ក្រសួងសុខាភិបាលនៃព្រះរាជាណាចក្រកម្ពុជា

  • Home
  • Cambodia
  • Phnom Penh
  • ក្រសួងសុខាភិបាលនៃព្រះរាជាណាចក្រកម្ពុជា

ក្រសួងសុខាភិបាលនៃព្រះរាជាណាចក្រកម្ពុជា This is the government institution working on health for the country. Telegram: https://t.me/MOHCambodia

06/09/2026

វីដេអូអប់រំ៖ វិធីសាមញ្ញៗដើម្បីការពារជំងឺផ្តាសាយបក្សី H5N1៖
១.កុំប៉ះពាល់ ឬទទួលទានសត្វមាន់ទាដែលឈឺ ឬងាប់
២.ត្រូវញ៉ាំអាហារ (សាច់/ស៊ុត) ដែលចម្អិនឆ្អិនល្អ
៣.ត្រូវមានអនាម័យដៃ និងកន្លែងធ្វើម្ហូប ដោយលាងសម្អាតជាមួយទឹកស្អាតនិងសាប៊ូឱ្យបានញឹកញាប់
៤.បើមានអាការៈសង្ស័យថាឆ្លងជំងឺ ត្រូវទៅកាន់មណ្ឌលសុខភាពឬមន្ទីរពេទ្យជាបន្ទាន់។

#មាន់ឈឺឬងាប់!កុំប៉ះកុំយកធ្វើម្ហូប!
#ក្រសួងសុខាភិបាល

កិច្ចប្រជុំបច្ចេកទេសលើកទី៤ ក្រុមការងារគ្រប់គ្រងផលិតផលគ្រឿងស្រវឹង នៃក្រសួងសុខាភិបាល។——រាជធានីភ្នំពេញ៖ ព្រឹកថ្ងៃទី៤ ខែកញ្ញ...
06/09/2026

កិច្ចប្រជុំបច្ចេកទេសលើកទី៤ ក្រុមការងារគ្រប់គ្រងផលិតផលគ្រឿងស្រវឹង នៃក្រសួងសុខាភិបាល។
——

រាជធានីភ្នំពេញ៖ ព្រឹកថ្ងៃទី៤ ខែកញ្ញា ឆ្នាំ២០២៦ នៅទីស្តីការ​ក្រសួង​សុខាភិបាល លោកជំទាវវេជ្ជបណ្ឌិត ឱ វណ្ណឌីន រដ្ឋលេខា​ធិការ​ក្រសួង​សុខា​ភិបាល និងជា​ប្រធាន​ក្រុម​ការងារ​គ្រប់គ្រង​ផលិត​ផល​គ្រឿង​ស្រវឹង នៃ​ក្រសួង​សុខា​ភិបាល​ បាន​ដឹក​នាំ​កិច្ច​ប្រជុំបច្ចេកទេសលើកទី៤ ​ក្រុម​ការងារ​គ្រប់​គ្រង​ផលិត​ផល​គ្រឿង​ស្រវឹង នៃ​​ក្រសួង​​សុខា​​ភិបាល​ ដែលរៀបចំដោយមជ្ឈមណ្ឌលជាតិលើកកម្ពស់សុខភាព ​ក្នុង​​គោល​បំណងពិភាក្សា និង​ផ្លាស់​ប្តូរ​យោបល់​លើ​ប្រធានបទបច្ចេកទេសពាក់ព័ន្ធនឹង​ការ​ងារ​គ្រប់​គ្រង​ផលិត​ផលគ្រឿង​ស្រវឹង ស្របតាមទិសដៅ និង​អាទិភាព​របស់​ក្រសួង​​សុខាភិបាល។

កិច្ច​​ប្រជុំ​នេះ​មាន​ការអញ្ជើញ​ចូលរួមពី ឯកឧត្តម ជូ ម៉េងចាន់ អនុរដ្ឋលេខាធិការក្រសួងសុខាភិបាល លោកស្រីបណ្ឌិត ឈា ឆដាភា ប្រធាន​មជ្ឈមណ្ឌល​ជាតិ​លើក​កម្ពស់​សុខភាព និង​មន្រ្តី​បច្ចេកទេស តំណាង​​នាយក​​ដ្ឋាន​​ពាក់ព័ន្ធ ព្រម​ទាំង​សមាជិក​ក្រុម​ការងារ​គ្រប់គ្រងផលិតផលគ្រឿងស្រវឹងសរុបចំនួន ១៤រូប។

កិច្ចប្រជុំពង្រឹងយន្តការផ្សព្វផ្សាយសមិទ្ធផល វឌ្ឍនភាព​ និងបង្កេីនការផលិតសារអប់រំសុខភាពសាធារណៈ តាមមូលដ្ឋានសុខាភិបាលសាធារណៈ...
06/09/2026

កិច្ចប្រជុំពង្រឹងយន្តការផ្សព្វផ្សាយសមិទ្ធផល វឌ្ឍនភាព​ និងបង្កេីនការផលិតសារអប់រំសុខភាពសាធារណៈ តាមមូលដ្ឋានសុខាភិបាលសាធារណៈ
———

រសៀលថ្ងៃសុក្រ ទី៤ ខែកញ្ញា ឆ្នាំ២០២៦
ឯកឧត្តមសាស្រ្តាចារ្យ កុយ វ៉ាន់នី រដ្ឋលេខាធិការក្រសួងសុខាភិបាល បានដឹកនាំកិច្ចប្រជុំពិភាក្សាលើការងារពង្រឹងយន្តការផ្សព្វផ្សាយសមិទ្ធផល និងវឌ្ឍនភាពការងារ នៅតាមបណ្តាមូលដ្ឋានសុខាភិបាលសាធារណៈ មន្ទីរពេទ្យជាតិ មន្ទីរពេទ្យខេត្ត ស្រុក និងជាពិសេសមណ្ឌលសុខភាព។

កិច្ចប្រជុំនេះរៀបចំឡើងក្នុងគោលបំណងលើកកម្ពស់ការផ្សព្វផ្សាយរបស់មូលដ្ឋានសុខាភិបាល ឱ្យកាន់តែទូលំទូលាយ ដេីម្បីបង្កេីនយល់ដឹងជាសាធារណៈ ភាពងាយស្រួល​ក្នុងការស្វែងរកសេវាសុខាភិបាល របស់ប្រជាពលរដ្ឋ តាមតម្រូវការជាក់ស្តែង ប្រកបដោយប្រសិទ្ធភាព និងទំនុកចិត្ត។

កិច្ចប្រជុំរៀបចំឡេីងតាមប្រព័ន្ធនិម្មិត ដែលមានការអញ្ជេីញចូលរួមពី ឯកឧត្តម​ លោកជំទាវ លោក​ លោកស្រី អ្នកនាំពាក្យក្រសួងសុខាភិបាល អគ្គនាយកដ្ឋាន មន្ទីរពេទ្យជាតិ មជ្ឈមណ្ឌលជាតិ ព្រមទាំងមន្ទីរសុខាភិបាលរាជធានី ខេត្ត មន្ទីរពេទ្យខេត្ត ស្រុក និងមណ្ឌលសុខភាព សរុប ១២០នាក់។

សិក្ខាសាលាបូកសរុបលទ្ធផលការងារឆមាសទី១ ឆ្នាំ២០២៦ នៃការអនុវត្តកម្មវិធីជំងឺទឹកនោមផ្អែម និងលើសសម្ពាធឈាម ក្រោមគម្រោង H-EQIP2។—...
06/09/2026

សិក្ខាសាលាបូកសរុបលទ្ធផលការងារឆមាសទី១ ឆ្នាំ២០២៦ នៃការអនុវត្តកម្មវិធីជំងឺទឹកនោមផ្អែម និងលើសសម្ពាធឈាម ក្រោមគម្រោង H-EQIP2។
——

កំពង់ចាម៖ ថ្ងៃអង្គារ ទី១ ខែកញ្ញា ឆ្នាំ២០២៦ ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល បានអញ្ជើញដឹកនាំ សិក្ខាសាលាបូកសរុបលទ្ធផលការងារឆមាសទី១ ឆ្នាំ២០២៦ នៃការអនុវត្តកម្មវិធីជំងឺទឹកនោមផ្អែម និងលើសសម្ពាធឈាម ក្រោមគម្រោង H-EQIP2 នៅខេត្តកំពង់ចាម។

សិក្ខាសាលានេះ រៀបចំឡើងក្នុងគោលបំណងពិនិត្យ និងវាយតម្លៃលទ្ធផលការងារដែលសម្រេចបានក្នុងឆមាសទី១ ឆ្នាំ២០២៦ ព្រមទាំងពិភាក្សាអំពីបញ្ហាប្រឈម និងកំណត់ទិសដៅសកម្មភាពសំខាន់ៗ សម្រាប់ការអនុវត្តកម្មវិធីឱ្យកាន់តែមានប្រសិទ្ធភាព។

ក្នុងនោះសិក្ខាសាលាបានផ្តោតលើការពិនិត្យវឌ្ឍនភាព និងពង្រឹងការស្រាវជ្រាវស្វែងរក និងការគ្រប់គ្រងជំងឺលើសសម្ពាធឈាម និងជំងឺទឹកនោមផ្អែម។ សិក្ខាកាមបានរួមគ្នាពិភាក្សា និងកំណត់សកម្មភាពអាទិភាព និងផែនការអនុវត្ត ដើម្បីពង្រឹងការស្រាវជ្រាវស្វែងរក ការគ្រប់គ្រងទិន្នន័យ ការប្រើប្រាស់ឱសថ និងគុណភាពសេវាថែទាំជំងឺមិនឆ្លងនៅមូលដ្ឋានសុខាភិបាល។

ក្នុងឱកាសនេះ ឯកឧត្តម បានគូសបញ្ជាក់ និងក្រើនរំលឹកដល់ថ្នាក់ដឹកនាំ និងមន្ត្រីរាជការនៃក្រសួងសុខាភិបាលគ្រប់លំដាប់ថ្នាក់ ព្រមទាំងតំណាងដៃគូអភិវឌ្ឍន៍ និងអង្គការដៃគូ ឱ្យបន្តចូលរួម និងខិតខំប្រឹងប្រែងជំរុញការអនុវត្តកម្មវិធី ជាពិសេសការបង្កើនការស្រាវជ្រាវស្វែងរកជំងឺទឹកនោមផ្អែម និងលើសសម្ពាធឈាម (Screening) ការរៀបចំផែនការសកម្មភាព (Action Plan for Screening Uptake) និងការពង្រឹងការគ្រប់គ្រង និងតាមដានលទ្ធផល ដើម្បីបង្កើនប្រសិទ្ធភាពនៃការអនុវត្តកម្មវិធីក្នុង ឆមាសទី២ ឆ្នាំ២០២៦។

ឯកឧត្តមក៏បានលើកទឹកចិត្តឱ្យគ្រប់ភាគីពាក់ព័ន្ធ បន្តសហការយ៉ាងជិតស្និទ្ធ និងចូលរួមដោះស្រាយបញ្ហាប្រឈមដែលនៅសេសសល់ ដើម្បីធានាឱ្យការផ្តល់សេវាសុខាភិបាលសម្រាប់អ្នកជំងឺជំងឺមិនឆ្លង មានគុណភាព ប្រសិទ្ធភាព និងឆ្លើយតបទៅនឹងតម្រូវការរបស់ប្រជាពលរដ្ឋ។

សិក្ខាសាលានេះ មានការអញ្ជើញចូលរួមពី ឯកឧត្តម លោកជំទាវ លោក លោកស្រី ថ្នាក់ដឹកនាំ និងមន្ត្រីរាជការនៃក្រសួងសុខាភិបាល ព្រមទាំងតំណាងដៃគូអភិវឌ្ឍន៍ និងអង្គការដៃគូពាក់ព័ន្ធ សរុបចំនួន ៥៤រូប។

06/09/2026

វីដេអូ៖ សកម្មភាពសំខាន់ៗ ប្រចាំសប្តាហ៍របស់ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំក្រសួងសុខាភិបាល ចាប់ពីថ្ងៃទី១ ដល់ថ្ងៃទី៦ ខែកញ្ញា ឆ្នាំ២០២៦

សេចក្តីជូនព័ត៌មាន ស្តីពីការសរុបស្ថានភាពជំងឺកូវីដ-១៩ ក្នុងព្រះរាជាណាចក្រកម្ពុជា សម្រាប់ថ្ងៃទី៥ ខែកញ្ញា ឆ្នាំ២០២៦៖-ករណីឆ្ល...
06/09/2026

សេចក្តីជូនព័ត៌មាន ស្តីពីការសរុបស្ថានភាពជំងឺកូវីដ-១៩ ក្នុងព្រះរាជាណាចក្រកម្ពុជា សម្រាប់ថ្ងៃទី៥ ខែកញ្ញា ឆ្នាំ២០២៦៖
-ករណីឆ្លងថ្មី ០នាក់
-ករណីជាសះស្បើយ ០នាក់
-ករណីស្លាប់ ០នាក់

ការចុះពិនិត្យវឌ្ឍនភាព និងជំរុញការកែលម្អគុណភាពសេវាសុខាភិបាល នៅតាមមណ្ឌលសុខភាព ក្នុងខេត្តត្បូងឃ្មុំ ជុំទី៣។——ខេត្តត្បូងឃ្មុ...
06/09/2026

ការចុះពិនិត្យវឌ្ឍនភាព និងជំរុញការកែលម្អគុណភាពសេវាសុខាភិបាល នៅតាមមណ្ឌលសុខភាព ក្នុងខេត្តត្បូងឃ្មុំ ជុំទី៣។
——

ខេត្តត្បូងឃ្មុំ៖ ចាប់ពីថ្ងៃទី៣១ ខែសីហា ដល់ថ្ងៃទី៣ ខែកញ្ញា ឆ្នាំ២០២៦ លោកជំទាវឱសថការី លី គឹមអេង រដ្ឋលេខាធិការ និងជាក្រុមការងារទទួលបន្ទុកជួយពង្រឹងគុណភាពសេវាមណ្ឌលសុខភាព នៅក្នុងខេត្តចំនួន៧ (ស្វាយរៀង ព្រៃវែង ត្បូងឃ្មុំ ក្រចេះ ស្ទឹងត្រែង មណ្ឌលគិរី និងរតនគិរី) បានចុះពិនិត្យស្ថានភាពសុខាភិបាល ថ្នាក់មណ្ឌលសុខភាព ក្នុងខេត្តត្បូងឃ្មុំដើម្បីពិនិត្យ និងជំរុញការកែលម្អគុណភាពសេវាមណ្ឌលសុខភាព ក្នុងព្រះរាជាណាចក្រកម្ពុជា។

ការចុះត្រួតពិនិត្យនេះ ផ្តោតទៅលើមណ្ឌលសុខភាពដែលមានពិន្ទុទាប ដើម្បីស្វែងយល់ពីបញ្ហាប្រឈម ដែលកើតឡើង និងរកដំណោះស្រាយ ធ្វើយ៉ាងណាជំរុញមណ្ឌលសុខភាព នៅមានកម្រិតទៅមធ្យម ពីមធ្យមទៅល្អ និងរក្សានិរន្តរភាពមណ្ឌលសុខភាពគំរូ។

ជាលទ្ធផលក្រុមការងារសង្កេតឃើញថាមណ្ឌលសុខភាពភាគច្រើន បានកែលម្អបានយ៉ាងល្អប្រសើរ ទៅលើហេដ្ឋារចនាសម្ព័ន្ធ បរិស្ថានក្នុង និងក្រៅ រួមមានការរក្សាអនាម័យ ការរៀបចំទុកដាក់សម្ភារៈ បរិក្ខារ ការលើកកម្ពស់គុណភាព សុវត្ថិភាពអ្នកជំងឺ ការពង្រឹងបន្ថែមទៅលើបច្ចេកទេស ការគ្រប់គ្រងឱសថ ការប្រើប្រាស់ប្រព័ន្ធឌីជីថល ការស្កេនអំពីការពេញចិត្តពីអតិថិជន ការស្លៀកពាក់ឯកសណ្ឋានពេទ្យបានស្អាត មានកាតសម្គាល់ខ្លួនបានត្រឹមត្រូវ ការធ្វើបដិសណ្ឋារកិច្ចក្នុងការបម្រើសេវាថែទាំដល់អ្នកជំងឺ ការបំពេញការងារ និងប្រចាំការ ២៤ម៉ោង/២៤ម៉ោង ៧ថ្ងៃ/សប្តាហ៍។

ឆ្លៀតក្នុងឱកាសនោះ លោកជំទាវរដ្ឋលេខាធិការ បានទទួលការផ្តាំផ្ញើសួរសុខទុក្ខ ពីឯកឧត្តមសាស្ត្រាចារ្យរដ្ឋមន្ត្រី ជូនដល់ថ្នាក់ដឹកនាំ និងបុគ្គលិកសុខាភិបាលទាំងអស់ ដែលបានខិតខំបំពេញការងារបម្រើសេវាសុខាភិបាល ជូនដល់បងប្អូនប្រជាពលរដ្ឋក្នុងមូលដ្ឋានបានយ៉ាងល្អប្រសើរ។

គួរបញ្ជាក់ផងដែរថា ការចុះពិនិត្យនោះ ក៏មានការចូលរួមសម្របសម្រួលពី ឯកឧត្តមវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាល នៃរដ្ឋបាលខេត្តត្បូងឃ្មុំ អនុប្រធានមន្ទីរសុខាភិបាល លោក លោកស្រី ជាប្រធាន អនុប្រធានការិយាល័យស្រុកប្រតិបត្តិ និងមន្រ្តីសុខាភិបាល នៃរដ្ឋបាលខេត្តត្បូងឃ្មុំ។

កិច្ចប្រជុំពិភាក្សាបឋមលើការវិភាគ និងវាយតម្លៃអនុលោមភាពរបស់កម្ពុជាក្នុងកិច្ចព្រមព្រៀងទូលំទូលាយ និងរីកចម្រើនសម្រាប់ភាពជាដៃគ...
06/09/2026

កិច្ចប្រជុំពិភាក្សាបឋមលើការវិភាគ និងវាយតម្លៃអនុលោមភាពរបស់កម្ពុជាក្នុងកិច្ចព្រមព្រៀងទូលំទូលាយ និងរីកចម្រើនសម្រាប់ភាពជាដៃគូអន្តរប៉ាស៊ីហ្វិក(CP-TPP)។
———

រាជធានីភ្នំពេញ៖ ថ្ងៃព្រហស្បតិ៍ ទី៣ ខែកញ្ញា ឆ្នាំ២០២៦ នៅទីស្ដីការគណៈរដ្ឋមន្រ្តី ឯកឧត្តមសាស្ត្រាចារ្យ កុយ វ៉ាន់នី រដ្ឋលេខាធិការក្រសួងសុខាភិបាល អមដោយក្រុមការងារជំនាញនៃក្រសួងសុខាភិបាល បានចូលរួមកិច្ចប្រជុំពិភាក្សាបឋមលើការវិភាគ និងវាយតម្លៃអនុលោមភាពរបស់កម្ពុជាក្នុងកិច្ចព្រមព្រៀងទូលំទូលាយ និងរីកចម្រើនសម្រាប់ភាពជាដៃគូអន្តរប៉ាស៊ីហ្វិក(CP-TPP) ដែលដឹកនាំដោយឯកឧត្តម ណន សំណាងសីមុន្នី ប្រធានលេខាធិការដ្ឋានគណៈកម្មាធិការផ្តល់យោបល់លើគោលនយោបាយពាណិជ្ជកម្ម និងជាសមាជិកក្រុមការងារសិក្សាអំពីកិច្ចព្រមព្រៀង CP-TPP និងមានការចូលរួមផងដែរពីគណៈប្រតិភូក្រសួងការងារ។

កិច្ចប្រជុំធ្វើឡើងក្នុងគោលបំណងជម្រាបជូនអំពីសារសំខាន់នៃការចូលរួមជាសមាជិកនៃ CP-TPP សម្រាប់ការរកទីផ្សារវិនិយោគបន្ថែមក្នុងដំណើរអភិវឌ្ឍន៍ប្រទេស និងដោយជម្រាបជូនអង្គប្រជុំអំពីសារបាន ដែលនាំឱ្យរាជរដ្ឋាភិបាលគិតគូរ និងផ្តួចផ្តើមក្នុងការស្នើសុំចូលជាសមាជិកនៃកិច្ចព្រមព្រៀងនេះ និងស្នើសុំក្រសួងពាក់ព័ន្ធពិនិត្យមើលលក្ខខណ្ឌតម្រូវផ្សេងៗ ដើម្បីចាប់ផ្តើមសិក្សា និងវាយតម្លៃស៊ីជម្រៅលើក្របខ័ណ្ឌច្បាប់ បទបញ្ញត្តិគតិយុត្ត និងបច្ចេកទេស សំដៅត្រៀមលក្ខណៈសម្បត្តិចូលជាបេក្ខភាពសមាជិកនៃ CP-TPP។

ឯកឧត្តមសាស្ត្រាចារ្យ កុយ វ៉ាន់នី ក្នុងនាមក្រសួងសុខាភិបាល បានបង្ហាញពីជំហរ និងការតាំងចិត្តខ្ពស់របស់សុខាភិបាល លើការចូលរួមរបស់ខ្លួន ជាមួយគំនិតផ្តួចផ្តើមដ៏មានសក្តានុពលរបស់រាជរដ្ឋាភិបាល ដែលសំដៅការជំរុញសេដ្ឋកិច្ចប្រទេស និងកាន់តែត្រូវបានការទទួលស្គាល់លើឆាកអន្តរជាតិលើគ្រប់វិស័យដែលជាចំណុចទាក់ទាញបង្កើនការវិនិយោគលើវិស័យសុខាភិបាល។

06/09/2026

វីដេអូ៖ រួមគ្នាបង្ការ និងទប់ស្កាត់ជំងឺគ្រុនឈាម ក្នុងរដូវវស្សា នៅខេត្តកំពង់ធំ

ប្រភព៖ មន្ទីរព័ត៌មានខេត្តកំពង់ធំ

Address

Phnom Penh
12152

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+85523885970

Website

Alerts

Be the first to know and let us send you an email when ក្រសួងសុខាភិបាលនៃព្រះរាជាណាចក្រកម្ពុជា posts news and promotions. Your email address will not be used for any other purpose, and you can unsubscribe at any time.

Shortcuts

Share

Category