មន្ទីរពេទ្យមិត្តភាពកម្ពុជា-ចិន ព្រះកុសុមៈ - CCFKH Preah Kossamak Hospital

02/09/2026

ខេត្តកំពង់ឆ្នាំង ថ្ងៃពុធ ៥រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែកញ្ញា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងក្រុមការងារ បានចុះពិនិត្យទីតាំង គម្រោងសាងសង់អគារមន្ទីរពិសោធន៍ នៅមន្ទីរពេទ្យបង្អែកខេត្តកំពង់ឆ្នាំង ដែលមានទទឹង ៥ម៉ែត្រ និងបណ្ដោយ ២៤ម៉ែត្រ តបតាមការអញ្ជើញរបស់ប្រធានមន្ទីរពេទ្យបង្អែកខេត្តកំពង់ឆ្នាំង។

ក្នុងឱកាសនោះ ឯកឧត្តមនាយក និងក្រុមការងារ បានពិនិត្យស្ថានភាពជាក់ស្តែងនៃគម្រោងសាងសង់ ព្រមទាំងពិនិត្យលទ្ធភាព និងតម្រូវការចាំបាច់នានា ដើម្បីធានាឱ្យការអនុវត្តគម្រោងប្រព្រឹត្តទៅប្រកបដោយគុណភាព សុវត្ថិភាព និងស្របតាមតម្រូវការបច្ចេកទេសរបស់មន្ទីរពេទ្យ។

ជាមួយគ្នានេះ ឯកឧត្តមនាយក និងក្រុមការងារ ក៏បានចុះសួរសុខទុក្ខអ្នកជំងឺគ្រុនឈាម ដែលកំពុងសម្រាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង ព្រមទាំងបានសាកសួរអំពីស្ថានភាពសុខភាព ការថែទាំ និងការផ្តល់សេវាព្យាបាលរបស់ក្រុមគ្រូពេទ្យ និងបុគ្គលិកសុខាភិបាល។

ក្នុងឱកាសនោះដែរ ឯកឧត្តមនាយក បានផ្តល់ Catecther 22 ចំនួន 1,000, Catecther 24 ចំនួន 1,000 និង Serum D5% ចំនួន 1,000 កំផ្លោក សម្រាប់បម្រើការថែទាំ និងព្យាបាលអ្នកជំងឺគ្រុនឈាម ជូនដល់មន្ទីរពេទ្យបង្អែកខេត្តកំពង់ឆ្នាំង ដើម្បីចូលរួមគាំទ្រ និងពង្រឹងសមត្ថភាពរបស់មន្ទីរពេទ្យក្នុងការផ្តល់សេវាថែទាំ និងព្យាបាលអ្នកជំងឺគ្រុនឈាមប្រកបដោយប្រសិទ្ធភាព។

សកម្មភាពខាងលើ ឆ្លុះបញ្ចាំងពីការយកចិត្តទុកដាក់របស់ថ្នាក់ដឹកនាំមន្ទីរពេទ្យ ក្នុងការចូលរួមពង្រឹងហេដ្ឋារចនាសម្ព័ន្ធសុខាភិបាល គាំទ្រដល់ការអភិវឌ្ឍសមត្ថភាពផ្នែកមន្ទីរពិសោធន៍ និងលើកកម្ពស់គុណភាព ប្រសិទ្ធភាពនៃការផ្តល់សេវាថែទាំ និងព្យាបាលជំងឺ ជាពិសេសការឆ្លើយតបចំពោះជំងឺគ្រុនឈាម ដើម្បីរួមចំណែកក្នុងការថែរក្សា និងលើកកម្ពស់សុខភាពប្រជាពលរដ្ឋ។

#មន្ទីរពេទ្យមិត្តភាពកម្ពុជាចិនព្រះកុសុម
#មន្ទីរពេទ្យបង្អែកខេត្តកំពង់ឆ្នាំង
#ក្រសួងសុខាភិបាល

31/08/2026

ថ្នាក់ដឹកនាំ មន្រ្តីរាជការ ព្រមទាំងបុគ្គលិកនៃមន្ទីរពេទ្យមិត្តភាពកម្ពុជា-ចិន ព្រះកុសុមៈផ្ញើសារលិខិតរំលែកទុក្ខ ជូនចំពោះ លោកជំទាវ សុខ កែវ ព្រមទាំងក្រុមគ្រួសារ ចំពោះមរណភាពរបស់ ឯកឧត្តមបណ្ឌិតសភាចារ្យ ច័ន្ទ សារុន សមាជិករដ្ឋសភា និងជាអតីតរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលមរណភាព នៅថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ វេលាម៉ោង ១២:២៩ នាទី រំលងអធ្រាត្រ ក្នុងជន្មាយុ ៨១ឆ្នាំ ដោយជរាពាធ។

31/08/2026

រាជធានីភ្នំពេញ ថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងសហការី បានទទួលជួប សំណេះសំណាលជាមួយគណៈប្រតិភូគណៈកម្មការសុខភាពប្រជាជនចិន នៃសាធារណរដ្ឋប្រជាមានិតចិន ក្នុងគោលបំណងស្វែងយល់នូវវឌ្ឍនភាព និងពង្រឹងចំណងមិត្តភាព និងកិច្ចសហប្រតិបត្តិការក្នុងវិស័យសុខាភិបាលរវាងកម្ពុជា និងចិន។

ក្នុងឱកាសសំណេះសំណាលនេះ ឯកឧត្តមនាយកបានជម្រាបជូនដោយសង្ខេបអំពីប្រវត្តិ មន្ទីរពេទ្យព្រះកុសុម: និងដំណើរការវិវត្ត របស់មន្ទីរពេទ្យ ចាប់តាំងពីការកកើតរហូតដល់ការទទួលបានអាគារថ្មីជាជំនួយឥតសំណងពីរដ្ឋាភិបាលនិងប្រជាជនចិន បានសម្ពោធដាក់ឱ្យប្រើប្រាស់ក្នុងឆ្នាំ២០២២។​ ឯកឧត្តមនាយកបានគូសបង្ហាញពីស្ថានភាពអគារចាស់ដែលសាងសង់តាំងពីឆ្នាំ១៩៥៣ និងការចុះ វាយតម្លៃលទ្ធភាពប្រើប្រាស់ ដោយក្រុមការងារជំនាញរបស់ក្រសួងរៀបចំដែនដី នគរូបនីយកម្ម និងសំណង់ ព្រមទាំងដើម្បីជំរុះចោល និង តម្រូវការចាំបាច់ នូវអាគារមន្ទីរពេទ្យថ្មី ព្រមទាំងរំលេច សម្មផល យ៉ាងធំធេងមិនអាចកាត់ថ្លៃបាន បន្ទាប់ ពីសម្ភោធអគារថ្មី លទ្ធផលការងាររបស់ក្រុមគ្រូពេទ្យវេជ្ជសាស្ត្រឱសថបុរាណចិនទាំង ៥ ក្រុម ដែលបានមកបំពេញបេសកកម្ម និងផ្តល់សេវានៅមន្ទីរពេទ្យ។

ជាកិច្ចបន្ទាប់ គណៈប្រតិភូគណៈកម្មការសុខភាពប្រជាជនចិន នៃសាធារណរដ្ឋប្រជាមានិតចិន បានសម្តែងនូវការកោតសរសើរ និងវាយតម្លៃខ្ពស់ចំពោះសមិទ្ធផល និងវឌ្ឍនភាពរបស់មន្ទីរពេទ្យមិត្តភាពកម្ពុជា-ចិន ព្រះកុសុមៈ ជាពិសេសការគ្រប់គ្រង និងប្រើប្រាស់ហេដ្ឋារចនាសម្ព័ន្ធសុខាភិបាល ការលើកកម្ពស់គុណភាព និងប្រសិទ្ធភាពនៃការផ្តល់សេវា ព្រមទាំងការអភិវឌ្ឍសមត្ថភាពធនធានមនុស្ស។ គណៈប្រតិភូបានវាយតម្លៃថា សមិទ្ធផលទាំងនេះឆ្លុះបញ្ចាំងពីប្រសិទ្ធភាពនៃកិច្ចសហប្រតិបត្តិការដ៏ជិតស្និទ្ធរវាងកម្ពុជា និងចិន ក្នុងវិស័យសុខាភិបាល និងបានបញ្ជាក់ពីការបន្តពង្រឹង និងពង្រីកកិច្ចសហប្រតិបត្តិការ។

ជាទីបញ្ចប់ ភាគីទាំងពីរបានថ្លែងអំណរគុណ និងសម្តែងនូវការកោតសរសើរចំពោះកិច្ចសហប្រតិបត្តិការដ៏ល្អប្រសើរ និងការគាំទ្រគ្នាទៅវិញទៅមកកន្លងមក ព្រមទាំងបានបញ្ជាក់ពីសារៈសំខាន់នៃការបន្តពង្រឹង និងពង្រីកកិច្ចសហប្រតិបត្តិការ ក្នុងវិស័យសុខាភិបាល ឱ្យកាន់តែមានប្រសិទ្ធភាព និងប្រសិទ្ធផល។ ភាគីទាំងពីរបានឯកភាពគ្នាថា កិច្ចសហប្រតិបត្តិការនេះបានផ្តល់នូវផលប្រយោជន៍ជាក់ស្តែង តាមរយៈការគាំទ្រផ្នែកហេដ្ឋារចនាសម្ព័ន្ធ ការផ្លាស់ប្តូរចំណេះដឹង និងបទពិសោធន៍ ការផ្ទេរបច្ចេកទេស និងការពង្រឹងសមត្ថភាពធនធានមនុស្ស ដែលបានរួមចំណែកជាវិជ្ជមានដល់ការលើកកម្ពស់គុណភាព និងប្រសិទ្ធភាពសេវាសុខាភិបាល ព្រមទាំងសុខភាព និងសុខុមាលភាពប្រជាជនកម្ពុជា និងចំណងមិត្តភាពដ៏រឹងមាំរវាងកម្ពុជា និងចិន។

#មន្ទីរពេទ្យមិត្តភាពកម្ពុជាចិនព្រះកុសុម
#ក្រសួងសុខាភិបាល

31/08/2026

29/08/2026

ខេត្តបន្ទាយមានជ័យ ថ្ងៃសៅរ៍ ១រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែសីហា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងក្រុមការងារ
ដឹកនាំក្រុមគ្រូពេទ្យឱសថបុរាណចិន ជំងឺចក្ខុរោគ និងជំងឺទឹកនោមផ្អែម ចុះពិនិត្យ និងព្យាបាលជំងឺនៅមន្ទីរពេទ្យបង្អែកស្រុកស្វាយចេក។

សកម្មភាពនេះ មានការចូលរួមពី ឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ ឯកឧត្តមវេជ្ជបណ្ឌិត ឡេ ចន្ទសង្វាត ប្រធានមន្ទីរសុខាភិបាលនៃរដ្ឋបាលខេត្តបន្ទាយមានជ័យ លោក ដា ទឹង ប្រធានក្រុមប្រឹក្សាស្រុកស្វាយចេក លោក ស៊ុត ង៉ុយ អភិបាលនៃគណៈអភិបាលស្រុកស្វាយចេក លោក សុិន ម៉ាណូ ប្រធានមន្ទីរពេទ្យបង្អែកស្រុកស្វាយចេក ព្រមទាំងក្រុមការងារ និងមន្ត្រីសុខាភិបាលពាក់ព័ន្ធ។

ក្នុងសកម្មភាពចុះពិនិត្យ ពិគ្រោះ និងព្យាបាលជំងឺនៅមន្ទីរពេទ្យបង្អែកស្រុកស្វាយចេក ក្រុមគ្រូពេទ្យជំនាញបានផ្តល់សេវាសុខាភិបាលជូនប្រជាពលរដ្ឋដោយឥតគិតថ្លៃ សរុបចំនួន ៥៤១រូប ក្នុងនោះ ផ្នែកចាក់ម្ជុលវិទ្យាសាស្ត្របុរាណចិន ចំនួន ២៧៥រូប ផ្នែកជំងឺចក្ខុរោគ ចំនួន ២១៥រូប និងផ្នែកជំងឺទឹកនោមផ្អែម ចំនួន ៥១រូប។ សកម្មភាពនេះ គឺជាការចូលរួមចំណែកក្នុងការអនុវត្តគោលនយោបាយ និងទិសដៅអាទិភាពរបស់រាជរដ្ឋាភិបាល និងក្រសួងសុខាភិបាល ក្នុងការលើកកម្ពស់សុខុមាលភាពប្រជាពលរដ្ឋ ពង្រឹងប្រព័ន្ធសុខាភិបាល និងពង្រីកលទ្ធភាពទទួលបានសេវាពិនិត្យ ពិគ្រោះ និងព្យាបាលជំងឺប្រកបដោយគុណភាព ប្រសិទ្ធភាព និងសមធម៌ ជាពិសេស ការពង្រឹងកិច្ចសហការរវាងស្ថាប័នសុខាភិបាលថ្នាក់ជាតិ និងថ្នាក់ក្រោមជាតិ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ។

ជាមួយគ្នានេះ មន្ទីរសុខាភិបាលនៃរដ្ឋបាលខេត្តបន្ទាយមានជ័យ បានរៀបចំ និងប្រគល់បណ្ណសរសើរ ជូនក្រុមគ្រូពេទ្យ ដើម្បីសម្តែងនូវការកោតសរសើរ និងការថ្លែងអំណរគុណចំពោះការខិតខំប្រឹងប្រែង លះបង់កម្លាំងកាយចិត្ត និងការចូលរួមផ្តល់សេវាពិនិត្យ ពិគ្រោះ និងព្យាបាលជំងឺដោយឥតគិតថ្លៃ ជូនប្រជាពលរដ្ឋនៅមូលដ្ឋាន។ ការផ្តល់បណ្ណសរសើរនេះ ជាការលើកទឹកចិត្តដល់ក្រុមគ្រូពេទ្យ និងជំរុញឱ្យបន្តចូលរួមក្នុងបេសកកម្មសុខាភិបាល ដើម្បីបម្រើប្រជាពលរដ្ឋប្រកបដោយវិជ្ជាជីវៈ គុណភាព និងស្មារតីទទួលខុសត្រូវ។

#មន្ទីរពេទ្យមិត្តភាពកម្ពុជាចិនព្រះកុសុម
#មន្ទីរសុខាភិបាលខេត្តបន្ទាយមានជ័យ
#ក្រសួងសុខាភិបាល

26/08/2026

រាជធានីភ្នំពេញ ថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងសហការី បានសហការជាមួយក្រុមការងារអគ្គនាយកដ្ឋានសំណង់ នៃក្រសួងរៀបចំដែនដី នគរូបនីយកម្ម និងសំណង់ ចុះពិនិត្យ និងវាយតម្លៃស្ថានភាពអគារសង្ឃពេទ្យកុសុមៈ ដើម្បីពិនិត្យលើស្ថានភាពបច្ចេកទេស សុវត្ថិភាព និងភាពរឹងមាំរបស់អគារ។

ការចុះពិនិត្យនេះ មានគោលបំណងប្រមូលព័ត៌មាន និងវាយតម្លៃជាក់ស្តែងអំពីស្ថានភាពអគារ ពីលទ្ធភាពប្រើប្រាស់និងរុះរើអគារ សម្រាប់ត្រៀមផ្ទៃដីសាង់សងអគារមន្ទីរពេទ្យថ្មី ដែលកំពុងសិក្សាគម្រោងប្លង់សាងសង ព្រមទាំងកំណត់នូវតម្រូវការចាំបាច់សម្រាប់ការជួសជុល កែលម្អ ឬរៀបចំផែនការអភិវឌ្ឍបន្ថែម ឱ្យស្របតាមលក្ខណៈបច្ចេកទេស និងស្តង់ដារសុវត្ថិភាព។

សកម្មភាពនេះ ជាផ្នែកមួយនៃការយកចិត្តទុកដាក់របស់មន្ទីរពេទ្យ ក្នុងការថែរក្សា និងលើកកម្ពស់គុណភាពហេដ្ឋារចនាសម្ព័ន្ធ ដើម្បីធានាបាននូវសុវត្ថិភាពអ្នកជំងឺ។

#មន្ទីរពេទ្យមិត្តភាពកម្ពុជាចិនព្រះកុសុម:
#ក្រសួងសុខាភិបាល

18/08/2026

តើអ្នកគេងស្រមុកខ្លាំង ភ្ញាក់ឡើងដោយថប់ដង្ហើម ឬនៅតែមានអារម្មណ៍ងងុយគេងនៅពេលព្រឹកមែនទេ? ទាំងនេះអាចជាសញ្ញានៃជំងឺស្ទះផ្លូវដង្ហើមពេលគេង (Sleep Apnea) ដែលអាចបង្កផលប៉ះពាល់ធ្ងន់ធ្ងរដល់បេះដូង ខួរក្បាល និងសុខភាពទូទៅ។

មន្ទីរពេទ្យមិត្តភាពកម្ពុជា-ចិន ព្រះកុសុមៈ បានបើកដំណើរការ «បន្ទប់ពិនិត្យ និងវិភាគការគេង (Polysomnography Room)» ដែលបំពាក់ដោយបច្ចេកវិទ្យាទំនើប មានបរិយាកាសស្ងប់ស្ងាត់ និងផាសុកភាព ក្រោមការតាមដានដោយក្រុមគ្រូពេទ្យជំនាញ។

📍 ទីតាំង៖ មន្ទីរពេទ្យមិត្តភាពកម្ពុជា-ចិន ព្រះកុសុមៈ (ពេទ្យលោកសង្ឃ)
📞 ទំនាក់ទំនងកក់ការពិគ្រោះយោបល់៖ [099 504 806/016 644 557]

#ជំងឺស្ទះផ្លូវដង្ហើមពេលគេង

14/08/2026

ខេត្តព្រៃវែង ថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងក្រុមការងារ បានចុះពិនិត្យវឌ្ឍនភាពនៃការជួសជុលអគារផ្នែករោគកុមារ និងផ្នែកសង្គ្រោះបន្ទាន់ នៅមន្ទីរពេទ្យបង្អែកខេត្តព្រៃវែង។

ក្នុងឱកាសនេះ ឯកឧត្តមនាយក និងក្រុមការងារ បានពិនិត្យដោយផ្ទាល់លើវឌ្ឍនភាពការងារសាងសង់ ស្តង់ដារបច្ចេកទេស គុណភាពសំណង់ និងការរៀបចំហេដ្ឋារចនាសម្ព័ន្ធពាក់ព័ន្ធ ដើម្បីធានាថា អគារទាំងនេះអាចឆ្លើយតបបានប្រកបដោយប្រសិទ្ធភាពទៅនឹងតម្រូវការផ្តល់សេវាសុខាភិបាលជូនប្រជាពលរដ្ឋ។

ជាមួយគ្នានេះ ក្នុងអំឡុងពេលចុះពិនិត្យ ឯកឧត្តមនាយកបានជួបប្រទះអ្នកជំងឺចំនួន ២ នាក់ ដែលមានសភាពធ្ងន់ធ្ងរ និងតម្រូវឱ្យទទួលបានការព្យាបាលដោយក្រុមគ្រូពេទ្យជំនាញ។ ដោយយកចិត្តទុកដាក់លើសុវត្ថិភាព និងការទទួលបានសេវាព្យាបាលទាន់ពេលវេលារបស់អ្នកជំងឺ ឯកឧត្តមនាយកបានសម្រេចសម្របសម្រួលបញ្ជូនអ្នកជំងឺទាំង ២ នាក់ មកកាន់មន្ទីរពេទ្យមិត្តភាពកម្ពុជា-ចិន ព្រះកុសុមៈ ដើម្បីបន្តការពិនិត្យ និងព្យាបាលដោយក្រុមគ្រូពេទ្យជំនាញ។

#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកខេត្តព្រៃវែង
#ក្រសួងសុខាភិបាល

13/08/2026

ខេត្តពោធិ៍សាត់ ថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងក្រុមការងារ បានអញ្ជើញសំណេះសំណាល និងទស្សនកិច្ចនៅមន្ទីរពេទ្យបង្អែកស្រុកក្រគរ ខេត្តពោធិ៍សាត់ ដោយទទួលបដិសណ្ឋារកិច្ចយ៉ាងកក់ក្តៅពីលោកវេជ្ជ. ឯកទេស កែម ផារិទ្ធ ប្រធានមន្ទីរពេទ្យ និងក្រុមគ្រូពេទ្យ។

ក្នុងឱកាសនេះ ឯកឧត្តមនាយក និងក្រុមការងារ បានសំណេះសំណាលជាមួយថ្នាក់ដឹកនាំ និងបុគ្គលិកសុខាភិបាល ព្រមទាំងទស្សនកិច្ច និងស្វែងយល់អំពីស្ថានភាពការងារ ការផ្តល់សេវាសុខាភិបាល និងតម្រូវការជាក់ស្តែងរបស់មន្ទីរពេទ្យ។

កិច្ចសំណេះសំណាល និងទស្សនកិច្ចនេះ គឺជាឱកាសដ៏មានសារៈសំខាន់សម្រាប់ការផ្លាស់ប្តូរបទពិសោធន៍ ពង្រឹងទំនាក់ទំនង និងកិច្ចសហការរវាងមន្ទីរពេទ្យមិត្តភាពកម្ពុជា-ចិន ព្រះកុសុមៈ និងមន្ទីរពេទ្យបង្អែកស្រុកក្រគរ ដើម្បីរួមគ្នាលើកកម្ពស់គុណភាព ប្រសិទ្ធភាព និងប្រសិទ្ធផលនៃការផ្តល់សេវាសុខាភិបាល ជាពិសេសឆ្លើយតបទៅនឹងតម្រូវការរបស់ប្រជាពលរដ្ឋនៅមូលដ្ឋាន។

#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកស្រុកក្រគរខេត្តពោធិ៍សាត់
#មន្ទីរសុខាភិបាលខេត្តពោធិ៍សាត់
#ក្រសួងសុខាភិបាល

11/08/2026

ខេត្តកំពង់ស្ពឺ ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងក្រុមការងារ បានជូនលោកវេជ្ជបណ្ឌិត YUAN ZHI ប្រធានមជ្ឈមណ្ឌលផ្លាស់ប្តូរអន្តរជាតិឱសថបុរាណចិនខេត្តស៊ីឈ័ន មកទស្សនកិច្ចសួនរុក្ខជាតិឱសថ នៅមជ្ឍមណ្ឌលជាតិស្រាវជ្រាវវេជ្ជសាស្ត្របុរាណ ដើម្បីសិក្សាស្វែងយល់ពីសួនរុក្ខជាតិឱសថ។

មន្ទីរពេទ្យមិត្តភាពកម្ពុជា-ចិន ព្រះកុសុមៈ នឹងបន្តពង្រឹង និងពង្រីកកិច្ចសហប្រតិបត្តិការជាមួយស្ថាប័នជំនាញ និងដៃគូអន្តរជាតិ ដើម្បីលើកកម្ពស់ការផ្លាស់ប្តូរចំណេះដឹង បច្ចេកវិទ្យា និងបទពិសោធន៍វិជ្ជាជីវៈ រួមចំណែកពង្រឹងគុណភាពសេវាសុខាភិបាល និងសុខុមាលភាពប្រជាពលរដ្ឋ។

#មន្ទីរពេទ្យមិត្តភាពកម្ពុជាចិនព្រះកុសុមៈ