29/11/2023
🙏🌹ព្រះសារីរិកធាតុ និង កេសធាតុរបស់ព្រះសម្មាសម្ពុទ្ធ🌹🌹
🙏🌹ធាតុចេតិយនមក្ការគាថា🌹🙏
មហាគោតមសម្ពុទ្ធ កុសិនារាយ និព្វុតោ
ធាតុវិត្ថារកំ កត្វ តេសុ តេសុ វិសេសតោ
ព្រះគោតមបរមសម្ពុទ្ធដ៏ប្រសើរ ព្រះអង្គបរិនិព្វានហើយ ជិតក្រុង
កុសិនារា ធ្វើនូវកិរិយាផ្សាយព្រះសារីរិកធាតុ ក្នុងទីទាំងឡាយនោះ ៗ
ដោយផ្សេង ៗ គ្នា ។
ឧណ្ហីសំ ចតស្បោ ទាឋា អក្ខកា ទ្វេ ច សត្តមា
អសម្ភិន្នា វ តា សត្ត សេសា ភិន្នា វ ធាតុយោ
ព្រះសារីរិកធាតុទាំងឡាយនោះ ដែលមិនបែកចេញមាន ៧ អង្គគឺ
ព្រះឧណ្ហីសៈធាតុ(ឆ្អឹងថ្ងាស) ១, ព្រះទាឋធាតុ(ព្រះចង្កូមកែវ) ៤, ព្រះអក្ខកធាតុ(ឆ្អឹងដងកាំបិត) ២, ព្រះសារីរិកធាតុដ៏សេសក្រៅពីនោះ សុទ្ធតែបែកចេញ ( ជាបំណែកតូច ៗ ) ។
មហន្តា បញ្ច នាឡី ច មជ្ឈិមា ច ឆ នាឡិយោ
ខុទ្ទកា បញ្ច នាឡី ច សម្ភិន្នា តិវិធា មតា
ព្រះបរមធាតុទាំងឡាយដែលបែកចេញ លោកពោលថាមាន ៣
យ៉ាងគឺ ព្រះធាតុខ្នាតធំ វាល់បានចំនួន ៥ នាឡិ, ព្រះធាតុខ្នាតកណ្តាល
វាល់បានចំនួន ៦ នាឡិ, ព្រះធាតុខ្នាតតូច វាល់បានចំនួន ៥ នាឡិ ។
មហន្តា ភិន្នមុគ្គា ច មជ្ឈិមា ភិន្នតណ្ឌុលា
ខុទ្ទកា សាសបមត្តា ឯវំ ធាតុប្បមាណិកា
ព្រះបរមធាតុទាំងឡាយ មានប្រមាណយ៉ាងនេះ គឺព្រះធាតុខ្នាត
ធំ មានទំហំប៉ុនកំណាត់គ្រាប់សណ្ដែកបាយ, ព្រះធាតុខ្នាតកណ្តាល មានទំហំប៉ុនកំណាត់គ្រាប់អង្ករ, ព្រះធាតុខ្នាតតូច មានទំហំប៉ុនគ្រាប់ស្ពៃ ។
មហន្តា សុវណ្ណវណ្ណា មជ្ឈិមា ផលិកប្បភា(១)
ខុទ្ទកា ពកុលវណ្ណា តាបិ វន្ទាមិ ធាតុយោ
ព្រះបរមធាតុទាំងឡាយ ( មានពណ៌ផ្សេងគ្នាយ៉ាងនេះ) គឺ ព្រះធាតុ ខ្នាតធំ មានពណ៌ដូចមាស, ព្រះធាតុខ្នាតកណ្ដាល មានពណ៌ដូចកែវ ផលិក, ព្រះធាតុខ្នាតតូច មានពណ៌ដូចផ្កាថ្កុល, ខ្ញុំព្រះករុណាសូមក្រាប ថ្វាយបង្គំនូវព្រះបរមធាតុទាំងឡាយនោះ ។
[១ បាលីថា មុត្តិកប្បភា មានពណ៌ដូចកែវមុក្ដា ដូច្នេះក៏មាន ]
ឯកោ ថូបោ រាជគ្គហេ ឯកោ វេសាលិយា អហុ
ឯកោ កបិលវត្ថុស្មឹ ឯកោ ច អលកប្បកេ
ឯកោ ច រាមគាមស្មឹ ឯកោ ច វេដ្ឋទីបកេ
ឯកោ បាវេយ្យាកេ មល្លេ ឯកោ ច កុសិនារកេ
ព្រះស្តូប ១ ប្រតិស្ឋាននៅក្នុងក្រុងរាជគ្រឹះ, ព្រះស្តូប ១ ប្រតិស្ឋាននៅក្នុងក្រុងវេសាលី, ព្រះស្ថូប ១ ប្រតិស្ឋាននៅក្នុងក្រុងកបិលព័ស្តុ, ព្រះ ស្តូប ១ ប្រតិស្ឋាននៅក្នុងក្រុងអលកប្បកៈ, ព្រះស្តូប ១ ប្រតិស្ឋាននៅ រាមគ្រាម, ព្រះស្តូប ១ ប្រតិស្ឋាននៅក្នុងក្រុងវេដ្ឋទីបកៈ, ព្រះស្តូប ១ ប្រតិស្ឋាននៅ ក្នុងក្រុងបាវេយ្យកៈ ក្នុងមល្លរដ្ឋជនបទ, ព្រះស្តូប ១ ប្រតិស្ឋាននៅក្នុងក្រុងកុសិនារា ។
ឯតេ សារីរិកា ថូបា ជម្ពូទីបេ បតិដ្ឋិតា
បូជិតា នរទេវេហិ អហំ វន្ទាមិ ធាតុយោ
ព្រះស្តូប(ទាំង ៨) នុ៎ះ ជាព្រះស្តូបបញ្ចុះព្រះបរមសារីរិកធាតុ ប្រតិស្ឋាននៅក្នុងជម្ពូទ្វីប ខ្ញុំព្រះករុណា សូមក្រាបថ្វាយបង្គំ នូវព្រះបរមធាតុទាំងឡាយ(ក្នុងព្រះស្តូបទាំង ៨ នោះ) ដែលទេវតានិងមនុស្ស
ទាំងឡាយ តែងបូជា ។
ឯកា ទាឋា តិទសបុរេ ឯកា នាគបុរេ អហុ
ឯកា គន្ធារវិសយេ ឯកា សីហឡទីបកេ
ព្រះទាឋធាតុអង្គ ១ ប្រតិស្ឋាននៅក្នុងឋានត្រៃត្រិង្ស, ព្រះទាឋ-
ធាតុអង្គ ១ ប្រតិស្ឋាននៅក្នុងពិភពនាគ, ព្រះទាឋធាតុអង្គ ១ ប្រតិស្ឋាន នៅក្នុងគន្ធាររដ្ឋ, ព្រះទាឋធាតុអង្គ ប្រតិស្ឋាននៅក្នុងសីហឡទ្វីប ។
ឥមា ចតូសុ ឋានេសុ សត្ថុ ទាឋា បតិដ្ឋិតា
បូជិតា នរទវហិ អហំ វន្ទាមិ ធាតុយោ
ព្រះទាឋធាតុទាំងឡាយនេះ របស់ព្រះបរមសាស្តា ប្រតិស្ឋាននៅ ក្នុងទីទាំងឡាយ ៤ កន្លែង ខ្ញុំព្រះករុណា សូមក្រាបថ្វាយបង្គំនូវព្រះធាតុ ទាំងឡាយ ដែលទេវតានិងមនុស្សទាំងឡាយ តែងបូជា ។
ឧទ្ធំ ទក្ខិណទាឋា ច តាវត្តឹសេ បតិដ្ឋិតា
អធោ ទក្ខិណទាឋា ច សីហឡទីបេ បតិដ្ឋិតា
វាមទាឋា ច ឧទ្ធម្បិ គន្ធាររដ្ឋេ បតិដ្ឋិតា
វាមទាឋា ច អធោបិ នាគលោកេ បតិដ្ឋិតា
បូជិតា នរទេវេហិ អហំ វន្ទាមិ ធាតុយោ ។
ព្រះទាឋធាតុស្តាំខាងលើ ប្រតិស្ឋាននៅក្នុងឋានតាវត្តិង្ស, ព្រះ ទាឋធាតុស្តាំខាងក្រោម ប្រតិស្ឋាននៅក្នុងសីហឡទ្វីប, ព្រះទាឋធាតុឆ្វេងខាងលើ ប្រតិស្ឋាននៅក្នុងដែនគន្ធារៈ, ព្រះទាឋធាតុឆ្វេងខាងក្រោម ប្រតិស្ឋាននៅក្នុងពិភពនាគ ខ្ញុំព្រះករុណា សូមក្រាបថ្វាយបង្គំនូវព្រះធាតុទាំងឡាយ ដែលទេវតានិងមនុស្សទាំងឡាយ តែងបូជា ។
ព្រហ្មលោកេ ទុស្សធាតុ- វាមអក្ខកធាតុយោ
សព្វេ ព្រហ្មាភិបូជេន្តិ ថូបំ ទ្វាទសយោជនំ ។
ព្រះទុស្សធាតុ(១) និងព្រះអក្ខកធាតុខាងឆ្វេង ប្រតិស្ឋាននៅក្នុងព្រហ្មលោក ព្រហ្មទាំងឡាយទាំងអស់គ្នា តែងបូជានូវព្រះស្តូបកម្ពស់ ១២ យោជន៍ ដែលបញ្ចុះនូវព្រះធាតុទាំងនោះ) ។
(១ ព្រះទុស្សធាតុគឺព្រះពស្ត្រដែលព្រះអង្គផ្លាស់ចេញ ហើយទ្រង់សំពត់កាសាវៈដែលឃដិកា- មហាព្រហ្មយកមកថ្វាយ រួចទ្រង់ប្រទានព្រះពស្ត្រនោះទៅឃដិកាមហាព្រហ្ម បានទទួល យកទៅប្រតិស្ឋានឯព្រហ្មលោក)
តាវត្តីសម្ហិ ទេវានំ ចុឡាមណិម្ហិ កេសកំ
សព្វេ ទេវាភិបូជេន្តិ បសន្នា ពុទ្ធសាសនេ
បូជិតា នរទេវេហិ អហំ វន្ទាមិ ធាតុយោ
ទេវតាទាំងឡាយទាំងពួង ដែលជាអ្នកជ្រះថ្លាក្នុងព្រះពុទ្ធសាសនា
តែងបូជានូវព្រះកេសធាតុដែលប្រតិស្ឋាននៅក្នុងចូឡាមណីចេតិយ របស់ទេវតាទាំងឡាយក្នុងឋានត្រៃត្រិង្ស ខ្ញុំព្រះករុណា សូមក្រាបថ្វាយបង្គំ នូវព្រះធាតុទាំងឡាយ ដែលទេវតានិងមនុស្សទាំងឡាយ តែងបូជា ។
ចត្តាឡីស សមា ទន្តា កេសា លោមា នខាបិ ច
ទេវា ហរន្តិ ឯកេកំ ចក្កវាឡបរម្បរា
បូជិតា នរទេវេហិ អហំ វន្ទាមិ ធាតុយោ
ព្រះទន្តធាតុទាំងឡាយ ៤០ គត់ផង ព្រះកេសធាតុទាំងឡាយផង ព្រះលោមធាតុទាំងឡាយផង ព្រះនខធាតុទាំងឡាយផង ទេវតាទាំង-
ឡាយនាំទៅនូវព្រះធាតុមួយអង្គ ៗ កាន់ចក្រវាឡដទៃនិងដទៃ គឺព្រះធាតុ មួយអង្គ ៗ ក្នុងចក្រវាឡមួយ ៗ ខ្ញុំព្រះករុណា សូមក្រាបថ្វាយបង្គំនូវព្រះ ធាតុទាំងឡាយ ដែលទេវតានិងមនុស្សទាំងឡាយ តែងបូជា ។
អដ្ឋារស ទ្វេ វស្សសតេ ធម្មាសោកោ តទា | អាហុ
ចតុរាសីតិសហស្សា ចេតិយា ច ការាបិតា
បូជិតា នរទេវេហិ អហំ វន្ទាមិ ធាតុយោ ។
នាកាលព្រះពុទ្ធសករាជបាន ២១៨ ឆ្នាំ មានព្រះមហាក្សត្រមួយអង្គ ទ្រង់ព្រះនាមធម្មាសោក ក្នុងកាលនោះ ព្រះអង្គបានកសាងព្រះចេតិយ ចំនួន ៨ ម៉ឺន ៤ ពាន់ ខ្ញុំព្រះករុណា សូមក្រាបថ្វាយបង្គំនូវព្រះធាតុទាំងឡាយ (ក្នុងព្រះចេតិយទាំងនោះ ដែលទេវតានិងមនុស្សទាំងឡាយតែងបូជា ។🌹🙏🙏🙏🌹
