សាលាអនុគណក្រុងសួង

20/12/2025

20/12/2025

ព្រះសង្ឃ អាជ្ញាធរ មន្ត្រីរាជការ ប្រជាពលរដ្ឋ រួមទាំងអ្នកពាក់ព័ន្ធជាច្រើនអង្គ/នាក់ បានប្រារព្ធពិធីចម្រើនព្រះបរិត្ត​ ប្រកាសសច្ចកិរិយា​ និងផ្សាយមេត្តា​ចិត្ដ​ ដើម្បីសុខសន្តិភាពដល់ព្រះរាជាណាចក្រកម្ពុជា​ ស្ថិត​នៅបរិវេណវត្ដវិហាទន្ទឹម​ សង្កាត់សួង​ ក្រុងសួង​ ខេត្ដត្បូងឃ្មុំ​ កាលពីថ្ងៃទី១៩ ខែធ្នូ​ ឆ្នាំ២០២៥។

ប្រភព៖ រដ្ឋបាលខេត្ដត្បូងឃ្មុំ

28/07/2025

#សាមគ្គីជាតិ
សាលាអនុគណក្រុងសួង ដែលដឹកនាំដោយព្រះសោមវេទី អុឹម សុភក្តិ ជាព្រះអនុគណក្រុងសួង បានចូលរួមជាមួយរដ្ឋបាលសាលាក្រុងសួង ដែលដឹកនាំដោយលោក ងួន ប៊ុណ្ណាន អភិបាលនៃគណៈអភិបាលក្រុងសួង មួយអន្លើដោយព្រះមន្ត្រីសង្ឃ អាជ្ញាធរដែនដី យកនូវអំណោយរបស់សប្បុរជននានាក្នុងក្រុងសួងតាមរយៈសាលាក្រុងសួង ឧបត្ថម្ភដល់ជនភៀសសឹកនៅក្នុងខេត្តឧត្តរមានជ័យ ចំនួន ២កន្លែង។
សូមឲ្យប្រជាជាតិបានសុខសប្បាយ ប្រាសចាកទុក្ខ ឈ្នះមារសត្រូវតរៀងទៅ៕

⌚️ ថ្ងៃចន្ទ ៣កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែកក្កដា ឆ្នាំ២០២៥ - July 28, 2025

19/07/2025

#ប្រកាសតែងតាំង
វេលាម៉ោង ៨ព្រឹក ថ្ងៃទី១៨ ខែកក្កដា ឆ្នាំ២០២៥ សាលាអនុគណក្រុងសួង បានចូលរួមប្រកាសតែងតាំងព្រះមន្ត្រីសង្ឃស្តីទីអនុគណក្រុងសួង និងប្រកាសតែងតាំងព្រះគ្រូសូត្រនៃវត្តសារពេជ្រពណ្ណរាយ រួមមាន៖
- ព្រះគ្រូបញ្ញាសរណមុនី ហ៊ាលតុលា ព្រះគ្រូចៅអធិការវត្តពណ្ណរាយឲ្យឡើងទីជា ព្រះលេខាធិការអនុគណស្តីទីក្រុងសួង
- ភិក្ខុជាតធម្មោ ម៉ន ម៉ុន ឲ្យជាព្រះគ្រូសូត្រស្ដាំ
- ភិក្ខុញាណធរោ ចាន់ ព្រីម ឲ្យជាព្រះគ្រូសូត្រឆ្វេង
ក្រោមអធិបតី ព្រះសោមវេទី អ៊ឹម សុភក្តិ ព្រះរាជាគណៈកិត្តិយសនៃព្រះរាជាណាចក្រកម្ពុជា និងជាព្រះគ្រូសិរីធម្មធានី ព្រះអនុគណក្រុងសួង និងអធិបតីភាព លោក គាត ហុង ប្រធានក្រុមប្រឹក្សាក្រុងសួង លោក ស្វាយ សុទ្ធា អភិបាលរង តំណាងលោក ងួន ប៊ុណ្ណាន អភិបាលនៃគណៈអភិបាលក្រុងសួង ដោយមានការចូលរួមពីសំណាក់ព្រះមន្ត្រីសង្ឃ ព្រះគ្រូចៅអធិការតាមបណ្ដាវត្ត ពុទ្ធបរិស័ទនានា។

⌚️ ថ្ងៃសៅរ៍ ៩រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកក្កដា ឆ្នាំ២០២៥ - July 19, 2025

19/07/2025

#ចូលរួមរំលែកមរណទុក្ខ
វេលាម៉ោង ៤ល្ងាច រាជធានីភ្នំពេញ: ព្រះសោមវេទីបណ្ឌិត អុឹម សុភក្តិ (សុវណ្ណប្បញ្ញោ) ព្រះរាជាគណៈកិត្តិយសនៃព្រះរាជាណាចក្រកម្ពុជា និងជាព្រះគ្រូសិរីធម្មធានី ព្រះអនុគណក្រុងសួង បានដឹកនាំព្រះមន្ត្រីសង្ឃ និងព្រះចៅអធិការទាំង ៦វត្តក្នុងក្រុងសួង ចូលរួមរំលែកមរណទុក្ខជាមួយនឹងឯកឧត្តមបណ្ឌិត ថេង ច័ន្ទសង្វារ រដ្ឋលេខាធិការក្រសួងដែនដី នគរូបនីយកម្មនិងសំណង់ ដែលបានបាត់នូវលោកឪពុកក្មេកគឺ ឧបាសក ហ៊ាង សុខអេង កាលពីកន្លងទៅ។

⌚️ ថ្ងៃសៅរ៍ ៩រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកក្កដា ឆ្នាំ២០២៥ - July 19, 2025

12/07/2025

#កិច្ចយកវត្តព្រះអនុគណក្រុង
វេលាម៉ោង៦ល្ងាច ថ្ងៃ១រោច ខែអាសាឍ ព្រះគ្រូចៅអធិការទាំង ៦វត្ត ក្នុងក្រុងសួង បានដឹកនាំព្រះសង្ឃសហការីវត្ត មកយកវត្តចំពោះព្រះសោមវេទី បណ្ឌិត អុឹម សុភក្តិ (សុវណ្ណប្បញ្ញោ) ព្រះរាជាគណៈកិត្តិយសនៃព្រះរាជាណាចក្រកម្ពុជា និងជាព្រះគ្រូសិរីធម្មធានី ព្រះអនុគណក្រុងសួង ខេត្តត្បូងឃ្មុំ តាមទំនៀមនៃព្រះពុទ្ធសាសនា នៅលើរោងឧបោសថវត្តវិហារទន្ទឹម។

⌚️ ថ្ងៃសៅរ៍ ២រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែកក្កដា ឆ្នាំ២០២៥ - July 12, 2025

01/07/2025

#ចូលរួមកិច្ចការងារសង្គមជាតិ
ព្រះគ្រូបរិសុទ្ធសីលោ ប៊ាន ប៊ុនលី ព្រះគ្រូធម្មធរអនុគណក្រុងសួងនិងជាព្រះគ្រូចៅអធិការវត្តភ្នំចន្ទន៍ ជាមួយព្រះគ្រូបញ្ញាសរណមុនី ហ៊ាល តុលា ព្រះគ្រូលេខាធិការស្តីទីអនុគណក្រុងសួង និងជាព្រះគ្រូចៅអធិការវត្តសារពេជ្រពណ្ណរាយ បាននិមន្តចូលរួមជាមួយឧកញ៉ាអគ្គមហាឧបាសក ពុទ្ធសាសនូបត្ថម្ភក៍ នៅ គន់ និងលោកជំទាវ ព្រមទាំងលោកជំទាវ គឹង ចាន់ឌី គន់គីម រួមជាមួយព្រះមន្ត្រីសង្ឃ ព្រះចៅអធិការជាច្រើនវត្តក្នុងខេត្ត ព្រមទាំងប្រជាពលរដ្ឋមកពីតាមបណ្តាស្រុកក្នុងខេត្ដត្បូងឃ្មុំ បាននាំយកថវិកា និងគ្រឿង ឧបភោគ-បរិភោគ ជួបសំណេះសំណាលសួរសុខទុក្ខ ដល់បងប្អូនកងទ័ព ឈរជេីងនៅច្រកមុំបី ក្នុងខេត្តព្រះវិហារ។

គ្រឿងឧបភោគ-បរិភោគ នាំយកទៅប្រគល់ជូន រួមមាន ៖
-អង្ករ ៣តោន
-ទឹកសុីអ៉ីវ ១០០យូរ
-ទឹកសុទ្ធវីតាល់ ៦០កេស
-ទឹកសុទ្ធវីដេលី ៥០០យួរ
-មី ១៥០កេស
-កាហ្វេ ២កេសធំ
-ប្រឡុង ៩ឈុត
-ថ្នាំពេទ្យ ២កេស
-ថ្នាំមូស ៥កេស
-ធូបមូស ១កេស
-ប្រេងកូឡា ម៉ម ពន្លៃ១០០ដប
-ត្រីខ ៤កេសធំ
និងថវិកាសរុបចំនួន ២០,១០០,០០០៛ ។

#ខេត្តព្រះវិហារ ថ្ងៃទី៣០ ខែមិថុនា ឆ្នាំ២០២៥

28/06/2025

#ប្រជុំកិច្ចការសាសនានិងសង្គម
សាលាអនុគណក្រុងសួង បានដឹកនាំប្រជុំទាក់ទងនឹងការរៀបចំស្ថិតិព្រះសង្ឃមុនចូលព្រះវស្សាក្នុងក្រុងសួង និងការរៀបចំធ្វើអត្តសញ្ញាណបណ្ណ ព្រមទាំងការបរិច្ចាគឈាមដល់មន្ទីរសុខាភិបាលខេត្តត្បូងឃ្មុំ ដែលដឹកនាំអង្គប្រជុំដោយព្រះសោមវេទីបណ្ឌិត អុឹម សុភក្តិ ជាព្រះគ្រូសិរីធម្មធានី ព្រះអនុគណក្រុងសួង ដោយមានការចូលរួមពីសំណាក់ព្រះមន្ត្រីសង្ឃ ព្រះគ្រូចៅអធិការ និងលោកប្រធានការិយាល័យសង្គមកិច្ចក្រុងសួង។

⏰ ថ្ងៃសៅរ៍ ៣កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមិថុនា ឆ្នាំ២០២៥ - June 28, 2025

12/06/2025

#ប្រជុំកិច្ចការសង្គម
គណៈកម្មការកែលម្អសាលាបឋមសិក្សាប្រជាកុមារសួង បានប្រជុំនិងធ្វើរបាយការណ៍ចំណូលចំណាលលើការកែលម្អសាលាបឋមសិក្សាប្រជាកុមារសួង ក្រោមព្រះអធិបតីភាពនិងអធិបតីភាពព្រះសោមវេទី បណ្ឌិត អុឹម សុភក្តិ ព្រះអនុគណក្រុងសួង និងជាព្រះប្រធានកិត្តិយស, លោក គាត ហុង ប្រធានក្រុមប្រឹក្សាក្រុងសួង, លោក ងួន ប៊ុណ្ណាន អភិបាលនៃគណៈអភិបាលក្រុងសួង និងជាប្រធានគណៈកម្មការកែលម្អសាលាបឋមសិក្សាប្រជាកុមារសួង ដោយមានការចូលរួមពីសំណាក់ព្រះគ្រូចៅអធិការទាំង ៦វត្ត និងលោក-លោកស្រីអភិបាលរងក្រុងសួង អាជ្ញាធរដែនដី លោកនាយករង អាណាព្យាបាលសិស្ស នៅបរិវេណសាលាបឋមសិក្សាប្រជាកុមារសួង ស្ថិតក្នុងភូមិតូង សង្កាត់សួង ក្រុងសួង ខេត្តត្បូងឃ្មុំ។

៙ ថ្ងៃព្រហស្បតិ៍ ២រោច ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែមិថុនា ឆ្នាំ២០២៥ - June 12, 2025

ទិវា​ពិភព​លោក​ប្រឆាំង​ពលកម្ម​កុមារ ខួបលើកទី២៤ (Happy World Day Against Child Labour)

06/06/2025

#កម្មវិធីសំណេះសំណាល
ថ្ងៃទី៥ ខែមិថុនា ឆ្នាំ២០២៥ វេលាម៉ោង ៨ព្រឹក សាលាអនុគណក្រុងសួង ចូលរួមក្នុងការសំណេះសំណាលជាមួយគណៈគ្រប់គ្រងនិងសមណសិស្ស សិស្សនៃពុទ្ធិកបឋមសិក្សាវត្តរមណីយវ័ន (ព្រៃធុតង្គ) ក្រោមព្រះអធិបតីភាពព្រះសោមវេទី បណ្ឌិត អុឹម សុភក្តិ ជាព្រះគ្រូសិរីធម្មធានី ព្រះអនុគណក្រុងសួង នៅក្នុងបរិវេណវត្តរមណីយវ័ន(ព្រៃធុតង្គ) ភូមិតូង សង្កាត់សួង ក្រុងសួង ខេត្តត្បូងឃ្មុំ។ ក្នុងនោះ សាលាអនុគណក្រុងសួង ក៏បានចូលរួមនូវថវិកាមួយចំនួន សម្រាប់ទ្រទ្រង់ដល់ពុទ្ធិកបឋមសិក្សានេះផងដែរ៕

⏰ ថ្ងៃសុក្រ ១១កើត ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៦ ខែមិថុនា ឆ្នាំ២០២៥ - June 6, 2025

05/06/2025

#ញត្តិគាំទ្រ
ចំណាត់ការដ៏ម៉ឺងម៉ាត់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លើបញ្ហាព្រំដែនជាមួយប្រទេសថៃ

🏛️ សាលាអនុគណក្រុងសួង ខេត្តត្បូងឃ្មុំ
⏰ ថ្ងៃព្រហស្បតិ៍ ១០កើត ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែមិថុនា ឆ្នាំ២០២៥ - June 5, 2025

ទិវា​បរិ​ស្ថាន​ជាតិ និង​បរិ​ស្ថាន​ពិភព​លោក ខួបលើកទី២៩ (National and World Environment Day)

01/06/2025

#កិច្ចការមនុស្សធម៌
វេលាម៉ោង ១រសៀល សាលាអនុគណក្រុងសួង ដឹកនាំដោយព្រះវិមលធម្មធារ៍ ស៊ូ តារា ព្រះវិន័យធរក្រុងសួង តំណាងព្រះអនុគណក្រុងសួង មួយអន្លើដោយព្រះមន្ត្រីសង្ឃក្រុងសួង បានដឹកនាំយកនូវបច្ច័យនិងសម្ភារៈឧបភោគ បរិភោគមួយចំនួន ដែលបានពីការឧបត្ថម្ភរបស់វត្តទាំង ៧ក្នុងក្រុងសួង ផ្ដល់ជូនដល់សាខាកាកបាទក្រហមកម្ពុជាខេត្តត្បូងឃ្មុំ​ ដើម្បីកិច្ចការមនុស្សធម៌ផ្សេងៗក្នុងខេត្តត្បូងឃ្មុំទាំងមូល។

ពិធីនេះ ដឹកនាំដោយសាលាគណខេត្តត្បូងឃ្មុំ ប្រារព្ធធ្វើនៅសាខាកាកក្របាទក្រហមកម្ពុជា​ ខេត្ត​ត្បូង​ឃ្មុំ​ ស្ថិតនៅឃុំស្រឡប់​ ស្រុកត្បូងឃ្មុំ​ ខេត្តត្បូងឃ្មុំ។

⏰ ថ្ងៃអាទិត្យ ៦កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១ ខែមិថុនា ឆ្នាំ២០២៥