M'lup Russey Organization, #1278, Plov Lum, Prek Toal, Stueng Mean Chey 1, Meanchey, Phnom Penh (2026)

04/06/2026

We were deeply honored to welcome and host our partners from the ERIKS team. Over the past two days (2nd and 3rd June 2026), we had the great privilege of accompanying the ERIKS team, along with partners from Chab Dai and Hagar, to visit our M’lup Russey boundary partners. These included children and youth at the Youth Club, Careleavers, Church Partners, and key community members who are actively fulfilling their roles in child protection, working closely with authorities, strengthening families, and supporting income-generation activities in Siem Reap province.
This visit provided our partners with a meaningful opportunity to learn more about our work, the communities we serve, and our ongoing efforts to protect and empower children, youth, and families. Their presence, encouragement, and willingness to listen deeply touched the children and youth, especially as they shared their stories, impacts, and dreams.
We are truly grateful for the continued support from ERIKS. Your partnership means so much to us, and the time we spent together over these two days was very special.
Thank you once again for your support. It was a blessing to host you all. May God bless you abundantly. ERIKS Development Partner - Asia Region

01/06/2026

ការផ្លាស់ប្តូរផ្នត់គំនិត ដើម្បីគ្រួសាររឹងមាំ និងកុមាររស់នៅក្នុងបរិយាកាសគ្រួសារ
នៅថ្ងៃទី២៩ ខែឧសភា ឆ្នាំ២០២៦ អង្គការម្លប់ឫស្សី (MRO) បានរៀបចំវគ្គបណ្តុះបណ្តាលស្តីពី គ្រួសាររឹងមាំ នៅឃុំជំរះពេន ស្រុកសំរោង ខេត្តតាកែវ ដោយមានការចូលរួមពីជនគំរូចំនួន ១៤នាក់ (ប្រុស ៣នាក់ និង SOGIESC ១នាក់) និងអាជ្ញាធរមូលដ្ឋានចំនួន ៣នាក់(ស្រី៣)។
វគ្គបណ្តុះបណ្តាលនេះបានផ្តោតលើប្រធានបទសំខាន់ៗរួមមាន៖
✅ ការប្រាស្រ័យទាក់ទងវិជ្ជមាន និងការចិញ្ចឹមបីបាច់កូនបែបវិជ្ជមាន
✅ ការបង្ការការបំបែកកុមារចេញពីគ្រួសារដោយមិនចាំបាច់
ក្នុងអំឡុងពេលពិភាក្សា និងឆ្លុះបញ្ចាំង ជនគំរូម្នាក់បានលើកឡើងថា កន្លងមកគាត់ធ្លាប់យល់ថា “មណ្ឌលថែទាំ” គឺជាជម្រើសដ៏ល្អ និងមិនអាចជៀសវាងបានសម្រាប់ជួយកុមារក្រីក្រ ហើយគាត់ក៏ធ្លាប់លើកទឹកចិត្តគ្រួសារផ្សេងៗឱ្យបញ្ជូនកូនទៅរស់នៅក្នុងមណ្ឌលផងដែរ។ ប៉ុន្តែបន្ទាប់ពីបានចូលរួមវគ្គបណ្តុះបណ្តាលនេះ គាត់បានយល់កាន់តែច្បាស់ថា កុមារគួរតែទទួលបានការថែទាំ និងធំធាត់នៅក្នុងបរិយាកាសគ្រួសារដែលមានសេចក្តីស្រឡាញ់ សុវត្ថិភាព និងការគាំទ្រពីឪពុកម្តាយ ឬអាណាព្យាបាលជាចម្បង។
អ្នកចូលរួមផ្សេងទៀតក៏បានចែករំលែកថា ពីមុនពួកគាត់ជឿថា ការប្រើរំពាត់ គឺជាវិធីចាំបាច់ក្នុងការប្រដៅកូន។ ទោះជាយ៉ាងណា តាមរយៈការសិក្សាពីមេរៀនគ្រួសាររឹងមាំ ពួកគាត់បានយល់ថា ការប្រដៅកូនប្រកបដោយភាពវិជ្ជមាន ការស្តាប់ ការលើកទឹកចិត្ត និងការប្រាស្រ័យទាក់ទងល្អ អាចជួយឱ្យកុមាររៀនសូត្រ និងអភិវឌ្ឍខ្លួនបានល្អ ដោយមិនចាំបាច់ប្រើអំពើហិង្សាឡើយ។
💙 ការផ្លាស់ប្តូរផ្នត់គំនិតទាំងនេះ គឺជាជំហានដ៏សំខាន់ក្នុងការកសាងគ្រួសាររឹងមាំ និងសហគមន៍ដែលមានសុវត្ថិភាពសម្រាប់កុមារគ្រប់រូប។
#គ្រួសាររឹងមាំ #ការប្រដៅកូនបែបវិជ្ជមាន #ការទប់ស្កាត់កុមារចេញពីគ្រួសារដោយមិនចាំបាច់ #អង្គការម្លប់ឫស្សី

01/06/2026

រីករាយទិវាកុមារអន្តរជាតិ
International Children's Day

29/05/2026

ការលើកកម្ពស់ក្មេងស្រីក្នុងតួនាទីអ្នកដឹកនាំ
សល់ សូនីតា និង ឆាម ឌីណា ជាយុវតីដែលធ្លាប់រស់នៅក្នុងមណ្ឌលថែទាំជំនួសមួយ នៅខេត្តបាត់ដំបង។ បច្ចុប្បន្ននេះ នីតា និង ឌីណា មានឱកាសបន្តអភិវឌ្ឍខ្លួន ដោយកំពុងហ្វឹកហាត់ការងារជាមួយអង្គការម្លប់ឫស្សី និងជាសមាជិកនៃបណ្តាញយុវជនចាកចេញពីមណ្ឌលថែទាំជំនួស (Careleaver Network)។
តាមរយៈការគាំទ្រ និងការបណ្តុះបណ្តាលជាបន្តបន្ទាប់ សូនីតា និង ឌីណា បានរីកចម្រើនយ៉ាងខ្លាំងក្នុងតួនាទីជាស្រ្តីវ័យក្មេងម្នាក់ដែលមានទំនុកចិត្ត ក្លាហាន និងមានសមត្ថភាពដឹកនាំ។ នីតា និង ឌីណា បានបោះជំហានមុខជាអ្នកដឹកនាំក្រុមកុមារ និងយុវជន ដោយផ្តោតលើការលើកកម្ពស់តួនាទីក្មេងស្រីក្នុងការចូលរួមសកម្មភាពសហគមន៍ និងការគាំទ្រមិត្តអប់រំមិត្ត (Peer To Peer Support)។
ជាពិសេស សូនីតា និង ឌីណា បានចូលរួមរៀបចំ និងដឹកនាំសកម្មភាពក្នុងក្លឹបកុមារ និងយុវជនជាច្រើននៅខេត្តបាត់ដំបង ដោយបង្ហាញពីសមត្ថភាពក្នុងការរៀបចំមេរៀន ចែករំលែកបទពិសោធន៍ផ្ទាល់ខ្លួន និងជួយបណ្តុះបណ្តាលជំនាញជីវិតដល់កុមារ និងយុវជនដទៃទៀត។ សកម្មភាពទាំងនេះមានកុមារចូលរួមសរុបចំនួន ៧៨ នាក់ ក្នុងនោះស្ត្រី ៥៥ នាក់ ដែលជាសញ្ញាបង្ហាញពីការលើកកម្ពស់ការចូលរួមរបស់ក្មេងស្រីយ៉ាងមានប្រសិទ្ធភាព។
ក្រៅពីនេះ នីតា និង សូនីតា ក៏បានចូលរួមរៀបចំកិច្ចប្រជុំប្រចាំ ដើម្បីឆ្លុះបញ្ចាំងលទ្ធផលសកម្មភាព ពង្រឹងសមត្ថភាព ចំណេះដឹង និងផ្លាស់ប្តូរបទពិសោធន៍គ្នាទៅវិញទៅមក។ កិច្ចប្រជុំទាំងនេះបានជួយអោយនីតា និង ឌីណា អាចរៀបចំផែនការសកម្មភាពប្រចាំឆ្នាំបានយ៉ាងច្បាស់លាស់ និងមានទិសដៅ។
តាមរយៈដំណើរការនេះ សូនីតា និង ឌីណា មិនត្រឹមតែអភិវឌ្ឍខ្លួនឯងជាអ្នកដឹកនាំប៉ុណ្ណោះទេ ប៉ុន្តែថែមទាំងបានក្លាយជាគំរូល្អសម្រាប់យុវតីដទៃទៀត ក្នុងការលើកទឹកចិត្តឲ្យក្មេងស្រីក្លាហានក្នុងការនិយាយ ធ្វើការសម្រេចចិត្ត និងចូលរួមយ៉ាងសកម្មក្នុងការអភិវឌ្ឍសហគមន៍ និងជម្រុញលើកទឹកចិត្តក្មេងស្រីបន្តការសិក្សា។
ជាផ្នែកមួយនៃចក្ខុវិស័យរួម នីតា និង ឌីណា ក៏បានរួមចំណែកក្នុងការកសាងបរិយាបន្ន និងការតភ្ជាប់រឹងមាំរវាងក្លឹបកុមារ និង យុវជន និងបណ្តាញយុវជនចាកចេញពីមណ្ឌលថែទាំជំនួសផ្សេងៗ (Careleavers) ដើម្បីធានាថាកុមារ និងយុវជនគ្រប់គ្នាមានឱកាសស្មើគ្នា ក្នុងការអភិវឌ្ឍសមត្ថភាព និងសម្រេចក្តីសុបិនរបស់ខ្លួន។

28/05/2026

លើកកម្ពស់សមភាពយេនឌ័រ ចាប់ផ្តើមពីកុមារ និងយុវជន
ការយល់ដឹងអំពីយេនឌ័រ គឺជាជំហានដ៏សំខាន់មួយក្នុងការកសាងសង្គមមួយដែលមានសមភាព សុវត្ថិភាព និងមានការគោរពគ្នាទៅវិញទៅមកដោយមិនមានការរើសអើង។
អង្គការម្លប់ឫស្សី បានរៀបចំសិក្ខាសាលាផ្សព្វផ្សាយក្រោមប្រធានបទ “មូលដ្ឋានសមភាពយេនឌ័រ និងគំនិតយេនឌ័រ” សម្រាប់កុមារ និងយុវជនពីក្លឹបយុវជនចំនួន ៥ ( ក្លឹបនៃយុវជន៖ អង្គការអរុណរះ អង្គការគ្រួសារថ្មី អង្គការក្តីសង្ឍឹមអាស៊ី អង្គការដែនដីសប្បាយ និងអង្គការមណ្ឌលស្ពានឥន្ទធនូ)។ សិក្ខាសាលានេះបានរៀបចំឡើងនៅថ្ងៃទី ១ ខែឧសភា ឆ្នាំ២០២៦ នៅរាជធានីភ្នំពេញ ដោយមានការចូលរួមពីសមាជិកក្លឹបយុវជន សរុប ៥៧នាក់ ក្នុងនោះ ស្រី ៣៥នាក់។
ក្នុងវគ្គសិក្ខាសាលានេះ កុមារ និងយុវជនបានទទួលបាន៖
- ការយល់ដឹងអំពីនិយមន័យ និងសារៈសំខាន់នៃសមភាពយេនឌ័រ ក្នុងជីវិតប្រចាំថ្ងៃ
- ការសិក្សាអំពីសិទ្ធិ និងតួនាទីរបស់មនុស្សគ្រប់រូប ដោយគ្មានការរើសអើងអាយុ ភេទ ឬបរិបទសង្គម
- ការចូលរួមសកម្មភាពរបស់កុមារនិងយុជន ដែលជួយបណ្តុះអាកប្បកិរិយាការគោរព ការស្តាប់ និងការគាំទ្រគ្នាទៅវិញទៅមក ព្រមទាំងអ្នកមាននិន្នាការភេទចម្រុះផ្សេងទៀត។
- ការលើកកម្ពស់ភាពជាអ្នកដឹកនាំរបស់កុមារនិងយុវជន ដើម្បីពួកគេក្លាយជាតំណាងក្នុងការផ្សព្វផ្សាយសមភាពយេនឌ័រនៅក្នុងសហគមន៍របស់ពួកគេ
តាមរយៈសិក្ខាសាលានេះ កុមារ និងយុវជនមិនត្រឹមតែទទួលបានចំណេះដឹងប៉ុណ្ណោះទេ ប៉ុន្តែថែមទាំងមានការកែលម្អទស្សនៈ និងអាកប្បកិរិយា ដើម្បីរួមចំណែកបង្កើតបរិយាកាសស្មើភាព និងមានភាពរួមបញ្ចូលនៅក្នុងសង្គម។

អង្គការម្លប់ឫស្សី សូមថ្លែងអំណរគុណយ៉ាងជ្រាលជ្រៅចំពោះអង្គការ FELM ដែលបានគាំទ្រនិងចូលរួមយ៉ាងសកម្ម ក្នុងការចែករំលែកចំណេះដឹង និងបទពិសោធន៍ដ៏មានតម្លៃ ដល់កុមារ និងយុវជនពីក្លឹបដៃគូររបស់យើង។ និងការគាំទ្ររបស់ម្ចាស់ជំនួយរបស់យើងផ្សេងៗដូចជា ERIKS Development Partner - Asia Region Felm Cambodia and Tearfund ជាផ្នែកសំខាន់មួយក្នុងការជំរុញសង្គមឱ្យឈានទៅរកសមភាព និង បរិយាបន្ន។

28/05/2026

បំនិនជីវិត និង ចំណេះដឹងនៃការមករដូវ មិនមែនសម្រាប់តែ កុមារី និង ស្ត្រី នោះឡើយ តែកុមារា និង បុរស ព្រមទាំងអ្នកមាននិន្នាការភេទចម្រុះផ្សេងទៀត ក៏ត្រូវស្វែងយល់ ដើម្បីផាសុខភាព និងបង្ហាញពីការគាំទ្រចំពោះគ្នាទៅវិញទៅមក។ ដោយសារបច្ចុប្បន្ននេះ មនុស្សមួយចំនួននៅតែគិតថា ការយល់ដឹងសុខភាពបន្តពូជ និងការមករដូវគឺជារឿងរបស់ស្រ្តី និង កុមារី និងជារឿងដែលមិនគួរយល់ដឹង។ ជាក់ស្តែងមនុស្សគ្រប់គ្នាមិនថាបុរស កុមារ និង អ្នកមាននិន្នាការភេទចម្រុះ គួរតែយល់ដឹងអំពីការមករដូវហើយបង្ហាញពីការគាំទ្រដល់ កុមារី និង ស្ត្រី។
ថ្ងៃទី ២៦ ខែ មេសា ឆ្នាំ ២០២៦អង្គការម្លប់ឫស្សីបានរៀបចំសិក្ខាសាលាបំនិនជីវិតដល់កុមារ និងប្អូនៗដែលមកពីក្លឹបយុវជនចំនួន ខ្មែរដើម្បីខ្មែរនិងគ្រួសារថ្មីសៀមរាបដែលជា កុមារ និង យុវជន ដៃគូរបស់អង្គការម្លប់ឫស្សីក្នុងខេត្តសៀមរាប ដែលមានកុមារ និងយុវជនចូលរួម ៣៣នាក់ ស្រី ២២នាក់ ក្នុងគោលបំណង:
• កុមារ និងយុវជនទទួលបានព័ត៌មានសំខាន់ៗអំពីសុខភាព និងសិទ្ធិនៃការមករដូវ ដោយផ្តល់សិទ្ធិអំណាចឱ្យពួកគេធ្វើការសម្រេចចិត្តប្រកបដោយការយល់ដឹងអំពីរាងកាយរបស់ពួកគេ នូវសុខុមាលភាព និងគុណភាពនៃជីវិតសម្រាប់ពួកគេ។
• បន្ថយការរើសអើងដែលទាក់ទងនឹងការមករដូវ ជំរុញបរិយាកាសបើកចំហ និងគាំទ្រ។
• កុមារ និងយុវជនបានសិក្សាអំពីការអនុវត្តអនាម័យពេលមករដូវឱ្យបានត្រឹមត្រូវ កាត់បន្ថយហានិភ័យនៃការឆ្លងមេរោគ និងលើកកម្ពស់សុខភាពទូទៅ។
• លើកកម្ពស់ការយល់ដឹងអំពីសិទ្ធិសុខភាពពេលមករដូវ ធានាថាសិក្ខាកាមយល់អំពីសិទ្ធិរបស់ពួកគេ និងអាចតស៊ូមតិដោយខ្លួនឯងបាន។
• ជំរុញអោយសហគមន៍មានការគាំទ្រ លើកទឹកចិត្តអ្នកចូលរួមចែករំលែកបទពិសោធន៍ និងគាំទ្រគ្នាទៅវិញទៅមក។
• បង្កើនទំនុកចិត្ត និងការគោរពខ្លួនរបស់ពួកគេដោយជួយឱ្យពួកគេមានអារម្មណ៍សុវត្តិភាព និងផ្តល់កម្លាំងចិត្តអំឡុងពេលមករដូវ។
សកម្មភាពនេះ ឧបត្ថម្ភដោយម្ចាស់ជំនួយ ERIKS Development Partner Felm Cambodia និង Tearfund បណ្តុះបណ្តាលដោយលោកគ្រូអ្នកគ្រូអញ្ចើញមកពី គ្លីនិចម៉ារីស្តុបខេត្តសៀមរាបដែលជាដៃគូរសហការណល្អរបស់អង្គការម្លប់ឫស្សី។

27/05/2026

ការលើកកម្ពស់សម្លេងរបស់កុមារក្នុងការចូលរូមសកម្មភាពនានាក្នុងវេទិកាសង្គមពិតជាសំខាន់
នៅថ្ងៃទី ២៨ ខែកុម្ភៈ ឆ្នាំ២០២៦ អង្គការម្លប់ឫស្សី បានសម្របសម្រួលកុមារ និងយុវជនពីក្លឹបយុវជន ចូលរួមវេទិកាពិគ្រោះយោបល់ជាមួយអាជ្ញាធរថ្នាក់ខេត្ត នៅខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ពី លោកជំទាវ កែវ ដាណា អភិបាលរងនៃគណៈអភិបាលខេត្តបាត់ដំបង និងលោកជំទាវ ញឹក សាគន្ធ ប្រធានគណៈកម្មាធិកា គ.ក.ស.ក ខេត្តបាត់ដំបង។វេទិកានេះ មានការចូលរួមពីកុមារ និងយុវជនតំណាងអង្គការម្លប់ឫស្សី មកពីមណ្ឌលចំនួន ៤ ដែលជាដៃគូ និងមានកុមារនិងយុវជនចូលរួមសរុបចំនួន ១០ នាក់ ក្នុងនោះមានស្រី ៨ នាក់។ ព្រមទាំងមានការចូលរួមពីអង្គការដៃគូបណ្ដាញស្ត្រី និងកុមារជាច្រើនផ្សេងទៀត ដែលមានវត្តមាននៅក្នុងខេត្តបាត់ដំបង។ វេទិការនេះរៀបចំឡើងក្នុងគោលបំណងសំខាន់ៗចំនួន ២គឺ ៖
១- លើកកម្ពស់ការចូលរួមរបស់កុមារនិងយុវជនតាមរយះការលើកឡើងអំពីក្តីកង្វល់និងតម្រូវការរបស់កុមារនិងយុវជន។
២- ចែករំលែកបទពិសោធន៍និងការអនុវត្តល្អៗរបស់កុមារនិងយុវជន ដែលបាននឹងកំពុងចូលរួម យ៉ាងសកម្មក្នុងការបង្ការ ទប់ស្កាត់ អន្តរាគមន៍ ឆ្លើយតប និងសេវាគាំទ្រចំពោះកុមារ ដែលរងនូវ អំពើហិង្សា ព្រមជាមួយនឹងការបង្ហាញពីការចូលរួមរបស់កុមារ និងយុវជន ក្នុងនាមជាម្ចាស់សិទ្ធិ លើការលើកកម្ពស់សិទ្ធិ និងឧត្តមប្រយោជន៍របស់ខ្លួន។
តាមរយះការចូលរួមនេះ កុមារនិងយុវជន បានលើកទ្បើងថា មានចំនុចជាច្រើនក្នុងវេទិកានេះពិតជាមានសារៈសំខាន់សម្រាប់ពួកគេដែលជាកុមារនិងយុវជននិងបានផ្តល់ឳកាសអោយពួកគេបានចូលរួមបច្ចេញមតិយោបល់ក្នុងវេទិការពិភាក្សា ដែលពួកគេមិនដែលដឹងពីមុន ដែលជួយអោយពួកគេរៀនសូត្រ ចំណេះដឹងថ្មីៗ និងទទួលបានបទពិសោធន៍ល្អៗ ពីសិក្ខាសាលា។ ហើយពេលត្រឡប់ទៅវិញកុមារ នឹងយកអ្វីដែលបានចូលរួមនេះ ដើម្បីអនុវត្តក្នុងជីវិតប្រជាំថ្ងៃរបស់ពួកគេ ហើយនិងបន្តចែករំលែកបន្ថែមទៅកាន់មិត្តភក្តិ សហគមន៏របស់ពួកគេ ដើម្បីចូលរួមទប់ស្កាត់ ការរំលោភបំពានលើកុមារគ្រប់ទម្រង់ ដែលកើតមានឡើងដូចជា ការរំលោភបំពានតាមប្រពន្ធ័បណ្តាញសង្គម ការមិនអើពើ អំពើហិង្សាលើរាងកាយ អំពើហិង្សាផ្លូវចិត្ត និងផ្លូវភេទ ដើម្បីជួយដល់កុមារដទៃផ្សេងទៀត និង ខ្លួនពួកគេទទួលបានសុវត្ថិភាព និងចេះការពារខ្លួន អោយរួចផុតពីការរំលោភបំពាននានាដែលនិងកើតមានឡើង ព្រមទាំងទទួលបានសិទ្ឋពេញលេញ។ ERIKS Development Partner - Asia Region Felm Cambodia Tearfund

18/05/2026

📢 WE ARE HIRING!

Join the team at M’lup Russey and help build safe, stable, and sustainable communities for children and families in Cambodia.
We are currently looking for passionate and qualified candidates for the following positions:
🔹 Disaster & Safety Management Coordinator
🔹 Monitoring, Evaluation, Accountability & Learning (MEAL) Team Leader
📍 Base in Phnom Penh
🕒 Full-time Positions
If you are committed to community empowerment, child protection, and creating positive impact, we encourage you to apply!
📅 Application Deadline: 9 June 2026
📧 Send your application to: [email protected]
📞 Contact: 078 222 660
Women are strongly encouraged to apply. 💙

14/05/2026

អបអរសាទរ ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា (King Sihamoni's Birthday)

13/05/2026

វគ្គបណ្តុះបណ្តាលស្តីពីបទដ្ឋានអង្គការសុវត្ថិភាពកុមារ
រាជធានីភ្នំពេញ៖ កាលពីថ្ងៃចន្ទ-អង្គារ ទី១០-១១ រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១-១២ ខែឧសភា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។ ឯកឧត្តម អ៊ុំ សុផាន់ណារ៉ា អគ្គនាយកសេវាសង្គមកិច្ច បានអញ្ជើញចូលរួមជាអធិបតីក្នុងពិធីបើក និងបិទវគ្គបណ្តុះបណ្តាលស្តីពីបទដ្ឋានអង្គការសុវត្ថិភាពកុមារ ជូនដល់បុគ្គលិកអង្គការម្លប់ឬស្សី។

វគ្គបណ្តុះបណ្តាលនេះ មានសិក្ខាកាមចូលរួមសរុបចំនួនប្រមាណ ៣៧នាក់ ក្នុងនោះមានភេទស្រី ១៣នាក់ និងភេទប្រុស ២៤នាក់។ សិក្ខាកាមទាំងអស់សុទ្ធតែជាអ្នកបម្រើការងារដោយផ្ទាល់ និងដោយប្រយោលជាមួយកុមារ ក្នុងគម្រោង និងសកម្មភាពនានារបស់អង្គការ។

វគ្គបណ្តុះបណ្តាលនេះ បានប្រព្រឹត្តទៅរយៈពេល២ថ្ងៃពេញ ដោយផ្តោតសំខាន់លើការពង្រឹងយន្តការការពារកុមារក្នុងគ្រប់បរិបទការងារ។ គោលបំណងសំខាន់គឺដើម្បីផ្តល់ចំណេះដឹងស៊ីជម្រៅដល់បុគ្គលិកអង្គការដៃគូ ព្រមទាំងអ្នកផ្តល់សេវាដែលធ្វើការដោយផ្ទាល់ និងដោយប្រយោលជាមួយកុមារ ដើម្បីធានាថាកុមារទាំងអស់មានសុវត្ថិភាព រួចផុតពីការរំលោភបំពាន ការកេងប្រវ័ញ្ចគ្រប់រូបភាព និងគ្រប់ទម្រង់នៃអំពើហិង្សា ទោះបីជានៅក្នុងគ្រួសារ សហគមន៍ សាលារៀន កន្លែងការងារ ឬប្រព័ន្ធអនឡាញក៏ដោយ។

លើសពីនេះ វគ្គបណ្តុះបណ្តាលក៏បានលើកកម្ពស់ការយល់ដឹងអំពីក្រមសីលធម៌ នីតិវិធីរាយការណ៍ករណីរំលោភបំពាន និងការឆ្លើយតបប្រកបដោយប្រសិទ្ធភាព ដើម្បីកសាងបរិយាកាសសុវត្ថិភាព និងចីរភាពសម្រាប់កុមារគ្រប់រូប៕

M'lup Russey Organization

04/06/2026

01/06/2026

01/06/2026

29/05/2026

28/05/2026

28/05/2026

27/05/2026

18/05/2026

14/05/2026

13/05/2026

Address

Telephone

Website

Alerts

Contact The Organization

Shortcuts

Share

Category