អគ្គលេខាធិការដ្ឋានក្រុមប្រឹក្សាធម្មនុញ្ញ

04/06/2026

ព្រះរាជសារព្រះករុណា​ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​ ​ នៃព្រះរាជាណាចក្រកម្ពុជា​ ជាទីគោរពសក្ការៈដ៏ខ្ពង់ខ្ពស់បំផុត ប្រោសព្រះរាជទានលិខិតថ្លែងអំណរគុណជូន ឯកឧត្តម ហុី សោភា ប្រធានក្រុមប្រឹក្សាធម្មនុញ្ញ​ ក្រោយពេលឯកឧត្តមប្រធានបានក្រាបបង្គំទូលថ្វាយ​លិខិតថ្វាយព្រះពរនៅក្នុងឱកាសនៃព្រះរាជពិធីបុណ្យចម្រើនព្រះជន្មវស្សាគម្រប់ ៧៣ព្រះវស្សា យាងចូល ៧៤ព្រះវស្សា របស់ព្រះអង្គ។

03/06/2026

ញត្តិគាំទ្ររបស់ក្រុមប្រឹក្សាធម្មនុញ្ញ​នៃព្រះរាជាណាចក្រកម្ពុជា​ចំពោះ​ចំណាត់ការរបស់រាជរដ្ឋាភិបាលកម្ពុជា
ក្នុងការដោះស្រាយបញ្ហាដែនសមុទ្រដោយសន្តិវិធី ស្របតាមច្បាប់អន្តរជាតិ

Motion of the Constitutional Council of the Kingdom of Cambodia Supporting the Royal Government of Cambodia’s Measures to Resolve Maritime Boundary Claims Peacefully and in Accordance with International Law

Motion du Conseil constitutionnel du Royaume du Cambodge soutenant les mesures prises par le Gouvernement royal du Cambodge en vue du règlement pacifique des revendications relatives aux frontières maritimes conformément au droit international

29/05/2026

នៅព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ វេលាម៉ោង ០៨:៣០ នាទី នាសាលសន្និសីទក្រុមប្រឹក្សាធម្មនុញ្ញ អគារ ស វិមានរដ្ឋចំការមន ដោយទទួលបានការអនុញ្ញាតដ៏ខ្ពង់ខ្ពស់បំផុតពីសំណាក់ឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញ ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ និងសហការី បានទទួលជួបនិស្សិតផ្នែកនីតិសាស្ត្រ នៃសាកលវិទ្យាល័យន័រតុន សរុបប្រមាណ ៨០រូប ដឹកនាំដោយឯកឧត្តម យិន សុភី ប្រធានផ្នែកនីតិសាស្រ្ត នៃសាកលវិទ្យាល័យន័រតុន ដែលអញ្ជើញមកធ្វើទស្សនកិច្ចសិក្សាស្វែងយល់អំពីយន្តការនៃការបកស្រាយច្បាប់របស់ក្រុមប្រឹក្សាធម្មនុញ្ញ។
ដើម្បីឆ្លើយតបទៅនឹងប្រធានបទដែលថ្នាក់ដឹកនាំសាកលវិទ្យាល័យ ព្រមទាំងប្រតិភូនិស្សិតចង់មកសិក្សារៀនសូត្រ និងឈ្វេងយល់បន្ថែម ឯកឧត្តមអគ្គលេខាធិការនៃក្រុមប្រឹក្សាធម្មនុញ្ញ បានផ្តល់កិត្តិយសដ៏ខ្ពង់​ខ្ពស់ធ្វើបទបង្ហាញដោយផ្ទាល់លើប្រធានបទស្តីពី “ក្រុមប្រឹក្សាធម្មនុញ្ញនៃព្រះរា​ជាណាចក្រកម្ពុជា” ជូនប្រតិភូនិស្សិត។ ឯកឧត្តមអគ្គលេខាធិការបានធ្វើបទបង្ហាញជូនដល់ប្រតិភូនិស្សិតអំពីសមាសភាព និងសមត្ថកិច្ចរបស់ក្រុមប្រឹក្សាធម្មនុញ្ញ ជាពិសេស អំពីយន្តការ និងប្រវត្តិនៃការបង្កើតប្រព័ន្ធត្រួតពិនិត្យធម្មនុញ្ញភាពដំបូងនៅក្នុសកលលោក ។
ក្នុងឱកាសដ៏វិសេសវិសាលនេះ ឯកឧត្តម យិន សុភី ប្រធានផ្នែកនីតិសាស្ត្រ នៃសាកលវិទ្យាល័យន័រតុន បានថ្លែងអំណរគុណយ៉ាងជ្រាលជ្រៅបំផុតជូនឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញ ដែលបានអនុញ្ញាតដ៏ខ្ពង់ខ្ពស់ឱ្យថ្នាក់ដឹកនាំសាកលវិទ្យាល័យ និងប្រតិភូនិស្សិតនៃពីសាកលវិទ្យាល័យន័រតុន បានមកធ្វើទស្សនកិច្ចសិក្សានៅក្រុមប្រឹក្សាធម្មនុញ្ញ និងបានថ្លែងអំណរគុណជាពិសេស​ចំពោះ ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ ដែលធ្វើបទបង្ហាញយ៉ាងពិស្តារអំពីក្រុមប្រឹក្សាធម្មនុញ្ញ។
បន្ទាប់ពីបញ្ចប់ការធ្វើបទបង្ហាញ និងវគ្គសំណួរ-ចម្លើយ និងបន្ទាប់ពីទស្សនាសាលសវនាការរបស់ក្រុមប្រឹក្សាធម្មនុញ្ញ ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ បានផ្តល់កិត្តិយសដឹកនាំប្រតិភូនៃសាកលវិទ្យាល័យន័រតុន​ទៅទស្សនាវិមានរដ្ឋធម្មនុញ្ញ ដោយ​ផ្ទាល់។

29/05/2026

https://freshnews.com.kh/localnews/429354-2026-05-29-12-04-37

(ភ្នំពេញ)៖ តបតាមការអំពាវនាវរបស់ មូលនិធិគន្ធបុប្ផាកម្ពុជា ដែលមានសម្ដេចមហាបវរធិបតី ហ៊ុនម៉ាណែត នាយករដ្ឋមន្ត.....

28/05/2026

នៅព្រឹកថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ វេលាម៉ោង ០៨:៣០ នាទី គោរពតាមការចាត់តាំងដ៏ខ្ពង់ខ្ពស់របស់ឯកឧត្តម ហុី សោភា ប្រធានក្រុមប្រឹក្សាធម្មនុញ្ញ ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ និងលោកជំទាវ បាននាំយកថវិការបស់ឯកឧត្តមប្រធាន និងលោកជំទាវ ព្រមទាំងថវិកាដែលបានចូលរួមពីសំណាក់ ឯកឧត្តម លោកជំទាវ សមាជិក សមាជិកាក្រុមប្រឹក្សាធម្មនុញ្ញ ថ្នាក់ដឹកនាំ មន្ត្រីរាជការ ភ្នាក់ងារជាតិជាប់កិច្ចសន្យា នៃអគ្គលេខាធិការដ្ឋាន និងខុទ្ទកាល័យ បរិច្ចាគដល់មូលនិធិគន្ធបុប្ផាកម្ពុជា ក្នុងពិធី “ បើកយុទ្ធនាការ ១ម៉ឺនរៀល ១ម៉ឺននាក់ ” ឆ្នាំ២០២៦ និង “ ពិធីសំណេះសំណាលជាមួយគណៈកម្មការទ្រទ្រង់មូលនិធិគន្ធបុប្ផាកម្ពុជា ” ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា នៅសណ្ឋាគារ Raffles Hotel Le Royal Phnom Penh ។

19/05/2026

ឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញ​ នៃព្រះរាជាណាចក្រកម្ពុជា ផ្ញើ​លិខិតជូនពរ គោរពជូនសម្តេចអគ្គមហាពញាចក្រី ហេង សំរិន ប្រធានកិត្តិយស នៃក្រុមឧត្តមប្រឹក្សាផ្ទាល់​ព្រះមហាក្សត្រ ក្នុងឱកាស​ទិវា​អាយុវឌ្ឍនមង្គលគម្រប់ ៩២ឆ្នាំ ឈានចូល ៩៣ឆ្នាំ។

18/05/2026

តបតាមការអញ្ជើញរបស់ក្រសួងការបរទេសនៃសាធារណរដ្ឋប្រជាមានិតចិន និងដោយទទួលបានការអនុញ្ញាតដ៏ខ្ពង់ខ្ពស់ពីសំណាក់ឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញ លោកជំទាវ ខែក កែមាលីស៊ីសូដា សមាជិកាក្រុមប្រឹក្សាធម្មនុញ្ញ និងជាអតីតឯកអគ្គរាជទូតកម្ពុជាប្រចាំសាធារណរដ្ឋប្រជាមានិតចិន បានអញ្ជើញចូលរួមទទួលមេដាយក្នុង “ពិធីប្រគល់មេដាយឯកអគ្គរាជទូត ឯកអគ្គរដ្ឋទូតឆ្នើម” ជាលើកដំបូង ដែលបានប្រព្រឹត្តទៅនៅថ្ងៃទី១៨ ខែឧសភា ឆ្នាំ២០២៦ នារដ្ឋធានីប៉េកាំង នៃសាធារណរដ្ឋប្រជាមានិតចិន ក្រោមអធិបតីភាពដ៏ខ្ពង់ខ្ពស់ឯកឧត្តម វ៉ាង យី (WANG YI) រដ្ឋមន្ត្រីក្រសួងការបរទេសនៃសាធារណរដ្ឋប្រជាមានិតចិន។ នៅក្នុងពិធីនេះមានអតីតឯកអគ្គរាជទូត អតីតឯកអគ្គរដ្ឋទូត ចំនួន០៨រូប ដែលទទួលបានមេដាយឯកអគ្គរាជទូត ឯកអគ្គរដ្ឋទូតឆ្នើម ក្នុងនោះរួមមានមកពីសហព័ន្ធរុស្ស៊ី, ព្រះរាជាណាចក្រកម្ពុជា, សាធារណរដ្ឋឥស្លាមប៉ាគីស្ថាន, សាធារណរដ្ឋកាហ្សាក់ស្ថាន, ព្រះរាជាណាចក្រអារ៉ាប៊ីសាអ៊ូឌីត, សាធារណរដ្ឋឆាដ, សាធារណរដ្ឋកូឡុំប៊ី និងសាធារណរដ្ឋអ៊ុយរ៉ាហ្គាយ។

បើតាមក្រសួងការបរទេសនៃសាធារណរដ្ឋប្រជាមានិតចិន ពិធីនេះគឺជាពិធីលើកដំបូង ដែលប្រារព្ធឡេីងដើម្បីជាការតបស្នងចំពោះគុណបំណាច់របស់បណ្តាឯកអគ្គរាជទូត ឯកអគ្គរដ្ឋទូតនៃបណ្តាប្រទេសនានាប្រចាំសាធារណរដ្ឋប្រជាមានិតចិន ដែលកន្លងមកបានរួមចំណែកយ៉ាងឧត្តុង្គឧត្តមក្នុងការលើកកម្ពស់ទំនាក់ទំនងទ្វេភាគី និងកិច្ចសហប្រតិបត្តិការពហុភាគីជាមួយសាធារណរដ្ឋប្រជាមានិតចិន។

14/05/2026

សូមក្រាបបង្គំទូលថ្វាយព្រះរាជសព្ទសាធុការពរ បវរមហាប្រសើរ ថ្វាយព្រះករុណា​ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ ​នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងវរោកាសព្រះរាជពិធីបុណ្យចម្រើនព្រះជន្មាយុ គម្រប់ ៧៣ យាងចូល ៧៤ ព្រះវស្សា សូមព្រះអង្គប្រកបដោយព្រះរាជសុខភាពល្អបរិបូរណ៍គ្រប់ប្រការ និងមានព្រះជន្មាយុយឺនយូរ ដើម្បីស្តេចគង់ប្រថាប់ជាម្លប់ពោធិសម្ភារដ៏ត្រជាក់ត្រជំនៃប្រជាជាតិខ្មែរ ជាអង្វែងតទៅ។

12/05/2026

សារថ្វាយព្រះពររបស់ឯកឧត្តម ហុី សោភា ប្រធានក្រុមប្រឹក្សាធម្មនុញ្ញ ក្រាបបង្គំទូលថ្វាយព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៧៣ យាងចូល ៧៤ ព្រះវស្សា។

07/05/2026

Statement
of the Constitutional Council of the Kingdom of Cambodia