នាយកដ្ឋានបរិវត្តកម្មឌីជីថល

04/06/2026

27/05/2026

26/05/2026

ឯកឧត្តមអនុរដ្ឋលេខាធិការ សៀក ឡេង បានអញ្ជើញដឹកនាំកិច្ចប្រជុំពិភាក្សាជាមួយគណៈប្រតិភូធនាគារអភិវឌ្ឍន៍អាស៊ី ‌‎(ADB) អំពីកិច្ចសហប្រតិបត្តិការ‌‎លើវិស័យឌីជីថលនៅក្នុងវិស័យកសិកម្ម
‎
===================
‎
‎នាព្រឹកថ្ងៃទី២១ ខែឧសភា ឆ្នំា២០២៦ ឯកឧត្តម សៀក ឡេង អនុរដ្ឋលេខាធិការទទួលបន្ទុកការងារ‌‎ឌីជីថល នៃក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ចប្រជុំពិភាក្សាជាមួយគ‌‎ណៈប្រតិភូមកពីធនាគារអភិវឌ្ឍន៍អាស៊ី (ADB) និងក្រុមការងារនៃអគ្គនាយដ្ឋានជលផល ដើម្បី‌‎សិក្សាស្វែងយល់អំពីគម្រោងកិច្ចសហប្រតិបត្តិការលើការងារឌីជីថលនៅក្នុងវិស័យកសិកម្ម ជា‌‎ពិសេសចូលរួមចំណែកគាំទ្រដល់ ការអនុវត្តគម្រោងអភិវឌ្ឍន៍អនុវិស័យជលផល។

ក្នុងឱកាសនោះ ឯកឧត្តមអនុរដ្ឋលេខាធិការ បានថ្លែងមតិស្វាគមន៍យ៉ាងកក់ក្តៅ និងបានលើកឡើងនូវចំណុចគន្លឹះៗដែលជាសមិទ្ធផលសម្រេចបានរបស់ក្រសួង រួមមាន ការរៀបចំហេដ្ឋារចនាសម្ព័ន្ធ ការបង្កើត និងរៀបចំនាយកដ្ឋានទទួលបន្ទុកការងារបរិវត្តកម្មឌីជីថល ការអភិវឌ្ឍប្រព័ន្ធឌីជីថល លទ្ធភាព និងវឌ្ឍនភាពនៃការបង្កើតប្រព័ន្ធបច្ចេកវិទ្យាឌីជីថល ដើម្បីគាំទ្រដល់អនុវិស័យជលផល និងកំណត់តម្រូវការធនធានចាំបាច់នានា ដើម្បីជំរុញការងារឌីជីថលរបស់ក្រសួងឱ្យកាន់តែមានប្រសិទ្ធភាពខ្ពស់ និងមាននិរន្តរភាព។

26/05/2026

ឯកឧត្តមអនុរដ្ឋលេខាធិការ សៀក ឡេង បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារប្រចាំខែឧសភា ឆ្នាំ២០២៦ និងលើកទិសដៅអនុវត្តបន្ត របស់នាយកដ្ឋានបរិវត្តកម្មឌីជីថល

====================

នាថ្ងៃទី២៥ ខែឧសភា ឆ្នាំ២០២៦ ឯកឧត្តម សៀក ឡេង អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារប្រចាំខែឧសភា ឆ្នាំ២០២៦ និងលើកទិសដៅអនុវត្តការងាររបស់នាយកដ្ឋានបរិវត្តកម្មឌីជីថល។

កិច្ចប្រជុំនេះ មានការអញ្ជើញចូលរួមពី លោក យៅ វេន ប្រធាននាយកដ្ឋានបរិវត្តកម្មឌីជីថល លោក-លោកស្រីអនុប្រធាននាយកដ្ឋាន លោក-លោកស្រីប្រធាននិងអនុប្រធានការិយាល័យ ព្រមទាំងមន្ត្រីរាជការទាំងអស់នៃនាយកដ្ឋានបរិវត្តកម្មឌីជីថលផងដែរ។

កិច្ចប្រជុំនាឱកាសនេះ ត្រូវបានរៀបចំឡើងក្នុងគោលបំណងពិនិត្យវឌ្ឍនភាពការងារប្រចាំខែឧសភា ឆ្នាំ២០២៦ តាមដាន និងវាយតម្លៃលើលទ្ធផលការងារដែលសម្រេចបាន ព្រមទាំងពិភាក្សាលើបញ្ហាប្រឈម និងទិសដៅការងារបន្តរបស់ការិយាល័យនីមួយៗ សំដៅធានាឱ្យបាននូវប្រសិទ្ធភាពនិងភាពទាន់ពេលវេលាក្នុងការអនុវត្តការងារតាមផែនការបស់នាយកដ្ឋាននិងស្របតាមទិសដៅអភិវឌ្ឍន៍របស់ក្រសួង។

ក្នុងឱកាសដ៏មានអត្ថន័យនោះដែរ ឯកឧត្តមអនុរដ្ឋលេខាធិការ បានថ្លែងនូវការកោតសរសើរ និងវាយតម្លៃខ្ពស់ចំពោះស្មារតីទទួលខុសត្រូវ និងកិច្ចខិតខំប្រឹងប្រែងរបស់ថ្នាក់ដឹកនាំនាយកដ្ឋាន ដែលបានបំពេញភារកិច្ចយ៉ាងសកម្មនាពេលកន្លងមក។ ទន្ទឹមនឹងនេះ ឯកឧត្តមក៏បានផ្តល់នូវអនុសាសន៍ណែនាំគន្លឹះៗមួយចំនួន ដើម្បីតម្រង់ទិសការងារ និងជំរុញការរៀបចំផែនការសកម្មភាព ព្រមទាំងតម្រូវការថវិកាសម្រាប់គាំទ្រដល់ការអនុវត្តនៅឆ្នាំ២០២៧ ឱ្យកាន់តែមានប្រសិទ្ធភាព។

14/05/2026

សូមព្រះបរមរាជានុញ្ញាតសម្តែងនូវព្រះពរជ័យ សិរីវឌ្ឍនា បវរមហាប្រសើរថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជវរោកាសជយោភិរម្យ នៃព្រះរាជពិធីបុណ្យចម្រើនព្រះជន្មគម្រប់ ៧៣ ព្រះវស្សា យាងចូល ៧៤ ព្រះវស្សា។

សូមក្រាបថ្វាយបង្គំថ្វាយនូវព្រះសព្វសាធុការពរជ័យ បវរមហាប្រសើរគ្រប់ប្រការ ប្រកបដោយកតញ្ញូកតវេទិតាធម៌យ៉ាងជ្រាលជ្រៅស្មោះស្ម័គ្របំផុត៕

06/05/2026

ការពង្រឹងសមត្ថភាពផ្នែកឌីជីថលចាំបាច់ដល់មន្ត្រីនៃមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី
======================

នៅថ្ងៃទី៦ ខែឧសភា ឆ្នាំ២០២៦ ក្រុមការងារ ការិយាល័យផែនការយុទ្ធសាស្រ្តឌីជីថល នៃនាយកដ្ឋានបរិវត្តកម្មឌីជីថល បានចុះបង្រៀនដល់មន្រ្តីមន្ទីរ កសិកម្ម រក្ខាប្រមាញ់ និងនេសាទខេត្តមណ្ឌលគិរី អំពីមេរៀនឌីជីថលចាំបាច់មួយចំនួនសម្រាប់ប្រើប្រាស់ដើម្បីសម្រួលដល់ការងារប្រចាំថ្ងៃរបស់ពួកគាត់ឲ្យបានកាន់តែប្រសើរឡើងថែមទៀត។

ការបណ្តុះបណ្តាលនេះត្រូវបានផ្តោតសំខាន់ទៅលើ ១.ការបង្កើត ប្រើប្រាស់ និងគ្រប់គ្រង google account ២.ការប្រើប្រាស់ Google Drive ទាំងនៅលើកុំព្យូទ័រ ទូរសព្ទ កុំព្យូទ័របន្ទះ (Tablet) សម្រាប់រក្សានិងចែករំលែកឯកសារផ្សេងៗ និង ៣. ការស្វែងយល់អំពីការប្រើប្រាស់កម្មវិធីបំប្លែងអត្ថបទ រូបភាពឬសំឡេងផ្សេងៗទៀតទៅតាមភាពចាំបាច់សម្រាប់ការងារប្រចាំថ្ងៃរបស់ខ្លួន ព្រមទាំងការស្វែងពីការការពារសុវត្ថភាពដើម្បីជៀសវាងពីការឆបោកតាមអនឡាញគ្រប់រូបភាព។

05/05/2026

ច្បាប់ស្តីពី ការប្រឆាំងការឆបោកតាមប្រព័ន្ធបច្ចេកវិទ្យា
=====================

ចុចទីនេះដើម្បីមើលឯកសារទាំងស្រុង 👇
https://elibrary.maff.gov.kh/book/69f81178b777c

#ឆបោកតាមអនឡាញ
#ច្បាប់
#ឆបោកតាមប្រព័ន្ធបច្ចេកវិទ្យា

04/05/2026

របាយការណ៍បូកសរុបការងារកសិកម្ម រុក្ខាប្រមាញ់ និងនេសាទឆ្នាំ២០២៥ និងទិសដៅឆ្នាំ២០២៦
====================

ចូលទៅអានឯកសារទាំងស្រុងនៅទីនេះ👇
https://elibrary.maff.gov.kh/book/69f818641dfa3


#របាយការណ៍បូកសរុបការងារកសិកម្ម
#បូកសរុបការងារកសិកម្ម