អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ General Department of Digita

  • Home
  • Cambodia
  • Phnom Penh
  • អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ General Department of Digita

អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ General Department of Digita អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
General Department of Digital Technology and Media
https://t.me/gddtm
(3)

Here our official telegram : https://t.me/gddtm

ឯកឧត្តម ឧត្តមសេនីយ៍ឯក ហោ សំអាត អញ្ជើញទស្សនកិច្ចសិក្សាស្វែងយល់ពីប្រព័ន្ធ ពន្ធនាគារឆ្លាតវៃ (Smart prison) និងផ្លាស់ប្តូរបទ...
03/06/2026

ឯកឧត្តម ឧត្តមសេនីយ៍ឯក ហោ សំអាត អញ្ជើញទស្សនកិច្ចសិក្សាស្វែងយល់ពីប្រព័ន្ធ ពន្ធនាគារឆ្លាតវៃ (Smart prison) និងផ្លាស់ប្តូរបទពិសោធន៍បច្ចេកវិទ្យាឌីជីថល នៅទីក្រុងណាននីង

ចិន ៖ នៅថ្ងៃទី៣ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានអញ្ជើញបំពេញ ទស្សនកិច្ចសិក្សា និងដកស្រង់បទពិសោធន៍លើការ អនុវត្តបច្ចេកវិទ្យាឌីជីថលក្នុងវិស័យពន្ធនាគារនៅទីស្នាក់ការក្រុមហ៊ុន China-ASEAN Information Harbor នៅទីក្រុងណាននីង ខេត្តក្វាងស៊ី សាធារណរដ្ឋប្រជាមានិតចិន ។

ជាមួយគ្នានេះ ឯកឧត្តម ឧត្តមសេនីយ៍ឯក អគ្គនាយក ក៏បានជួបពិភាក្សា និងផ្លាស់ប្តូរបទពិសោធន៍ជាមួយថ្នាក់ដឹកនាំ និងអ្នកជំនាញបច្ចេកទេសរបស់ក្រុមហ៊ុន China-ASEAN Information Harbor ដោយផ្តោតលើឱកាសក្នុងការអភិវឌ្ឍប្រព័ន្ធគ្រប់គ្រងព័ត៌មាន ការប្រើប្រាស់បច្ចេកវិទ្យាឌីជីថលក្នុងការពង្រឹងការងារសន្តិសុខ និងការលើកកម្ពស់ប្រសិទ្ធភាពនៃការគ្រប់គ្រងពន្ធនាគារ ស្របតាមផែនការយុទ្ធសាស្ត្ររបស់រាជរដ្ឋាភិបាល។

លោកឧត្តមសេនីយ៍ទោ សេង វិសិទ្ធិ អញ្ជើញចូលរួមកិច្ចប្រជុំស្តីពីវឌ្ឍនភាពក្រុមការងារទទួលបន្ទុកបច្ចុប្បន្នភាពរចនាសម្ព័ន្ធ និងជំ...
03/06/2026

លោកឧត្តមសេនីយ៍ទោ សេង វិសិទ្ធិ អញ្ជើញចូលរួមកិច្ចប្រជុំស្តីពីវឌ្ឍនភាពក្រុមការងារទទួលបន្ទុកបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធរបស់ក្រសួងមហាផ្ទៃ

ទីស្ដីការក្រសួងមហាផ្ទៃ៖ នៅព្រឹកថ្ងៃពុធ ទី៣ ខែមិថុនា ឆ្នាំ២០២៦ លោកឧត្តមសេនីយ៍ទោ សេង វិសិទ្ធិ អគ្គនាយករង នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញចូលរួមកិច្ចប្រជុំស្តីពីវឌ្ឍនភាពក្រុមការងារទទួលបន្ទុកបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធរបស់ក្រសួងមហាផ្ទៃ ក្រោមអធិបតីភាព ឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ និងជាប្រធានក្រុមការងារទទួលបន្ទុកបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធរបស់ក្រសួងមហាផ្ទៃ ដោយមានការអញ្ជើញចូលរួមពីឯកឧត្តម រដ្ឋលេខាធិការ អនុរដ្ឋលេខាធិការ អគ្គនាយក អគ្គលេខាធិការ អគ្គនាយករង ប្រធាន-អនុប្រធាននាយកដ្ឋាន នាយ-នាយរងការិយាល័យ ព្រមទាំងលោក លោកស្រី ជាសមាជិក សមាជិកាអង្គភាពចំណុះក្រសួងមហាផ្ទៃ ជាច្រើនរូបទៀតផងដែរ៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ឯកឧត្តម ឧត្តមសេនីយ៍ឯក ហោ សំអាត អញ្ជើញបំពេញទស្សនកិច្ចជាផ្លូវការ នៅទីក្រុងណាននីង ខេត្តក្វាងស៊ី សាធារណរដ្ឋប្រជាមានិតចិនភ្នំ...
02/06/2026

ឯកឧត្តម ឧត្តមសេនីយ៍ឯក ហោ សំអាត អញ្ជើញបំពេញទស្សនកិច្ចជាផ្លូវការ នៅទីក្រុងណាននីង ខេត្តក្វាងស៊ី សាធារណរដ្ឋប្រជាមានិតចិន

ភ្នំពេញ ៖ ដោយទទួលបានអនុញ្ញាតដ៏ខ្ពង់ខ្ពស់ពីសំណាក់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នារសៀលថ្ងៃទី២ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានដឹកនាំក្រុមការងារបំពេញទស្សនកិច្ចជាផ្លូវការ នៅទីក្រុងណាននីង ខេត្តក្វាងស៊ី សាធារណរដ្ឋប្រជាមានិតចិន រយៈពេល ៤ថ្ងៃ ចាប់ពីថ្ងៃទី២ ដល់ថ្ងៃទី៥ ខែមិថុនា ឆ្នាំ២០២៦៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ឯកឧត្តម ឧត្តមសេនីយ៍ឯក ហោ សំអាត ផ្ញើសារលិខិតគោរពជូនពរ ឯកឧត្តមអភិសន្តិបណ្ឌិត ស សុខា ក្នុងឱកាស មហាមង្គលដ៏ថ្លៃថ្លា នៃពិធីខួប...
02/06/2026

ឯកឧត្តម ឧត្តមសេនីយ៍ឯក ហោ សំអាត ផ្ញើសារលិខិតគោរពជូនពរ ឯកឧត្តមអភិសន្តិបណ្ឌិត ស សុខា ក្នុងឱកាស មហាមង្គលដ៏ថ្លៃថ្លា នៃពិធីខួបកំណើតនាថ្ងៃទី០៤ ខែមិថុនា ឆ្នាំ២០២៦ខាងមុខ

ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ ផ្ញើសារលិខិតគោរពជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងឱកាស មហាមង្គលដ៏ថ្លៃថ្លា នៃពិធីខួបកំណើតនាថ្ងៃទី០៤ ខែមិថុនា ឆ្នាំ២០២៦ខាងមុខនេះ សូមបួងសួងដល់វត្ថុស័ក្តិសិទ្ធិទាំងឡាយ ក្នុងលោក គុណបុណ្យព្រះរតនត្រ័យ គុណកែវទាំងបី បុណ្យបារមីទេវតាថែរក្សាទឹកដីនៃព្រះរាជាណាចក្រកម្ពុជា សូមមេត្តាប្រោះព្រំសព្ទសាធុការពរជ័យ សិរីសួស្តី ជ័យមង្គល វិបុលសុខ បវរមហាប្រសើរជូនចំពោះ ឯកឧត្តម អភិសន្តិបណ្ឌិត និងលោកជំទាវ ព្រមទាំងក្រុមគ្រួសារ សូមបានប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

លោកស្រីឧត្តមសេនីយ៍ត្រី ឃឹម គង្គាបរមី អញ្ជើញចូលរួមក្នុងពិធីបេីកវគ្គបណ្តុះបណ្តាលគ្រូបង្គោលយេនឌ័រក្រសួងមហាផ្ទៃ ទីស្ដីការក្រ...
02/06/2026

លោកស្រីឧត្តមសេនីយ៍ត្រី ឃឹម គង្គាបរមី អញ្ជើញចូលរួមក្នុងពិធីបេីកវគ្គបណ្តុះបណ្តាលគ្រូបង្គោលយេនឌ័រក្រសួងមហាផ្ទៃ

ទីស្ដីការក្រសួងមហផ្ទៃ៖ នៅព្រឹកថ្ងៃអង្គារ ទី២ ខែមិថុនា ឆ្នាំ២០២៦ នេះ លោកស្រីឧត្តមសេនីយ៍ត្រី ឃឹម គង្គាបរមី អគ្គនាយករង នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានអញ្ជើញចូលរួម ក្នុងពិធីបេីកវគ្គបណ្តុះបណ្តាលគ្រូបង្គោលយេនឌ័រក្រសួងមហាផ្ទៃ ក្រោមអធិបតីភាព លោកជំទាវ អុង សុភាវី រដ្ឋលេខាធិការក្រសួងមហាផ្ទៃ និងជាប្រធានក្រុមការងារយេនឌ័រក្រសួងមហាផ្ទៃ ។

ពិធីបេីកសិក្ខាសាលានេះដែរក៏ មានការអញ្ជេីញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ លោកជំទាវ អគ្គស្នងការរងនគរបាលជាតិ លេខាធិការដ្ឋានគណៈកម្មាធិការជាតិប្រឆាំងទារុណកម្ម សាលាជាតិរដ្ឋបាលមូលដ្ឋាន បណ្ឌិត្យសភានគរបាលកម្ពុជា ព្រមទាំងលោកជំទាវ លោក លោកស្រី តំណាងអគ្គនាយកដ្ឋាននានា នៃក្រុមការងារយេនឌ័រ ចំណុះក្រសួងមហាផ្ទៃជាច្រេីនរូបទៀត ។

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

លោកឧត្តមសេនីយ៍ទោ ម៉ៅ គង្គា អញ្ជើញចូលរួមកិច្ចប្រជុំតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online...
02/06/2026

លោកឧត្តមសេនីយ៍ទោ ម៉ៅ គង្គា អញ្ជើញចូលរួមកិច្ចប្រជុំតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្ររាជធានីភ្នំពេញ

ព្រឹកថ្ងៃទី២ ខែមិថុនា ឆ្នាំ២០២៦នេះ លោកឧត្តមសេនីយ៍ទោ ម៉ៅ គង្គា អគ្គនាយករង នៃអគ្គនាយកដ្ឋានបច្ចេកវិទ្យា​ឌីជីថល និងផ្សព្វផ្សាយអប់រំ បានអញ្ជើញចូលរួមកិច្ចប្រជុំតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្ររាជធានីភ្នំពេញ ក្រោមអធិបតីភាពឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅសាលប្រជុំទីស្តីការក្រសួងមហាផ្ទៃ។

ថ្នាក់ដឹកនាំ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ អញ្ជើញដឹកនាំកិច្ចប្រជុំ ជំរុញការផលិត​មាតិកា​ផ្សព្វផ្ស...
01/06/2026

ថ្នាក់ដឹកនាំ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ អញ្ជើញដឹកនាំកិច្ចប្រជុំ ជំរុញការផលិត​មាតិកា​ផ្សព្វផ្សាយអប់រំ​ផ្នែក​សុវត្ថិភាព​ឌីជីថល​

ភ្នំពេញ ៖ លោកឧត្តមសេនីយ៍ទោ អុីវ វាសនា និងលោកឧត្តមសេនីយ៍ទោ ស្រូយ ដារ៉ង់ អគ្គនាយករង នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានអញ្ជើញជាអធិបតីដឹកនាំកិច្ចប្រជុំ ជំរុញការផលិត​មាតិកា​ផ្សព្វផ្សាយអប់រំ​ពាក់ព័ន្ធ​នឹង​សុវត្ថិភាព​បច្ចេកវិទ្យាឌីជីថល​ ដើម្បីឱ្យប្រជាពលរដ្ឋយល់បាន​ស្វែងយល់​កាន់តែច្បាស់អំពីបរិបទ​នៃ​បច្ចេកវិទ្យា និងដើម្បី​ការពារ​ខ្លួន​ពីបទល្មើសបច្ចេកវិទ្យា។

កិច្ចប្រជុំនេះ ក៏មានការអញ្ជើញចូលពី ប្រធាននាយកដ្ឋានការពារសុវត្ថិភាពបច្ចេកវិទ្យាឌីជីថល ប្រធានស្ថានីយ៍វិទ្យុ និងទូរស្សន៍មហាផ្ទៃ អនុប្រធាននាយកដ្ឋាន-អនុប្រធានស្ថានីយ៍ នាយ-នាយរងការិយាល័យ ព្រមទាំងមន្ដ្រីជំនាញជាច្រើនរូបទៀត។ កិច្ចប្រជុំនេះ រៀបចំធ្វើឡើងនៅសាលប្រជុំ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៃទីស្ដីការក្រសួងមហាផ្ទៃ នាថ្ងៃទី១ ខែមិថុនា ឆ្នាំ២០២៦។

លោកឧត្តមសេនីយ៍ទោ អុីវ វាសនា បានមានប្រសាសន៍ថា «ការជំរុញការផ្សព្វផ្សាយការយល់ដឹងអំពីបទល្មើសបច្ចេកវិទ្យា និងវិធីសាស្ត្រការពារខ្លួន គឺជាកិច្ចការដ៏សំខាន់ចាំបាច់ ដើម្បីការពារប្រជាពលរដ្ឋកម្ពុជាពីការឆបោកតាមប្រព័ន្ធអនឡាញ»។

លោកឧត្តមសេនីយ៍ទោ អគ្គនាយករង ក៏បានជំរុញ​ការក្រើនរំលឹកដល់ប្រជាពលរដ្ឋ ចូលរួមកាត់បន្ថយភាពងាយរងគ្រោះ នៃបទល្មើសបច្ចេកវិទ្យា ដោយស្វែងយល់អំពីបច្ចេកវិទ្យា និងហានិភ័យពាក់ព័ន្ធ តាមរយៈការតាមដានព័ត៌មានបអប់រំនានា ហើយចែករំលែងបន្តដល់ក្រុមគ្រួសារ បងប្អូន មិត្តភក្តិ ព្រមទាំងចូលរួមធ្វើសេចក្តីរាយការណ៍ជូនសមត្ថកិច្ចពាក់ព័ន្ធ ក្នុងករណីជួបប្រទះ ឬសង្ស័យថា «ជាបទល្មើសបច្ចេកវិទ្យា»៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

លោកឧត្តមសេនីយ៍ទោ អុីវ វាសនា និងលោកឧត្តមសេនីយ៍ទោ ស្រូយ ដារ៉ង់ អញ្ជើញជាសហប្រធានដឹកនាំកិច្ចប្រជុំស្តីពី លទ្ធផលការងារសម្រេចប...
01/06/2026

លោកឧត្តមសេនីយ៍ទោ អុីវ វាសនា និងលោកឧត្តមសេនីយ៍ទោ ស្រូយ ដារ៉ង់ អញ្ជើញជាសហប្រធានដឹកនាំកិច្ចប្រជុំស្តីពី លទ្ធផលការងារសម្រេចបានប្រចាំខែឧសភា ឆ្នាំ២០២៦ និងលើកទិសដៅបន្ត របស់នាយកដ្ឋានការពារសុវត្ថិភាពបច្ចេកវិទ្យាឌីជីថល

ទីស្ដីការក្រសួងមហាផ្ទៃ៖ នៅព្រឹកថ្ងៃចន្ទ ទី០១ ខែមិថុនា ឆ្នាំ២០២៦ លោកឧត្តមសេនីយ៍ទោ អុីវ វាសនា និងលោកឧត្តមសេនីយ៍ទោ ស្រូយ ដារ៉ង់ អគ្គនាយករង នៃអគ្គនាយកដ្ឋានបច្ចេកវិទ្យា​ឌីជីថល និងផ្សព្វផ្សាយអប់រំ បានអញ្ជើញជាសហប្រធានដឹកនាំ​កិច្ចប្រជុំស្តីពី លទ្ធផលការងារ​សម្រេច​បានប្រចាំខែឧសភា ឆ្នាំ២០២៦ និងលើកទិសដៅបន្ត របស់នាយកដ្ឋានការពារសុវត្ថិភាព​បច្ចេកវិទ្យាឌីជីថល ដោយមានការអញ្ជើញចូលរួមពី លោក ប្រធាននាយកដ្ឋាន អនុប្រធាននាយកដ្ឋាន នាយ-នាយរងការិយាល័យ នាយ-នាយរងផ្នែក ព្រមទាំងលោក លោកស្រី និងមន្រ្តីជំនាញពាក់ព័ន្ធជាច្រើនរូបទៀតផងដែរ។

ជាកិច្ចចាប់ផ្ដើម លោកឧត្តមសេនីយ៍ទោ ស្រូយ ដារ៉ង់ អគ្គនាយករង នៃអគ្គនាយកដ្ឋានបច្ចេកវិទ្យា​ឌីជីថល និងផ្សព្វផ្សាយអប់រំ បានមានមតិស្វាគមន៍ទៅកាន់ថ្នាក់ដឹកនាំ ព្រមទាំងមន្រ្តីជំនាញ នៃនាយកដ្ឋានការពារសុវត្ថិភាពបច្ចេកវិទ្យាឌីជីថល។
លោកឧត្តមសេនីយ៍ទោ អគ្គនាយករង បានថ្លែងអំណរគុណដល់នាយកដ្ឋានការពារសុវត្ថិភាពបច្ចេកវិទ្យាឌីជីថល ដែលបានខិតខំប្រឹងប្រែង​បំពេញការងារ ទទួលបានលទ្ធផលសម្រេចបានជាច្រើន ក្នុងនាមជាសេនាធិការឱ្យក្រសួងមហាផ្ទៃ ក៏ដូចជាអគ្គនាយកដ្ឋាន លើកិច្ចការងារពាក់ព័ន្ធទៅនឹងការពារសុវត្ថិភាព ព្រមទាំងបាន​ជំរុញឱ្យថ្នាក់​ដឹកនាំ​ទាំងអស់ ត្រូវ​រៀបចំកិច្ចប្រជុំជារៀងរាល់ខែ ដើម្បីតាមដានត្រួតពិនិត្យ ពិភាក្សាគ្នាអំពីបញ្ហា​​ប្រឈមនានា ក្នុងការស្វែងរកដំណោះស្រាយសម្រាប់បំពេញភារកិច្ចជូនអង្គភាព​របស់ខ្លួន​ឱ្យកាន់​តែល្អប្រសើរបន្ថែមទៀត។

ឆ្លៀតក្នុងឱកាសនោះ លោកឧត្តមសេនីយ៍ទោ អុីវ វាសនា អគ្គនាយករង នៃអគ្គនាយកដ្ឋាន​បច្ចេកវិទ្យាឌីជីថល និងផ្សព្វផ្សាយអប់រំ ក៏បានកោតសរសើរ និងវាយតម្លៃខ្ពស់ចំពោះ​ថ្នាក់ដឹកនាំ​ព្រមទាំងមន្រ្តីជំនាញដែលបានខិតខំប្រឹងប្រែងបំពេញតួនាទីភារកិច្ចទទួលបានលទ្ធផលសម្រេចជាច្រើនប្រចាំខែឧសភា ឆ្នាំ២០២៦។

លោកឧត្តមសេនីយ៍ទោ អគ្គនាយករង បានណែនាំដល់​ថ្នាក់ដឹកនាំក្នុងនាយកដ្ឋានទាំងអស់ត្រូវបន្តពង្រឹងសមត្ថភាពដល់​មន្ត្រីនៅតាមបណ្ដា​ការិយាល័យ​ចំណុះ​នាយកដ្ឋាន​បន្ថែមទៀត និងត្រូវខិតខំប្រឹងប្រែងបំពេញតួនាទីភារកិច្ច គោរពវិន័យ និងចូលរួមសហការគ្នា មានសាមគ្គីភាពផ្ទៃក្នុង ដើម្បីធ្វើឱ្យការងារមានដំណើរការដោយរលូន ប្រកបដោយប្រសិទ្ធភាពកាន់តែល្អប្រសើរឡើងបន្ថែមទៀតផងដែរ៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ឯកឧត្តម ឧត្តមសេនីយ៍ឯក ហោ សំអាត អញ្ជើញចូលរួមក្នុងពិធីចុះហត្ថលេខាលើផែនទីព្រំប្រទល់រដ្ឋបាលឃុំ-សង្កាត់ ក្នុងភូមិសាស្ត្រខេត្ត...
01/06/2026

ឯកឧត្តម ឧត្តមសេនីយ៍ឯក ហោ សំអាត អញ្ជើញចូលរួមក្នុងពិធីចុះហត្ថលេខាលើផែនទីព្រំប្រទល់រដ្ឋបាលឃុំ-សង្កាត់ ក្នុងភូមិសាស្ត្រខេត្តកំពង់ចាម

ព្រឹកថ្ងៃទី១ ខែមិថុនា ឆ្នាំ២០២៦នេះ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានអញ្ជើញចូលរួមក្នុងពិធីចុះហត្ថលេខាលើផែនទីព្រំប្រទល់រដ្ឋបាលឃុំ-សង្កាត់ ក្នុងភូមិសាស្ត្រខេត្តកំពង់ចាម ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅសាលប្រជុំសាលាខេត្តកំពង់ចាម។

30/05/2026

ព្រឹត្តិការណ៍ប្រកួតកីឡាវាយសីជ្រើសរើសជើងឯកនគរបាលអាស៊ីអាគ្នេយ៍ (Southeast Asia Police Badminton Championship) ពានរង្វាន់ ឯកឧត្តមអភិសន្តិបណ្ឌិត ស សុខា លើកទី២ ឆ្នាំ២០២៥

ថ្ងៃទី៣០ ខែឧសភា ឆ្នាំ២០២៦
ទីលានវាយសីនៃមជ្ឈមណ្ឌលអភិវឌ្ឍធនធានកីឡាជាតិកម្ពុជា (សាលាបឋមសិក្សាចៅពញាហុក បឹងកេងកង ភ្នំពេញ)

Address

275 Preah Norodom Boulevard, Chamkarmon
Phnom Penh

Opening Hours

Monday 07:30 - 17:00
Tuesday 07:30 - 17:00
Wednesday 07:30 - 17:00
Thursday 07:30 - 17:00
Friday 07:30 - 17:00

Website

Alerts

Be the first to know and let us send you an email when អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ General Department of Digita posts news and promotions. Your email address will not be used for any other purpose, and you can unsubscribe at any time.

Shortcuts

Share

Category