នាយកដ្ឋានស្តង់ដា និងកម្មវិធីសិក្សា

27/08/2026

ក្រសួងការងារនិងបណ្តុះបណ្តាលវិជ្ជាជីវៈ សូមផ្តល់ជូននូវវីឌីអូតុកត្តា ដើម្បីជាមូលដ្ឋានដល់ប្អូនៗ ក្មួយៗ មាតាបិតា អាណាព្យាបាល ឬសាធារណជនទទួលបានព័ត៌មានបន្ថែមសម្រាប់ពិចារណាក្នុងការរៀនជំនាញផ្នែកបច្ចេកទេស និងបច្ចេកវិទ្យានៅតាមសាកលវិទ្យាល័យ ឬគ្រឹះស្ថានធីវេតណាមួយ។

សូមប្អូនៗ ក្មួយៗពិភាក្សាជាមួយរៀមច្បង ឬអាចទំនាក់ទំនងផ្ទាល់ទៅសាកលវិទ្យាល័យ ឬគ្រឹះស្ថានធីវេតបន្ថែមទៀត ឬអាចទំនាក់ទំនងជាមួយមន្ត្រីជំនាញបន្ថែម តាមរយៈ ១២៩៧។

26/05/2026

ថ្ងៃទី២នៃកិច្ចប្រជុំ៖
ថ្ងៃទី២៦ ខែឧសភា ឆ្នាំ២០២៦ គណ:កម្មការបច្ចេកទេស បានបន្តប្រជុំពិភាក្សាគ្នាតាមជំនាញនីមួយៗ ក្នុងការរៀបចំគម្រោងតេស្ត តារាងពេលវេលា លក្ខណវិនិច្ឆ័យ តារាងដាក់ពិន្ទុ និងតារាងបញ្ជីសម្ភារៈ ឧបករណ៍ និងបរិក្ខារ សម្រាប់យកទៅហ្វឹកហាត់បេក្ខជន ត្រៀមចូលរួមប្រកួតប្រជែងជំនាញថ្នាក់ជាតិកម្ពុជា លើកទី១០ ឆ្នាំ២០២៦។

26/05/2026

25/05/2026

ថ្ងៃទី១នៃកិច្ចប្រជុំ៖
ថ្ងៃទី២៥ ខែឧសភា ឆ្នាំ២០២៦ គណ:កម្មការបច្ចេកទេស បានប្រជុំពិភាក្សាគ្នាតាមជំនាញនីមួយៗ ដើម្បីរៀបចំគម្រោងតេស្ត តារាងពេលវេលា លក្ខណវិនិច្ឆ័យ តារាងដាក់ពិន្ទុ និងតារាងបញ្ជីសម្ភារៈ ឧបករណ៍ និងបរិក្ខារ សម្រាប់យកទៅហ្វឹកហាត់បេក្ខជន ត្រៀមចូលរួមប្រកួតប្រជែងជំនាញថ្នាក់ជាតិកម្ពុជា លើកទី១០ ឆ្នាំ២០២៦។

25/05/2026

នាព្រឹកថ្ងៃទី២៥ខែឧសភា ឆ្នាំ២០២៦ នាយកដ្ឋានស្តង់ដានិងកម្មវិធីសិក្សា បានរៀបចំសិក្ខាសាលា ស្តីពី «កិច្ចដំណើរការលើកទី១ របស់គណៈកម្មការរៀបចំ និងគណៈកម្មការបច្ចេកទេស» សម្រាប់គាំទ្រដល់ដំណើរការនៃការប្រកួតប្រជែងជំនាញថ្នាក់ជាតិកម្ពុជា លើកទី១០ ឆ្នាំ២០២៦ ដែលនឹងប្រព្រឹត្តទៅចាប់ពីថ្ងៃទី២៥-២៧ ខែឧសភា ឆ្នាំ២០២៦ នៅអគារអង្គរវត្ត ក្នុងសួន TVET-Park រាជធានីភ្នំពេញ ក្រោមអធិបតីភាព លោក ចាន់ វិចិត្រ អគ្គនាយករង នៃអគ្គនាយកដ្ឋាន អ.ប.វ. និងជាអនុប្រធានគណៈកម្មការរៀបចំ តំណាងដ៏ខ្ពង់ខ្ពស់ឯកឧត្តមបណ្ឌិត ហ៊ីង ស៊ីដេត ប្រតិភូរាជរដ្ឋាភិបាលទទួលបន្ទុកជាអគ្គនាយក អ.ប.វ. និងជាប្រធានគណៈកម្មការរៀបចំការប្រកួតប្រជែងជំនាញ។


#ហ៊ីងសុីដេត

24/05/2026

ថ្ងៃទី២៤ ខែឧសភា ឆ្នាំ២០២៦៖ ក្រុមការងារនាយកដ្ឋានស្តង់ដានិងកម្មវិធីសិក្សា បានរៀបចំទីតាំងត្រៀមសម្រាប់សិក្ខាសាលា ស្តីពី «កិច្ចដំណើរការលើកទី១ របស់គណៈកម្មការរៀបចំ និងគណៈកម្មការបច្ចេកទេស» សម្រាប់គាំទ្រដល់ដំណើរការនៃការប្រកួតប្រជែងជំនាញថ្នាក់ជាតិកម្ពុជា លើកទី១០ ឆ្នាំ២០២៦ ដែលនឹងប្រព្រឹត្តទៅចាប់ពីថ្ងៃទី២៥-២៧ ខែឧសភា ឆ្នាំ២០២៦ នាពេលខាងមុខ។

21/05/2026

នាព្រឹកថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ នាយកដ្ឋានស្ដង់ដានិងកម្មវិធីសិក្សា បានរៀបចំសិក្ខាសាលាស្ដីពី ”ការអភិវឌ្ឍកញ្ចប់ស្ដង់ដាបណ្ដុះបណ្ដាល និងម៉ូឌុលសិក្សាឆ្នាំ២០២៦” ក្រោមអធិបតីភាព លោក ចាន់ វិចិត្រ អគ្គនាយករងនៃអគ្គនាយកដ្ឋាន អ.ប.វ. តំណាងដ៏ខ្ពង់ខ្ពស់របស់ឯកឧត្តមបណ្ឌិត ហ៊ីង ស៊ីដេត អគ្គនាយកនៃអគ្គនាយក អ.ប.វ (TVET) ដែលបានប្រព្រឹត្តទៅនៅវិទ្យាស្ថានជាតិបណ្ដុះបណ្ដាលបច្ចេកទេស (NTTI)។

21/05/2026