់ ដែលបានបាត់បង់ជីវិតដោយសារការកាប់សម្លាប់ ការបង្អត់អាហារ ការធ្វើទារុណកម្ម និងការបង្ខំឱ្យធ្វើការហួសកម្លាំង។
• ការអប់រំ និងការចងចាំ៖ ដាស់តឿនស្មារតីប្រជាជនកម្ពុជាគ្រប់រូប ជាពិសេសយុវជនជំនាន់ក្រោយ មិនឱ្យភ្លេចនូវទំព័រប្រវត្តិសាស្ត្រដ៏ខ្មៅងងឹតនេះ និងរួមគ្នាការពារ មិនឱ្យរបបឃោរឃៅបែបនេះកើតឡើងវិញនៅលើទឹកដីកម្ពុជាជាដាច់ខាត។
• តម្លៃនៃសន្តិភាព៖ ក្រៅពីការឈឺចាប់ ថ្ងៃនេះក៏ជាការរំលឹក និងផ្តល់តម្លៃយ៉ាងខ្លាំងដល់ "សន្តិភាព" ដែលកំពុងមាននៅក្នុងពេលបច្ចុប្បន្ន។

៣) សកម្មភាពសំខាន់ៗនៅក្នុងទិវានេះ
• ការជួបជុំនៅមជ្ឈមណ្ឌលប្រល័យពូជសាសន៍៖ ពិធីផ្លូវការធំៗជារឿយៗត្រូវបានរៀបចំឡើងនៅ មជ្ឈមណ្ឌលប្រល័យពូជសាសន៍ជើងឯក (ក្នុងរាជធានីភ្នំពេញ) និងនៅតាមសហគមន៍នានា ដែលជាកន្លែងមានរណ្តៅសពរួម។
• ពិធីសាសនា៖ មានការអញ្ជើញព្រះសង្ឃដើម្បីរាប់បាត្រ និងបង្សុកូល ឧទ្ទិសកុសលដល់អ្នកដែលបានចែកឋានទៅ។
• ការសម្តែងទស្សនីយភាព៖ ជារឿយៗមានការសម្តែងសិល្បៈឡើងវិញ (ការសម្តែងល្ខោនខ្លី) អំពីជីវិតដ៏ជូរចត់របស់ប្រជាពលរដ្ឋក្នុងសម័យនោះ ដើម្បីឆ្លុះបញ្ចាំងពីតថភាពពិត។

14/05/2026

សូមព្រះបរមរាជានុញ្ញាតសម្តែងនូវព្រះពរជ័យ សិរីវឌ្ឍនា បរវមហាប្រសើរថ្វាយ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីចម្រើនព្រះជន្មាយុ គម្រប់ខួប ៧៣ ព្រះវស្សា យាងចូល ៧៤ ព្រះវស្សា (១៤ ឧសភា ១៩៥៣ - ១៤ ឧសភា ២០២៦)

Address

St2004
Pochentong
12000

Website

Alerts

Be the first to know and let us send you an email when គណបក្សប្រជាជនកម្ពុជារាជធានីភ្នំពេញ - CPP Phnom Penh posts news and promotions. Your email address will not be used for any other purpose, and you can unsubscribe at any time.

Shortcuts

Share

Category