ផែនការងារអន្តោប្រវេសន៍ នៃស្នងការដ្ឋាននគរបាលជធានីភ្នំពេញ

24/11/2023

13/11/2022

13/11/2022

សកម្មភាពរបស់ថ្នាក់ដឹកនាំ ផែនការងារអន្តោប្រវេសន៍ រយៈពេលកន្លងមក ដែលបានចូលរួមក្នុងកិច្ចការការពារ សន្តិសុខ សុវត្ថិភាព សណ្តាប់ធ្នាប់ តាមបណ្តាគោលដៅស្នាក់នៅ របស់គណៈប្រតិភូជាន់ខ្ពស់ និងកិច្ចប្រជុំកំពូលអាស៊ានលើកទី៤០ និងលើកទី៤១ និងកិច្ចប្រជុំពាក់ព័ន្ធឆ្នាំ២០២២ ។

04/11/2022

01/11/2022

នៅស្នងការដ្ឋាននគរបាលរាជធានីភ្នំពេញ នាព្រឹកថ្ងៃទី០១ ខែវិច្ឆិកា ឆ្នាំ២០២២ បានចូលរួមពិធីប្រកាសផ្ទេរភារកិច្ច តែងតាំងមុខតំណែង ជូនមន្រ្តីនគរបាលជាតិ នៃស្នងការដ្ឋាននគរបាលរាជធានីភ្នំពេញ ប្រព្រឹត្តទៅក្រោមអធិបតីភាព ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដែលជាតំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង វត្តមាន ឯកឧត្តម ឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋានបុគ្គលិក ដែលជាតំណាង ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិក។ក្នុងនោះមានការចូលរួមពីលោកស្នងការរង លោកលោកស្រី នាយការិយាល័យជំនាញ លោកអធិការ និងមន្រ្តីពាក់ព័ន្ធ ផងដែរ៕រូបភាព ដោយការិយាល័យផ្សព្វផ្សាយអប់រំ

17/09/2022

ដោយទទួលបានការអនុញ្ញាតពីឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី១៧ ខែកញ្ញា ឆ្នាំ២០២២ វេលាម៉ោង០៨:៣០នាទី លោក ឧត្តមសេនីយ៍ទោ ទិត វិសិដ្ឋ ស្នងការរង ទទួលដឹកនាំផែនការងារអន្តោប្រវេសន៍ លោកឧត្តមសេនីយ៍ត្រី សរ សំណាង ស្នងការរងទទួលការិយាល័យគ្រប់គ្រងជនបរទេស បានដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញា ឆ្នាំ២០២២ និងលើកទិសដៅបន្ដសម្រាប់ខែតុលា ដោយមានការចូលរួមពីលោកវរសេនីយ៍ឯក អ៊ា ភក្តី នាយការិយាល័យគ្រប់គ្រងជនបរទេស លោកនាយរងការិយាល័យ, លោកនាយផ្នែក, លោកនាយរងផ្នែក និងមន្ត្រីពាក់ព័ន្ធ។

ក្នុងកិច្ចប្រជុំនេះដែរ លោកស្នងការរង បានណែនាំមន្ត្រីពាក់ព័ន្ធទាំងអស់ អំពីការងារចុះសម្រង់ស្ថិតិជនបរទេស ការងារត្រួតពិនិត្យប្រព័ន្ធគ្រប់គ្រងវត្តមានជនបរទេស FPCS ការងារសហការអន្តរក្រសួងចុះអធិការកិច្ចពលករបរទេស និងការងារគ្រប់គ្រងជនបរទេសអន្តោប្រវេសន្ត ព្រមទាំងត្រូវតែយកចិត្តទុកដាក់ពង្រឹងវិន័យកងកម្លាំង ការងារប្រចាំបញ្ជា។ល។

04/05/2021

នៅថ្ងៃទី០៤ ខែ ឧសភា ឆ្នាំ២០២១
តាងនាមអោយផែនការងារអន្តោប្រវេសន៍
និងការិយាល័យគ្រប់គ្រងជនបរទេសនៃស្នងការដ្ឋាននគរបាលរាជធានីភ្នំពេញ និងមន្ត្រីក្រោមឱវាទ
សូមថ្លែងអំណរអរគុណ ចំពោះ លោក អនុសេនីយ៍ឯក ប្រាក់ កុសល នាយរងផ្នែក អធិការកិច្ចពលករបរទេស ព្រមទាំងក្រុមគ្រួសារ និងមិត្តភក្ត្រ ដែលបាន ជួយជួយឧបត្ថម្ភអំណោយ ដល់កងកម្លាំង នៃការិ​. គ្រប់គ្រង​ជនបរទេស​យើងខ្ញុំ ចំនួន ៤៧ នាក់ ដែលប្រចាំការ ការពារទីតាំងធ្វើចត្តាឡីស័ក និងគោលដៅបិទខ្ទប់ ក្នុងរាជធានីភ្នំពេញ ។

ក្នុង​នោះ​អំណោយដែលបានចែកជូន​ នគរបាល​នៃ​ការិយាល័យ​គ្រប់​គ្រង​ជនបរទេស​រាជធានីភ្នំពេញ​ ក្នុង​ម្នាក់ៗ​ទទួល​បាន​៖

1.អង្ករ​ ១០គីឡូ​
2.ទឹក​ក្រូច​ ១កេស
3.មី​ ១កេស
4.ត្រីខ​ ១០កំប៉ុង​
5.ទឹក​ត្រី​ ៤ដប
6.ទឹក​សុី​អុីវ​ ៤ដប
7.បាយ​ទាខ្វៃ​ ១ប្រអប់​ ។

ខ្ញុំបាទ សូម ជូនពរ លោក ប្រាក់ កុសល ព្រមទាំងក្រុមគ្រួសារ និងមិត្តភក្ត្រ សូមទទួលបាននូវសេចក្តីសុខចំរើន ជោគជ័យគ្រប់ភារៈកិច្ច និងជួបប្រទះនូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

30/04/2021

នៅថ្ងៃទី ៣០/០៤/២០២១ ផែនការងារអន្តោប្រវេសន៍ សូមគោរព ថ្លែងអំណរអរគុណយ៉ាងជ្រាលជ្រៅចំពោះ លោក ស្រេង ហុង និងភរិយា បានឧបត្ថម្ភនូវភេសជ្ជៈមួយចំនួន តាមរយះ លោក ឧត្តមសេនីយ៍ត្រី សរ សំណាង ស្នងការរង ដល់កងកម្លាំង ការិយាល័យគ្រប់គ្រងជនបរទេស និងការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ ដែលប្រចាំការ ការពារទីតាំងធ្វើចត្តាឡីស័ក និងគោលដៅបិទខ្ទប់ ក្នុងរាជធានីភ្នំពេញ ។ ខ្ញុំបាទ សូមគោរព ជូនពរ លោក ស្រេង ហុង ព្រមទាំងក្រុមគ្រួសារ សូមទទួលបាននូវសេចក្តីសុខចំរើន ជោគជ័យគ្រប់ភារៈកិច្ច និងជួបប្រទះនូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ ។

27/03/2021

ទាំងនេះគឺជាសកម្មភាពនិងភារកិច្ច របស់ផែនការងារអន្តោប្រវេសន៍ ក្នុងការត្រួតពិនិត្យឯកសារជនបរទេស ដែលជាសះស្បើយ ពីជម្ងឺcovid 19។

05/02/2021

នៅថ្ងៃសុក្រ ៨រោច ខែមាឃ ឆ្នាំជូត ទោស័ក ព.ស២៥៦៤ ត្រូនឹងថ្ងៃទី០៥ ខែកុម្ភៈ ឆ្នាំ២០២១ វេលាម៉ោង ០៨.០០នាទី ដោយមានការអនុញ្ញាតពី ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកឧត្តមសេនីយ៍ទោ ទិត វិសិដ្ឋ ស្នងការរងទទួលផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ បានដឹកនាំកិច្ចប្រជុំផ្សព្វផ្សាយលិខិតបង្គាប់ការ ស្តីពីការចាត់តាំងក្រុមការងារចុះសម្រង់ស្ថិតិជនបរទេស និងស្រាវជ្រាវ បង្ក្រាបបទល្មើស ប្រព្រឹត្តដោយជនបរទេស នៅភូមិសាស្ត្ររាជធានីភ្នំពេញ ។
>>> សមាសភាពចូលរួម ៖
១-លោកឧត្តមសេនីយ៍ទោ លួ រ៉ាបូ ស្នងការរងទទួលដឹកនាំការងារ ការិយាល័យស៊ើបអង្កេត និងអនុវត្តនីតិវិធី
២-លោកឧត្តមសេនីយ៍ត្រី សរ សំណាង ស្នងការរងទទួលដឹកនាំការងារការិយាល័យគ្រប់គ្រងជនបរទេស
៣-លោកវរសេនីយ៍ឯក សាន សុខសីហា ជំនួយការឯកឧត្តមស្នងការ និងជាអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ
៣-លោកវរសេនីយ៍ឯក ជា ចិត្រា នាយការិយាល័យស៊ើបអង្កេត និងអនុវត្តនីតិវិធី
៤-លោកវរសេនីយ៍ឯក អ៊ា ភក្តី នាយការិយាល័យគ្រប់គ្រងជនបរទេស
៥-លោកអធិការ នៃអធិដ្ឋាននគរបាលទាំង ១៤ ខណ្ឌ
៦-លោក-លោកស្រីអធិការរងទទួលការងារផ្នែកអន្តោប្រវេសន៍ ទាំង ១៤ ខណ្ឌ
៧-នាយរងការិយាល័យ នាយ-នាយរងផ្នែក និងមន្រ្តី ចំណុះផែការងារអន្តោប្រវេសន៍ ។

>>> ខ្លឹមសារនៃកិច្ចប្រជុំ មានដូចតទៅ៖
- លោកវរសេនីយ៍ឯក អ៊ា ក្តី អានលិខិតបង្គាប់ការ ស្តីពីការចាត់តាំងក្រុមការងារចុះសម្រង់ស្ថិតិជនបរទេស និងស្រាវជ្រាវ បង្ក្រាបបទល្មើស ប្រព្រឹត្តដោយជនបរទេស នៅភូមិសាស្ត្ររាជធានីភ្នំពេញ ។
+ លោកឧត្តមសេនីយ៍ទោ ទិត វិសិដ្ឋ ប្រកាសបើកកិច្ចប្រជុំ និងមានមតិដឹកនាំអំពីការងារគ្រប់គ្រងវត្តមានជនបរទេស នៅក្នុងភូមិសាស្ត្ររាជធានីភ្នំពេញ ហើយក៏បានលើកអំពីប្រឈមនានា ដែលបង្ករឡើងដោយជនបរទេស ដូចជា ការបង្ករឲ្យមាអំពើហិង្សានៅតាមបណ្តាទីតាំងសប្បាយភាពនានា ដែលអាចឈានទៅដល់មានការបាញ់ កាប់សម្លាប់គ្នាជាដើម ករណីទាំងនេះ បង្ករឲ្យប៉ះពាល់សន្តិសុខ សណ្តាប់ធ្នាប់សាធារណៈ ក៏ដូចជាសង្គមជាតិទាំងមូលផងដែរ ។
+ មតិចូលរួមរបស់ សមាជិកសមាជិកាកិច្ចប្រជុំ អំពីបញ្ហាប្រឈមផ្សេងៗ ដូចជាបណ្តាទីតាំងមួយចំនួនដែលមានវត្តមានជនបរទេស មិនសហការជាមួយសមត្ថកិច្ច បញ្ហាជនបរទេសស្នាក់នៅតាមបុរី ពិបាកស្រង់វត្តមានរបស់ពួកគាត់ដោយពួកគាត់ចេញទៅធ្វើការបាត់តាំងពីព្រឹករហូតដល់យប់ និង ការងារគ្រប់គ្រងវត្តមានជនបរទេសតាមប្រព័ន្ធ (FPCS) ដោយម្ចាស់ទីតាំងមួយចំនួនរាយការណ៍មិនត្រឹមត្រូវតាមចំនួនជាក់ស្តែង ក៏ដូចជាមិនយកចិត្តទុកដាក់ក្នុងបញ្ចូលវត្តមានរបស់ជនបរទេសទៅក្នុងប្រព័ន្ធ ដែលធ្វើជនបរទេសមួយចំនួនបង្កើតគណនីដោយផ្ទាល់ខ្លួន ។
+ មតិដឹកនាំរបស់ លោកឧត្តមសេនីយ៍ត្រី សរ សំណាង
- អំពីការងារដែលត្រូវអនុវត្តតាមលិខិតបង្គាប់ការ របស់ ឯកឧត្តម ឧត្តមសេនីយ៍ឯង ស ថេត អគ្គស្នងការរង និងជាស្នងការនគរបាលរាជធានីភ្នំពេញ ដោយណែនាំឲ្យបណ្តាមូលដ្ឋានសហការជាមួយការិយាល័យជំនាញ យកចិត្តទុកដាក់ខ្ពស់ លើការស្រាវជ្រាវ ទីតាំងដែលមានវត្តមានជនបរទេស តម្លើងបញ្ជីស្នើសុំគោលការថ្នាក់ដឹកនាំ ចុះស្រង់ស្ថិតិ និងត្រួតពិនិត្យមើលគោលដៅមានការសង្ស័យ ជនបរទេសលួចស្នាក់នៅ ធ្វើការងារខុសច្បាប់ និងមានបំណងប្រព្រឹត្តបទល្មើសផ្សេងៗ ដើម្បីក្តាប់មុខសញ្ញាឱ្យបាន ឈានទៅដល់ការទប់ស្កាត់ បង្ការបទល្មើស ក៏ដូចជាគ្រប់គ្រងវត្តមានជនបរទេសបានល្អប្រសើរ និងមានប្រសិទ្ធភាពខ្ពស់ ។
- លើកអំពីបញ្ហាការគ្រប់គ្រងវត្តមានជនបរទេសតាមប្រព័ន្ធ(FPCS) ដោយណែនាំដល់សមត្ថកិច្ចរបស់យើង ត្រូវចុះទៅណែនាំបន្ថែម ដល់ម្ចាស់ទីតាំងដែលមិនទាន់យល់ច្បាស់ ឬមិនទាន់ចេះប្រើប្រាស់ប្រព័ន្ធនេះ ឲ្យបានយល់ច្បាស់អំគោលការណ៍នៃការប្រើប្រាស់ប្រព័ន្ធ (FPCF)។
- ហើយលោកឧត្តមសេនីយ៍ ក៏បានបន្ថែមអំពីបញ្ហាការងារគ្រប់គ្រងវត្តមានជនបរទេសអន្តោប្រវេសន្ត បន្ទាប់ពីបញ្ចប់ឱសានវាទនៃការដកហូតឯកសាររដ្ឋបាលកម្ពុជាមិនប្រក្រតី នៅថ្ងៃទី ៣០ ខែមិថុនា ឆ្នាំ២០១៩ រួចមក បញ្ហាប្រឈមជនបរទេសអន្តោប្រវេសន្ត នៅតែបន្តមាន ដែលធ្វើឲ្យមានការពិបាកក្នុងការគ្រប់គ្រង ដោយជនអន្តោប្រវេសន្តមួយចំនួនមិនព្រមមកដាក់ពាក្យសុំប័ណ្ណស្នាក់នៅអចិន្ត្រៃយ៍ មួយចំនួនដែលកាន់កាប់ប័ណ្ណស្នាក់នៅផុតសុពលភាពមិនមកបន្តសុពលភាព បញ្ហាកូនដែលទើបគ្រប់អាយុត្រូវដាក់ពាក្យសុំប័ណ្ណស្នាក់នៅមិនព្រមមកដាក់ពាក្យសុំប័ណ្ណស្នាក់ និងបញ្ហាការផ្លាស់ប្តូរទីលំនៅដោយមិនបានរាយការណ៍ដល់សមត្ថកិច្ចមូលដ្ឋាន ដែលពិបាកដល់សមត្ថកិច្ចរបស់យើងក្នុងការស្វែងរក និងរកមិនឃើញ ដើម្បីផ្តល់ប័ណ្ណស្នាក់នៅជូនគាត់បន្ទាប់ពីអគ្គនាយកដ្ឋានអន្តោប្រវេសន៍ចេញប័ណ្ណរួចរាល់ ។
+ ទិសដៅបន្ត៖
- សហការជាមួយមូលដ្ឋានស្រាវជ្រាវ តម្លើងបញ្ជីគោលដៅដាក់ជូនថ្នាក់ដឹកនាំ ដើម្បីសុំគោលការណ៍ ចុះអនុវត្តន៍។
- បន្តសហការជាមួយមូលដ្ឋាន ត្រួតពិនិត្យ ស៊ើបញ្ជាក់លើគោលដៅមានករណីសង្ស័យជនបរទេស លួចស្នាក់នៅ ធ្វើការងារខុសច្បាប់ និងជនបរទេសគេចវេសពីការចាប់ខ្លួនរបស់សមត្ថកិច្ច ។
- ពង្រឹងសមត្ថភាពមន្រ្តីជំនាញ ឲ្យមានយកចិត្តទុកដាក់ សិក្សារៀនសូត្របន្ថែមពីបទពិសោធនៃការងារ ។
- ត្រួតពិនិត្យលើឯកសារពាក់ព័ន្ធរបស់ជនបរទេស ធ្វើរបាយការណ៍ តម្លើងបញ្ជីតម្កល់ទុកជាឯកសារ ដើម្បីងាយស្រួលស្រាវជ្រាវ ករណីមានបទល្មើស ឬបាត់ខ្លួនរបស់ជនបរទេស។

+សំណូមពរ ៖
- ស្នើមូលដ្ឋានសហការណ៍ ស្រាវជ្រាវ ស្រង់គោលដៅ ដែលមានវត្តមានជនបរទេស តម្លើងបញ្ជីគោលដៅ សុំគោលការណ៍ថ្នាក់ដឹកនាំ ចុះត្រួតពិនិត្យ និងសម្រង់ស្ថិតិជនបរទេស។
- ស្នើសុំចុះសហការណ៍អនុវត្តច្បាប់អន្តោប្រវេសន៍ លើគោលដៅសង្ស័យជនបរទេសស្នាក់នៅ និងធ្វើការងារខុសច្បាប់ ក្នុងភូមិសាស្រ្តរាជធានីភ្នំពេញ ។
- សុំគោលការណ៍អោយមានការសហការពីបណ្តាអង្គភាពពាក់ព័ន្ធលើការងារជំនាញ ដោយមានការផ្តល់រាល់របាយការណ៍ពាក់ព័ន្ធបទល្មើសដែលបានប្រព្រឹត្តដោយជនបរទេស និងជនរងគ្រោះជាជនបរទេស ។
- តម្រូវឲ្យមានរបាយការណ៍ច្បាស់អំពីការងារ អនុវត្តបាន ក៏ដូចជាលើកពីបញ្ហាប្រឈមនានា ដាក់ជូនថ្នាក់ដឹកនាំ ដើម្បីដោះស្រាយ ។
- ស្នើសុំឲ្យមានការសហការណ៍ ពីសមត្ថកិច្ចមូលដ្ឋានអំពីគោលដៅសង្ស័យដែលមានវត្តមានជនបរទេសស្នាក់នៅ និងធ្វើការងារខុសច្បាប់ក្នុងមូលដ្ឋាន ។
- ស្នើឲ្យក្រុមការងារមានការយកចិត្តទុកដាក់ខ្ពស់ កុំធ្វើឲ្យបាត់បង់សេចក្តីថ្លៃថ្នូររបស់នគរបាលជាតិ ប៉ះពាល់ដល់ថ្នាក់ដឹកនាំ និងសង្គមជាតិទាំងមូល។

17/08/2020

៚រីករាយថ្ងៃឈប់សម្រាក់រយៈពេលវែង សូមអោយមាម៉ីង ពុកម៉ែ បងប្អូន ប្រជាពលរដ្ឋ ទាំងអស់ ទូទាំងប្រទេស ចូលរួមគោរពច្បាប់ចរាចរ និងធ្វើដំណើរទៅណាមកណាបើកបរប្រកបដោយសុវត្ថិភាព និងសុខសប្បាយគ្រប់ៗគ្នា 🙏
កងកម្លាំងរបស់ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ យើងគឺ នៅប្រចាំការ និងរងចាំបញ្ជារ របស់ថ្នាក់ដឹកនាំ ក្នុងការងារការពារសន្តិសុខសុវត្ថិភាពជូនបងប្អូននៅក្នុងរាជធានីភ្នំពេញ។

តែបងប្អូនប្រជាពលរដ្ឋសូមមេត្តាកំភ្លេចចូលរួមការពារសន្តិសុខសុវត្ថិភាព និងសុខភាពខ្លួនឯងដែរ ត្រូវពាក់ម៉ាស និងយកអាកុលយក រឺជែលលាងដៃតាមខ្លួនដើម្បីបង្ការនិងទប់ស្តាយជម្ងឺcovid-19។
***យើងអាចភ្លេចជម្ងឺcovid-19 បាន តែជម្ងឺcovid-19មិនបំភ្លេចយើងទេ ប្រសិនបើយើងថ្វេសប្រហែសដោយប្រការណាមួយុំ